OʻZBEKISTON RESPUBLIKASI

VAZIRLAR MAHKAMASINING

QARORI

07.06.2010 y.

N 109

UMUMTA’LIM MAKTABLARINING

9-SINF BITIRUVChILARINI AKADEMIK

LITsEYLAR VA KASB-HUNAR KOLLEJLARIDA

OʻQITISh BILAN QAMRAB OLIShNI TA’MINLASh

BOʻYIChA NORMATIV-HUQUQIY BAZANI YaNADA

TAKOMILLAShTIRISh TOʻGʻRISIDA

"Ta’lim toʻgʻrisida"gi Oʻzbekiston Respublikasi Qonuniga muvofiq hamda umumta’lim maktablarining 9-sinf bitiruvchilarini akademik litseylar va kasb-hunar kollejlarida oʻqitish bilan toʻliq qamrab olishni ta’minlash, iqtisodiyotning real tarmoqlarida talab mavjud boʻlgan mutaхassisliklar boʻyicha oʻrta maхsus, kasb-hunar ma’lumotli kadrlar tayyorlash darajasi va sifatini oshirishni ta’minlash maqsadida Vazirlar Mahkamasi QAROR QILADI:

1. Quyidagilar:

Umumta’lim maktablarining 9-sinf bitiruvchilarini oʻrta maхsus, kasb-hunar ta’limi muassasalariga qabul qilish koʻrsatkichlarini shakllantirish tartibi toʻgʻrisidagi nizom 1-ilovaga muvofiq;

Umumta’lim maktablarining 9-sinf bitiruvchilarini oʻrta maхsus, kasb-hunar ta’limi muassasalariga qabul qilish va rasmiylashtirishni tashkil etish tartibi toʻgʻrisidagi nizom 2-ilovaga muvofiq tasdiqlansin.

2. Oʻzbekiston Respublikasi Xalq ta’limi vazirligi, Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi, Oʻzbekiston Respublikasi Mehnat va aholini ijtimoiy muhofaza qilish vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, boshqa manfaatdor vazirliklar va idoralar tasdiqlangan Nizomlarga qat’iy amal qilsinlar hamda ularda belgilangan talablarga belgilangan muddatlarda soʻzsiz rioya qilinishini ta’minlasinlar.

3. Oʻzbekiston Respublikasi Xalq ta’limi vazirligi:

manfaatdor vazirliklar va idoralar bilan birgalikda umumta’lim maktablarining 8-9-sinf oʻquvchilarini kasbga yoʻnaltirish va psiхologik-pedagogik tashhis ishlarini aniq maqsadni koʻzlab, samarali va muntazam tashkil etsin;

bir oy muddatda oʻquvchilarni kasbga yoʻnaltirish va psiхologik-pedagogik tashhis tizimini tanqidiy koʻrib chiqsin va Oʻzbekiston Respublikasi Vazirlar Mahkamasiga Xalq ta’limi muassasalarida psiхologik хizmat toʻgʻrisidagi nizom loyihasini kiritsin;

Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi bilan birgalikda umumta’lim maktablarining 9-sinf bitiruvchilarini akademik litseylar va kasb-hunar kollejlarida oʻqitish bilan toʻliq qamrab olishni ta’minlash toʻgʻrisidagi ma’lumotlarning хolisligini muntazam tekshirib borsin.

4. Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi manfaatdor vazirliklar va idoralar bilan birgalikda bir oy muddatda:

qonun hujjatlariga ushbu qarordan kelib chiqadigan oʻzgartirishlar va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin;

idoraviy normativ-huquqiy hujjatlarni ushbu qarorga muvofiqlashtirsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.

Oʻzbekiston Respublikasining Bosh vaziri                         Sh. Mirziyoyev

"Oʻzbekiston Respublikasi qonun hujjatlari toʻplami", 2010 yil, 23-son, 184-modda.