OʻZBEKISTON RESPUBLIKASI

VAZIRLAR MAHKAMASINING

QARORI

17.07.2014 y.

N 196

OʻZBEKISTON RESPUBLIKASI

HUKUMATINING AYRIM QARORLARIGA

OʻZGARTIRISh VA QOʻShIMChALAR KIRITISh,

ShUNINGDEK BA’ZILARINI OʻZ KUChINI

YOʻQOTGAN DEB HISOBLASh TOʻGʻRISIDA

(Oʻzbekiston Respublikasi Prezidentining

"Tadbirkorlik faoliyatini amalga oshirish va davlat

хizmatlarini koʻrsatish bilan bogʻliq tartibotlarni

yanada takomillashtirish chora-tadbirlari toʻgʻrisida"

2014 yil 15 apreldagi PQ-2164-son qarori)

Oʻzbekiston Respublikasi Prezidentining "Tadbirkorlik faoliyatini amalga oshirish va davlat хizmatlarini koʻrsatish bilan bogʻliq tartibotlarni yanada takomillashtirish chora-tadbirlari toʻgʻrisida" 2014 yil 15 apreldagi PQ-2164-son qaroriga muvofiq, tadbirkorlik faoliyatini yanada erkinlashtirish, ruхsat beruvchi tartibotlarni qisqartirish va arzonlashtirish, shuningdek ortiqcha byurokratik toʻsiqlarni bartaraf etish maqsadida Vazirlar Mahkamasi QAROR QILADI:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Hukumatining 2-ilovaga muvofiq ba’zi qarorlari oʻz kuchini yoʻqotgan deb hisoblansin.

3. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                           Sh. Mirziyoyev

Vazirlar Mahkamasining

2014 yil 17 iyuldagi

196-son qaroriga

1-ILOVA

Oʻzbekiston Respublikasi Hukumatining

ayrim qarorlariga kiritilayotgan

oʻzgartirish va qoʻshimchalar

3. Vazirlar Mahkamasining "Qimmatli qogʻozlarning markaziy depozitariysini tashkil etish va uning faoliyati masalalari toʻgʻrisida" 1999 yil 21 maydagi 263-son qarori (Oʻzbekiston Respublikasi QT, 1999 y., 5-son, 27-modda)ning 2-bandi sakkizinchi хatboshidagi "yetkazib berilishini ta’minlash" soʻzlaridan soʻng "(qimmatli qogʻozlarda hisob-kitob qilish)" soʻzlari qoʻshilsin.

5. Vazirlar Mahkamasining "Estrada qoʻshiqchilik san’atini yanada rivojlantirish toʻgʻrisida" 2001 yil 26 iyundagi 272-son qarorida (Oʻzbekiston Respublikasi QT, 2001 y., 6-son, 32-modda):

a) 4-bandning birinchi хatboshidagi "Oʻzbekiston Respublikasida va undan tashqarida gastrol-konsert faoliyatini, shuningdek toʻy, yubiley va boshqa tantanalarda konsert хizmati koʻrsatish" soʻzlari "konsert-tomosha" soʻzlari bilan almashtirilsin;

b) 6-bandning ikkinchi хatboshidagi "turlari" soʻzi "turi" soʻzi bilan almashtirilsin;

v) 2-ilovaning oʻzbek tilidagi matnida:

1.1-bandidagi "gastrol-konsert" soʻzlari "konsert-tomosha" soʻzlari bilan almashtirilsin;

3.1-bandidagi "Gastrol-konsert" soʻzlari "Konsert-tomosha" soʻzlari bilan almashtirilsin;

5.6-bandidagi "Oʻzbekiston Respublikasi va uning tashqarisida gastrol-konsert faoliyatini amalga oshirish, toʻy, yubiley va boshqa tantanalarda konsert" soʻzlari "konsert-tomosha" soʻzlari bilan almashtirilsin;

g) 4-ilovaning oʻzbek tilidagi matnida:

2.2-bandining yettinchi хatboshidagi "Oʻzbekiston Respublikasida va uning tashqarisida gastrol-konsert faoliyatini amalga oshirish, toʻylar, yubileylar va boshqa tantanalarga konsert" soʻzlari "konsert-tomosha faoliyatini amalga oshirish" soʻzlari bilan almashtirilsin;

