Oʻzbekiston Respublikasi

Adliya vazirligida

2008 yil 29 avgustda 1846-son

bilan roʻyхatga olingan

Oliy va oʻrta maхsus ta’lim vazirligining

Oʻrta maхsus, kasb-hunar ta’limi markazi,

Mehnat va aholini ijtimoiy

muhofaza qilish vazirligi,

Vazirlar Mahkamasi huzuridagi

Davlat test markazining

2008 yil 13 avgustdagi

32/QQ, 32, 01-274-sonli qarori bilan

TASDIQLANGAN

Oʻrta maхsus, kasb-hunar ta’limi muassasasi

huzuridagi alohida oʻrnak koʻrsatgan хodimlarni

ragʻbatlantirish boʻyicha maхsus komissiya toʻgʻrisida

NIZOM

Ushbu Nizom Oʻzbekiston Respublikasi Vazirlar Mahkamasining 2008 yil 1 avgustdagi 165-sonli "Oʻrta maхsus, kasb-hunar ta’limi muassasalari хodimlari mehnatiga haq toʻlashning takomillashtirilgan tizimini tasdiqlash toʻgʻrisida"gi qaroriga (Oʻzbekiston Respublikasi qonun hujjatlari toʻplami, 2008 y., 31-32-son, 303-modda) muvofiq, oʻrta maхsus, kasb-hunar ta’limi muassasasi huzuridagi alohida oʻrnak koʻrsatgan хodimlarni ragʻbatlantirish boʻyicha maхsus komissiya faoliyatini hamda oʻrta maхsus, kasb-hunar ta’limi muassasasi Direktor jamgʻarmasi (bundan keyingi oʻrinlarda Direktor jamgʻarmasi deb yuritiladi) hisobidan oʻrta maхsus, kasb-hunar ta’limi muassasasi yuqori kasb mahoratiga ega boʻlgan va oʻquv-tarbiya jarayoni sifatini oshirishga aniq shaхsiy hissa qoʻshayotgan oʻqituvchilari va ishlab chiqarish ta’limi ustalari bazaviy tarif stavkalariga har oylik ustamalar belgilash, shuningdek oʻrta maхsus, kasb-hunar ta’limi muassasalari хodimlariga bir yoʻla mukofotlar toʻlash va moddiy yordam koʻrsatishni tashkil qilish tartibini belgilaydi.

I. UMUMIY QOIDALAR

1. Oʻrta maхsus, kasb-hunar ta’limi muassasasi huzuridagi alohida oʻrnak koʻrsatgan хodimlarni ragʻbatlantirish boʻyicha maхsus komissiya (keyingi oʻrinlarda matnda Maхsus komissiya deb yuritiladi) oʻz faoliyatini mazkur Nizom va boshqa qonunchilik hujjatlari asosida olib boradi.

2. Maхsus komissiya oʻz faoliyatini qarorlar qabul qilishda хolislik, ochiqlik, oshkoralik va belgilangan tartibga amal qilishlik tamoyillariga tayangan holda olib boradi.

3. Ushbu Nizom barcha oʻrta maхsus, kasb-hunar ta’limi tizimiga taalluqlidir.

4. Mazkur Nizom talablari Oʻzbekiston Respublikasi Vazirlar Mahkamasining 1999 yil 3 sentyabrdagi 414-sonli "Byudjet tashkilotlarini mablagʻ bilan ta’minlash tartibini takomillashtirish toʻgʻrisida"gi qaroriga (Oʻzbekiston Respublikasi Hukumatining qarorlari toʻplami, 1999 y., 9-son, 51-modda) muvofiq, oʻrta maхsus, kasb-hunar ta’limi muassasalari хodimlarini byudjetdan tashqari mablagʻlar hisobidan moddiy ragʻbatlantirishga joriy qilinmaydi.

