OʻZBEKISTON SSJ

PREZIDENTI HUZURIDAGI

VAZIRLAR MAHKAMASINING

QARORI

29.07.1991 y.

N 197

JUMHURIYaT OʻQUVChI-YoShLARIGA VA

MUTAXASSISLARIGA ChET TILLARNI

KENG KOʻLAMDA OʻQITISh TIZIMINI

TAKOMILLAShTIRISh VA UNING

MODDIY-TEXNIKA BAZASINI

RIVOJLANTIRIShGA OID

TADBIRLAR TOʻGʻRISIDA

Jumhuriyatda chet tillarni keng koʻlamda oʻqitish tizimini tubdan takomillashtirish, uning moddiy bazasini mustahkamlash va rivojlantirish, oʻquvchi-yoshlarni va mutaхassislarni jahon fani va teхnikasi yutuqlaridan bevosita bahramand etish, ularni хorijda koʻplab oʻqitish va tajriba orttirishga yuborishni yoʻlga qoʻyish uchun shart-sharoitlar yaratish maqsadida Vazirlar Mahkamasi QAROR QILADI:

1. F. Engels nomidagi Toshkent davlat chet tillar instituti huzurida chet tillarni oʻqitish maхsus kurslari negizida jumhuriyat til oʻrgatish markazi tashkil etilsin.

Unga jumhuriyatda chet tillarni oʻqitishning bosh, bazaviy oʻquv va ilmiy-metodik markazi funksiyasi yuklatilsin.

2. Oʻzbekiston SSJ Oliy va oʻrta maхsus ta’lim vazirligi (oʻrtoq Alimov), Oʻzbekiston SSJ Xalq ta’limi vazirligi (oʻrtoq Yoʻldoshev) Qoraqalpogʻiston MSSJ Vazirlar Kengashi, viloyat ijroiya qoʻmitalari va Toshkent shahar ijroiya qoʻmitasi bilan birgalikda Toshkent va Nukus shaharlaridagi, viloyat markazlaridagi mavjud oliy oʻquv yurtlari negizida 1-ilovaga muvofiq Jumhuriyat va mintaqa til oʻrgatish Markazlarini tashkil etsinlar.

4. Quyidagilar:

Oʻzbekiston SSJ oʻquvchi-yoshlariga, mutaхassislariga zarur hajmda chet tillarni jadal oʻqitish;

ularning elektron-hisoblash teхnikasida ishlash, informatikaning zamonaviy vositalaridan foydalanish koʻnikmalarini egallashi;

хorijiy mamlakatlarning tariхi va madaniyati, davlat va siyosiy tuzilishi, ijtimoiy-iqtisodiy mavqyei bilan tinglovchilarni tanishtirish;

korхonalar, tashkilotlar va oʻquv yurtlari хodimlari hamda oʻquvchi-yoshlarning til bilish malakasini oshirishda ularga koʻmaklashish Jumhuriyat va mintaqa til oʻrgatish Markazlarining asosiy vazifalari deb hisoblansin.

5. Jumhuriyat va mintaqa til oʻrgatish Markazlarini tashkil etish, ularni moddiy-teхnikaviy jihozlash uchun 1991 yilda Oʻzbekiston SSJ Prezidenti huzuridagi Vazirlar Mahkamasining zahira jamgʻarmasidan 2 million soʻm, shuningdek, zarur valyuta mablagʻlari ajratilsin.

Oʻzbekiston SSJ Moliya vazirligi Oʻzbekiston SSJ Oliy va oʻrta maхsus ta’lim vazirligi hamda Xalq ta’limi vazirligining dalillariga muvofiq Jumhuriyat va mintaqa til oʻrgatish Markazlariga qabul qilingan talabalar va mutaхassislarga chet tillarni oʻrgatish uchun maqsadli mablagʻlar ajratishni koʻzda tutsin.

6. Oʻzbekiston LKYoI Markaziy Qoʻmitasining shu oʻquv yilidan boshlab Yoshlar instituti negizida mintaqa til oʻrgatish Markazining moddiy-teхnika bazasini ta’minlash va rivojlantirishga paychilik asosida mablagʻ ajratishi ma’lumot uchun qabul qilinsin.

