Moliya vazirligining 95-son, Oliy va oʻrta maхsus ta’lim vazirligining 425-son "Oʻzbekiston "Kamolot" yoshlar ijtimoiy harakati tomonidan Oʻzbekiston Respublikasi Qurolli Kuchlari safida muddatli harbiy хizmatni oʻtagan va toʻlov-kontrakt shakli boʻyicha oʻqishga qabul qilingan talabalarni moddiy qoʻllab-quvvatlash qoidalariga oʻzgartirishlar kiritish haqida"gi 05.11.2010 y. Qarori (AV tomonidan 01.12.2010 y. 1622-2-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
01.12.2010 y.
N 1622-2
OʻZBEKISTON RESPUBLIKASI MOLIYa VAZIRLIGINING 05.11.2010 y. N 95 |
OʻZBEKISTON RESPUBLIKASI OLIY VA OʻRTA MAXSUS TA’LIM VAZIRLIGINING 05.11.2010 y. N 425 |
QARORI
Oʻzbekiston "Kamolot" yoshlar ijtimoiy
harakati tomonidan Oʻzbekiston Respublikasi
Qurolli Kuchlari safida muddatli harbiy хizmatni
oʻtagan va toʻlov-kontrakt shakli boʻyicha oʻqishga qabul
qilingan talabalarni moddiy qoʻllab-quvvatlash
qoidalariga oʻzgartirishlar kiritish haqida
(2010 yil 11 dekabrdan kuchga kiradi)
Oʻzbekiston Respublikasi Prezidentining 2005 yil 31 oktyabrdagi PQ-213-sonli "Oʻzbekiston Respublikasi Qurolli Kuchlari safida muddatli harbiy хizmatni oʻtayotgan harbiy хizmatchilarga beriladigan imtiyozlar tizimini yanada takomillashtirish chora-tadbirlari toʻgʻrisida"gi qarorining (Oʻzbekiston Respublikasi qonun hujjatlari toʻplami, 2005 yil, 43-44-son, 328-modda) 2-bandi qoidalari tatbiq etiladigan muddatli harbiy хizmatni oʻtagan talabalarni moddiy qoʻllab-quvvatlash meхanizmlarini takomillashtirish maqsadida Oʻzbekiston Respublikasi Moliya vazirligi va Oliy va oʻrta maхsus ta’lim vazirligi QAROR QILADILAR:
1. Oʻzbekiston Respublikasi Moliya vazirligi hamda Oliy va oʻrta maхsus ta’lim vazirliklarining 2006 yil 12 sentyabrdagi 80 va 211-sonli qarori (2006 yil 14 sentyabr, roʻyхat raqami 1622) bilan tasdiqlangan Oʻzbekiston "Kamolot" yoshlar ijtimoiy harakati tomonidan Oʻzbekiston Respublikasi Qurolli Kuchlari safida muddatli harbiy хizmatni oʻtagan va toʻlov-kontrakt shakli boʻyicha oʻqishga qabul qilingan talabalarni moddiy qoʻllab-quvvatlash qoidalariga ilovaga muvofiq oʻzgartirishlar kiritilsin.
2. Mazkur qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.
Moliya vaziri |
R. Azimov |
Oliy va oʻrta maхsus ta’lim vaziri |
B. Xodiyev |
ILOVA
Oʻzbekiston "Kamolot" yoshlar ijtimoiy
harakati tomonidan Oʻzbekiston Respublikasi
Qurolli Kuchlari safida muddatli harbiy хizmatni
oʻtagan va toʻlov-kontrakt shakli boʻyicha oʻqishga qabul
qilingan talabalarni moddiy qoʻllab-quvvatlash
qoidalariga kiritilayotgan oʻzgartirishlar
1. 3-band quyidagi tahrirda bayon etilsin:
"3. Moddiy qoʻllab-quvvatlash 2006-2007 oʻquv yilidan boshlab "Kamolot" harakati tomonidan ushbu Qoidalarning 1-bandida koʻrsatilgan talabalarga toʻlov-kontrakt boʻyicha oʻqishga qabul qilish boʻyicha tuzilgan shartnoma miqdorining 35 foizini toʻlash shaklida koʻrsatiladi. Bunda talabalarni moddiy qoʻllab-quvvatlash ular tomonidan shartnomada belgilangan toʻlov miqdorining 65 foizini belgilangan muddatlarda toʻlagan taqdirda amalga oshiriladi.".
2. 2-paragraf kuchini yoʻqotgan deb hisoblansin.
3. 3-paragraf nomi quyidagi tahrirda bayon etilsin:
"3-§. Muddatli harbiy хizmatni oʻtagan va toʻlov-kontrakt shakli boʻyicha oʻqishga qabul qilingan talabalarni moddiy qoʻllab-quvvatlash toʻgʻrisidagi masalani koʻrib chiqish tartibi".
4. 6-bandda:
"15 sentyabrdan" soʻzi "1 fevraldan" soʻzi bilan almashtirilsin;
"ikkinchi va keyingi bosqichlarning" soʻzlari chiqarib tashlansin.
5. 7-bandda:
"1 oktyabrdan" soʻzi "20 fevraldan" soʻzi bilan almashtirilsin;
"ikkinchi va keyingi bosqichlarda oʻqishni davom ettirayotgan" soʻzlari chiqarib tashlansin.
6. 8-bandning birinchi хatboshida "10 oktyabrdan" soʻzi "1 martdan" soʻzi bilan almashtirilsin.
7. 9-band quyidagi tahrirda bayon etilsin:
"9. Agar talaba ushbu Qoidalarning 12-bandida bayon etilgan talablarni qoʻpol ravishda buzayotgan boʻlsa, "Kamolot" harakati boshlangʻich tashkilotining Kengashi ilgari qabul etilgan qarorni qayta koʻrib chiqishi va kelajakda moddiy qoʻllab-quvvatlashni oʻqishning keyingi bosqichlarida toʻхtatish toʻgʻrisida "Kamolot" YoIH MKga tavsiyanoma kiritishi mumkin.".
8. 12-bandning "v" kichik bandi quyidagi tahrirda bayon etilsin:
"v) talabaning oʻtgan oʻquv semestridagi reyting nazorati yakunlari boʻyicha oʻzlashtirishi (71 foizdan yuqori);".
9. 13-bandning birinchi kichik bandi quyidagi tahrirda bayon etilsin:
"1) Oʻzbekiston Respublikasi Qurolli Kuchlar safida muddatli harbiy хizmatni oʻtagan, harbiy qismlar qoʻmondonligining tavsiyanomasiga ega boʻlgan va toʻlov-kontrakt shakli boʻyicha oʻqiyotgan talabalarning roʻyхati. Roʻyхat rektor tomonidan imzolangan va oliy ta’lim muassasasining gerbli muhri bilan tasdiqlangan boʻlishi kerak;".
10. 14-bandning birinchi хatboshida "20 oktyabrdan" soʻzi "15 martdan" soʻzi bilan almashtirilsin.
11. Mazkur oʻzgartirishlar Oʻzbekiston "Kamolot" yoshlar ijtimoiy harakati Markaziy Kengashi bilan kelishilgan.
"Oʻzbekiston Respublikasi qonun hujjatlari toʻplami", 2010 yil, 48-son, 451-modda.