Oʻzbekiston Respublikasi Vazirlar Mahkamasining 01.04.2009 y. 92-son "Oʻzbekistonda futbolni rivojlantirishni qoʻllab-quvvatlash masalalari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
01.04.2009 y.
N 92
OʻZBEKISTONDA FUTBOLNI
RIVOJLANTIRIShNI QOʻLLAB-QUVVATLASh
MASALALARI TOʻGʻRISIDA
Oʻzbekiston Respublikasi Prezidentining "Oʻzbekistonda futbolni rivojlantirishga doir qoʻshimcha chora-tadbirlar toʻgʻrisida" 2006 yil 1 maydagi PQ-338-son qarorini bajarish, shuningdek futbol klublari, Oʻzbekiston Futbol federatsiyasi va uning hududiy boʻlinmalarining moddiy-teхnika bazasini yanada mustahkamlash maqsadida Vazirlar Mahkamasi QAROR QILADI:
1. Professional futbol klublari, Oʻzbekiston Futbol federatsiyasi va uning hududiy boʻlinmalari 2009 yil 1 apreldan boshlab uch yil muddatga:
respublikada ishlab chiqarilmaydigan, stadionlarni rekonstruksiya qilish va futbol klublarining moddiy-teхnika bazasini mustahkamlash uchun zarur boʻlgan chetdan keltiriladigan jihozlar, asbob-uskunalar va materiallar uchun bojхona toʻlovlarini (bojхonada rasmiylashtirish uchun yigʻimlardan tashqari);
soliqlar va yigʻimlarning barcha turlarini (yagona ijtimoiy toʻlovdan tashqari) toʻlashdan ozod qilinsin, boʻshab qoladigan mablagʻlar futbolni rivojlantirishga maqsadli yoʻnaltirilsin.
2. Oʻzbekiston Respublikasi Davlat soliq qoʻmitasi koʻrsatib oʻtilgan imtiyozlar berilishi munosabati bilan boʻshab qoladigan mablagʻlardan maqsadli foydalanilishi yuzasidan qat’iy nazoratni amalga oshirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari R.S. Qosimov zimmasiga yuklansin.
Oʻzbekiston Respublikasining Bosh vaziri Sh.Mirziyoyev
"Oʻzbekiston Respublikasi qonun hujjatlari toʻplami", 2009 yil, 14-son, 161-modda.