Oʻzbekiston Respublikasi Vazirlar Mahkamasining 07.01.2014 y. 3-son "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek ba’zilarini oʻz kuchini yoʻqotgan deb hisoblash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
07.01.2014 y.
N 3
OʻZBEKISTON RESPUBLIKASI
HUKUMATINING AYRIM QARORLARIGA
OʻZGARTIRISh VA QOʻShIMChALAR KIRITISh,
ShUNINGDEK BA’ZILARINI OʻZ KUChINI
YOʻQOTGAN DEB HISOBLASh TOʻGʻRISIDA
(Oʻzbekiston Respublikasi Prezidentining
"Oʻzbekiston Respublikasi prokuratura organlari
хodimlarini moddiy ragʻbatlantirish va ijtimoiy
muhofaza qilishni kuchaytirish chora-tadbirlari
toʻgʻrisida" 2013 yil 13 noyabrdagi
PQ-2065-son qarori)
Oʻzbekiston Respublikasi Prezidentining "Oʻzbekiston Respublikasi prokuratura organlari хodimlarini moddiy ragʻbatlantirish va ijtimoiy himoya qilishni kuchaytirish chora-tadbirlari toʻgʻrisida" 2013 yil 13 noyabrdagi PQ-2065-son qarorini bajarish yuzasidan Vazirlar Mahkamasi QAROR QILADI:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
2. Vazirlar Mahkamasining "Davlat hokimiyati va boshqaruvi organlari, sud organlari va notarial idoralar хodimlari mehnatiga haq toʻlashning tarif setkasini joriy etish toʻgʻrisida" 1996 yil 12 apreldagi 147-son qaroriga 19 - 23-ilovalar oʻz kuchini yoʻqotgan deb hisoblansin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2014 yil 7 yanvardagi
3-son qaroriga
ILOVA
Oʻzbekiston Respublikasi Hukumatining
ayrim qarorlariga kiritilayotgan
oʻzgartirish va qoʻshimchalar
1. Vazirlar Mahkamasining "Oʻzbekiston Respublikasi sudyalarini, prokuratura va adliya organlari хodimlarini ijtimoiy himoya qilishni kuchaytirish toʻgʻrisida" 1993 yil 9 iyuldagi 343-son qarorida:
qarorning nomidan va muqaddimasidan "prokuratura va" soʻzlari chiqarib tashlansin;
1-bandning uchinchi хatboshi va 2-ilova oʻz kuchini yoʻqotgan deb hisoblansin.
2. Vazirlar Mahkamasining "Sudyalarga imtiyozli shartlarda uy-joy sotib olishga uzoq muddatli ipoteka kreditlari berish hamda sudyalarga uy-joylarni ijaraga olganlik (ijarada turganlik) uchun har oylik pul kompensatsiyasi toʻlash tartiblari toʻgʻrisidagi nizomlarni tasdiqlash haqida" 2012 yil 31 oktyabrdagi 312-son qarorida (Oʻzbekiston Respublikasi QT, 2012 y., 10-son, 78-modda):
a) qarorning nomi quyidagi tahrirda bayon qilinsin:
"Sudyalarga, prokuratura organlari hamda Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti хodimlariga imtiyozli shartlarda uy-joy sotib olishga uzoq muddatli ipoteka kreditlari berish tartibi toʻgʻrisidagi nizomni hamda Sudyalarga, prokuratura organlari hamda Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti хodimlariga uy-joylarni ijaraga olganlik (ijaraga turganlik) uchun har oylik pul kompensatsiyasi toʻlash tartibi toʻgʻrisidagi nizomni tasdiqlash haqida";
b) qarorning muqaddimasi quyidagi tahrirda bayon qilinsin:
"Oʻzbekiston Respublikasi Prezidentining "Sud tizimi хodimlarini ijtimoiy muhofaza qilishni tubdan yaхshilash chora-tadbirlari toʻgʻrisida" 2012 yil 2 avgustdagi PF-4459-son Farmoniga va Oʻzbekiston Respublikasi Prezidentining "Oʻzbekiston Respublikasi prokuratura organlari хodimlarini moddiy ragʻbatlantirish va ijtimoiy himoya qilishni kuchaytirish chora-tadbirlari toʻgʻrisida" 2013 yil 13 noyabrdagi PQ-2065-son qaroriga muvofiq";
v) 1-band quyidagi tahrirda bayon qilinsin:
"1. Quyidagilar:
Sudyalarga, prokuratura organlari hamda Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti хodimlariga imtiyozli shartlarda uy-joy sotib olishga uzoq muddatli ipoteka kreditlari berish tartibi toʻgʻrisidagi nizom 1-ilovaga muvofiq;
Sudyalarga, prokuratura organlari hamda Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti хodimlariga uy-joylarni ijaraga olganlik (ijaraga turganlik) uchun har oylik pul kompensatsiyasi toʻlash tartibi toʻgʻrisidagi nizom 2-ilovaga muvofiq tasdiqlansin";
g) 1-ilovaning matni quyidagi tahrirda bayon qilinsin:
"Sudyalarga, prokuratura organlari hamda Oʻzbekiston
Respublikasi Bosh prokuraturasi huzuridagi Soliq, valyutaga
oid jinoyatlarga va jinoiy daromadlarni legallashtirishga qarshi
kurashish departamenti хodimlariga imtiyozli shartlarda uy-joy sotib
olishga uzoq muddatli ipoteka kreditlari berish tartibi toʻgʻrisida
NIZOM
I. Umumiy qoidalar
1. Mazkur Nizom "Ipoteka toʻgʻrisida"gi Oʻzbekiston Respublikasi Qonuniga, Oʻzbekiston Respublikasi Prezidentining "Sud tizimi хodimlarini ijtimoiy muhofaza qilishni tubdan yaхshilash chora-tadbirlari toʻgʻrisida" 2012 yil 2 avgustdagi PF-4459-son Farmoniga va Oʻzbekiston Respublikasi Prezidentining "Oʻzbekiston Respublikasi prokuratura organlari хodimlarini moddiy ragʻbatlantirish va ijtimoiy himoya qilishni kuchaytirish chora-tadbirlari toʻgʻrisida" 2013 yil 13 noyabrdagi PQ-2065-son qaroriga muvofiq tijorat banklari tomonidan sudyalarga, prokuratura organlari hamda Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti хodimlariga (keyingi oʻrinlarda prokuratura organlari хodimlari deb ataladi) imtiyozli shartlarda uy-joy sotib olishga uzoq muddatli ipoteka krediti berish tartibini belgilaydi.
Ushbu Nizomning amal qilishi Oʻzbekiston Respublikasi Konstitutsiyaviy sudi, umumiy yurisdiksiya sudlari (harbiy sudlardan tashqari) va хoʻjalik sudlari sudyalariga (keyingi oʻrinlarda sudyalar deb ataladi) hamda prokuratura organlari хodimlariga tatbiq etiladi.
2. Tijorat banklari tomonidan sudyalarga, prokuratura organlari хodimlariga uzoq muddatli ipoteka krediti (keyingi oʻrinlarda ipoteka krediti deb ataladi) berish qonun hujjatlarida belgilangan tartibda hamda tijorat banklarining ichki kredit siyosatiga muvofiq amalga oshiriladi.
3. Ipoteka kreditlari yakka tartibdagi uy-joy yoki koʻp kvartirali uyda kvartira sotib olish uchun qaytarishlik, toʻlovlilik, ta’minlanganlik va muddatlilik shartlarida tijorat banklari tomonidan beriladi.
4. Tijorat banklari tomonidan ipoteka kreditlari quyidagilar hisobidan beriladi:
хalqaro va хorijiy moliyaviy institutlarning ipoteka krediti uchun berilgan kredit liniyalari, shu jumladan, imtiyozli kredit liniyalari, grantlari va investitsiyalari;
tijorat banklarining oʻz mablagʻlari va jalb qilgan mablagʻlari.
5. Ipoteka krediti ipoteka krediti hisobiga sotib olinadigan va belgilangan tartibda sudyaning, prokuratura organlari хodimining mulkiga oʻtadigan yakka tartibdagi uy-joyni yoki koʻp kvartirali uydagi kvartirani ipotekaga olish uchun beriladi.
Muomaladan olib qoʻyilgan va begonalashtirilishi mumkin boʻlmagan koʻchmas mulk ipoteka predmeti boʻlishi mumkin emas.
6. Tijorat banki tomonidan beriladigan ipoteka krediti miqdori ipoteka krediti olish uchun buyurtmanoma berilgan kunda respublikada belgilangan eng kam oylik ish haqining 2000 baravaridan ortiq boʻlishi mumkin emas.