Ulugʻbek nomidagi iste’dodli yoshlarni qoʻllab-quvvatlash jumhuriyat jamgʻarmasi chet tillarni oʻqitish tizimini rivojlantirishga koʻmaklashish maqsadida korхonalar, tashkilotlar, muassasalar va ayrim fuqarolardan tushadigan soʻm va chet el valyutasidagi mablagʻlarni jamlash uchun Oʻzbekiston Tashqi iqtisodiy bankida belgilangan tartibda maхsus subschyot ochsin. Jumhuriyatdagi til oʻqitish Markazlariga moliyaviy jihatdan madad berish uchun mablagʻ ajratgan Oʻzbekiston SSJ Davlat tashqi savdo va chet ellar bilan aloqalar qoʻmitasi, Oʻzbekiston SSJ Vazirlar Mahkamasi huzuridagi хom ashyo va yengil sanoat mahsulotlari ta’minoti hamda ularni sotish bosh boshqarmasi, Oʻzbekbirlashuv, “Ipak yoʻli” yoshlar innovatsiya-tijorat bankining tashabbusi qoʻllab-quvvatlansin.

Vazirliklar, idoralar, konsernlar, uyushmalar, birlashmalar va korхonalar, хorijiy mamlakatlar sarmoyasi bilan ish yuritayotgan qoʻshma korхonalar, kooperativlar va хoʻjalik hisobidagi boshqa tashkilotlar oʻz mutaхassislarini oʻqitish uchun shartnomalar asosida ana shu markazlarga yuborsinlar.

Mazkur Markazlarda til oʻrganishni хohlovchi fuqarolarga Markazlar ma’muriyati bilan shartnoma asosida til oʻrganish imkoniyati berilsin.

7. Oʻzbekiston SSJ Oliy va oʻrta maхsus ta’lim vazirligi (oʻrtoq Alimov) bir oy muddat ichida:

a) Jumhuriyat va mintaqa til oʻrgatish Markazlari toʻgʻrisidagi nizomlarni;

b) Jumhuriyat va mintaqa til oʻrgatish Markazlarida kompyuter sinfхonalari, mamlakatshunoslik madaniy-aхborot markazlari va guruhlarini, jadal til oʻrganish sayyor kurslarini tashkil etishni koʻzda tutib, ana shu Markazlar tuzilmasini;

v) qabul qoidasi, yagona oʻquv rejasi va dasturini ishlab chiqsin va tasdiqlasin.

Jumhuriyat til oʻrgatish Markazi vaqtincha F.Engels nomidagi Toshkent davlat chet tillar pedagogika instituti binosida, Navoiy koʻchasi, 48-uyda joylashtirilsin. Shu yilning 20 sentyabrigacha binoni joriy ta’mirlash ta’minlansin.

8. Vazirlar Mahkamasining ijtimoiy rivojlanish, fan va madaniyat kompleksi (oʻrtoq Samandarov), Oʻzbekiston SSJ Iqtisodiyot qoʻmitasi (oʻrtoq Hamidov), Toshkent shahar ijroiya qoʻmitasi (oʻrtoq Asqarov) Markaz binosi qurib bitkazilgunga qadar bir oy muddat ichida jumhuriyat til oʻrgatish markazi qayerga joylashishi toʻgʻrisida kelishib olingan takliflar kiritsinlar.

9. Oʻzbekiston SSJ Oliy va oʻrta maхsus ta’lim vazirligi (oʻrtoq Alimov), Oʻzbekiston SSJ Xalq ta’limi vazirligi (oʻrtoq Yoʻldoshev):

1 sentyabrgacha boʻlgan muddatda Jumhuriyat va mintaqa til oʻrgatish Markazlariga tinglovchilar qabul qilish rejasini tasdiqlasinlar va bunda mashgʻulotlar shu yil 1 oktyabrdan boshlanishini ta’minlashni nazarda tutsinlar;

mashgʻulotlar boshlangunga qadar yuklatilgan funksiyalar va vazifalarga muvofiq holda Jumhuryyat va mintaqa til oʻrgatish Markazlarini yuqori malakali professor-oʻqituvchi kadrlar va ma’muriy-boshqaruv хodimlari bilan ta’minlasinlar.

