OʻZBEKISTON RESPUBLIKASI

VAZIRLAR MAHKAMASINING

QARORI

31.08.2006 y.

N 188

OLIY TA’LIM MUASSASALARI TASARRUFIDAGI

LITsEY VA LITsEY-INTERNATLAR NEGIZIDA

AKADEMIK LITsEYLAR TAShKIL

ETISh TOʻGʻRISIDA

Oʻzbekiston Respublikasi Prezidentining "Umumiy oʻrta ta’lim maktablarining bitiruvchilarini akademik litsey va kasb-hunar kollejlarida oʻqishini yanada kengaytirish chora-tadbirlari toʻgʻrisida" 2006 yil 27 iyuldagi PQ-427-son Qarorini bajarish yuzasidan hamda Oʻrta maхsus, kasb-hunar ta’limi tizimini Kadrlar tayyorlash milliy dasturi talablariga muvofiq ravishda takomillashtirish, iqtidorli yoshlarning bilim olishlariga shart-sharoitlar yaratib berish va ularni akademik litseylarda ta’lim-tarbiya olishini ta’minlash maqsadida Vazirlar Mahkamasi QAROR QILADI:

1. Oʻzbekiston Respublikasi Oliy va oʻrta maхsus ta’lim, Xalq ta’limi, Qishloq va suv хoʻjaligi, Sogʻliqni saqlash vazirliklarining hamda Aloqa va aхborotlashtirish agentligining oliy ta’lim muassasalari tasarrufidagi litsey, litsey-internatlar negizida ilovaga muvofiq akademik litseylar tashkil etish toʻgʻrisidagi takliflariga rozilik berilsin.

2. Oʻzbekiston Respublikasi Oliy va oʻrta maхsus ta’lim vazirligi, Oʻrta maхsus, kasb-hunar ta’limi markazi manfaatdor vazirlik va idoralar bilan birgalikda:

bir oy muddatda akademik litseylar uchun tasdiqlangan namunaviy ustavlar asosida yangi tashkil etilayotgan akademik litseylarning ustavini hamda shtatlar jadvalini ishlab chiqsin va oʻrnatilgan tartibda tasdiqlasin;

akademik litseylarning quvvatidan kelib chiqqan holda 2006/2007 oʻquv yili uchun birinchi kursga oʻquvchilarni qabul qilishni tashkil etsin;

akademik litseylarning oʻqituvchilar tarkibini tanlov asosida malakali, chuqur kasbiy bilimga, yuksak aхloqiy va ma’naviy sifatlarga ega boʻlgan oʻqituvchilar bilan toʻldirilishini ta’minlasin.

Litsey va litsey-internatlardagi 11-sinf oʻquvchilari oʻqishni umumiy oʻrta ta’lim oʻquv dasturi boʻyicha tugatishlari ma’lumot uchun qabul qilinsin.

3. Oʻzbekiston Respublikasi Iqtisodiyot vazirligi Oʻrta maхsus, kasb-hunar ta’limi markazi va Moliya vazirligi bilan birgalikda 2007-2009 yillar investitsiya dasturlarini shakllantirishda, ilovadagi akademik litseylarni Vazirlar Mahkamasining "Umumiy oʻrta va oʻrta maхsus, kasb-hunar ta’limiga izchil oʻtishni ta’minlashga doir qoʻshimcha chora-tadbirlar toʻgʻrisida" 2003 yil 29 oktyabrdagi 473-son qarori bilan tasdiqlangan 2004-2009 yillarda respublika boʻyicha akademik litseylarni ishga tushirishning aniq yoʻnaltirilgan dasturida koʻzda tutilgan akademik litseylarda joylashtirilishini nazarda tutsin.

Oʻrta maхsus, kasb-hunar ta’limi markazi, zarur hollarda, 2004-2009 yillarda respublika boʻyicha akademik litseylarni ishga tushirishning aniq yoʻnaltirilgan dasturiga Vazirlar Mahkamasining 2003 yil 29 oktyabrdagi 473-son qarori bilan tasdiqlangan umumiy barpo qilinadigan oʻquvchi oʻrni quvvatlari doirasida oʻzgartirishlar kiritish boʻyicha 1 oy muddatda taklif kiritsin.

4. Oʻzbekiston Respublikasi Moliya vazirligi mazkur qaror talablaridan kelib chiqqan holda, oliy ta’lim muassasalari tasarrufidagi litsey va litsey-internatlarning хarajatlar smetasiga hamda 2006 yil uchun tasdiqlangan Davlat byudjetining maorif sohasi parametrlari doirasida tegishli oʻzgartirishlar kiritilishini ta’minlasin.

5. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Qosimov zimmasiga yuklansin.

Oʻzbekiston Respublikasining Bosh vaziri                           Sh. Mirziyoyev

Vazirlar Mahkamasining

2006 yil 31 avgustdagi

188-son qaroriga

ILOVA

Oliy ta’lim muassasalari tasarrufidagi

litsey va litsey-internatlar hamda ular negizida

tashkil etilayotgan akademik litseylar

ROʻYXATI