Sogʻliqni saqlash vazirining 27.02.2010 y. 56-son "Oʻzbekiston Respublikasi sogʻliqni saqlash muassasalarida tugʻilganlik haqidagi tibbiy ma’lumotnoma, perinatal oʻlim va oʻlim haqidagi tibbiy guvohnomalarni berish tartibi toʻgʻrisidagi yoʻriqnomani tasdiqlash haqida"gi Buyrugʻi (AV tomonidan 23.03.2010 y. 2089-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
23.03.2010 y.
N 2089
OʻZBEKISTON RESPUBLIKASI
SOGʻLIQNI SAQLASh VAZIRINING
27.02.2010 y.
N 56
BUYRUGʻI
Oʻzbekiston Respublikasi sogʻliqni saqlash
muassasalarida tugʻilganlik haqidagi tibbiy
ma’lumotnoma, perinatal oʻlim va oʻlim haqidagi
tibbiy guvohnomalarni berish tartibi toʻgʻrisidagi
yoʻriqnomani tasdiqlash haqida
(2010 yil 2 apreldan kuchga kiradi)
Oʻzbekiston Respublikasi Oila Kodeksi (Oʻzbekiston Respublikasi Oliy Majlisining Aхborotnomasi, 1998 y., 5-6-songa ilova) ijrosini ta’minlash, aholining tibbiy yordamga talabini aniqlash, davolash-profilaktika muassasalari tizimi va tarkibini rejalashtirish, aholi salomatligini yaхshilash, aholi tabiiy oʻsishining haqiqiy harakatini bilish, tugʻilish va oʻlim haqidagi ma’lumotlarning haqiqiy ekanligini ta’minlash maqsadida BUYuRAMAN:
1. Oʻzbekiston Respublikasi sogʻliqni saqlash muassasalarida tugʻilganlik haqidagi tibbiy ma’lumotnoma, perinatal oʻlim va oʻlim haqidagi tibbiy guvohnomalarni berish tartibi toʻgʻrisidagi yoʻriqnoma ilovaga muvofiq tasdiqlansin.
2. Mazkur buyruq Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.
Vazir A. Ikramov
"Oʻzbekiston Respublikasi qonun hujjatlari toʻplami", 2010 yil, 12-son, 87-modda.