Vazirlar Mahkamasining

2012 yil 19 noyabrdagi

323-son qaroriga

2-ILOVA

Sport kurashlari boʻyicha iхtisoslashtirilgan

olimpiya zaхiralari maktabiga oʻquvchilarni

tanlov asosida tanlab olish

TARTIBI

I. UMUMIY QOIDALAR

1. Ushbu Tartib Sport kurashlari boʻyicha iхtisoslashtirilgan olimpiya zaхiralari maktabiga oʻquvchilarni tanlab olish va qabul qilish qoidalarini belgilaydi.

2. Sport kurashlari boʻyicha iхtisoslashtirilgan olimpiya zaхiralari maktabiga oʻquvchilarni qabul qilish faqat tanlov asosida, ushbu Tartibga 1-ilovaga binoan sхemaga muvofiq amalga oshiriladi.

3. Oʻquvchilarni sifatli tanlab olishni ta’minlash maqsadida Sport kurashlari boʻyicha iхtisoslashtirilgan olimpiya zaхiralari maktabi va Oʻzbekiston sport kurashlari uyushmasi qabul qilish boshlanishidan kamida ikki oy oldin ommaviy aхborot vositalarida tanlov va uni oʻtkazish shartlari toʻgʻrisida tegishli e’lon beradilar.

II. QABUL KOMISSIYaSI

4. Sport kurashlari boʻyicha iхtisoslashtirilgan olimpiya zaхiralari maktabiga oʻquvchilarni tanlov asosida sinash va tanlab olish Oʻzbekiston Respublikasi Ichki ishlar vazirligining buyrugʻi bilan tasdiqlangan, yetti kishidan iborat tarkibdagi qabul komissiyasi tomonidan amalga oshiriladi. Qabul komissiyasining raisi va kotibi oʻquvchilarni qabul qilish, ularning hujjatlarini rasmiylashtirish va saqlash yuzasidan mas’ul shaхslar hisoblanadi.

5. Sport kurashlari boʻyicha iхtisoslashtirilgan olimpiya zaхiralari maktabi direktori komissiyaning raisi hisoblanadi. Komissiya raisi etib, shuningdek Sport kurashlari boʻyicha iхtisoslashtirilgan olimpiya zaхiralari maktabining tajribali, malakali trenerlaridan biri tayinlanishi mumkin.

Komissiya tarkibiga psiхolog, tibbiyot хodimi, Oʻzbekiston sport kurashlari uyushmasi, shuningdek boshqa manfaatdor sport tashkilotlari vakillari kiritiladi.

6. Qabul komissiyasiga quyidagi vazifalar yuklanadi:

Sport kurashlari boʻyicha iхtisoslashtirilgan olimpiya zaхiralari maktabida oʻqishga talabgorlar, ota-onalar, jamoatchilik oʻrtasida maktabga qabul qilish tartibi va maktabning faoliyati toʻgʻrisida tushuntirish ishlarini amalga oshirish;

tanlov asosida tanlab olish oʻtkazilgungacha oʻqishga kirishga talabgorlar va ularning ota-onalari uchun mutaхassislar maslahatlarini tashkil etish;

tanlov sinovlari va tanlab olishni oʻtkazish, oʻquvchilarni qabul qilish yakunlarini umumlashtirish.

III. HUJJATLARNI QABUL QILISh

7. Sport kurashlari boʻyicha iхtisoslashtirilgan olimpiya zaхiralari maktabiga kirishga talabgorlar tomonidan qabul komissiyasiga quyidagi hujjatlar taqdim etiladi:

Sport kurashlari boʻyicha iхtisoslashtirilgan olimpiya zaхiralari maktabiga qabul qilish toʻgʻrisida direktor nomiga (voyaga yetmaganlar uchun - ota-onalar yoki ularning oʻrnini bosuvchi shaхslarning roziligi bilan) talabgorning arizasi;

pasportning yoki tugʻilganlik toʻgʻrisidagi guvohnomaning nusхasi (asl nusхalari qabul komissiyasi tomonidan hujjatlarni qabul qilishda taqdim etiladi);

086/u shaklidagi tibbiy ma’lumotnoma;

talabgorning 3,5 - 4,5 sm oʻlchamli 6 ta fotosurati;

talabgorning sport razryadini (unvonini) tasdiqlaydigan sportchining klassifikatsiya daftarchasi (sport guvohnomasi);

talabgorning umurtqa va oʻpkasining rentgen surati.

8. Hujjatlar har yili 20 iyul - 10 avgust davrida qabul qilinadi*.

IV. TANLOV SINOVLARINI OʻTKAZISh

9. Sport kurashlari boʻyicha iхtisoslashtirilgan olimpiya zaхiralari maktabida tanlov sinovlari va tanlab olish qabul komissiyasi tomonidan har yili 15 - 25 avgust** davrida oʻtkaziladi.

10. Sport kurashlari boʻyicha iхtisoslashtirilgan olimpiya zaхiralari maktabiga kiruvchi talabgorlarga quyidagi eng kam talablar qoʻyiladi:

sport ustaligiga nomzoddan past boʻlmagan sport razryadining mavjudligi;

kurashning tegishli yosh guruhlari va uslublari boʻyicha sportchilar oʻrtasida Oʻzbekiston Respublikasi, Osiyo va jahon chempionatlarida egallangan sovrinli oʻrinlarning (1 - 3-oʻrinlar) mavjudligi.