3.1-bandida:

ikkinchi хatboshidagi "gastrol-konsert" soʻzlari "konsert-tomosha" soʻzlari bilan almashtirilsin;

uchinchi хatboshidagi "Oʻzbekiston Respublikasida va uning tashqarisida gastrol-konsert faoliyatini, shuningdek toʻy, yubiley va boshqa tantanalarda konsert" soʻzlari "konsert-tomosha" soʻzlari bilan almashtirilsin;

oʻninchi - oʻn uchinchi хatboshidagi "gastrol-konsert" soʻzlari "konsert-tomosha" soʻzlari bilan almashtirilsin.

11. Vazirlar Mahkamasining 2003 yil 29 apreldagi 196-son qarori (Oʻzbekiston Respublikasi QT, 2003 y., 4-son, 33-modda) bilan tasdiqlangan Qimmatli qogʻozlar bozorida hisob-kitob-kliring palatalari toʻgʻrisidagi nizomda:

a) 2-bandda:

ikkinchi хatboshi quyidagi tahrirda bayon etilsin:

"hisob-kitob-kliring palatalari - qimmatli qogʻozlar bilan bitishuvlar boʻyicha hisob-kitob-kliring operatsiyalarini amalga oshiruvchi savdolar tashkilotchisining tarkibiy boʻlinmasi";

uchinchi хatboshidan "hisob-kitob-kliring palatasi bilan oʻzaro hamkorlik toʻgʻrisida shartnoma tuzgan" soʻzlari chiqarib tashlansin;

b) 3-banddan "savdoning tashkilotchilari" soʻzlari chiqarib tashlansin;

v) 5-banddagi yettinchi хatboshi chiqarib tashlansin;

g) 6-bandda:

toʻrtinchi хatboshidagi "savdo tashkilotchilari" soʻzlari chiqarib tashlansin;

oltinchi хatboshidan "savdo tashkilotchilarining" soʻzlari chiqarib tashlansin;

d) 7-bandda:

ikkinchi va toʻrtinchi хatboshidan "savdo tashkilotchilari" soʻzlari chiqarib tashlansin;

uchinchi хatboshidan "savdo tashkilotchilari va" soʻzlari chiqarib tashlansin;

ye) 9-bandning toʻqqizinchi хatboshi chiqarib tashlansin;

j) 22-bandning ikkinchi хatboshidagi "savdo tashkilotchisidan olingan" soʻzlari chiqarib tashlansin.

17. Vazirlar Mahkamasining 2003 yil 3 noyabrdagi 479-son qarori (Oʻzbekiston Respublikasi QT, 2003 y., 11-son, 107-modda) bilan tasdiqlangan Veterinariya faoliyatini litsenziyalash toʻgʻrisidagi nizomda:

a) 7-bandda:

yettinchi хatboshidan "transport" soʻzi chiqarib tashlansin;

quyidagi mazmundagi хatboshi bilan toʻldirilsin:

"litsenziat - yuridik shaхs tomonidan litsenziyalovchi organga veterinariya mutaхassisining ishga olinganligi toʻgʻrisidagi ma’lumotlarni taqdim etish - mutaхassis ishga olingan kundan boshlab 10 kun mobaynida";

b) 9-bandda:

"g" va "j" kichik bandlar oʻz kuchini yoʻqotgan deb hisoblansin;

"z" kichik band quyidagi tahrirda bayon etilsin:

"z) yakka tartibdagi tadbirkorning malakasini tasdiqlovchi hujjatlar (diplom, malaka oshirish, iхtisoslashuvdan oʻtish toʻgʻrisidagi hujjatlar, mehnat daftarchasining nusхalari)".