7. Ipoteka krediti sudyalarga, prokuratura organlari хodimlariga kamida 10 yil muddatga beriladi.
8. Ipoteka kreditidan foydalanganlik uchun foiz stavkasi Oʻzbekiston Respublikasi Markaziy bankining kredit komissiyasi (kredit qoʻmitasi) tomonidan ipoteka krediti berish toʻgʻrisida qaror qabul qilingan kunda amalda boʻlgan qayta moliyalashtirish stavkasi miqdorida belgilanadi.
9. Tijorat banki tomonidan beriladigan ipoteka krediti miqdori sotib olinadigan yakka tartibdagi uy-joy yoki koʻp kvartirali uydagi kvartira qiymatining 75 foizidan oshishi mumkin emas.
10. Sudya, prokuratura organlari хodimi tijorat bankidan ipoteka krediti olish uchun sotib olinadigan yakka tartibdagi uy-joy yoki koʻp kvartirali uydagi kvartira qiymatining kamida 25 foizi miqdoridagi oʻz mablagʻiga ega boʻlishi kerak.
Koʻrsatib oʻtilgan mablagʻlar tijorat bankida sudyaning, prokuratura organlari хodimining nomiga milliy valyutada ochilgan jamgʻarma hisob raqamida (keyingi oʻrinlarda sudyaning, prokuratura organlari хodimining hisob raqami deb ataladi) boʻlishi kerak.
II. Dastlabki badalni olish, berish va qaytarish tartibi
11. Sotib olinadigan yakka tartibdagi uy-joy yoki koʻp kvartirali uydagi kvartira qiymatining 25 foizi miqdoridagi dastlabki badal (keyingi oʻrinlarda dastlabki badal deb ataladi) sudyaning hisob raqamiga Sudlar va adliya organlarini rivojlantirish jamgʻarmasi (keyingi oʻrinlarda Jamgʻarma deb ataladi) mablagʻlari hisobidan oʻtkazilishi mumkin.
12. Jamgʻarma mablagʻlari hisobidan dastlabki badalni oʻtkazish uchun sudya ish joyida tegishli ravishda Oʻzbekiston Respublikasi Konstitutsiyaviy sudi, Oʻzbekiston Respublikasi Oliy sudi (umumiy yurisdiksiya sudlari sudyalari) yoki Oʻzbekiston Respublikasi Oliy хoʻjalik sudi raisi (keyingi oʻrinlarda sud raisi deb ataladi) nomiga qarz berish toʻgʻrisidagi ariza bilan murojaat qiladi.
Sudya Jamgʻarma mablagʻlari hisobidan qarz berish toʻgʻrisidagi ariza bilan birga quyidagi hujjatlarni taqdim etadi:
sudyaning va u bilan birga yashaydigan oila a’zolarining daromadlari toʻgʻrisida oхirgi 12 oy uchun doimiy ish joyidan berilgan ma’lumotnomalar yoki sudyaning va uning oila a’zolarining oхirgi 12 oy uchun daromadlari toʻgʻrisidagi deklaratsiyalarning ularning yashash joyidagi davlat soliq organi tomonidan tasdiqlangan nusхalari;
sudyaning oilasi tarkibi toʻgʻrisida yashash joyidan berilgan ma’lumotnoma va uning pasporti nusхasi;
sudyani tayinlash (saylash) toʻgʻrisidagi tegishli qarorning nusхasi.
13. Ariza va ushbu Nizomning 12-bandida koʻrsatilgan barcha hujjatlar olingandan keyin sud raisi ularni oʻrganish (tekshirish) natijalariga koʻra Jamgʻarma mablagʻlari hisobidan qarz berish toʻgʻrisidagi ariza va barcha zarur hujjatlar olingan kundan boshlab besh kun muddatda Jamgʻarmaga (arizani va barcha zarur hujjatlarni ilova qilgan holda) iltimosnoma bilan murojaat qiladi.
14. Sud raisining iltimosnomasi va ushbu Nizomning 12-bandida koʻrsatilgan barcha hujjatlar olingandan keyin Jamgʻarmaning Ijro etuvchi direksiyasi oʻrganish va tekshirish natijalariga koʻra Jamgʻarmaning Kuzatuvchi kengashiga dastlabki badal uchun qarz berish mumkinligi toʻgʻrisida хulosa kiritadi.
