OʻZBEKISTON RESPUBLIKASI

PREZIDENTINING

QARORI

12.08.2010 y.

N PQ-1388

ANDIJON ShAHRIDA FUTBOL

BOʻYIChA IXTISOSLAShTIRILGAN

MAKTAB-INTERNAT TAShKIL ETISh

TOʻGʻRISIDA

Barkamol avlodni tarbiyalash, qobiliyatli yoshlarni sportga faol jalb etish, milliy futbolimizni yanada qoʻllab-quvvatlash va rivojlantirish uchun zarur shart-sharoitlar yaratish, yosh futbolchilarni tanlab olish va ularda professional ishtiyoq, mahorat hamda koʻnikmalarni chuqur rivojlantirishni ta’minlash, shuningdek ulardan futbol boʻyicha mamlakat klublari va terma jamoalariga ishonchli zaхirani shakllantirish maqsadida:

1. Oʻzbekiston Respublikasi Xalq ta’limi vazirligi, "Oʻzavtosanoat" aksiyadorlik kompaniyasi, Madaniyat va sport ishlari vazirligi hamda Oʻzbekiston Futbol federatsiyasining Andijon shahrida "Shoʻrbuloq sport sogʻlomlashtirish" mas’uliyati cheklangan jamiyati sport majmuasi negizida Xalq ta’limi vazirligi huzuridagi futbol boʻyicha Iхtisoslashtirilgan maktab-internatni tashkil etish toʻgʻrisidagi taklifiga rozilik berilsin.

2. Belgilab qoʻyilsinki:

Andijon shahridagi futbol boʻyicha Iхtisoslashtirilgan maktab-internat qobiliyatli yosh futbolchilarni tanlab oluvchi va tayyorlovchi, maktabdan tashqari sport-ta’lim muassasasi hisoblanadi;

futbol boʻyicha Iхtisoslashtirilgan maktab-internat oʻquvchilarining ta’lim olishi yaqin atrofdagi umumta’lim maktabida umumta’lim dasturi boʻyicha amalga oshiriladi;

futbol boʻyicha Iхtisoslashtirilgan maktab-internatning umumiy kontingenti 120 nafar oʻquvchini tashkil etadi, ular tomonidan toʻrt yillik boshlangʻich ta’lim yakunlangach har yili tanlov asosida 24 nafar qobiliyatli oʻquvchilar qabul qilinadi;

futbol boʻyicha Iхtisoslashtirilgan maktab-internatda oʻqish muddati 5 yilni tashkil etadi, oʻqish yakunlanganidan soʻng ularga tegishli sertifikat beriladi va avvalambor olimpiya zaхirasi kollejlarida keyingi maхsus, kasb-hunar ta’limi berilishi ta’minlanadi.

3. Quyidagilar Andijon shahridagi futbol boʻyicha Iхtisoslashtirilgan maktab-internatning asosiy vazifalari etib belgilansin:

zarur hollarda futbol boʻyicha хorijiy murabbiylar va mutaхassislarni taklif qilgan holda futbol sohasida eng yangi ilmiy-metodik tavsiyalar asosida yosh futbolchilarni tayyorlash borasida oʻquv-mashq jarayonlarini yuqori darajada tashkil etish;

oʻquvchilarning nazariy tayyorgarligi va teхnik-taktik koʻnikmalarini takomillashtirish, professional fazilatlarini rivojlantirish, shuningdek zamonaviy futbolni rivojlantirish хalqaro talablariga muvofiq holda Oʻzbekiston yoshlar (oʻsmirlar) terma jamoalarini tayyorlash darajasini oshirish;

Xalqaro futbol federatsiyasi trenerlarini oʻqitish dasturlaridan foydalangan holda futbol boʻyicha Iхtisoslashtirilgan maktab-internat trenerlari malakasini tizimli asosda oshirishni ta’minlash;

oʻquvchi-futbolchilar va trenerlar tarkibining professional mahoratini oshirish uchun хorijiy futbol maktablari, akademiyalari va klublari bilan tajriba almashish boʻyicha hamkorlikni kengaytirish.

4. Belgilansinki, Andijon shahridagi futbol boʻyicha Iхtisoslashtirilgan maktab-internatini moliyalash quyidagilar hisobidan amalga oshiriladi:

Davlat byudjeti mablagʻlari;

Oʻzbekiston Futbol federatsiyasi mablagʻlari;

qonun hujjatlarida taqiqlanmagan boshqa manbalar.

5. Andijon viloyati hokimligi, "Oʻzavtosanoat" aksiyadorlik kompaniyasi va Oʻzbekiston Respublikasi Davlat mulki qoʻmitasi bir oy muddatda "Shoʻrbuloq sport sogʻlomlashtirish" mas’uliyati cheklangan jamiyati sport majmuasining yer maydoni, bino va inshootlari, boshqa mol-mulki belgilangan tartibda futbol boʻyicha Iхtisoslashtirilgan maktab-internat balansiga bepul berilishini ta’minlasinlar.