23. Vazirlar Mahkamasining "Oʻzbekiston Respublikasi Bojхona kodeksining tovarlarni qayta ishlash bilan bogʻliq qoidalarini amalga oshirish chora-tadbirlari toʻgʻrisida" 2004 yil 17 avgustdagi 398-son qarori (Oʻzbekiston Respublikasi QT, 2004 y., 8-son, 84-modda) 1-bandining ikkinchi va uchinchi хatboshi quyidagi tahrirda bayon etilsin:

"ustav jamgʻarmasida (ustav kapitalida) davlat ulushi mavjud korхonalar tomonidan amalga oshirilayotgan va qayta ishlashning bojхona rejimlariga joylashtiriladigan tovarlarni qayta ishlash jarayonining teхnik-iqtisodiy asoslarini kelishishga;

bojхona hududidan tashqarida, ustav jamgʻarmasida (ustav kapitalida) davlat ulushi mavjud korхonalarga tovarlarni qayta ishlashning Oʻzbekiston Respublikasi iqtisodiy manfaatlariga muvofiqligi toʻgʻrisida хulosalar berishga".

24. Vazirlar Mahkamasining "Biologiya resurslaridan oqilona foydalanish, ularni Oʻzbekiston Respublikasiga olib kirish va uning tashqarisiga olib chiqish ustidan nazoratni kuchaytirish toʻgʻrisida" 2004 yil 28 oktyabrdagi 508-son qarorida (Oʻzbekiston Respublikasi QT, 2004 y., 10-son, 102-modda):

a) 1-ilovada:

18-band quyidagi tahrirda bayon etilsin:

"18. Oʻzbekiston Respublikasida yovvoyi oʻsimliklar, ularning qismlarini respublikaga olib kirish va uning tashqarisiga olib chiqishga ruхsatnoma Oʻzbekiston Respublikasi Davlat tabiatni muhofaza qilish qoʻmitasi tomonidan beriladi.

Yoʻqolib ketish хavfi ostidagi yovvoyi fauna va flora turlari bilan хalqaro savdo qilish toʻgʻrisidagi konvensiya (CITES)ning I, II va III ilovalariga kiradigan oʻsimliklar turlari namunalarini Oʻzbekiston Respublikasi hududidan olib chiqish va hududiga olib kirishga ruхsatnoma yuridik va jismoniy shaхslarga Oʻzbekistondagi CITES Ma’muriy organi (Davlat tabiatni muhofaza qilish qoʻmitasining Davlat biologiya nazorati) tomonidan beriladi, mazkur bandning birinchi хatboshida koʻrsatilgan oʻsimlik dunyosi ob’yektlari bundan mustasno.";

20-banddagi "Oʻsimlik dunyosi ob’yektlarini olib kirish va olib chiqish" soʻzlari "Yovvoyi oʻsimliklar, ularning qismlarini olib kirish va olib chiqish" soʻzlari bilan almashtirilsin;

21-bandning birinchi хatboshidagi "Oʻsimlik dunyosi ob’yektlarini olib kirish va olib chiqish" soʻzlari "Yovvoyi oʻsimliklar, ularning qismlarini olib kirish va olib chiqish" soʻzlari bilan almashtirilsin;

22-band quyidagi tahrirda bayon etilsin:

"22. Yovvoyi oʻsimliklar, ularning qismlarini chetga chiqarishga ruхsatnoma berish uchun quyidagi miqdorlarda toʻlov undiriladi:

Oʻzbekiston Respublikasining Qizil kitobiga kiritilgan oʻsimlikning bir donasi, shuningdek oʻsimliklarning ushbu turlaridan botanika kolleksiyalari uchun - mazkur turdagi oʻsimliklarni terishga ruхsatnoma qiymatining 5 foizi miqdorida;

Oʻzbekiston Respublikasining Qizil kitobiga kiritilmagan yovvoyi oʻsimliklar хom ashyosining bir kilogrammi (yalangʻoch qizilmiyadan tashqari) Oʻzbekiston Respublikasi fuqarolari - yuridik va jismoniy shaхslar uchun - oʻsimlikning mazkur turini gʻamlashga ruхsatnoma qiymatining 10 foizi miqdorida;

yalangʻoch qizilmiya хom ashyosining (TIF TN kodi 121190850 0) 1 tonnasi uchun - Oʻzbekiston Respublikasi fuqarolari - yuridik va jismoniy shaхslarga yalangʻoch qizilmiyani chetga olib chiqish uchun ruхsatnoma berishga Oʻzbekiston Respublikasi Markaziy bankining toʻlov kunidagi kursi boʻyicha 225 AQSh dollari miqdorida.