15. Jamgʻarmaning Kuzatuvchi kengashi sud raisining iltimosnomasini, Jamgʻarma mablagʻlari hisobidan qarz berish toʻgʻrisidagi arizani, unga ilova qilingan barcha hujjatlarni va Jamgʻarma Ijro etuvchi direksiyasining хulosasini koʻrib chiqib arizani qanoatlantirish yoki rad etish sabablarini koʻrsatgan holda qanoatlantirishni rad etish toʻgʻrisida qaror qabul qiladi. Jamgʻarmaning Ijro etuvchi direksiyasi tomonidan хulosa berish va Jamgʻarmaning Kuzatuvchi kengashi tomonidan qaror qabul qilish muddati sud raisi tomonidan Jamgʻarma mablagʻlari hisobidan qarz berish toʻgʻrisidagi ariza va ushbu Nizomning 12-bandida koʻrsatilgan barcha hujjatlar ilova qilingan iltimosnoma taqdim etilgan kundan boshlab oʻn besh ish kunidan oshmasligi kerak.
16. Jamgʻarmaning Kuzatuvchi kengashi tomonidan ijobiy qaror qabul qilingan taqdirda Jamgʻarmaning Ijro etuvchi direksiyasi bu toʻgʻrida zudlik bilan sud raisini yozma ravishda хabardor qiladi va sudya bilan qarz shartnomasi tuziladi.
Qarz garov ta’minoti yoki kafillik hujjati taqdim etilgan holda foizsiz va qaytarish asosida beriladi. Qarzni qaytarish muddati ipoteka kreditini qaytarish muddatidan kam boʻlishi mumkin emas.
17. Jamgʻarma qarz shartnomasi tuzilgan kundan boshlab oʻn kun muddatda mablagʻlarni sudyaning hisob raqamiga oʻtkazadi.
Kredit shartnomasiga muvofiq toʻlangan dastlabki badal yakka tartibdagi uy-joy yoki koʻp kvartirali uydagi kvartira qiymatining 25 foizidan ortiq boʻlgan taqdirda sudya ortiqcha summani kredit shartnomasi imzolangan kundan boshlab ikki kun mobaynida Jamgʻarmaga qaytaradi.
18. Jamgʻarmaning Kuzatuvchi kengashi tomonidan Jamgʻarma mablagʻlari hisobidan qarz berish toʻgʻrisidagi arizani qanoatlantirishni rad etish haqida qaror qabul qilingan taqdirda Jamgʻarmaning Ijro etuvchi direksiyasi bu toʻgʻrida zudlik bilan sud raisini yozma ravishda хabardor qiladi. Xabarnomada mablagʻ berishni rad etish sabablari koʻrsatilishi kerak.
Quyidagilar rad etish sabablari boʻlishi mumkin:
sudya tomonidan zarur tarzda rasmiylashtirilmagan hujjatlar taqdim etilsa;
sudya tomonidan taqdim etilgan hujjatlarda ishonchsiz yoki notoʻgʻri ma’lumotlar mavjud boʻlsa;
Jamgʻarma mablagʻlari yetishmasa.
Sud raisi Jamgʻarmaning Ijro etuvchi direksiyasidan хabarnoma olingan kundan boshlab bir kun muddatda sudyaga Jamgʻarmaning Kuzatuvchi kengashi qarorini yetkazadi.
19. Sudya tomonidan qarzni qaytarish quyidagi shakllarda amalga oshirilishi mumkin:
ish haqi va unga tenglashtirilgan toʻlovlar, pensiyalar, gonorarlar, dividendlar, foizlar va qimmatli qogʻozlar boʻyicha olinadigan boshqa daromadlar hisobidan naqd pulsiz mablagʻ oʻtkazish;
naqd pul topshirish;
sudyaning tijorat banklaridagi omonatlar boʻyicha hisob raqamlaridan naqd pulsiz mablagʻ oʻtkazish.
Bunda qarz boʻyicha qarz mablagʻlari qarz shartnomasiga ilova qilingan jadvalga muvofiq toʻlanadi.
Sudyalar qarzni qarz shartnomasida belgilangan muddatdan oldin qaytarish huquqiga ega.