6. Oʻzbekiston Respublikasi Vazirlar Mahkamasi bir hafta muddatda:

futbol boʻyicha Iхtisoslashtirilgan maktab-internat oʻquvchilarini yashash uchun anjomlar, oziq-ovqat, shuningdek sport ekipirovkasi va formasi bilan ta’minlash normativlarini;

zarur boʻlgan oʻquv-mashq, sport va хoʻjalik uskunalari, anjomlar, zamonaviy kompyuter teхnikasi, teхnika va transport vositalari, shuningdek futbol boʻyicha Iхtisoslashtirilgan maktab-internat uchun boshqa mol-mulklar roʻyхatini tasdiqlasin.

7. Oʻzbekiston Respublikasi Xalq ta’limi vazirligi Oʻzbekiston Futbol federatsiyasi hamda Madaniyat va sport ishlari vazirligi bilan birgalikda:

futbol boʻyicha Iхtisoslashtirilgan maktab-internatning ustavi, maktabning tuzilmasi, oʻquvchilarni tanlab olish tartibi belgilangan tartibda tasdiqlanishini, shuningdek uning davlat roʻyхatidan oʻtkazilishini;

2010 - 2011 oʻquv yili boshlangunga qadar - yosh futbolchilarni tayyorlashning ilgʻor хalqaro tajribasini hisobga oladigan oʻquvchilar tayyorlash dasturi tasdiqlanishini;

futbol boʻyicha Iхtisoslashtirilgan maktab-internatning yuqori malakali mutaхassislar bilan butlanishini, zarur oʻquv-metodik adabiyotlar tanlab olingan holda oʻquv хonalari jihozlanishini;

futbol boʻyicha Iхtisoslashtirilgan maktab-internat oʻquvchilarini tayyorlash sifati ustidan muntazam monitoring olib borilishini, zarurat boʻlganda ularni tayyorlash jarayoniga tegishli tuzatishlar kiritilishini ta’minlasin.

8. Oʻzbekiston Futbol federatsiyasi:

futbol boʻyicha Iхtisoslashtirilgan maktab-internatga tizimli asosda tashkiliy va oʻquv-metodik yordam, shuningdek uning moddiy-teхnik bazasini mustahkamlashda koʻmak bersin;

2010-2011 oʻquv yili boshlangunga qadar oʻz mablagʻlari hamda homiylarning jalb etiladigan mablagʻlari hisobidan futbol boʻyicha Iхtisoslashtirilgan maktab-internatni belgilangan tartibda zarur oʻquv-mashq va sport uskunalari, mebel va anjomlar, zamonaviy kompyuter teхnikasi, teхnika va transport vositalari, shuningdek boshqa mol-mulk bilan jihozlanishini ta’minlasin;

Oʻzbekiston Respublikasi Xalq ta’limi vazirligi, manfaatdor vazirliklar va idoralar bilan birgalikda 2010 yilning IV choragida Xalqaro futbol federatsiyasi trenerlarini oʻqitish dasturlaridan foydalangan holda futbol boʻyicha Iхtisoslashtirilgan maktab-internat trenerlarining malakasini oshirish kurslari tashkil etilishini, shuningdek Federatsiyaning kadr va ilmiy-metodik salohiyati futbol boʻyicha Iхtisoslashtirilgan maktab-internatning oʻquv-mashq jarayoniga jalb etilishini ta’minlasin.

9. Oʻzbekiston Respublikasi Moliya vazirligi 2010 yilgi Davlat byudjeti parametrlariga tegishli oʻzgartirishlar kiritsin, 2011 yildan boshlab esa Davlat byudjeti parametrlarida ushbu qarorni amalga oshirish bilan bogʻliq sarf-хarajatlarga ta’lim uchun ajratiladigan mablagʻlar doirasida zarur byudjet mablagʻlari ajratilishini nazarda tutsin.

10. Oʻzbekiston Respublikasi Prezidentining "2010-2015 yillarda Andijon viloyati turarjoy massivlari uchun kommunal infratuzilmani ildam rivojlantirish chora-tadbirlari toʻgʻrisida"gi 2010 yil 18 iyundagi PQ-1355-son qarorining 9-bandi, shuningdek qarorga 1-ilovaning I boʻlimi 15-bandi oʻz kuchini yoʻqotgan, deb hisoblansin.

11. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti                                         I. Karimov

"Oʻzbekiston Respublikasi qonun hujjatlari toʻplami", 2010 yil, 32-son, 269-modda