Oʻzbekiston Respublikasi Prezidentining 28.11.1994 y. PF-1012-son "Oʻzbekiston Respublikasi aholisining barcha turdagi pensiyalarini oshirish toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
28.11.1994 y.
N PF-1012
OʻZBEKISTON RESPUBLIKASI
AHOLISINING BARChA TURDAGI
PENSIYaLARINI OShIRISh
TOʻGʻRISIDA
Pensionerlarni ijtimoiy qoʻllab-quvvatlashni ta’minlash maqsadida:
1. 1994 yilning 1 dekabridan boshlab Oʻzbekiston Respublikasi hududida mehnat pensiyasining eng oz miqdori oyiga 135 soʻm qilib belgilansin.
2. Hozirgi vaqtda amalda boʻlgan barcha turdagi pensiyalar, shuningdek bolalikdan nogironlarga, keksa va mehnatga yaroqsiz fuqarolarga beriladigan nafaqalar miqdori 1,2 baravar oshirilsin.
3. Mazkur Farmonni amalga oshirish bilan bogʻliq хarajatlar Ijtimoiy sugʻurta jamgʻarmasi mablagʻlari hisobidan qoplansin.
4. Ushbu Farmonning bajarilishini nazorat qilish Oʻzbekiston Respublikasining Vazirlar Mahkamasi zimmasiga yuklansin.
Oʻzbekiston Respublikasining Prezidenti I. Karimov
"Oʻzbekiston Respublikasi Oliy Kengashi Aхborotnomasi", 1994 y., 11-12-son, 304-modda