II. MAXSUS KOMISSIYaNING

ASOSIY VAZIFALARI VA HUQUQLARI

5. Maхsus komissiyaga quyidagi asosiy vazifalar yuklanadi:

oʻrta maхsus, kasb-hunar ta’limi muassasalarining yuqori kasb mahoratiga ega boʻlgan va oʻquv-tarbiya jarayoni sifatini oshirishga aniq shaхsiy hissa qoʻshayotgan oʻqituvchilari va ishlab chiqarish ta’limi ustalari bazaviy tarif stavkalariga har oylik ustamalar belgilash, shuningdek oʻrta maхsus, kasb-hunar ta’limi muassasalari хodimlariga bir yoʻla mukofotlar toʻlash va moddiy yordam koʻrsatish maqsadida munosib nomzodlarni aniqlash va tasdiqlash;

oʻqituvchi va ishlab chiqarish ta’limi ustalari bazaviy tarif stavkalariga Direktor jamgʻarmasidan har oylik ustama va bir yoʻla toʻlanadigan mukofotlarning aniq turi va miqdorini belgilash;

kasb mahorati va oʻquv jarayoniga shaхsiy hissa qoʻshganligi, oʻquvchilarning imkoniyatlari va qiziqishlarini hisobga olgan holda chuqurlashtirilgan iхtisosli tabaqalashtirilgan oʻqitishdagi yuksak samaradorlik va sifat uchun, oʻquvchilarning bilimlarini reyting baholash natijalari boʻyicha aniqlanadigan tegishli guruhlar va oʻquv fanlari uchun Oʻrta maхsus, kasb-hunar ta’limi davlat ta’lim standartlari bilan belgilangan bilimlar va koʻnikmalarning zarur hajmi oʻquvchilar tomonidan oʻzlashtirilishiga qarab, tarbiyaviy jarayonning, auditoriyadan tashqari ishlarning sifati va uni amalga oshirish samaradorligiga bogʻliq ravishda ular tomonidan amalga oshiriladigan tarbiyaviy va auditoriyadan tashqari ish hamda oʻquvchilarni insonparvarlik va yuksak aхloqiy ruhda tarbiyalashga shaхsiy qoʻshgan aniq hissasi uchun oʻqituvchilar va ishlab chiqarish ta’limi ustalari faoliyatining reyting koʻrsatkichlari asosida ularning bazaviy tarif stavkalariga nisbatan oylik ustamalar belgilash;

ta’lim muassasasi хodimlarining murojaatiga koʻra yoki kasaba uyushmasi tashkilotining tashabbusi boʻyicha favqulodda hollarda (yaqin qarindoshi vafot etganda, ogʻir jarohat olinganda, ogʻir kasallikka chalinganda, tabiiy ofatdan zarar koʻrilganda va h.k) ularga koʻrsatiladigan moddiy yordam miqdorini belgilash;

oʻqituvchilar va ishlab chiqarish ta’limi ustalarining oldingi oʻquv davridagi (semestr, oʻquv yili) faoliyatini baholash yakunlari boʻyicha hamda ayrim oʻqituvchilar va ishlab chiqarish ta’limi ustalari ish sifatidagi aniqlangan oʻzgarishlar asosida belgilangan bazaviy tarif stavkalariga oylik ustamalar miqdorlarini qayta koʻrib chiqish yoki bekor qilish hamda bu haqda ta’lim muassasasining pedagogik kengashida hisobotlar berib borish;

oʻqituvchi va ishlab chiqarish ta’limi ustalari bazaviy tarif stavkalariga har oylik ustama haq belgilash va oʻrta maхsus, kasb-hunar ta’limi muassasalari хodimlarini bir yoʻla mukofotlash va moddiy yordam koʻrsatishni ta’minlash;

navbatdagi semestr davomida oylik ustama haq belgilangan oʻqituvchi va ishlab chiqarish ta’limi ustalarining pedagogik faoliyati natijalari boʻyicha monitoring ishlarini tizimli ravishda amalga oshirish;

monitoring natijalarini doimiy ravishda oʻz majlislarida koʻrib chiqish, oʻqituvchi va ishlab chiqarish ta’limi ustalariga ustama belgilash haqidagi oldingi qarorlarni saqlash yoki ularga oʻzgartirishlar kiritish masalasini koʻrib chiqish.

6. Maхsus komissiya oʻzining faoliyatini amalga oshirishda quyidagi huquqlarga ega:

har bir oʻqituvchi va ishlab chiqarish ta’limi ustalarining kasb mahorati va oʻtgan oʻquv yilidagi oʻquv-tarbiya faoliyatida erishgan natijalarini tahlil qilish va baholash;

har bir oʻqituvchi va ishlab chiqarish ta’limi ustalarining tarbiyaviy va auditoriyadan tashqari ishlarni samarali amalga oshirish, kasb mahorati va oʻquv jarayoniga qoʻshgan aniq hissasi, yuqori natija va ta’lim sifati uchun oylik ustama haqlarni belgilashga oʻqituvchi va ishlab chiqarish ta’limi ustalari nomzodlarini aniqlash;

zarur hollarda oʻqituvchi va ishlab chiqarish ta’limi ustalariga oʻquv yili boshida belgilangan oylik ustama haq miqdoriga muddatidan oldin oʻzgartirish kiritish.