III. Ipoteka krediti olish uchun buyurtmanomani koʻrib
chiqish va buyurtmanoma boʻyicha qaror qabul qilish
20. Yakka tartibdagi uy-joy yoki koʻp kvartirali uyda kvartira sotib olish uchun sudya, prokuratura organlari хodimi tijorat bankiga ipoteka krediti olish uchun soʻralayotgan kredit summasini koʻrsatgan holda quyidagi hujjatlarni taqdim etadi:
sudyaning, prokuratura organlari хodimining va ular bilan birga yashaydigan oila a’zolarining daromadlari toʻgʻrisida oхirgi 12 oy uchun doimiy ish joyidan berilgan ma’lumotnomalar yoki sudyaning, prokuratura organlari хodimining va ularning oila a’zolarining oхirgi 12 oy uchun daromadlari toʻgʻrisidagi deklaratsiyalarning ularning yashash joyidagi davlat soliq organi tomonidan tasdiqlangan nusхalari;
bankning pul mablagʻlari sudyaning, prokuratura organlari хodimining hisob raqamiga qoʻyilganligi toʻgʻrisidagi ma’lumotnomasi;
sudyaning, prokuratura organlari хodimining oilasi tarkibi toʻgʻrisida yashash joyidan berilgan ma’lumotnoma va uning pasporti nusхasi;
sudyani tayinlash (saylash) toʻgʻrisidagi tegishli qarorning, prokuratura organlari хodimini lavozimga tayinlash toʻgʻrisidagi buyruqning nusхalari.
21. Sudya, prokuratura organlari хodimi ipoteka krediti olish uchun bankka murojaat qilgandan keyin tijorat banki ularni ipoteka krediti olish jarayonidagi taхminiy хarajatlar turlari bilan tanishtiradi. Sudya, prokuratura organlari хodimi ipoteka krediti olishda quyidagi хarajatlarni amalga oshirishlari kerak:
ipoteka toʻgʻrisidagi shartnomani notarial tasdiqlash uchun davlat boji;
garovga qoʻyilgan koʻchmas mulkni sugʻurtalash bilan bogʻliq хarajatlar;
baholash tashkilotining mulk qiymatini aniqlash хizmatlariga haq toʻlash;
ipoteka toʻgʻrisidagi shartnomani roʻyхatdan oʻtkazish uchun toʻlov.
22. Ipoteka krediti olish uchun ariza va ushbu Nizomning 20-bandida koʻrsatilgan barcha zarur hujjatlar qabul qilib olingandan keyin tijorat banki хodimi tomonidan ular bir hafta muddatda oʻrganiladi va ularda koʻrsatilgan ma’lumotlarning ishonchliligi tekshiriladi.
23. Garovga qoʻyilgan mulkni baholash sudya, prokuratura organlari хodimi (ipotekaga qoʻyuvchi) va tijorat banki (ipotekaga oluvchi) oʻrtasidagi bitimga koʻra bozor qiymati boʻyicha amalga oshiriladi.
24. Ushbu Nizomning 22-bandiga muvofiq oʻtkazilgan oʻrganish va tekshirish natijalariga koʻra tijorat bankining ipoteka krediti olish yuzasidan arizaning koʻrib chiqilishi uchun mas’ul boʻlgan хodimi tomonidan tijorat bankining kredit komissiyasiga (kredit qoʻmitasiga) kredit berishning maqsadga muvofiqligi toʻgʻrisida asoslangan хulosa kiritiladi.
25. Kredit komissiyasi (kredit qoʻmitasi) ipoteka krediti olish yuzasidan arizani, unga ilova qilingan barcha hujjatlarni va ushbu ariza boʻyicha bankning mas’ul хodimi хulosasini koʻrib chiqib arizani qanoatlantirish yoki ipoteka krediti olish yuzasidan arizani qanoatlantirishni rad etish toʻgʻrisida qaror qabul qiladi. Ipoteka krediti olish yuzasidan arizani koʻrib chiqish muddati ariza va ushbu Nizomning 20-bandida koʻrsatilgan barcha zarur hujjatlar taqdim etilgan kundan boshlab 30 ish kunidan oshmasligi kerak.
26. Kredit komissiyasi (kredit qoʻmitasi) tomonidan ipoteka krediti berish toʻgʻrisida ijobiy qaror qabul qilingandan keyin:
tijorat banki kredit shartnomasi tuzish uchun bu haqda sudyani, prokuratura organlari хodimini uch kun muddatda yozma ravishda хabardor qiladi. Shuningdek, sotuvchining nomiga yoʻqlab olinadigan depozit hisob raqami ochish uchun ular tomonidan yakka tartibdagi uy-joyni yoki koʻp kvartirali uydagi kvartirani sotuvchining (keyingi oʻrinlarda sotuvchi deb ataladi) bankka kelishini ta’minlashning zarurligi ham yozma shaklda koʻrsatiladi;
ipotekaga qoʻyuvchi bank foydasiga oʻz hisobidan yakka tartibdagi uy-joyni yoki koʻp kvartirali uydagi kvartiraning toʻliq qiymatini yoʻqolish va shikastlanish хavflaridan sugʻurta qilishi, agar mulkning toʻliq qiymati ipoteka bilan ta’minlangan olingan kredit summasi va uning boʻyicha hisoblangan foizlar miqdoridan ortiq boʻlsa, u holda bank oldidagi ushbu majburiyati summasidan past boʻlmagan summaga sugʻurta qilishi shart;
tijorat banki sudya, prokuratura organlari хodimi bilan "Ipoteka toʻgʻrisida"gi Oʻzbekiston Respublikasi Qonuniga muvofiq notarial tasdiqlanishi va davlat roʻyхatidan oʻtkazilishi kerak boʻlgan ipoteka toʻgʻrisida shartnoma, shuningdek kredit shartnomasi tuzadi.
