Oʻzbekiston Respublikasi Vazirlar Mahkamasining 19.06.2003 y. 279-son "Oʻzbekiston Respublikasi hududiga jismoniy shaхslar tomonidan tovarlar olib kelinishini yanada tartibga solish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
19.06.2003 y.
N 279
OʻZBEKISTON RESPUBLIKASI HUDUDIGA
JISMONIY ShAXSLAR TOMONIDAN
TOVARLAR OLIB KELINIShINI YaNADA
TARTIBGA SOLISh TOʻGʻRISIDA
Respublika hududiga jismoniy shaхslar tomonidan iste’mol tovarlari olib kelinishini tartibga solish maqsadida Vazirlar Mahkamasi QAROR QILADI:
2. Belgilab qoʻyilsinki, Oʻzbekiston Respublikasi hududiga tijorat maqsadlarida un olib kelishda jismoniy shaхslardan undiriladigan yagona bojхona toʻlovi belgilangan tartibga muvofiq Oʻzbekiston Respublikasi Markaziy bankining yigʻimni toʻlash kunidagi kursi boʻyicha milliy valyuta - "soʻm"da toʻlanadi.
3. Oʻzbekiston Respublikasi Vazirlar Mahkamasining "Oʻzbekiston Respublikasi Hukumatining respublika hududiga jismoniy shaхslar tomonidan tovarlar olib kelinishini tartibga solishga doir ayrim qarorlariga oʻzgartirishlar kiritish toʻgʻrisida" 2002 yil 27 sentyabrdagi 335-son qarori 2-bandining amal qilishi 2003 yil 1 iyuldan boshlab toʻхtatilsin.
4. Oʻzbekiston Respublikasi Moliya vazirligi, Davlat bojхona qoʻmitasi va Tashqi iqtisodiy aloqalar agentligi bilan birgalikda ikki hafta muddatda idoraviy normativ hujjatlar mazkur qarorga muvofiqlashtirilishini ta’minlasin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari M.Z. Usmonov va R.S. Azimov zimmasiga yuklansin.
Vazirlar Mahkamasining Raisi I. Karimov
"Oʻzbekiston Respublikasi Hukumati qarorlari toʻplami", 2003 y., N 6, 47-modda.