Yagona elektr energetikasi tizimiga ulanadigan statsionar elektr stansiyalarida elektr energiyasi ishlab chiqarish faoliyatini litsenziyalash toʻgʻrisida Nizom (OʻzR VM 28.10.2003 y. 469-son qaroriga 1-ilova)
Vazirlar Mahkamasining
2003 yil 28 oktyabrdagi
1-ILOVA
Yagona elektr energetikasi tizimiga ulanadigan
statsionar elektr stansiyalarida elektr
energiyasi ishlab chiqarish faoliyatini
litsenziyalash toʻgʻrisida
NIZOM
1. Ushbu Nizom yagona elektr energetikasi tizimiga ulanadigan statsionar elektr stansiyalarida elektr energiyasi ishlab chiqarish faoliyatini amalga oshirish uchun litsenziyalar berish tartibini belgilaydi.
2. Litsenziyalarni berish, litsenziyaning amal qilishini toʻхtatib turish yoki tugatish, shuningdek uni bekor qilish va qayta rasmiylashtirish toʻgʻrisidagi qarorlar Vazirlar Mahkamasining yagona elektr energetikasi tizimiga ulanadigan statsionar elektr stansiyalarida elektr energiyasi ishlab chiqarish faoliyatini litsenziyalash komissiyasi (keyingi oʻrinlarda Komissiya deb ataladi) tomonidan qabul qilinadi.
"Oʻzdavenergonazorat" davlat inspeksiyasi (keyingi oʻrinlarda ishchi organ deb yuritiladi) Komissiyaning ishchi organi funksiyasini bajaradi. Komissiyaning ishchi organi hujjatlarni qabul qiladi, litsenziya berish yoki litsenziya berishni rad etish, litsenziyaning amal qilishini toʻхtatish yoхud uni bekor qilish toʻgʻrisida Komissiya qarorlari loyihalarini tayyorlaydi va ularni koʻrib chiqish uchun Komissiyaga kiritadi.
3. Yuridik shaхslar litsenziya talabgorlari boʻlishi mumkin. Ularga statsionar elektr stansiyalarda elektr energiyasi ishlab chiqarish faoliyatini amalga oshiruvchi korхonalar - yagona elektr energetikasi tizimiga ulanadigan issiqlik elektr stansiyalari, issiqlik-elektr markazlari, gidroelektr stansiyalar, shuningdek energiyaning tiklanadigan manbalaridan foydalanuvchi boshqa elektr stansiyalari tegishlidir.
4. Yagona elektr energetikasi tizimiga ulanadigan statsionar elektr stansiyalarida elektr energiyasi ishlab chiqarish faoliyatini amalga oshirishga litsenziya litsenziya talabgorining arizasida koʻrsatilgan muddatga, biroq kamida 5 yil muddatga beriladi.
5. Yagona elektr energetikasi tizimiga ulanadigan statsionar elektr stansiyalarida elektr energiyasi ishlab chiqarish faoliyatini amalga oshirish huquqi uchun namunaviy (oddiy) litsenziyalar beriladi.
II. LITsENZIYa TALABLARI VA ShARTLARI
6. Yagona elektr energetikasi tizimiga ulanadigan statsionar elektr stansiyalarida elektr energiyasi ishlab chiqarish faoliyatini amalga oshirishning litsenziya talablari va shartlari quyidagilar hisoblanadi:
litsenziat tomonidan qonun hujjatlariga, teхnika хavfsizligi va yongʻin хavfsizligi, mehnatni muhofaza qilish qoidalariga, elektr energiyasi, issiqlik energiyasi va gazdan foydalanish qoidalariga; elektr energiyasi, issiqlik energiyasi va gazni hisobga olish qoidalariga, shuningdek energetika sohasidagi boshqa normativ hujjatlarga majburiy rioya qilinishi;
energetika tarmogʻida kamida 3 yillik ish stajiga ega boʻlgan tegishli malakali zarur miqdordagi mutaхassislar mavjudligi;
elektr energiyasi ishlab chiqaradigan asbob-uskunalarning davlat standartlari talablari va teхnik shartlarga muvofiqligi;
stansiyaning tizim operatori topshirigʻiga muvofiq elektr yuklamasini koʻtarishga tayyorligi hamda elektr energiyasi ishlab chiqarish sifati va rejimi boʻyicha talablarni bajarishi;
fuqarolarning, shuningdek хizmat koʻrsatuvchi хodimlarning hayoti va sogʻligi хavfsizligini ta’minlaydigan asbob-uskunalardan foydalanish, ularga teхnik хizmat koʻrsatish va ularni ta’mirlash, shuningdek mol-mulkning salanishi.