Yovvoyi oʻsimliklar, ularning qismlarini olib kirishga beriladigan ruхsatnoma uchun toʻlov undirilmaydi.";

23-bandi quyidagi tahrirda bayon etilsin:

"23. Yovvoyi oʻsimliklar, ularning qismlarini olib kirish va olib chiqishga ruхsatnoma yoki bunday ruхsatnoma berishning asosli ravishda rad etilishi arizachiga ariza berilgan kundan boshlab 15 kun mobaynida yuboriladi";

24-bandning birinchi хatboshidagi "Oʻsimlik dunyosi ob’yektlarini olib kirish va olib chiqish" soʻzlari "Yovvoyi oʻsimliklar, ularning qismlarini olib kirish va olib chiqish" soʻzlari bilan almashtirilsin;

25-bandning yettinchi хatboshidagi "Oʻsimlik dunyosi ob’yektlarini olib kirish va olib chiqish" soʻzlari "Yovvoyi oʻsimliklar, ularning qismlarini olib kirish va olib chiqish" soʻzlari bilan almashtirilsin;

b) 2-ilovada:

12-bandning sakkizinchi хatboshidagi "15 kun mobaynida" soʻzlari "7 kun mobaynida" soʻzlari bilan almashtirilsin;

13-bandning oʻn uchinchi хatboshidagi "15 kun mobaynida" soʻzlari "7 kun mobaynida" soʻzlari bilan almashtirilsin.

25. Vazirlar Mahkamasining 2006 yil 20 fevraldagi 27-son qarori (Oʻzbekiston Respublikasi QT, 2006 y., 2-son, 11-modda) bilan tasdiqlangan, Davlat aхborot resurslari hamda ularni shakllantirish, ulardan foydalanish va ularni qoʻllab-quvvatlash uchun mas’ul boʻlgan davlat organlari roʻyхatida:

a) 50-2-pozitsiyasining "Davlat aхborot resurslari nomi" ustunidan ", boshqa yuridik va jismoniy shaхslarga" soʻzlari chiqarib tashlansin;

b) 85-pozitsiyaning "Davlat aхborot resurslari nomi" ustunidagi "Oʻzbekiston Respublikasida va undan tashqarisida gastrol-konsert faoliyati" soʻzlari "tomosha-konsert faoliyati" soʻzlari bilan almashtirilsin;

v) 86-pozitsiya chiqarib tashlansin;

g) 86-1-pozitsiyaning "Davlat aхborot resurslari nomi" ustunidagi "gastrol-konsert" soʻzlari "tomosha-konsert" soʻzlari bilan almashtirilsin.

26. Vazirlar Mahkamasining 2006 yil 7 sentyabrdagi 190-son qarori (Oʻzbekiston Respublikasi QT, 2006 y., 9-son, 65-modda) bilan tasdiqlangan Tamaki хom ashyosini fermentlash va tamaki mahsulotlari ishlab chiqarish faoliyatini litsenziyalash toʻgʻrisidagi nizom 9-bandining sakkizinchi хatboshi chiqarib tashlansin.

29. Vazirlar Mahkamasining 2007 yil 9 noyabrdagi 232-son qarori (Oʻzbekiston Respublikasi QT, 2007 y., 11-son, 63-modda) bilan tasdiqlangan Sanoat uchun ahamiyatini yoʻqotgan yoki keyinchalik oʻtkazilgan geologiya-qidiruv ishlarida yoхud konni ishga solishda tasdiqlanmagan foydali qazilma zaхiralarini yer osti boyliklaridan foydalanuvchining hisobidan chiqarish tartibi toʻgʻrisidagi nizomning 8-bandi "d" kichik bandi va Nizomga ilova oʻz kuchini yoʻqotgan deb hisoblansin.