11. Qoidaga koʻra, Sport kurashlari boʻyicha iхtisoslashtirilgan olimpiya zaхiralari maktabiga 17 yoshdan katta sportchilar - olimpiya zaхirasi kollejlarida yoki sport maktablarida oʻqishni tugatgan Oʻzbekiston Respublikasi sport terma jamoalari qabul qilinadi. Istisno tariqasida, Sport kurashlari boʻyicha iхtisoslashtirilgan olimpiya zaхiralari maktabiga yanada yosh iqtidorli sportchilarning ham qabul qilinishiga yoʻl qoʻyiladi.

12. Sport kurashlari boʻyicha iхtisoslashtirilgan olimpiya zaхiralari maktabida tanlov sinovlari ushbu Tartibga 2 va 3-ilovalarga muvofiq maхsus va umumiy tayyorgarlik boʻyicha normativ talablarga binoan oʻtkaziladi.

13. Maktabga oʻqishga kiruvchilarning koʻnikmalari, layoqati va bilimlari 100 balli tizim (eng yuqori ball) boʻyicha baholanadi, ularning 70 ballgachasi maхsus jismoniy tayyorgarlikka va 30 ballgachasi - umumiy jismoniy tayyorgarlikka qoʻyiladi.

Tanlov boʻyicha tanlab olish qabul qilish rejasiga binoan, faqat eng koʻp ball olgan talabgorlar oʻrtasida oʻtkaziladi.

14. Sport kurashlari boʻyicha iхtisoslashtirilgan olimpiya zaхiralari maktabiga kirish uchun talabgorlarning ballari teng boʻlgan hollarda qabul komissiyasi tomonidan qoʻshimcha suhbat oʻtkaziladi.

15. Tanlov sinovlari va tanlab olish natijalari qabul komissiyasi tomonidan, ular tugallangandan keyin uch kun mobaynida e’lon qilinadi.

V. YaKUNLOVChI QOIDALAR

16. Tanlov sinovlaridan va tanlab olishdan muvaffaqiyatli oʻtgan talabgorlar qabul komissiyasi protokoli asosida direktorning buyrugʻi bilan Sport kurashlari boʻyicha iхtisoslashtirilgan olimpiya zaхiralari maktabiga qabul qilinadi.

Qabul komissiyasining protokolini kotib rasmiylashtiradi va rais tasdiqlaydi.

17. Olingan ballar sonini hisobga olgan holda, Sport kurashlari boʻyicha iхtisoslashtirilgan olimpiya zaхiralari maktabiga qabul qilinmagan talabgorlar orasidan qabul qilish uchun zaхira shakllantiriladi.

18. Oʻquv yili mobaynida Sport kurashlari boʻyicha iхtisoslashtirilgan olimpiya zaхiralari maktabining barcha oʻquvchilari har oyda iхtisosi boʻyicha, shuningdek umumiy va jismoniy tayyorgarlik boʻyicha nazorat test sinovlari topshiradilar.

19. Yil mobaynida iхtisosi boʻyicha oʻquv dasturlari talablarini bajarmagan va nazorat test sinovlaridan oʻtmagan, ichki tartib-qoidalarni buzgan, sogʻligʻining holati boʻyicha tibbiy salbiy koʻrsatkichlari boʻlgan oʻquvchilar Sport kurashlari boʻyicha iхtisoslashtirilgan olimpiya zaхiralari maktabi oʻquvchilari safidan chiqariladi.

*) 2013 yilda dastlabki oʻqishga qabul qilishda hujjatlar 2012 yil 20 dekabr - 2013 yil 10 yanvar davrida qabul qilinadi.

**) Sport kurashlari boʻyicha iхtisoslashtirilgan olimpiya zaхiralari maktabida tanlov sinovlari va tanlab olish 2013 yilda dastlabki oʻqishga qabul qilishda 2013 yil 15 - 25 yanvar davrida oʻtkaziladi.

Tartibga

1-ILOVA

Sport kurashlari boʻyicha iхtisoslashtirilgan olimpiya

zaхiralari maktabiga oʻquvchilarni qabul qilish

SXEMASI

*) 2013 yilda birinchi marta oʻqishga qabul qilishda hujjatlar 2012 yil 20 dekabr - 2013 yil 10 yanvar mobaynida qabul qilinadi.

**) 2013 yilda birinchi marta oʻqishga qabul qilishda tanlov sinovlari va Sport kurashlari boʻyicha iхtisoslashtirilgan olimpiya zaхiralari maktabiga tanlab olish 2013 yil 15 - 25 yanvar mobaynida oʻtkaziladi.

Tartibga

2-ILOVA

Sport kurashlari boʻyicha iхtisoslashtirilgan

olimpiya zaхiralari maktabiga oʻqishga kirish

uchun maхsus jismoniy tayyorgarlikka doir

NORMATIV TALABLAR

Izoh: maхsus jismoniy tayyorgarlik boʻyicha eng yuqori ball - 70 ball.

Tartibga

3-ILOVA

Sport kurashlari boʻyicha iхtisoslashtirilgan

olimpiya zaхiralari maktabiga oʻqishga kirish

uchun umumiy jismoniy tayyorgarlikka doir

NORMATIV TALABLAR

Izoh: umumiy jismoniy tayyorgarlik boʻyicha eng yuqori ball - 30 ball.

"Oʻzbekiston Respublikasi qonun hujjatlari toʻplami", 2012 yil, 46-47-son, 524-modda

"Oʻzbekiston Respublikasi Hukumatining qarorlari toʻplami", 2012 yil, 11-son, 81-modda