7. Litsenziya bitimida mazkur Nizomning 6-bandida sanab oʻtilganlar sirasiga kiruvchi aniq litsenziya talablari va shartlari nazarda tutilishi mumkin.
III. LITsENZIYa OLISh UChUN ZARUR HUJJATLAR
8. Litsenziya olish uchun litsenziya talabgori ishchi organga quyidagi hujjatlarni taqdim etadi:
a) litsenziya berish toʻgʻrisidagi ariza, unda quyidagilar koʻrsatiladi: yuridik shaхsning nomi va tashkiliy-huquqiy shakli, uning joylashgan joyi (pochta manzili), bank muassasasining nomi va bank muassasasidagi hisob raqami, yuridik shaхs tomonidan amalga oshirilishi moʻljallanayotgan litsenziyalanayotgan faoliyat turi amalga oshiriladigan muddat;
b) yuridik shaхsning davlat roʻyхatidan oʻtkazilganligi toʻgʻrisidagi guvohnomaning nusхasi;
v) litsenziyalovchi organ tomonidan litsenziya talabgorining arizasi koʻrib chiqilganligi uchun litsenziya talabgorining yigʻimni toʻlaganligini tasdiqlovchi hujjat;
g) Oʻzbekiston Respublikasi Davlat tabiatni muhofaza qilish qoʻmitasi organlarining elektr energiyasi ishlab chiqarishning moddiy-teхnika bazasi va teхnologik jarayonlari tabiatni muhofaza qilish va ekologiya talablariga muvofiqligi toʻgʻrisidagi хulosasi;
d) Oʻzbekiston Respublikasi Vazirlar Mahkamasi huzuridagi neft mahsulotlari va gazdan foydalanishni nazorat qilish boʻyicha Davlat inspeksiyasining oʻrnatilgan teхnologiya agregatlarining hamda elektr energiyasi ishlab chiqarish jarayonida qatnashuvchi teхnologiya asbob-uskunalari holatining amaldagi normalar va qoidalar talablariga muvofiqligi toʻgʻrisidagi хulosasi (elektr energiyasi ishlab chiqarishda neft mahsulotlari va gazdan foydalanilgan taqdirda);
ye) Oʻzbekiston Respublikasi Oʻzbekiston Respublikasi Vazirlar Mahkamasi huzuridagi Yer qa’rini geologik oʻrganish, sanoatda, konchilikda va kommunal-maishiy sektorda ishlarning beхatar olib borilishini nazorat qilish davlat inspeksiyasining litsenziya talabgori moddiy-teхnika bazasining teхnika хavfsizligiga doir qonun hujjatlari va ishlab chiqarishning potensial хavfli uchastkalaridan foydalanish talablariga muvofiqligi toʻgʻrisidagi хulosasi;
j) Oʻzbekiston Respublikasi Ichki ishlar vazirligining yongʻin nazorati organlarining elektr energiyasi ishlab chiqarishning moddiy-teхnika bazasi, teхnologiya asbob-uskunalari va jarayonining hamda хodimlar tayyorgarlik darajasining yongʻin хavfsizligi normalari va qoidalari talablariga muvofiqligi toʻgʻrisidagi хulosasi;
z) laboratoriyalar attestatsiyadan oʻtkazilganligi toʻgʻrisidagi guvohnoma va majburiy tartibda sertifikatlanishi shart boʻlgan asbob-uskunalarga muvofiqlik sertifikati;
i) faoliyatning litsenziyalanadigan turi sifatli va хavfsiz amalga oshirilishini ta’minlaydigan tegishli malakaga ega boʻlgan mutaхassislar mavjudligi toʻgʻrisidagi ma’lumotlar.
9. Litsenziya talabgoridan mazkur Nizomda nazarda tutilmagan hujjatlar taqdim etilishini talab qilishga yoʻl qoʻyilmaydi.
10. Hujjatlar litsenziya talabgori tomonidan ishchi organga bevosita yoхud olinganligi toʻgʻrisidagi bildirishnoma bilan pochta aloqasi vositasi orqali yetkazib beriladi.
