Vazirlar Mahkamasi huzuridagi Davlat test markazi direktorining 10.10.2013 y. 01-339-son "Chet tillar oʻqituvchilarining bazaviy lavozim maoshlariga oylik ustama belgilash uchun test sinovlarini oʻtkazish tartibi toʻgʻrisidagi nizomni tasdiqlash haqida"gi Buyrugʻi (AV tomonidan 31.10.2013 y. 2520-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
31.10.2013 y.
N 2520
OʻZBEKISTON RESPUBLIKASI
VAZIRLAR MAHKAMASI HUZURIDAGI
DAVLAT TEST MARKAZI DIREKTORINING
10.10.2013 y.
N 01-339
BUYRUGʻI
Chet tillar oʻqituvchilarining bazaviy lavozim
maoshlariga oylik ustama belgilash uchun test
sinovlarini oʻtkazish tartibi toʻgʻrisidagi
nizomni tasdiqlash haqida
Vazirlar Mahkamasining 1994 yil 29 sentyabrdagi 490-sonli qarori bilan tasdiqlangan Ta’lim muassasalarining qoʻshimcha toʻlovlar belgilangan pedagog хodimlari lavozimlari roʻyхati, mazkur toʻlovlarning turlari va miqdorlarining 3-bandiga asosan BUYuRAMAN:
1. Chet tillar oʻqituvchilarining bazaviy lavozim maoshlariga oylik ustama belgilash uchun test sinovlarini oʻtkazish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq rasmiy e’lon qilingan kundan e’tiboran kuchga kiradi.
Direktor B. Ismailov
"Oʻzbekiston Respublikasi qonun hujjatlari toʻplami",
2013 yil 4 noyabr, 44-son, 582-modda