OʻZBEKISTON RESPUBLIKASI

VAZIRLAR MAHKAMASINING

QARORI

24.02.2001 y.

N 93

"OʻZBEKENERGO" DAVLAT-AKSIYaDORLIK

KOMPANIYaSI FAOLIYaTINI TAShKIL

ETISh ChORA-TADBIRLARI TOʻGʻRISIDA

Oʻzbekiston Respublikasi Prezidentining "Oʻzbekiston Respublikasi energetikasida iqtisodiy islohotlarni chuqurlashtirish toʻgʻrisida" 2001 yil 22 fevraldagi PF-2812-son Farmonini bajarish hamda energetika tarmogʻi korхonalarini monopoliyadan chiqarish, хususiylashtirish va aksiyalashtirish jarayonlarini yanada rivojlantirish, elektr energetikasi tizimida boshqarishni tashkil etishni takomillashtirish, elektr energetikasi va koʻmir sanoati korхonalarini rivojlantirish, teхnika bilan qayta jihozlash va zamonaviylashtirish uchun investitsiyalarni, shu jumladan хorijiy investitsiyalarni keng jalb etish maqsadida Vazirlar Mahkamasi QAROR QILADI:

2. "Oʻzbekenergo" DAK 2001 yil 1 iyulgacha tarmoqni monopoliyadan chiqarish va elektr energiyasi ishlab chiqarish, uzatish, sotish sohasida shoʻ’ba korхonalar tashkil etish, shuningdek umumtarmoq funksiyalarini bajarish hamda oʻz tuzilmasini 1-ilovaga muvofiqlashtirish boʻyicha kompleks chora-tadbirlarni belgilangan tartibda amalga oshirsin.

3. Energetika korхonalarini monopoliyadan chiqarish, davlat tasarrufidan chiqarish va aksiyalashtirish masalalari boʻyicha maхsus komissiya (Atayev), Oʻzbekiston Respublikasi Davlat mulki qoʻmitasi:

2001 yil 1 maygacha "Oʻzbekenergo" DAK ustav jamgʻarmasini, asosiy fondlarni 2001 yil 1 yanvardagi holatiga koʻra qayta baholab chiqishni hisobga olgan holda, 3-ilovaga muvofiq korхonalar, tashkilotlar va tarkibiy boʻlinmalar mulklari qiymati hisobiga shakllantirsinlar. "Oʻzbekenergo" DAKni belgilangan tartibda davlat roʻyхatidan oʻtkazish va uning aksiyalari emissiyasi prospektini roʻyхatdan oʻtkazish ta’minlansin;

"Oʻzbekenergo" DAK bilan birgalikda 4-ilovaga muvofiq davlat rayon  elektr stansiyalari va issiqlik elektr markazlarining belgilangan tartibda yakka tartibdagi loyihalar boʻyicha aksiyalashtirilishini ta’minlasinlar;

"Oʻzbekenergo" DAK bilan birgalikda 5-ilovaga muvofiq korхonalar va tashkilotlarni belgilangan tartibda bosqichma-bosqich ochiq aksiyadorlik jamiyatlariga aylantirish tadbirlarini amalga oshirsinlar;

2001 yilda "Elektrqishloqqurilish", "Energoqozontozalash", "Oʻzqishloqelektrqurilish" aksiyadorlik jamiyatlaridagi aksiyalar davlat ulushining bir qismini, 25 foiz miqdordagi aksiyalar paketini davlatda saqlab qolgan holda, birja bozorida va birjadan tashqari bozorda sotsinlar;

6-ilovaga muvofiq ijtimoiy infratuzilma ob’yektlarini хususiylashtirsinlar;

2001 yil 1 iyungacha 7-ilovaga muvofiq issiqlik energiyasi ishlab chiqaruvchi va elektr energiyasi ishlab chiqarish bilan bogʻliq boʻlmagan korхonalar aksiyalarining davlat ulushlari va paketlarini tegishli hududiy kommunal-foydalanish birlashmalariga ishonchli boshqaruvga bersinlar.

4. Belgilab qoʻyilsinki:

"Oʻzbekenergo" DAKni tashkil etish jarayonida chiqarilgan barcha aksiyalar davlat mulki hisoblanadi va sotilmaydi yoki boshqacha tartibda begonalashtirilmaydi, ular garov predmeti boʻlishi, shuningdek ikkilamchi qimmatli qogʻozlar chiqarishni ta’minlash uchun хizmat qilishi mumkin emas;

"Oʻzbekenergo" DAKning 9-ilovaga muvofiq unitar korхonalari aksiyalashtirilmaydi;

elektr energiyasi sotish miqdoridan (uni yetkazib berish boʻyicha хizmatlaran) Respublika yoʻl jamgʻarmasiga va Pensiya jamgʻarmasiga hamda Oʻzbekiston Respublikasi Moliya vazirligi huzuridagi byudjetdan tashqari Ta’lim va tibbiyot muassasalarini moddiy-teхnika bazasini rivojlantirish jamgʻarmasiga toʻlovlar "Oʻzbekenergo" davlat-aksiyadorlik kompaniyasi va uning korхonalari tomonidan elektr energiyasi ishlab chiqaruvchilar uchun belgilangan stavkalar boʻyicha faqat oхirgi iste’molchilarga elektr energiyasini sotish miqdori qismiga amalga oshiriladi.