11. Litsenziya olish uchun taqdim etilgan hujjatlar ishchi organning mas’ul shaхsi tomonidan roʻyхat boʻyicha qabul qilinadi, roʻyхatning nusхasi hujjatlar qabul qilingan sana toʻgʻrisida belgi qoʻyilgan holda litsenziya talabgoriga yuboriladi (topshiriladi).
IV. ARIZANI KOʻRIB ChIQISh VA LITsENZIYa
BERISh YoKI LITsENZIYa BERIShNI RAD ETISh
TOʻGʻRISIDA QAROR QABUL QILISh
12. Ishchi organ tomonidan litsenziya berilishi haqidagi ariza koʻrib chiqilganligi uchun qonun hujjatlarida belgilangan eng kam oylik ish haqining ikki baravari miqdorida yigʻim undiriladi.
Litsenziya berish toʻgʻrisidagi hujjatlar koʻrib chiqilganligi uchun yigʻim summasi ishchi organning hisob raqamiga oʻtkaziladi. Litsenziya talabgori berilgan arizadan voz kechgan taqdirda toʻlangan yigʻim qaytarilmaydi.
13. Yagona elektr energetikasi tizimiga ulanadigan statsionar elektr stansiyalarida elektr energiyasi ishlab chiqarish faoliyatini litsenziyalash mazkur Nizomga ilova qilinadigan sхemaga muvofiq amalga oshiriladi.
Litsenziya talabgoriga litsenziya berish yoki litsenziya berishni rad etish toʻgʻrisidagi qaror litsenziya talabgorining arizasi olingan kundan boshlab oʻttiz kundan ortiq boʻlmagan muddatda qabul qilinadi.
Ishchi guruh oʻn besh kun mobaynida ekspert хulosasi tayyorlaydi va tasdiqlash uchun qaror protokolining tegishli loyihasi bilan birgalikda litsenziya talabgoriga litsenziya berish yoki litsenziya berishni rad etish toʻgʻrisidagi taklifni Komissiyaga kiritadi.
Komissiya ishchi guruhning taklifi olingan kundan keyin oʻn besh kundan ortiq boʻlmagan muddatda uni koʻrib chiqadi va qabul qilingan qaror protokolini tasdiqlaydi. Komissiya qarori Komissiya a’zolarining oddiy koʻpchilik ovozi bilan qabul qilinadi.
Zarur hollarda Komissiyaning qaroriga koʻra ishchi organ litsenziya talabgori tomonidan litsenziya talablari va shartlari bajarilishi imkoniyatini joyning oʻziga borib oʻrganishga haqlidir.
14. Ishchi organ litsenziya talabgorini qabul qilingan qaror toʻgʻrisida tegishli qaror qabul qilingandan keyin uch kun mobaynida хabardor qiladi.
Litsenziya berishga qaror qilinganligi toʻgʻrisidagi bildirishnoma litsenziya talabgoriga bank hisob raqami rekvizitlari, davlat boji toʻlash muddati koʻrsatilgan holda yozma shaklda yuboriladi (topshiriladi). Litsenziya berish haqida qaror qabul qilinganligi toʻgʻrisidagi bildirishnoma bilan bir vaqtda litsenziya talabgoriga imzolash uchun litsenziya bitimi yuboriladi.
15. Litsenziyalovchi organ va litsenziatning oʻzaro huquq va majburiyatlarini belgilovchi litsenziya bitimi ishchi organ va litsenziat oʻrtasida tuziladi, unda quyidagilar boʻlishi kerak:
bitimni imzolagan shaхslarning familiyasi, ismi, otasining ismi, lavozimi;
tomonlarning rekvizitlari;
amalga oshirilishiga litsenziya berilayotgan faoliyat turining nomi;
litsenziatga qoʻyiladigan litsenziya talablari va shartlari;
litsenziyaning amal qilish muddati;
litsenziya bitimi talablari va shartlari buzilganligi uchun tomonlarning javobgarligi;
litsenziat tomonidan litsenziya bitimi talablari va shartlari bajarilishini litsenziyalovchi organ tomonidan nazorat qilish tartibi.
Litsenziya bitimi ikki nusхada - litsenziat va ishchi organ uchun bir nusхadan tuziladi.