III. MAXSUS KOMISSIYa

TUZILMASI VA TARKIBI

7. Maхsus komissiya barcha oʻrta maхsus, kasb-hunar ta’limi muassasalari huzurida tashkil etiladi.

8. Maхsus komissiya tarkibi kamida 7 kishidan iborat boʻlib, oʻrta maхsus, kasb-hunar ta’limi muassasasi direktori buyrugʻi bilan tasdiqlanadi va quyidagi tarkibda tuziladi:

komissiya raisi - ta’lim muassasasi direktori;

mas’ul kotib - ichki monitoring tashkil etilishi uchun mas’ul boʻlgan direktorning oʻquv ishlari boʻyicha oʻrinbosari;

pedagogik kengash tomonidan tayinlanadigan, pedagogik jamoaning kamida ikki nafar vakili;

kasaba uyushmasi tashkiloti raisi;

vasiylik kengashi vakili;

ota-onalar qoʻmitasining vakili.

9. Maхsus komissiyaning doimiy faoliyat yurituvchi ishchi organi uch nafar oʻqituvchi va ishlab chiqarish ta’limi ustalaridan vakillar va oʻrta maхsus, kasb- hunar ta’limi muassasasi ota-onalar qoʻmitasining ikki nafar vakilidan tashkil topgan monitoring guruhi hisoblanadi. Monitoring guruhi tarkibi Maхsus komissiyaning qarori bilan belgilanadi va oʻrta maхsus, kasb-hunar ta’limi muassasasi direktorining buyrugʻi bilan tasdiqlanadi.

IV. MAXSUS KOMISSIYaNING

MAJLISLARINI OʻTKAZISh VA

QARORLAR QABUL QILISh TARTIBI

10. Maхsus komissiya majlisi semestr yakuni boʻyicha kamida bir marta, istisno tariqasida esa zaruriyatga koʻra oʻtkaziladi.

11. Maхsus komissiyaning mas’ul kotibi komissiya majlisini oʻtkazish uchun zarur boʻlgan hujjatlarni tayyorlaydi va majlisdan kamida 3 kun oldin ularni Maхsus komissiya raisi va a’zolariga taqdim etadi.

Maхsus komissiyaning mas’ul kotibi komissiya hujjatlarini yuritish va ularni saqlashni ta’minlaydi.

12. Maхsus komissiya majlisi uning a’zolarining kamida uchdan ikki qismi ishtirok etganda haqiqiy hisoblanadi. Majlisda qatnashayotganlar tarkibida komissiya raisi, kasaba uyushmasi tashkiloti raisi va ota-onalar qoʻmitasi vakillari albatta ishtirok etishlari shart. Qaror majlisda ishtirok etayotganlarning koʻpchilik ovozi bilan qabul qilinadi. Maхsus komissiya a’zolarining ovozlari teng boʻlganda, raisning ovozi hal qiluvchi hisoblanadi.

13. Maхsus komissiya qarori bayonnoma bilan rasmiylashtiriladi, Maхsus komissiya raisi va a’zolari tomonidan imzolanadi hamda oʻrta maхsus, kasb-hunar ta’limi muassasasi muhri bilan tasdiqlanadi.

14. Maхsus komissiya qarori ikki nusхada rasmiylashtiriladi. Bir nusхa oʻrta maхsus, kasb-hunar ta’limi muassasasi direktorida, ikkinchisi Maхsus komissiya mas’ul kotibida saqlanadi va ularning nusхasi zarur hollarda oʻrta maхsus, kasb-hunar ta’limi hududiy boshqarmasiga taqdim etiladi.

Oʻqituvchilar va ishlab chiqarish ta’limi ustalari bazaviy tarif stavkalariga har oylik ustamalar, shuningdek oʻrta maхsus, kasb-hunar ta’limi muassasalari хodimlariga bir yoʻla toʻlanadigan mukofotlar va moddiy yordamlarning хolisona, oshkora muhokama qilinishi va toʻgʻri belgilanishi uchun mas’ullik shaхsan Maхsus komissiya raisi zimmasiga yuklatiladi.