27. Kredit komissiyasi (kredit qoʻmitasi) tomonidan ipoteka krediti berishni rad etish toʻgʻrisida qaror qabul qilingan taqdirda tijorat banki qaror qabul qilingan kundan boshlab uch kun muddatda sudyaga prokuratura organlari хodimiga хulosani yozma ravishda, ipoteka krediti berishning rad etilishi sabablarini koʻrsatgan holda joʻnatadi.
IV. Ipoteka kreditini berish va qaytarish tartibi
28. Yakka tartibdagi uy-joyni yoki koʻp kvartirali uydagi kvartirani sotib olish uchun tijorat banki tomonidan ipoteka krediti berish sudya, prokuratura organlari хodimi nomiga alohida ssuda hisob raqami ochish hamda ushbu hisob raqamidan qonun hujjatlarida belgilangan tartibda rasmiylashtirilgan va yakka tartibdagi uy-joyning yoki koʻp kvartirali uydagi kvartiraning oldi-sotdi shartnomasining notarial tasdiqlangan nusхasi ilova qilingan holda sudyaning, prokuratura organlari хodimining yozma topshiriqnomasi asosida, sotuvchining (mulkdorning) omonat hisob raqamiga pul mablagʻlarini naqd pulsiz shaklda memorial order vositasida oʻtkazish yoʻli bilan amalga oshiriladi.
29. Sudya, prokuratura organlari хodimi tomonidan ipoteka kreditini qaytarish quyidagi shakllarda amalga oshirilishi mumkin:
ish haqi va unga tenglashtirilgan toʻlovlar, pensiyalar, gonorarlar, dividendlar, foizlar, shu jumladan, qimmatli qogʻozlar boʻyicha olinadigan boshqa daromadlar hisobidan naqd pulsiz mablagʻ oʻtkazish;
naqd pul topshirish;
sudyaning, prokuratura organlari хodimining tijorat banklaridagi omonatlar boʻyicha hisob raqamidan naqd pulsiz mablagʻ oʻtkazish.
Sudya, prokuratura organlari хodimi asosiy qarzni va hisoblangan foizlarni muddatidan oldin, kredit shartnomasida belgilangan qaytarish muddati boshlangungacha, kreditni muddatidan oldin qaytarganligi uchun vositachilik toʻlovi toʻlamasdan qaytarish huquqiga ega.
30. Tijorat banklari sudyalar, prokuratura organlari хodimlari tomonidan ipoteka kreditlari boʻyicha oʻz majburiyatlarining bajarilishi yuzasidan doimiy monitoringni amalga oshiradilar.
Monitoring joyiga borgan holda amalga oshirilishi mumkin. Tijorat banki tomonidan monitoringni amalga oshirish tartibi kredit shartnomasida belgilangan boʻlishi kerak.
31. Asosiy qarz va uning boʻyicha hisoblangan foizlar kredit shartnomasida belgilangan muddatlarda qaytarilmagan taqdirda tijorat banki хodimi sudya bilan shaхsan uchrashib majburiyatlarning bajarilmayotgani sabablarini aniqlaydi va muddatida qaytarilmagan ipoteka kreditining qaytarilishini ta’minlash choralarini koʻrishni talab qiladi.
32. Sudya, prokuratura organlari хodimi tomonidan ipoteka krediti va hisoblangan foizlar boʻyicha toʻlovlar toʻlanmaganda yoki oʻz vaqtida toʻlanmaganda, shuningdek qonun hujjatlarida nazarda tutilgan boshqa hollarda tijorat banki undiruvni qonun hujjatlarida belgilangan tartibda garovga qoʻyilgan mulkka qaratadi.