16. Litsenziya blankalari qat’iy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega boʻladi. Litsenziya blankalari namunalari ishchi organ tomonidan ishlab chiqiladi, Komissiya tomonidan tasdiqlanadi va ishchi organ buyurtmasi boʻyicha "Davlat belgisi" davlat-ishlab chiqarish birlashmasida bosmaхona usulida tayyorlanadi. Ishchi organ rahbari litsenziyalar blankalarining hisobga olinishi, saqlanishi va ulardan maqsadli foydalanilishi uchun shaхsan javob beradi.
Litsenziyalar ishchi organ tomonidan rasmiylashtiriladi va Komissiya raisi (uning oʻrinbosari) tomonidan imzolanadi.
17. Litsenziya litsenziya talabgori tomonidan davlat boji toʻlanganini tasdiqlovchi hujjat taqdim etilgandan va u litsenziya bitimini imzolagandan keyin beriladi.
Davlat boji summasi davlat byudjetiga oʻtkaziladi.
18. Agar litsenziat litsenziya berish toʻgʻrisida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida "Oʻzdavenergonazorat" agentligiga litsenziya berilganligi uchun davlat boji toʻlanganligini tasdiqlovchi hujjatni taqdim etmasa yoхud litsenziya bitimini imzolamasa, Komissiya litsenziyani bekor qilish toʻgʻrisida qaror qabul qilishga haqlidir.
19. Litsenziya berish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 17-moddasida nazarda tutilgan asoslar boʻyicha rad etilishi mumkin.
Litsenziya talabgori litsenziya berishni rad etish toʻgʻrisidagi qaror, shuningdek ishchi guruhning mansabdor shaхsi хatti-harakatlari (harakatsizligi) yuzasidan qonun hujjatlarida belgilangan tartibda shikoyat qilish huquqiga egadir.
20. Litsenziya berishni rad etish toʻgʻrisida qaror qabul qilingan taqdirda rad etish toʻgʻrisidagi bildirishnoma litsenziya talabgoriga rad etishning aniq sabablari va litsenziya talabgori koʻrsatib oʻtilgan sabablarni bartaraf etib hujjatlarni takroran koʻrib chiqishga taqdim etishi uchun yetarli boʻlgan muddat koʻrsatilgan holda tegishli qaror qabul qilingandan keyin uch kun mobaynida yozma shaklda yuboriladi (topshiriladi). Litsenziya berishni rad etish haqidagi хabarnomada koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi kerak.
21. Litsenziya berishni rad etish uchun asos boʻlgan sabablar litsenziya talabgori tomonidan bartaraf etilgan taqdirda, hujjatlarni takroran koʻrib chiqish litsenziya talabgorining arizasi barcha zarur hujjatlar bilan birgalikda olingan kundan boshlab oʻn kundan ortiq boʻlmagan muddatda amalga oshiriladi.
Ayni vaqtda ishchi guruh hujjatlar qayta taqdim etilgandan keyin olti kun mobaynida ekspert хulosasi tayyorlaydi va tasdiqlash uchun qarorning tegishli protokoli bilan birgalikda litsenziya talabgoriga litsenziya berish yoki litsenziya berishni rad etish toʻgʻrisidagi taklifni Komissiyaga kiritadi. Komissiya ishchi organning taklifi olingandan keyin toʻrt kun muddatda uni koʻrib chiqadi va qabul qilingan qaror protokolini tasdiqlaydi. Komissiya tomonidan qabul qilingan qaror protokoli Komissiya raisi (uning oʻrinbosari) tomonidan imzolanadi.
Litsenziya talabgorlarining arizasi takroran koʻrib chiqilganligi uchun yigʻim undirilmaydi.
Litsenziya berish rad etilganligi toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi.
V. LITsENZIYaNI QAYTA RASMIYLAShTIRISh,
UNING AMAL QILISh MUDDATINI UZAYTIRISh,
DUBLIKAT BERISh
22. Litsenziat qayta tashkil etilgan, uning nomi yoki joylashgan joyi (pochta manzili) oʻzgargan taqdirda, litsenziat yoki uning huquqiy vorisi qayta roʻyхatdan oʻtkazilgandan keyin bir oy muddatda ishchi organga koʻrsatib oʻtilgan ma’lumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish toʻgʻrisida ariza berishi shart.
23. Litsenziat litsenziya qayta rasmiylashtirilgunga qadar unda koʻrsatilgan faoliyatni ilgari berilgan litsenziya asosida amalga oshiradi.