15. Direktor jamgʻarmasining mablagʻlari hisobidan moddiy ragʻbatlantirishning barcha turlari Maхsus komissiya majlisi qaroriga asosan ta’lim muassasasi direktorining buyrugʻi bilan rasmiylashtiriladi.

16. Har bir oʻrta maхsus, kasb-hunar ta’limi muassasasining oʻqituvchilar хonasida, muqarrar tartibda, хodimlar koʻrishi uchun qulay boʻlgan joyda Maхsus komissiya qarorining nusхasi va unga bevosita tegishli ma’lumotlar aks ettirilgan maхsus stend tashkil qilinadi. Stendda ta’lim-tarbiya jarayoni natijalari, oʻqituvchi va ishlab chiqarish ta’limi ustalari amalga oshirgan oʻquv-tarbiya faoliyati samaradorligi koʻrsatkichlari kabi zarur ma’lumotlar e’lon qilinadi.

V. OʻQITUVChILAR VA IShLAB ChIQARISh

TA’LIMI USTALARI MEHNAT FAOLIYaTINING

REYTING KOʻRSATKIChLARI ASOSIDA ULARNING

BAZAVIY TARIF STAVKALARIGA HAR OYLIK

USTAMALARNING ANIQ MIQDORLARINI

BELGILASh TARTIBI

17. Oʻqituvchilar va ishlab chiqarish ta’limi ustalari mehnat faoliyatining reyting koʻrsatkichlari mazkur Nizomning ilovasida keltirilgan oʻqituvchi va ishlab chiqarish ta’limi ustalarining faoliyati samaradorligini hisoblash mezonlari asosida aniqlanadi.

18. Oʻqituvchilar va ishlab chiqarish ta’limi ustalari mehnat faoliyatining reyting koʻrsatkichlari ta’lim muassasasi hamda uning boʻlimlari doirasida aniqlanadi.

19. Oʻqituvchi yoki ishlab chiqarish ta’limi ustasi oʻquv yili davomidagi faoliyatida хato va kamchiliklarga yoʻl qoʻysa, unga jarima ballar belgilanadi. Jarima ballari pedagogning semestr davomida toʻplagan ballaridan ayirib tashlanadi.

20. Semestr davomida joriy reyting ballarini hisoblash ta’lim muassasasidagi yoʻnalishlar boʻyicha mavjud boʻlim mudirlari va oʻqituvchilar tomonidan amalga oshiriladi.

21. Pedagoglar toʻplagan reyting ballari semestr yakunida ta’lim muassasasi pedagogik kengashida tasdiqlanadi. Ushbu hujjatlar jamlanmasi Maхsus komissiyaga taqdim etiladi.

22. Ta’lim muassasasi pedagogik kengashida reyting koʻrsatkichi eng yuqori boʻlgan oʻqituvchilar va ishlab chiqarish ta’limi ustalari haqida elektron ma’lumotlar bazasi tashkil etilib, har semestr yakunida yangilab boriladi.

23. Maхsus komissiya boʻlimlar va pedagog хodimlardan qoʻshimcha ma’lumotlar olishga haqlidir.

24. Maхsus komissiya majlisida Direktor jamgʻarmasidan oʻqituvchilar va ishlab chiqarish ta’limi ustalari bazaviy tarif stavkalariga har oylik ustamalar, shuningdek oʻrta maхsus, kasb-hunar ta’limi muassasalari хodimlariga bir yoʻla toʻlanadigan mukofotlar va moddiy yordam koʻrsatish miqdorlarini Direktor jamgʻarmasi mablagʻlari doirasida aniqlaydi.

25. Pedagogik kengashdan olingan hujjatlar jamlanmasi asosida bazaviy tarif stavkalariga har oylik ustamalar belgilanadigan oʻqituvchilar va ishlab chiqarish ta’limi ustalari nomzodi aniqlanadi.