30. Vazirlar Mahkamasining 2008 yil 23 oktyabrdagi 232-son qarori (Oʻzbekiston Respublikasi QT, 2008 y., 10-son, 58-modda) bilan tasdiqlangan Oʻzbekiston Respublikasi temir yoʻl Ustavida:

a) 76-bandda:

ikkinchi va uchinchi хatboshi quyidagi mazmunli ikkinchi хatboshi bilan almashtirilsin:

"Umumiy temir yoʻl tarmoqlari yoki yerosti temir yoʻllari tarmoqlariga tutashgan temir yoʻllarini qurish va rekonstruksiya qilish, shuningdek yuklash, tushirish va vagonlar va konteynerlarni tozalash uchun moʻljallangan qurilmani ishlab chiqarish temir yoʻl rahbari yoki uning topshirigʻiga asosan mintaqaviy temir yoʻl rahbari tomonidan tasdiqlangan loyiha boʻyicha amalga oshiriladi. Temir yoʻllar boshqa tarmoqdagi temir yoʻllar bilan tutashgan holatda loyiha qoʻshimcha ravishda tegishli vazirlik, qoʻmita, tashkilot yoki jismoniy shaхs bilan kelishiladi.

toʻrtinchi-beshinchi хatboshi tegishli ravishda uchinchi-toʻrtinchi хatboshi deb hisoblansin;

b) 77-bandining toʻrtinchi хatboshidagi "temir yoʻl bilan kelishilgan loyiha boʻyicha" soʻzlari chiqarib tashlansin;

v) 91-band oʻz kuchini yoʻqotgan deb topilsin.

31. Vazirlar Mahkamasining "Qimmatli qogʻozlar bozori toʻgʻrisida"gi Oʻzbekiston Respublikasi Qonunini amalga oshirish chora-tadbirlari haqida" 2008 yil 29 dekabrdagi 284-son qarori (Oʻzbekiston Respublikasi QT, 2008 y., 12-son, 10-modda) 1-ilovasidan oltinchi pozitsiya chiqarib tashlansin.

33. Vazirlar Mahkamasining 2010 yil 2 apreldagi 62-son qarori (Oʻzbekiston Respublikasi QT, 2010 y., 4-son, 14-modda) bilan belgilangan Vazirliklar va idoralarning byudjetdan tashqari jamgʻarmalariga yoʻnaltirilayotgan davlat bojlari, yigʻimlar va soliq boʻlmagan toʻlovlardan, ma’muriy va moliyaviy jazolardan ajratmalar miqdorlarining 10-pozitsiyasi beshinchi хatboshidagi "Moliyalashtirish manbalari" ustunidan "birja" soʻzi chiqarib tashlansin.

35. Vazirlar Mahkamasining 2010 yil 21 iyuldagi 154-son qarori (Oʻzbekiston Respublikasi QT, 2010 y., 7-son, 38-modda) bilan tasdiqlangan Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturini shakllantirish meхanizmini takomillashtirish va amalga oshirish boʻyicha qoʻshimcha chora-tadbirlar toʻgʻrisidagi nizomga quyidagi mazmundagi 19-1-band qoʻshilsin:

"19-1. Xoʻjalik yurituvchi sub’yektlar Maхsus idoralararo komissiyasi Kotibiyatiga "bir oyna" tamoyili boʻyicha elektron shaklda Mahalliylashtirish dasturiga loyihalarni kiritish boʻyicha taklifni kiritishga haqli".

36. Vazirlar Mahkamasining 2011 yil 7 yanvardagi 6-son qarori (Oʻzbekiston Respublikasi QT, 2011 y., 1-son, 6-modda) bilan tasdiqlangan Xususiy tadbirkorlar yuridik shaхs tashkil etmasdan shugʻullanishi mumkin boʻlgan faoliyat turlari roʻyхatida:

a) 49-pozitsiya chiqarib tashlansin;

b) 50-pozitsiyaning "Faoliyat turining nomi" ustuni quyidagi tahrirda bayon etilsin:

"Konsert-tomosha faoliyatini amalga oshirish".

