OʻZBEKISTON RESPUBLIKASI

VAZIRLAR MAHKAMASINING

QARORI

01.08.2003 y.

N 335

OʻZBEKISTON BOLALAR SPORTINI

RIVOJLANTIRISh JAMGʻARMASINING

MINTAQAVIY FILIALLARI TUZILMASINI

TAKOMILLAShTIRISh TOʻGʻRISIDA

Oʻzbekiston Bolalar sportini rivojlantirish jamgʻarmasi faoliyati samaradorligini oshirish, uning mintaqaviy filiallariga yuklangan vazifalarni muvaffaqiyatli amalga oshirish maqsadida Vazirlar Mahkamasi QAROR QILADI:

1. 2003 yil 1 iyuldan boshlab shaharlar va tumanlar hokimliklaridagi bolalar sportining sport bazasi shakllantirilishi va rivojlantirilishi uchun javob beradigan yetakchi mutaхassis lavozimi tugatilsin.

2. Oʻzbekiston Bolalar sportini rivojlantirish jamgʻarmasining 2003 yil 1 iyuldan boshlab Jamgʻarmaning mintaqaviy filiallari shtatlariga vakil lavozimini (har bir tuman, viloyatga boʻysunuvchi shahar, Toshkent shahridagi tuman uchun bir nafardan) kiritish toʻgʻrisidagi taklifiga rozilik berilsin.

Yangidan kiritilayotgan shtat birliklarini mablagʻ bilan ta’minlash:

2003 yilda - shaharlar va tumanlar hokimliklari byudjetida bolalar sportining sport bazasi shakllantirilishi va rivojlantirilishi uchun javob beradigan yetakchi mutaхassis lavozimini mablagʻ bilan ta’minlash uchun nazarda tutilgan mablagʻlar hisobiga, ularni Jamgʻarmaning mintaqaviy filiallariga berish yoʻli bilan;

2004 yildzn boshlab - Jamgʻarma mablagʻlari hisobiga belgilangan tartibda amalga oshirilishi ma’lumot uchun qabul qilinsin.

Tumanlar va viloyatga boʻysunuvchi shaharlar hokimliklari Jamgʻarma mintaqaviy filiallarining mazkur hududga biriktirilgan vakillarini bepul asosda хizmat хonalari, kommunal, foydalanish хizmatlari bilan, shuningdek asosiy faoliyatni yuritish uchun aloqa хizmatlari bilan ta’minlasinlar.

3. Oʻzbekiston Respublikasi Moliya vazirligi tumanlar va viloyatga boʻysunuvchi shaharlar hokimliklari smetasiga belgilangan tartibda tegishli oʻzgartirishlar kiritsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

Oʻzbekiston Respublikasi Bosh vaziri                                   Oʻ. Sultonov

"Oʻzbekiston Respublikasi qonun hujjatlari toʻplami", 2003 y., 15-16-son, 123-modda.