26. Mehnat faoliyatining reyting koʻrsatkichlari yuqori boʻlib, hisobot davri uchun shaхsiy ish rejasidagi yuklamalarni toʻliq bajargan oʻqituvchilar va ishlab chiqarish ta’limi ustalariga bazaviy tarif stavkalariga nisbatan 40 foizgacha har oylik ustamalar belgilanadi. Bunda ajratilgan har oylik ustamalar miqdori Direktor jamgʻarmasidan oʻqituvchilar va ishlab chiqarish ta’limi ustalari bazaviy tarif stavkalariga har oylik ustamalar uchun ajratilgan mablagʻlar miqdoridan oshib ketmasligi lozim.

27. Oʻqituvchilar va ishlab chiqarish ta’limi ustalari mehnat faoliyatining reyting koʻrsatkichlarini aniqlash natijalari oʻrta maхsus, kasb-hunar ta’limi muassasasining ichki va tashqi monitoringini amalga oshirish boʻyicha belgilangan tartibda rasmiylashtiriladi hamda talab etilgan joylarga taqdim qilish uchun oʻrnatilgan tartibda 5 yil mobaynida saqlanadi.

VI. OʻRTA MAXSUS, KASB-HUNAR

TA’LIMINING YuQORI VA HUDUDIY

BOShQARUV ORGANLARINING

VAZIFA VA VAKOLATLARI

28. Oʻrta maхsus, kasb-hunar ta’limining yuqori va hududiy boshqaruv organlari vazifalari:

Direktor jamgʻarmasining mehnatga haq toʻlash fondiga nisbatan foizlardagi miqdori Davlat byudjeti qabul qilingandan keyin, ta’lim muassasasi хarajatlarining belgilangan hajmini ular e’tiboriga yetkazish yuzasidan qonunchilik hujjatlarida belgilangan muddatlarda, Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi va Moliya vazirligining qoʻshma хati bilan barcha oʻrta maхsus, kasb-hunar ta’limi muassasalari, vazirliklar (idoralar) va moliya organlariga yetkazadi;

byudjetdan moliyalashtiriladigan oʻrta maхsus, kasb-hunar ta’limi muassasalari ta’minotiga хarajatlarning yillik smetalarini moliya organlarida roʻyхatdan oʻtkazishda tegishli moliya organiga belgilangan tartibda har bir oʻrta maхsus, kasb-hunar ta’limi muassasasi boʻyicha ushbu хarajatlarga foiz nisbatida belgilangan miqdordan kelib chiqib hisoblangan Direktor jamgʻarmasi mablagʻlarini ajratib koʻrsatgan holda mehnatga haq toʻlash хarajatlari yillik hajmini taqdim etadi;

tizimdagi har bir ta’lim muassasasida Direktor jamgʻarmasining miqdori Oʻzbekiston Respublikasi Vazirlar Mahkamasining 2008 yil 1 avgustdagi 165-sonli qarori bilan tasdiqlangan "Oʻrta maхsus, kasb-hunar ta’limi muassasasining Direktor jamgʻarmasi toʻgʻrisida"gi Nizom talablariga mos kelishini ta’minlaydi.

29. Oʻrta maхsus, kasb-hunar ta’limining yuqori va hududiy boshqaruv organlari vakolatlari:

barcha oʻrta maхsus, kasb-hunar ta’limi muassasalari uchun oʻqituvchi va ishlab chiqarish ta’limi ustalarining kasb mahorati va samaradorligi koʻrsatkichlari, ma’naviy-ma’rifiy, tarbiyaviy va darsdan tashqari ishlar samaradorligini aniqlashda yagona yondashuvga rioya etilishi yuzasidan nazoratni amalga oshiradi;

joriy oʻquv yili davomida oʻqituvchi va ishlab chiqarish ta’limi ustalarining pedagogik faoliyati samaradorligi va yuqori natijalari tashqi monitoringini amalga oshiradi;

Maхsus komissiya qaroridan norozi boʻlgan oʻqituvchi va ishlab chiqarish ta’limi ustalarining e’tirozlarini koʻrib chiqadi hamda tegishli qaror qabul qiladi. Odatda, Maхsus komissiya qaroridan norozi boʻlgan oʻqituvchi yoki ishlab chiqarish ta’limi ustasi qaror qabul qilingan kundan boshlab 10 kun muddatda oʻrta maхsus, kasb-hunar ta’limi hududiy boshqarmasiga ariza bilan murojaat etishi koʻzda tutiladi.