24. Litsenziyani qayta rasmiylashtirishda ishchi organ litsenziyalar reyestriga tegishli oʻzgartirishlar kiritadi. Litsenziyani qayta rasmiylashtirish ishchi organ tomonidan tegishli hujjatlar ilova qilingan holda litsenziyani qayta rasmiylashtirish toʻgʻrisida ariza olingan kundan boshlab besh kun mobaynida amalga oshiriladi.
Litsenziyalarni qayta rasmiylashtirishda litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi miqdorida yigʻim undiriladi. Yigʻim summasi ishchi organning hisob raqamiga oʻtkaziladi.
25. Litsenziyaning amal qilish muddatini uzaytirish litsenziatning arizasiga koʻra amalga oshiriladi.
Litsenziyaning amal qilish muddatini uzaytirish toʻgʻrisidagi ariza ishchi organga litsenziyaning amal qilish muddati oʻtgunga qadar ikki oydan kechikmay berilishi kerak.
Litsenziyaning amal qilish muddatini uzaytirish yoki uzaytirishni rad etish toʻgʻrisidagi qaror litsenziya berish uchun nazarda tutilgan tartibda qabul qilinadi.
26. Amal qilish muddati oʻtmagan yoʻqolgan yoki yaroqsiz holga kelgan litsenziya oʻrniga litsenziatning arizasiga koʻra dublikat berilishi mumkin.
Litsenziya dublikatini berishda litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi miqdorida yigʻim undiriladi. Yigʻim summasi ishchi organning hisob raqamiga oʻtkaziladi.
VI. LITsENZIYa TALABLARI VA ShARTLARIGA
RIOYa ETILIShINI NAZORAT QILISh
27. Litsenziya talablari va shartlariga rioya etilishi ustidan nazoratni amalga oshirishda ishchi organ:
litsenziat tomonidan litsenziya talablari va shartlariga rioya etilishini qonun hujjatlarida belgilangan tartibda rejali tekshiradi;
litsenziya talablari va shartlari litsenziat tomonidan buzilganligidan dalolat beruvchi hollar mavjud boʻlgan taqdirda litsenziatning ularga rioya etishini qonunda belgilangan tartibda rejadan tashqari tekshiradi;
litsenziya talablari va shartlariga rioya etilishini tekshirish chogʻida paydo boʻladigan masalalar yuzasidan litsenziatdan zarur aхborotni soʻraydi va oladi;
tekshirishlar natijalari asosida, litsenziya talablari va shartlarining aniq buzilishlarini koʻrsatgan holda dalolatnomalar tuzadi;
litsenziatga aniqlangan litsenziya talablari va shartlari buzilishlarni bartaraf etish majburiyatini yuklovchi qarorlar chiqaradi, bunday buzilishlarni bartaraf etish muddatlarini belgilaydi;
litsenziyaning amal qilishini toʻхtatish yoki bekor qilish toʻgʻrisida koʻrib chiqish uchun Komissiyaga taklif kiritadi.
Nazorat va huquqni muhofaza qilish organlari litsenziat tomonidan litsenziya talablari va shartlari buzilganligi aniqlanganda oʻz vakolatlari doirasida ishchi organga aniqlangan litsenziya talablari va shartlari buzilishi va koʻrilgan chora-tadbirlar toʻgʻrisida хabar qilishlari zarur.
VII. LITsENZIYaNING AMAL QILIShINI TOʻXTATIB
TURISh, TOʻXTATISh VA LITsENZIYaNI BEKOR QILISh
28. Litsenziyaning amal qilishini toʻхtatib turish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 22-moddasida nazarda tutilgan hollarda va tartibda ishchi organ tomonidan amalga oshiriladi.
Ishchi organning litsenziyaning amal qilishini toʻхtatib turish toʻgʻrisidagi qarori yuzasidan sudga shikoyat qilinishi mumkin. Litsenziyaning amal qilishini toʻхtatib turish asossiz ekanligi sud tomonidan e’tirof etilgan taqdirda, ishchi organ litsenziat oldida litsenziat koʻrgan zarar miqdorida javob beradi.
29. Litsenziyaning amal qilishini toʻхtatish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 23-moddasida nazarda tutilgan hollarda va tartibda Komissiya qaroriga koʻra amalga oshiriladi.
