Oliy va oʻrta maхsus ta’lim vazirligi oʻrta maхsus, kasb-hunar ta’lim markazining 04/QQ-son, Vazirlar Mahkamasi huzuridagi Davlat test markazining 01-76-son, Mehnat va aholini ijtimoiy muhofaza qilish vazirligining 01/1184-son "Professional ta’lim muassasalari pedagog kadrlari va muhandis-pedagog kadrlarining boʻsh lavozimlarni egallash uchun ularni tanlov asosida tanlab olish toʻgʻrisidagi nizomni tasdiqlash haqida"gi 24.03.2005 y. Qarori (AV tomonidan 28.03.2005 y. 1461-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
28.03.2005 y.
N 1461
OʻZBEKISTON RESPUBLIKASI OLIY VA OʻRTA MAXSUS TA’LIM VAZIRLIGI OʻRTA MAXSUS, KASB- HUNAR TA’LIM MARKAZINING 24.03.2005 y. N 04/QQ |
OʻZBEKISTON RESPUBLIKASI VAZIRLAR MAHKAMASI HUZURIDAGI DAVLAT TEST MARKAZINING 24.03.2005 y. N 01-76 |
OʻZBEKISTON RESPUBLIKASI MEHNAT VA AHOLINI IJTIMOIY MUHOFAZA QILISh VAZIRLIGINING 24.03.2005 y. N 01/1184 |
QARORI
Professional ta’lim muassasalari pedagog kadrlari
va muhandis-pedagog kadrlarining boʻsh lavozimlarni
egallash uchun ularni tanlov asosida tanlab olish
toʻgʻrisidagi nizomni tasdiqlash haqida
(2005 yil 7 apreldan kuchga kiradi)
Oʻzbekiston Respublikasi Prezidentining 2005 yil 28 fevraldagi R-2146-sonli Farmoyishining 8-bandiga muvofiq, Oʻzbekiston Respublikasi Oliy va oʻrta maхsus ta’lim vazirligi Oʻrta maхsus, kasb-hunar ta’lim markazi, Vazirlar Mahkamasi huzuridagi Davlat test markazi va Mehnat va aholini ijtimoiy muhofaza qilish vazirligi QAROR QILADI:
1. Professional ta’lim muassasalari pedagog kadrlari va muhandis-pedagog kadrlarining boʻsh lavozimlarni egallash uchun ularni tanlov asosida tanlab olish toʻgʻrisidagi nizom ilovaga muvofiq tasdiqlansin.
2. Mazkur qaror kuchga kirgan kundan e’tiboran Oʻzbekiston Respublikasi Oliy va oʻrta maхsus ta’lim vazirligi Oʻrta maхsus, kasb-hunar ta’lim markazi, Vazirlar Mahkamasi huzuridagi Davlat test markazi va Mehnat va aholini ijtimoiy muhofaza qilish vazirligining 2002 yil 3 yanvardagi 3, 19 va 19-son qarori bilan tasdiqlangan "Oʻrta maхsus, kasb-hunar ta’limi tizimida rahbar va oʻqituvchilarning boʻsh lavozimlarini egallash uchun ularni tanlov asosida tanlab olish toʻgʻrisida"gi nizom (2002 yil 4 yanvar, roʻyхat raqami 1093) oʻz kuchini yoʻqotgan deb hisoblansin.
3. Ushbu qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kundan keyin kuchga kiritilsin.
Oliy va oʻrta maхsus ta’lim vazirligi
Oʻrta maхsus, kasb-hunar
ta’lim markazi direktori v.v.b. X. Masudov
Vazirlar Mahkamasi huzuridagi
Davlat test markazi direktori B. Ismailov
Mehnat va aholini ijtimoiy
muhofaza qilish vaziri O. Obidov
"Oʻzbekiston Respublikasi qonun hujjatlari toʻplami", 2005 yil, 12-13-son, 96-modda.