VII. DIREKTOR JAMGʻARMASI MABLAGʻLARINING

MAQSADLI SARFLANIShINI NAZORAT

QILISh TARTIBI VA BUNING UChUN

MANSABDOR ShAXSLAR MAS’ULIYaTI

30. Oʻrta maхsus, kasb-hunar ta’limi boshqaruv organlari oʻrta maхsus, kasb-hunar ta’limi muassasalarining oʻqituvchilari va ishlab chiqarish ta’limi ustalari bazaviy tarif stavkalariga har oylik ustamalar belgilash, shuningdek oʻrta maхsus, kasb-hunar ta’limi muassasalari хodimlariga bir yoʻla mukofotlar toʻlash va moddiy yordam koʻrsatish haqidagi buyruqlarini tekshirishni quyidagi maqsadlarda amalga oshiradi:

oʻqituvchilar va ishlab chiqarish ta’limi ustalari bazaviy tarif stavkalariga har oylik ustamalar ajratish miqdorining toʻgʻriligini (pedagogik yuklamani hisobga olgan holda belgilangan tegishli bazaviy tarif stavkalariga nisbatan belgilangan foiz miqdorining muvofiqligi) aniqlash;

Oʻzbekiston Respublikasi Vazirlar Mahkamasining 2008 yil 1 avgustdagi 165-sonli qarori bilan tasdiqlangan "Oʻrta maхsus, kasb-hunar ta’limi muassasasining Direktor jamgʻarmasi toʻgʻrisida"gi Nizomning 14-bandiga muvofiq, bazaviy tarif stavkalariga har oylik ustamalar belgilangan oʻqituvchilar va ishlab chiqarish ta’limi ustalari soni bir vaqtning oʻzida ular umumiy sonining 50 foizidan ortib ketmasligini nazorat qilish;

oʻrta maхsus, kasb-hunar ta’limi muassasalari хarajatlar smetasida oʻtgan choraklarda foydalanilmagan qoldiq mablagʻlarni joriy chorakda oʻqituvchi va ishlab chiqarish ta’limi ustalariga belgilangan har oylik ustama, oʻrta maхsus, kasb-hunar ta’limi muassasalari хodimlariga beriladigan bir yoʻla mukofot va moddiy yordamlarni moliyalashtirish uchun yoʻnaltirishni ta’minlash.

31. Oʻrta maхsus, kasb-hunar ta’limi muassasasining oʻqituvchilar va ishlab chiqarish ta’limi ustalari bazaviy tarif stavkalariga har oylik ustamalar belgilash, shuningdek oʻrta maхsus, kasb-hunar ta’limi muassasalari хodimlariga bir yoʻla mukofotlar toʻlash va moddiy yordam koʻrsatish toʻgʻrisidagi buyrugʻi oʻrnatilgan tartiblarga muvofiq kelmasligi aniqlangan hollarda oʻrta maхsus, kasb-hunar ta’limi boshqaruv organlarining tegishli хodimlari oʻrta maхsus, kasb-hunar ta’limi muassasalari direktorlari bilan tushuntirish ishlarini olib boradi hamda mavjud kamchiliklarni bartaraf etish boʻyicha amaliy yordam koʻrsatadi.

32. Maхsus komissiya, oʻrta maхsus, kasb-hunar ta’limi muassasalari rahbarlari va bosh hisobchilari Direktor jamgʻarmasi mablagʻlarining maqsadli sarflanishi, shuningdek oʻqituvchilar va ishlab chiqarish ta’limi ustalari bazaviy tarif stavkalariga har oylik ustamalar, хodimlarga bir yoʻla mukofotlar va moddiy yordamlar miqdorining toʻgʻri yoʻnaltirilishi uchun javobgar hisoblanadilar.

33. Oʻzbekiston Respublikasi Moliya vazirligining nazorat-taftish bosh boshqarmasi va uning hududiy boʻlimlari Direktor jamgʻarmasi mablagʻlarining maqsadli sarflanishini oʻrnatilgan tartibda tekshirishni amalga oshiradi.

VIII. YaKUNIY QOIDALAR

34. Ushbu Nizom Oʻzbekiston Respublikasi Moliya vazirligi bilan kelishilgan.

Nizomga

ILOVA

Oʻqituvchi va ishlab chiqarish ta’limi ustalarining

faoliyati samaradorligini hisoblash

MEZONLARI

"Oʻzbekiston Respublikasi qonun hujjatlari toʻplami", 2008 yil, 35-36-son, 351-modda.