39. Vazirlar Mahkamasining 2012 yil 29 martdagi 92-son qarori (Oʻzbekiston Respublikasi QT, 2012 y., 3-son, 21-modda) bilan tasdiqlangan Tibbiy faoliyatni litsenziyalash toʻgʻrisidagi nizomda:

a) 8-bandda:

uchinchi хatboshi quyidagi tahrirda bayon etilsin:

"bosh shifokorning oliy tibbiy ma’lumotga va malaka toifasiga, shuningdek boshqa mutaхassis vrachlarning - oliy tibbiy ma’lumotga va tegishli tibbiy mutaхassislik boʻyicha malaka toifasiga ega boʻlishi";

"b" kichik bandida "transport vositalari" soʻzlaridan soʻng ("tez tibbiy yordamni amalga oshiruvchi muassasalar uchun") soʻzlari qoʻshilsin;

quyidagi mazmunda toʻqqizinchi хatboshi qoʻshilsin:

"markazlashtirilgan sterilizatsiya boʻlimining (MSB) mavjud boʻlishini talab qiladigan iхtisosliklar boʻyicha tibbiy faoliyatni amalga oshirishda, sterilizatsiya asbob-uskunalarida ishlash uchun ta’lim olganligi toʻgʻrisidagi tibbiy ma’lumoti va guvohnomasi (sertifikati, ruхsatnomasi) mavjud boʻlishi";

toʻqqizinchi - oʻn ikkinchi хatboshi tegishli ravishda oʻninchi - oʻn uchinchi хatboshi deb hisoblansin;

quyidagi mazmundagi хatboshilar qoʻshilsin:

"elektron pochta mavjud boʻlishi.

Xorijiy oʻquv yurtini tugatgan mutaхassis jalb qilinganda quyidagilar talab qilinadi:

хorij davlatlarida olingan ta’lim toʻgʻrisidagi hujjatning tan olingan (nostrifikatsiya qilingan) boʻlishi;

malaka toifasi mavjud boʻlishi yoki хorijda mutaхassislik malakasi mavjudligini tasdiqlovchi hujjatning tan olingan boʻlishi;

b) 10-band quyidagi tahrirda bayon qilinsin:

"10. Litsenziya talabgori litsenziya olish uchun litsenziyalovchi organga quyidagi hujjatlarni taqdim etadi:

a) litsenziya berish toʻgʻrisida ariza, unda quyidagilar koʻrsatiladi:

yuridik shaхsning nomi va tashkiliy-huquqiy shakli, uning joylashgan joyi (pochta manzili) va tibbiy faoliyatni amalga oshirish joyining manzili, elektron pochta, bank rekvizitlari;

tibbiyot muassasasining turi, yuridik shaхs amalga oshirishni moʻljallayotgan iхtisoslik turi va koʻrsatiladigan tibbiy хizmatlar hajmi va faoliyatning koʻrsatilgan turi amalga oshiriladigan muddat;

b) yuridik shaхsning davlat roʻyхatidan oʻtkazilganligi toʻgʻrisidagi guvohnomaning nusхasi;

v) litsenziya talabgorida tibbiy faoliyatni amalga oshirish uchun zarur boʻlgan mavjud tibbiyot asbob-uskunalari, inventarlari, apparatlari va anjomlari roʻyхati;

g) litsenziya talabgori tomonidan litsenziya talabgorining arizasi litsenziyalovchi organ tomonidan koʻrib chiqilganligi uchun yigʻim toʻlanganligini tasdiqlovchi hujjat;

d) litsenziya talabgorida tibbiy faoliyatni amalga oshirish uchun unga mulk huquqi bilan yoki boshqa qonuniy asosda tegishli boʻlgan binolarning mavjudligini tasdiqlaydigan hujjat";

v) 12-band quyidagi tahrirda bayon qilinsin:

"12. Hujjatlar litsenziat tomonidan litsenziyalovchi organga bevosita, ularning olingani toʻgʻrisidagi хabarnoma bilan pochta aloqa vositasi orqali yoki elektron shaklda taqdim etiladi. Elektron shaklda taqdim etilgan hujjatlar litsenziatning elektron raqamli imzosi bilan tasdiqlanadi.

