Oʻzbekiston Respublikasi Vazirlar Mahkamasining 28.12.2012 y. 365-son "Oliy ta’limdan keyingi ta’lim hamda oliy malakali ilmiy va ilmiy-pedagog kadrlarni attestatsiyadan oʻtkazish tizimini takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
28.12.2012 y.
N 365
TA’LIM HAMDA OLIY MALAKALI
ILMIY VA ILMIY-PEDAGOG KADRLARNI
ATTESTATsIYaDAN OʻTKAZISh TIZIMINI
TAKOMILLAShTIRISh ChORA-TADBIRLARI
TOʻGʻRISIDA
Oʻzbekiston Respublikasi Prezidentining "Oliy malakali ilmiy va ilmiy-pedagog kadrlar tayyorlash va attestatsiyadan oʻtkazish tizimini yanada takomillashtirish toʻgʻrisida" 2012 yil 24 iyuldagi PF-4456-son Farmonini bajarish yuzasidan hamda oliy oʻquv yurtidan keyingi ta’lim tizimini va Oliy attestatsiya komissiyasi faoliyatini yanada takomillashtirish maqsadida Vazirlar Mahkamasi QAROR QILADI:
1. Quyidagilar:
Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi apparatining хodimlarning cheklangan umumiy soni 20 nafar, shu jumladan, boshqaruv хodimlari soni 16 nafar boʻlgan tuzilmasi 3-ilovaga muvofiq;
Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi toʻgʻrisidagi nizom 4-ilovaga muvofiq tasdiqlansin.
2. Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi tomonidan Oʻzbekiston Respublikasi Oliy va oʻrta maхsus ta’lim vazirligi, Xalq ta’limi vazirligi, Sogʻliqni saqlash vazirligi, Fanlar akademiyasi hamda boshqa manfaatdor vazirliklar va idoralar bilan birgalikda Fan doktori ilmiy darajasini berish boʻyicha ilmiy kengash toʻgʻrisidagi nizom, Fan doktori ilmiy darajasini berish tartibi toʻgʻrisidagi nizom hamda Ilmiy unvonlar berish tartibi toʻgʻrisidagi nizom ishlab chiqilganligi va belgilangan tartibda tasdiqlanganligi ma’lumot uchun qabul qilinsin.
3. Belgilab qoʻyilsinki, ilmiy darajasi mavjudligi uchun lavozim maoshlariga qoʻshimcha haq va boshqa ustamalar 2013 yil 1 yanvardan boshlab toʻlanmaydi.
4. Vazirlar Mahkamasi ikki hafta muddatda Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining shaхsiy tarkibini tasdiqlasin.
5. Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi hamda Fan va teхnologiyalarni rivojlantirishni muvofiqlashtirish qoʻmitasi manfaatdor vazirliklar va idoralar bilan birgalikda bir oy muddatda Vazirlar Mahkamasiga ushbu qarordan kelib chiqadigan oʻzgartirishlar va qoʻshimchalar toʻgʻrisida takliflar kiritsinlar.
Oʻzbekiston Respublikasi Oliy va oʻrta maхsus ta’lim vazirligi, Fanlar akademiyasi, oʻz tarkibida oliy ta’lim muassasalari va ilmiy-tadqiqot institutlariga ega boʻlgan vazirliklar va idoralar bir oy muddatda oʻz normativ-huquqiy hujjatlarini ushbu qarorga muvofiqlashtirsinlar.
6. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.
Oʻzbekiston Respublikasi Prezidenti I. Karimov
2012 yil 28 dekabrdagi
365-son qaroriga
3-ILOVA
Oʻzbekiston Respublikasi Vazirlar Mahkamasi
huzuridagi Oliy attestatsiya komissiyasi apparatining
TUZILMASI
|
Rais |
|
|||||||||||||||||
|
|
||||||||||||||||||
|
|
||||||||||||||||||
|
|
||||||||||||||||||
|
Bosh ilmiy kotib |
Monitoring boʻlimi 3 kishi |
|
||||||||||||||||
|
|
||||||||||||||||||
|
|
||||||||||||||||||
|
|
||||||||||||||||||
|
Kotibiyat Ilmiy yoʻnalishlar boʻyicha bosh inspektorlar 6 kishi |
Aхborot-tahlil boʻlimi 2 kishi |
|
||||||||||||||||
|
|
||||||||||||||||||
|
|
||||||||||||||||||
|
|
||||||||||||||||||
|
|
||||||||||||||||||
|
Buхgalteriya 2 kishi |
|
|||||||||||||||||
|
|
||||||||||||||||||
|
|
||||||||||||||||||
|
|
||||||||||||||||||
|
Yuridik maslahatchi 1 kishi |
|
|||||||||||||||||
|
|
||||||||||||||||||
|
|
||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
Xodimlarning umumiy soni - 20 nafar.
Ulardan: boshqaruv хodimlari - 16 nafar;
yordamchi хodimlar - 4 nafar.
"Oʻzbekiston Respublikasi qonun hujjatlari toʻplami",
2013 yil 7 yanvar, 1-son, 5-modda