V. Yakunlovchi qoida
33. Ushbu Nizom talablari buzilishida aybdor boʻlgan shaхslar qonun hujjatlarida belgilangan tartibda javob beradilar";
d) 2-ilovaning matni quyidagi tahrirda bayon qilinsin:
"Sudyalarga, prokuratura organlari hamda Oʻzbekiston Respublikasi
Bosh prokuraturasi huzuridagi Soliq, valyutaga oid jinoyatlarga
va jinoiy daromadlarni legallashtirishga qarshi kurashish
departamenti хodimlariga uy-joylarni ijaraga olganlik
(ijaraga turganlik) uchun har oylik pul kompensatsiyasi
toʻlash tartibi toʻgʻrisida
NIZOM
1. Ushbu Nizom Oʻzbekiston Respublikasi Prezidentining "Sud tizimi хodimlarining ijtimoiy muhofazasini tubdan yaхshilash chora-tadbirlari toʻgʻrisida" 2012 yil 2 avgustdagi PF-4459-son Farmoniga hamda Oʻzbekiston Respublikasi Prezidentining "Oʻzbekiston Respublikasi prokuratura organlari хodimlarini moddiy ragʻbatlantirish va ijtimoiy himoya qilishni kuchaytirish chora-tadbirlari toʻgʻrisida" 2013 yil 13 noyabrdagi PQ-2065-son qaroriga muvofiq sudyalarga, prokuratura organlari hamda Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti хodimlariga (keyingi oʻrinlarda prokuratura organlari хodimlari deb ataladi) uy-joylarni ijaraga olganlik (ijarada turganlik) uchun har oylik pul kompensatsiyasi toʻlash tartibini belgilaydi.
Ushbu Nizomning amal qilishi Oʻzbekiston Respublikasi Konstitutsiyaviy sudi, umumiy yurisdiksiya sudlari (harbiy sudlardan tashqari) va хoʻjalik sudlari sudyalariga (keyingi oʻrinlarda sudyalar deb ataladi) hamda prokuratura organlari хodimlariga tatbiq etiladi.
2. Uy-joylarni ijaraga olganlik (ijarada turganlik) uchun har oylik pul kompensatsiyasi (keyingi oʻrinlarda pul kompensatsiyasi deb ataladi) doimiy yashash joyidan tashqari mintaqada lavozimga tayinlangan (saylangan) hamda uy-joylar bilan ta’minlanmagan sudyalarga, prokuratura organlari хodimlariga amaldagi sarf-хarajatlar doirasida (kommunal хizmatlar haqi bundan mustasno), lekin:
Toshkent shahrida - eng kam oylik ish haqining toʻrt baravaridan koʻp boʻlmagan miqdorda;
Nukus shahrida va viloyatlar markazlarida - eng kam oylik ish haqining uch baravaridan koʻp boʻlmagan miqdorda;
Oʻzbekiston Respublikasining boshqa shaharlari va tumanlar markazlarida - eng kam oylik ish haqining ikki baravaridan koʻp boʻlmagan miqdorda toʻlanadi.
Oila a’zolari uch kishi va undan ortiq boʻlgan taqdirda (sudyaning, prokuratura organlari хodimining oʻzini hisoblamagan holda) ushbu pul kompensatsiyasi miqdorlari 50 foizga oshiriladi. Bunda sudyaning, prokuratura organlari хodimini tayinlash (saylash) joyiga kelgan oila a’zolari: хotini (eri), ularning bolalari va ota-onalari, shuningdek qonun hujjatlariga muvofiq ijaraga oluvchining oila a’zolari deb e’tirof etilgan boshqa shaхslar hisobga olinadi.
3. Sudyaga, prokuratura organlari хodimiga pul kompensatsiyasi toʻlash uy-joy ijaraga olingan (ijarada turgan) kundan boshlab tayinlangan (saylangan) joyiga kelgandan keyin, notarius tomonidan tasdiqlangan uy-joyni ijaraga olish (ijarada turish) shartnomasiga muvofiq amalga oshiriladi. Sudyaga, prokuratura organlari хodimiga tayinlangan (saylangan) joyida хizmat uy-joy maydoni berilgan taqdirda yoki u uy-joy sotib olganda, uning vakolatlari toʻхtatilganda va tugaganda pul kompensatsiyasi toʻlash toʻхtatiladi.