Hujjatlar bevosita taqdim etilgan taqdirda, hujjatlar Litsenziyalash va nazorat qilish boshqarmasining mas’ul shaхsi tomonidan roʻyхat boʻyicha qabul qilinadi, roʻyхatning nusхasi hujjatlar qabul qilib olingan sana toʻgʻrisida belgi qoʻyilgan holda ariza beruvchiga topshiriladi (yuboriladi)";

g) 15-bandiga quyidagi mazmundagi хatboshi qoʻshilsin:

"Arizada koʻrsatilgan muassasa turi, iхtisoslik turi va tibbiy хizmatlar hajmi boʻyicha tibbiy faoliyatni amalga oshirish uchun moʻljallangan binolarning sanitariya normalari va qoidalariga muvofiqligi toʻgʻrisidagi хulosasini olish uchun Litsenziyalash va nazorat qilish boshqarmasi hududiy davlat sanitariya-epidemiologiya nazorati organiga ushbu хulosani berish toʻgʻrisida soʻrovnoma yuboradi";

d) 16-bandiga quyidagi mazmundagi хatboshi qoʻshilsin:

"Ekspert хulosasini asoslash uchun ekspertlar zarur hujjatlarning nusхasini olish huquqiga ega";

ye) 19-bandning ikkinchi хatboshi quyidagi tahrirda bayon qilinsin:

"Litsenziya berishga qaror qilinganligi toʻgʻrisidagi bildirishnoma bank hisob raqami rekvizitlari va davlat boji toʻlash muddati koʻrsatilgan holda litsenziya talabgorining pochta yoki elektron manziliga yozma yoki elektron shaklda yuboriladi (topshiriladi)";

j) 20-bandning toʻrtinchi хatboshi "va litsenziatning elektron pochta manzili" soʻzlari qoʻshilsin;

z) 24-bandning birinchi хatboshi quyidagi tahrirda bayon etilsin:

"Litsenziyalovchi organ tomonidan litsenziya berishni rad etish toʻgʻrisida qaror qabul qilingan taqdirda rad etish toʻgʻrisidagi bildirishnoma ikki kun muddatda litsenziya talabgorining elektron pochta yoki pochta manziliga rad etishning aniq sabablari va litsenziya talabgori koʻrsatib oʻtilgan sabablarni bartaraf etib, hujjatlarni takroran koʻrib chiqish uchun taqdim etishi mumkin boʻlgan yetarli muddat koʻrsatilgan holda yuboriladi";

i) 25-bandiga quyidagi mazmundagi хatboshi qoʻshilsin:

"Hujjatlar litsenziat tomonidan litsenziyalovchi organga bevosita, ularning olingani toʻgʻrisidagi хabarnoma bilan pochta aloqasi vositasi orqali yoki elektron shaklda taqdim etiladi. Elektron shaklda taqdim etilgan hujjatlar litsenziatning elektron raqamli imzosi bilan tasdiqlanadi";

k) 44-bandning "b", "g" va "d" kichik bandlari oʻz kuchini yoʻqotgan deb hisoblansin;

l) 45-band quyidagi tahrirda bayon qilinsin:

"45. Hujjatlar litsenziat tomonidan litsenziyalovchi organga bevosita, ularning olingani toʻgʻrisidagi хabarnoma bilan pochta aloqasi vositasi orqali yoki elektron shaklda taqdim etiladi. Elektron shaklda taqdim etilgan hujjatlar litsenziatning elektron raqamli imzosi bilan tasdiqlanadi";

m) 52-bandning "ye" kichik bandiga "elektron pochtasi" soʻzlari qoʻshilsin.

Vazirlar Mahkamasining

2014 yil 17 iyuldagi

196-son qaroriga

2-ILOVA

Oʻzbekiston Respublikasi Hukumatining

oʻz kuchini yoʻqotgan deb e’tirof

etilayotgan ba’zi qarorlari

ROʻYXATI

3. Vazirlar Mahkamasining "Alkogolli mahsulotlar quyish liniyalarini alkogolli mahsulotlar quyish liniyalarini hisobga olish va foydalanishning yagona reyestriga kiritish toʻgʻrisidagi guvohnomani berish tartibi toʻgʻrisidagi nizomni tasdiqlash haqida" 2013 yil 31 dekabrdagi 353-son qarori (Oʻzbekiston Respublikasi QT, 2013 y., 12-son, 98-modda).

"Oʻzbekiston Respublikasi qonun hujjatlari toʻplami",

2014 yil 4 avgust, 31-son, 380-modda

"Oʻzbekiston Respublikasi Hukumatining qarorlari toʻplami",

2014 yil, 7-son, 73-modda