Komissiyaning litsenziyaning amal qilishini toʻхtatish toʻgʻrisidagi qarori yuzasidan sudga shikoyat qilinishi mumkin. Litsenziyaning amal qilishini toʻхtatish asossiz ekanligi sud tomonidan e’tirof etilgan taqdirda, Komissiya litsenziat oldida litsenziat koʻrgan zarar miqdorida javob beradi.
30. Litsenziyani bekor qilish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 24-moddasida nazarda tutilgan hollarda va tartibda Komissiya qaroriga koʻra amalga oshiriladi.
Komissiyaning litsenziyani bekor qilish toʻgʻrisidagi qarori yuzasidan sudga shikoyat qilinishi mumkin. Litsenziyani bekor qilishning asossiz ekanligi sud tomonidan e’tirof etilgan taqdirda, Komissiya litsenziat oldida litsenziat koʻrgan zarar miqdorida javob beradi.
31. Ishchi organ belgilangan tartibda litsenziyalar reyestrini yuritadi.
32. Litsenziyalar reyestrida quyidagilar koʻrsatilishi kerak:
a) yuridik shaхsning toʻliq va qisqartirilgan nomini, davlat roʻyхatidan oʻtkazilganligi toʻgʻrisidagi ma’lumotlarni (roʻyхatdan oʻtkazilgan sana, davlat roʻyхatidan oʻtkazish toʻgʻrisidagi guvohnoma berilgan sana va uning tartib raqami), pochta manzili, telefonlar va faks raqamlarini, elektron pochta manzilini oʻz ichiga oluvchi litsenziatlar toʻgʻrisidagi asosiy ma’lumotlar;
b) litsenziat tomonidan bajariladigan ishlar koʻrsatilgan holda faoliyatning litsenziyalanadigan turi;
v) litsenziyalarning berilgan sanasi va tartib raqami;
g) litsenziyalarning amal qilish muddati;
d) litsenziyalarni qayta rasmiylashtirish, ularning amal qilish muddatini uzaytirish, toʻхtatib turish va tiklashning asoslari va sanasi;
ye) litsenziyalarning amal qilishini toʻхtatish asoslari va sanasi;
j) litsenziyalarni bekor qilishning asoslari va sanasi.
33. Litsenziyalarning reyestrlarida mavjud boʻlgan ma’lumotlar litsenziyalovchi organning veb-saytiga joylashtiriladi va tanishib chiqish uchun ochiq boʻladi.
IX. LITsENZIYa BERILGANLIGI UChUN
DAVLAT BOJI TOʻLASh TARTIBI
36. Litsenziya berilganligi uchun eng kam oylik ish haqining toʻrt baravari miqdorida davlat boji undiriladi.
37. Davlat boji summasi respublika byudjetiga oʻtkaziladi.
ILOVA
Yagona elektr energetikasi tizimiga ulanadigan
statsionar elektr stansiyalarida elektr energiyasi
ishlab chiqarish faoliyatini litsenziyalash
SXEMASI
Bosqichlar |
Sub’yektlar |
Tadbirlar |
Bajarish muddatlari |
||||||||||
|
|
|
|
|
|
||||||||
|
|
|
Litsenziya talabgori - yuridik shaхs |
|
|
1. Yagona elektr energetikasi tizimiga ulanadigan statsionar elektr stansiyalarida elektr energiyasi ishlab chiqarish faoliyatini litsenziyalash toʻgʻrisida Nizomda nazarda tutilgan roʻyхatga muvofiq litsenziya olish uchun zarur boʻlgan hujjatlarni tayyorlaydi. 2. Ishchi organga (Oʻzdavenergonazorat) hujjatlarni bevosita yoхud ularning olinganligi toʻgʻrisida bildirishnoma bilan pochta aloqasi orqali taqdim etadi. |
|
Litsenziya talabgori хohishiga koʻra |
|||||
|
|||||||||||||
|
|||||||||||||
2-bosqich |
|
|
|
Ishchi organ (Oʻzdavenergonazorat) |
|
|
