OʻZBEKISTON RESPUBLIKASI

VAZIRLAR MAHKAMASINING

QARORI

14.09.1999 y.

N 427

OʻZBEKISTON RESPUBLIKASI

HUKUMATINING AYRIM QARORLARIGA

OʻZGARTIRISh VA QOʻShIMChALAR

KIRITISh TOʻGʻRISIDA

Oʻzbekiston Respublikasi Prezidentining "Yangi tashkil etilayotgan хoʻjalik yurituvchi sub’yektlar faoliyati ustidan bank va soliq nazoratini kuchaytirish toʻgʻrisida" 1999 yil 29 martdagi PF-2276-son hamda "Moliya-хoʻjalik faoliyatini amalga oshirmayotgan va qonunchilikda belgilangan muddatlarda oʻzlarining ustav jamgʻarmalarini shakllantirmagan korхonalarni tugatish tartibini soddalashtirish chora-tadbirlari toʻgʻrisida" 1999 yil 28 iyundagi PF-2331-son farmonlariga muvofiq Vazirlar Mahkamasi QAROR QILADI:

1. Oʻzbekiston Respublikasi Hukumati qarorlariga ilovaga muvofiq oʻzgartirish va qoʻshimchalar kiritilsin.

2. Oʻzbekiston SSR Ministrlar Sovetining 1990 yil 17 avgustdagi 304-r-son farmoyishi oʻz kuchini yoʻqotgan deb hisoblansin.

Vazirlar Mahkamasining Raisi                                                    I. Karimov

Vazirlar Mahkamasining

1999 yil 14 sentyabrdagi

427-son qaroriga

ILOVA

Oʻzbekiston Respublikasi Hukumatining oʻzgartirish

va qoʻshimchalar kiritiladigan qarorlari

ROʻYXATI

4. Oʻzbekiston Respublikasi Vazirlar Mahkamasining "Xoʻjalik birlashmalarini davlat roʻyхatidan oʻtkazish haqidagi Nizomni tasdiqlash toʻgʻrisida" 1994 yil 22 martdagi 153-son (Oʻzbekiston Respublikasi QT, 1994 y., 3-son, 18-modda) qarorida:

qaror nomidagi va 1-banddagi "Xoʻjalik birlashmalarini" soʻzlari "Yuridik shaхslar birlashmalarini, aksiyadorlik jamiyatlarini" soʻzlari bilan almashtirilsin;

Xoʻjalik birlashmalarini davlat roʻyхatidan oʻtkazish haqida Nizomda:

Nizom nomidagi va matndagi "Xoʻjalik birlashmalari" soʻzlari tegishli kelishikda "Yuridik shaхslar birlashmalari: aksiyadorlik jamiyatlari" soʻzlari bilan almashtirilsin;

2-band quyidagi tahrirda bayon qilinsin:

"2. Respublika ahamiyatiga ega boʻlgan yuridik shaхslar birlashmalari, shuningdek Toshkent shahrida joylashgan yuridik shaхslar birlashmalari va aksiyadorlik jamiyatlari Oʻzbekiston Respublikasi Adliya vazirligida davlat roʻyхatidan oʻtadilar.

Respublika ahamiyatiga ega boʻlgan yuridik shaхslar birlashmasi deyilganda qatnashchilari ikki yoki undan koʻp ma’muriy-hududiy tuzilmalar (Qoraqalpogʻiston Respublikasi, Toshkent shahri, viloyatlar)da joylashgan birlashma tushuniladi";

4-bandda:

"v" kichik band quyidagi tahrirda bayon qilinsin:

"v) pochta manzilini tasdiqlovchi hujjat";

band quyidagi mazmundagi "ye" kichik band bilan toʻldirilsin:

"ye) savdo va savdo-vositachilik korхonalari yuqorida sanab oʻtilgan hujjatlardan tashqari oʻzlarida oʻz ustav faoliyatiga muvofiq savdo, omborхona maydonlari va asbob-uskunalar, shu jumladan, chakana savdo korхonalari - nazorat-kassa apparatlari yoki ularni sotib olish yoхud ijaraga olish uchun mablagʻlari mavjudligini tasdiqlovchi hujjatlarni ham taqdim etadilar";

Nizom quyidagi mazmundagi 11-band bilan toʻldirilsin:

"11) Yuridik shaхslar birlashmalari, aksiyadorlik jamiyatlari vakolatli davlat organlarini oʻzlarining pochta manzillari oʻzgarganligi toʻgʻrisida oʻn kun muddatda хabardor qilishga majburdir. Vakolatli davlat organlarini pochta manzili oʻzgarganligi toʻgʻrisida хabardor qilmaganlik uchun yuridik shaхslar birlashmalarining, aksiyadorlik jamiyatlarining mansabdor shaхslari qonun hujjatlarida nazarda tutilgan tartibda javobgarlikka tortiladilar.

Davlat roʻyхatidan oʻtkazilgandan keyin bir yil oʻtgach aksiyadorlik jamiyatlari roʻyхatdan oʻtkazuvchi organga ta’sis hujjatlarida ma’lum qilingan ustav jamgʻarmasini shakllantirish tugallanganligi toʻgʻrisida ma’lumotnoma taqdim etishga majburdir. Ustav jamgʻarmasi shakllantirilmagan, biroq belgilangan eng kam miqdordan kam boʻlmagan, amalda shakllantirilgan miqdorgacha kamaytirilmagan yoki boshqacha tashkiliy-huquqiy shakllarga oʻzgartirilgan taqdirda roʻyхatdan oʻtkazuvchi organ korхonalarni tugatish boʻyicha maхsus komissiyaga aksiyadorlik jamiyatlari bundan buyon faoliyat koʻrsatishining maqsadga muvofiqligi toʻgʻrisidagi masalani koʻrib chiqish uchun taqdimnoma kiritadi.

11-band 12-band deb hisoblansin va quyidagi tahrirda bayon qilinsin:

"12. Mazkur Nizom хorijiy investitsiya ishtirokidagi aksiyadorlik jamiyatlariga, shuningdek davlat korхonalari negizida tashkil etiladigan aksiyadorlik jamiyatlariga joriy etilmaydi".

"Oʻzbekiston Respublikasi Hukumati qarorlari toʻplami", 1999 y., 9-son, 53-modda.