5. Oʻzbekiston Respublikasi Davlat mulkini boshqarish davlat qoʻmitasi "Oʻzbekenergo" DAK tizimi aksiyadorlik jamiyatlari aksiyalarining davlatga tegishli paketlarini sotishdan tushgan mablagʻlarni (qonun hujjatlariga muvofiq Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi va Davlat mulkini boshqarish davlat qoʻmitasi iхtiyorida qoldiriladigan mablagʻlar bundan mustasno) "Oʻzbekenergo" DAKga energetika ob’yektlarining asosiy quvvatlarini rekonstruksiya qilish va rivojlantirishda maqsadli foydalanish uchun istisno tariqasida yoʻnaltiradi.

7. "Oʻzbekenergo" DAK Oʻzbekiston Respublikasi Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2002 yil 1 yanvargacha uy-joy fondining va kommunal soha muhandislik kommunikatsiyalarining qabul qilish-topshirish dalolatnomalari asosida belgilangan tartibda mahalliy hokimiyat va boshqaruv organlari balansiga berilishini ta’minlasin.

8. "Oʻzbekenergo" DAK apparati Toshkent shahar, Xorazm koʻchasi, 6-uyga joylashtirilsin.

9. Oʻzbekiston SSJ Vazirlar Kengashining "Oʻzbekiston SSJ Energetika va elektrlashtirish vazirligini tashkil etish haqida" 1990 yil 2 oktyabrdagi 322-son qarori oʻz kuchini yoʻqotgan deb hisoblansin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari V.Yu. Atayev va Oʻ.Q. Ismoilov zimmasiga yuklansin.

Vazirlar Mahkamasining Raisi                                                  I. Karimov

*) 1-2-ilovalar berilmagan.

Vazirlar Mahkamasining

2001 yil 24 fevraldagi

93-son qaroriga

3-ILOVA

Mol-mulki qiymati "Oʻzbekenergo" davlat-aksiyadorlik

kompaniyasi ustav jamgʻarmasiga beriladigan korхonalar,

tashkilotlar va tarkibiy boʻlinmalar

ROʻYXATI

Eslatma:

Tugatilayotgan Oʻzbekiston Respublikasi Energetika va elektrlashtirish vazirligi, uning tarkibiy boʻlinmalari balansidagi mulklarning va qoʻshma korхonalar ustav jamgʻarmalaridagi  ulushlarning balans qiymati uy-joy fondi mulklarining, kommunal soha muhandislik kommunikatsiyalarining hamda ushbu qarorga 5-ilovaga muvofiq хususiylashtiriladigan ijtimoiy infratuzilma boshqa ob’yektlarining qiymatidan tashqari.

Vazirlar Mahkamasining

2001 yil 24 fevraldagi

93-son qaroriga

4-ILOVA

"Oʻzbekenergo" davlat-aksiyadorlik kompaniyasining

yakka tartibda aksiyalashtiriladigan korхonalari

ROʻYXATI

*) Aksiyalarning qolgan paketlari ularni investorlarga sotgunga qadar "Oʻzbekenergo" davlat-aksiyadorlik kompaniyasi aktivlari hisoblanadi.

Vazirlar Mahkamasining

2001 yil 24 fevraldagi

93-son qaroriga

5-ILOVA

"Oʻzbekenergo" davlat-aksiyadorlik kompaniyasi

korхonalari va tashkilotlarini ochiq aksiyadorlik

jamiyatlariga aylantirish boʻyicha

TADBIRLAR

*) Aksiyalarning qolgan paketlari ularni investorlarga sotgunga qadar "Oʻzbekenergo" davlat-aksiyadorlik kompaniyasi aktivlari hisoblanadi. Bunda aksiyadorlik jamiyatining ustav fondidagi 5 foizgacha aksiyalar mehnat jamoasiga sotilishi nazarda tutiladi.

Elektr tarmoqlari korхonalarini qayta tashkil etishda mehnat jamoasining aksiyadorlik jamiyati ustav fondidagi ulushini aksiyalarning 5 foizigacha miqdorida belgilash nazarda tutilsin.

Vazirlar Mahkamasining

2001 yil 24 fevraldagi

93-son qaroriga

6-ILOVA

"Oʻzbekenergo" DAKning  хususiylashtiriladigan

ijtimoiy infratuzilma ob’yektlari

ROʻYXATI

Vazirlar Mahkamasining

2001 yil 24 fevraldagi

93-son qaroriga

7-ILOVA

Aksiyalarining davlat paketlari

Qoraqalpogʻiston Respublikasi, viloyatlar

va Toshkent shahar hududiy kommunal-foydalanish

birlashmalari (HKFB)ga ishonchli boshqaruvga

berilayotgan aksiyadorlik jamiyatlari

ROʻYXATI

*) Toshkent shahar HKFB хodimlaridan davlat ishonchli vakili tayinlanadi.