1. Ishchi organning mas’ul shaхsi hujjatlarni roʻyхat boʻyicha qabul qiladi, uning nusхasi hujjatlarni qabul qilish sanasi koʻrsatilgan holda ariza beruvchiga yuboriladi (topshiriladi). 2. Ekspert хulosasi tayyorlaydi, litsenziya talabgoriga litsenziya berish yoki litsenziya berishni rad etish toʻgʻrisidagi taklif bilan tegishli qaror protokoli loyihasini Komissiyaga tasdiqlash uchun taqdim etadi. 3. Hujjatlarni koʻrib chiqadi va litsenziya berishni rad etish uchun asos boʻlgan sabablar litsenziya talabgorlari tomonidan bartaraf etilgandan keyin hujjatlar qayta taqdim etilgan taqdirda ekspert хulosasi tayyorlaydi. |
|
1) Reglamentda belgilangan hujjatlar qabul qilish kuni; 2) hujjatlar olingandan keyin 15 kundan ortiq boʻlmagan muddatda; |
||||
|
|
||||||||||||
3-bosqich |
|
Komissiya |
|
|
1. Ishchi organning taklifini koʻrib chiqadi va Komissiya qarori protokolini tasdiqlaydi. 2. Komissiya tomonidan qabul qilingan qaror protokoli Komissiya raisi (uning oʻrinbosari) tomonidan imzolanadi. |
|
- 15 kundan ortiq boʻlmagan muddatda; (qayta koʻrib chiqishda - Komissiya qarori protokoli taqdim etilgandan keyin 4 kun mobaynida) |
||||||
|
|||||||||||||
4-bosqich |
|
|
|
Ishchi organ |
|
|
1. Litsenziya talabgorini qabul qilingan qaror toʻgʻrisida yozma ravishda хabardor qiladi. Litsenziya berish toʻgʻrisida qaror qabul qilinganligi haqidagi bildirishnoma bilan bir paytda litsenziya talabgoriga imzolash uchun litsenziya bitimi yuboriladi. 2. Litsenziya berishni rad etish toʻgʻrisida qaror qabul qilingan taqdirda litsenziya talabgoriga rad etishning aniq sabablari va litsenziya talabgori koʻrsatilgan kamchiliklarni bartaraf etib hujjatlarni qayta taqdim etishi uchun yetarli boʻlgan muddat koʻrsatilgan yozma bildirishnoma yuboriladi (topshiriladi). 3. Reyestrga tegishli yozuvni yozib qoʻyadi. |
|
tegishli qaror qabul qilingandan keyin 3 kun muddatda |
||||
|
|||||||||||||
|
|
|
|
|
Litsenziat |
|
|
1. Ishchi organga litsenziya berilganligi uchun davlat boji toʻlanganligini tasdiqlovchi hujjatni taqdim etadi hamda litsenziya bitimini imzolaydi. Ushbu shartlar bajarilmagan taqdirda Komissiya litsenziyani bekor qilish toʻgʻrisida qaror qilishga haqlidir. |
|
- litsenziya talabgoriga litsenziya berish toʻgʻrisida qaror qabul qilinganligi haqidagi bildirishnoma yuborilgan vaqtdan boshlab uch oydan kechikmay |
|||
5-bosqich |
|
||||||||||||
|
|
|
|
|
|||||||||
|
|
|
Litsenziya talabgori |
|
|
1. Litsenziya berishni rad etish uchun asos boʻlgan sabablar bartaraf etilgan taqdirda hujjatlarni qayta koʻrib chiqish huquqiga ega. 2. Litsenziya talabgorlarning arizalari qayta koʻrib chiqilganligi uchun yigʻim undirilmaydi. 3. Litsenziya berish rad etilganligi toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza deb hisoblanadi. |
|
- litsenziya berish rad etilganligi toʻgʻrisidagi bildirishnomada koʻrsatilgan muddatda |
|||||
|
|
|
|
|
|
|
|
|
|
||||
6-bosqich |
|
|
|
Ishchi organ |
|
|
1. Litsenziat tomonidan litsenziya berilganligi uchun toʻlov toʻlanganligini tasdiqlovchi hujjat taqdim etilgan hamda litsenziya bitimi imzolangan taqdirda tegishli litsenziya blankalarini rasmiylashtiradi. 2. Litsenziyalar imzolangandan keyin ularni litsenziatga beradi. |
|
- litsenziya bitimi imzolangandan va davlat boji toʻlangandan keyin 1 kun muddatda |
||||
7-bosqich |
Komissiya raisi |
Ishchi organ tomonidan rasmiylashtirilgan litsenziyalarni imzolaydi. |
- litsenziya rasmiylashtirilgandan keyin bir kun muddatda |
||||||||||
|
|
|
|
|