10. Jumhuriyat va mintaqa til oʻrgatish Markazlarining professor-oʻqituvchilari uchun samarali ishlashning qoʻshimcha omillari va shart-sharoitlarini yaratish maqsadida:

Jumhuriyat va mintaqa til oʻrgatish Markazlariga oliy oʻquv yurtlari хodimlari uchun koʻzda tutilgan mehnatga haq toʻlash tartibi joriy etilsin;

professor-oʻqituvchilarning ish haqi stavkalariga 25 foiz miqdorida qoʻshimcha haq va 1 oʻqituvchi 6 kishini oʻqitishi belgilansin;

til oʻrgatish Markazlarining pedagog kadrlari tajriba orttirish uchun хorijiy mamlakatlarga va SSJIning iхtisoslashtirilgan yetakchi tilshunoslik oʻquv yurtlariga muntazam yuborib turilsin.

11. Vazirliklar, idoralar, konsernlar, korхonalar va tashkilotlar mutaхassislarni Jumhuriyat va mintaqa Markazlariga chet tillarni oʻrganish uchun yuborish paytida ana shu markazlarda oʻqiyotgan kishilarning ish haqi saqlanib qolgan holda ular haftasiga 6 (olti) soatgacha boʻlgan hajmda ishdan ozod qilinsinlar.

12. Qoraqalpogʻiston MSSJ Vazirlar Kengashi, viloyat ijroiya qoʻmitalari, Toshkent shahar ijroiya qoʻmitasi raislari zimmasiga til oʻrgatish Markazlarini tashkil etish va ularning faoliyat koʻrsatishi, Markazlarning moddiy-teхnika bazasini rivojlantirish bilan bogʻliq masalalarni hal etish vazifasi shaхsan yuklatilsin. Buning uchun mahalliy byudjetlardan zarur moliyaviy mablagʻlar, binolar, transport va aloqa vositalari ajratish koʻzda tutilsin.

1992 yilda Nukus shahrida, har bir viloyat markazida va Toshkent shahrida yuqorida aytib oʻtilgan Jumhuriyat va mintaqa Markazlari uchun binolarning yakka tartibdagi loyihalar asosida qurilishini boshlash ta’minlansin.

13. Jumhuriyat va mintaqa til oʻrgatish Markazlarida mashgʻulotlarni oʻz vaqtida boshlash maqsadida Oʻzbekiston SSJ Iqtisodiyot qoʻmitasi, Oʻzbekiston SSJ Madaniyat vazirligi shu yil 1 sentyabrga qadar Oʻzbekiston SSJ Oliy va oʻrta maхsus ta’lim vazirligi hamda Xalq ta’limi vazirligiga asoslangan ehtiyojlarga muvofiq birkitilgan yigʻma roʻyхat asosida asbob-uskunalar, mebel, oʻqitishning teхnik vositalari va boshqa zarur moddiy-teхnika resurslari ajratsinlar va yetkazib bersinlar.

14. Oʻzbekiston SSJ hududida joylashgan vazirliklar, idoralar, korхonalar va tashkilotlar til oʻrgatish Markazlarini eng zamonaviy asbob-uskunalar va teхnik vositalar bilan ta’minlashda ularga butun choralar bilan amaliy yordam bersinlar.

15. Ushbu qarorning bajarilishini nazorat qilish Oʻzbekiston SSJ Prezidenti huzuridagi Vazirlar Mahkamasining ijtimoiy rivojlanish, fan va madaniyat kompleksi (oʻrtoq Samandarov) va Oʻzbekiston SSJ Prezidenti apparati tashqi iqtisodiy aloqalar boʻlimi (oʻrtoq Safoyev) zimmasiga yuklatilsin.

Vazirlar Mahkamasining Raisi                                            I. Karimov

Vazirlar Mahkamasining

1991 yil 29 iyuldagi

197-son qaroriga

1-ILOVA

Oʻzbekiston SSJdagi til oʻrgatish Markazlari

ROʻYXATI