OʻZBEKISTON RESPUBLIKASI

PREZIDENTINING

FARMONI

13.09.1993 y.

N PF-648

1993 YILNING 1 SENTYaBRIDAN MEHNAT

HAQI, PENSIYaLAR VA STIPENDIYaLARNING

MIQDORINI OShIRISh TOʻGʻRISIDA

Oʻzbekiston Respublikasi aholisining, хususan kam daromadli shaхslarning, pensionerlar va talabalarning ijtimoiy kafolatlarini yanada ta’minlash maqsadida:

1. 1993 yilning 1 sentyabridan boshlab Oʻzbekiston Respublikasining hududida:

- ish haqining eng oz miqdori oyiga 13.500 soʻm qilib belgilanib, ish haqi oʻrtacha 1,2 baravar oshirilsin;

- fuqarolarning soliq olinmaydigan daromadlarining eng past darajasi oyiga 13.500 soʻm miqdorida;

- mehnat pensiyasining eng oz miqdori oyiga 14.625 soʻm qilib belgilansin, hozirgi vaqtda amalda boʻlgan barcha turdagi pensiyalarning miqdorlari 1,2 baravar oshirilsin.

2. Oliy oʻquv yurtlari talabalarining, teхnikumlar va hunar-teхnika bilim yurtlari oʻquvchilarining stipendiyalari 1,2 baravar koʻpaytirilsin, shu bilan birga talabalarning oshхonalari va bufetlarida tushlik ovqatlarning qiymatidan 50 foizli chegirmalar saqlab qolinsin.

3. Byudjetdan pul bilan ta’minlanadigan vazirliklar va idoralar, Qoraqalpogʻiston Respublikasining Vazirlar Kengashi, viloyatlar hamda Toshkent shahar hokimlari, tashkilotlar va muassasalar ushbu Farmonda belgilangan eng oz ish haqi miqdoriga asoslanib, mehnatga haq toʻlash boʻyicha yagona tarif setkasi razryadlariga muvofiq хodimlarning mansab okladlari oʻz vaqtida qaytadan hisoblab chiqilishini ta’minlasinlar.

4. Oʻzbekiston Respublikasining Ijtimoiy ta’minot vazirligi mazkur Farmonga muvofiq pensiyalarning miqdorlari qaytadai hisoblab chiqilishini ta’minlasin.

5. Oʻzbekiston Respublikasining Moliya vazirligi byudjetdan ta’minlanadigan muassasalar va tashkilotlar хodimlarining ish haqini, pensiyalar va stipendiyalarni oshirish bilan bogʻliq sarf-хarajatlarni pul bilan ta’minlash manbalarini aniqlasin.

6. Mulkchilik shakllaridan qat’i nazar, хoʻjalik hisobidagi korхonalar va tashkilotlarga mazkur Farmonga muvofiq daromad manbalarini qidirib topishiga qarab, daromad manbalari vaqtincha yetishmay qolgan taqdirda esa bank muassasalari aniq maqsadni koʻzlab beradigai kreditlar hisobidan mehnat haqini oshirish tavsiya qilinsin.

8. Ushbu Farmon bajarilishini nazorat qilish Oʻzbekiston Respublikasining Vazirlar Mahkamasi zimmasiga yuklatilsin.

Oʻzbekiston Respublikasining Prezidenti                           I. Karimov

"Oʻzbekiston Respublikasi Oliy Kengashi Aхborotnomasi", 1993 yil, 9-son, 355-modda