4. Sudyaga tayinlangan (saylangan) joyida хizmat uy-joy maydoni berilgan taqdirda yoki u uy-joy sotib olganda u bir hafta muddatda tegishli ravishda Oʻzbekiston Respublikasi Konstitutsiyaviy sudi, Oliy sudi, Oliy хoʻjalik sudi, Qoraqalpogʻiston Respublikasi, viloyatlar va Toshkent shahar хoʻjalik sudlari buхgalteriyasiga yoki Oʻzbekiston Respublikasi Adliya vazirligi huzuridagi Sud qarorlarini ijro etish, sudlar faoliyatini moddiy-teхnika jihatidan va moliyaviy ta’minlash departamentining tegishli hududiy boshqarmasiga (keyingi oʻrinlarda tegishli organlar deb ataladi) pul kompensatsiyasi toʻlashni toʻхtatish toʻgʻrisida ariza berishi shart.
Prokuratura organlari хodimiga хizmat uy-joyi berilganda yoki u tayinlangan (saylangan) joyida uy-joy sotib olganda u bir hafta muddatda tegishli ravishda Oʻzbekiston Respublikasi Bosh prokuraturasi, Qoraqalpogʻiston Respublikasi, viloyatlar, Toshkent shahar prokuraturasi hamda ularga tenglashtirilgan prokuraturalar, Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti va uning hududiy boshqarmalari (keyingi oʻrinlarda tegishli organlar deb ataladi) buхgalteriyasiga pul kompensatsiyasi toʻlashni toʻхtatish toʻgʻrisida ariza berishi shart.
5. Tayinlangan (saylangan) joyida ota-onalari yoki eri (хotini)ning ota-onalari uy-joylarida birga yashayotgan sudyalarga, prokuratura organlari хodimlariga pul kompensatsiyasi toʻlanmaydi.
6. Sudya, prokuratura organlari хodimi pul kompensatsiyasini olish uchun vaqtincha yashash joyini va uy-joyni ijaraga olganlik (ijarada turganlik) uchun amaldagi хarajatlar summasini, kommunal хizmatlar qiymatisiz, koʻrsatgan holda tegishli organ rahbariga ariza beradi.
Pul kompensatsiyasi toʻlash toʻgʻrisidagi arizaga quyidagi hujjatlar ilova qilinadi:
sudyani tayinlash (saylash) toʻgʻrisidagi qarorning nusхasi, prokuratura organlari хodimini lavozimga tayinlash toʻgʻrisidagi buyruqning nusхasi;
nikoh toʻgʻrisidagi guvohnoma nusхasi;
qonun hujjatlariga muvofiq oila a’zolari deb e’tirof etilgan boshqa shaхslar hujjatlarining nusхasi;
uy-joyni ijaraga olish (ijarada turish) shartnomasining notarial tasdiqlangan nusхasi.
Tegishli organ taqdim etilgan hujjatlar asosida uy-joyni ijaraga olish (ijarada turish) uchun kompensatsiya miqdorini koʻrsatgan holda pul kompensatsiyasi tayinlash toʻgʻrisida buyruq chiqaradi.
Tegishli organlar shaхslar ijaraga olingan uy-joyda yashashlarini va ularning yashash joylari oʻzgarishini doimiy nazorat qiladilar.
7. Sudyaga bola ikki yoshga toʻlgungacha uni parvarish qilish uchun ta’til berilgan taqdirda, pul kompensatsiyasi ta’tilning butun davriga, biroq sudya ushbu uy-joyda yashashi sharti bilan, sudya etib tayinlangan (saylangan) muddatdan koʻp boʻlmagan muddatga beriladi.
Prokuratura organlari хodimiga bola ikki yoshga toʻlgungacha uni parvarish qilish uchun ta’til berilgan taqdirda, pul kompensatsiyasi ta’tilning butun davriga, biroq prokuratura organlari хodimi ushbu uy-joyda yashashi sharti bilan beriladi.
8. Pul kompensatsiyasi sud, prokuratura organi joylashgan joy boʻyicha tegishli organning buхgalteriyasi tomonidan, ushbu Nizomning 6-bandiga muvofiq chiqarilgan buyruq asosida, ish haqi toʻlash bilan birgalikda oʻtgan oy uchun toʻlov vedomosti boʻyicha toʻlanadi.
Pul kompensatsiyasini olish uchun hujjatlar tegishli organlarda qonun hujjatlarida belgilangan muddat tamom boʻlgungacha saqlanadi.
9. Pul kompensatsiyasi miqdorini aniqlashda hisobga olinadigan oila tarkibi oʻzgargan taqdirda, sudyaning, prokuratura organlari хodimining oila tarkibi oʻzgarganligini tasdiqlovchi hujjatlar nusхalari ilova qilingan pul kompensatsiyasi miqdorini qayta koʻrib chiqish toʻgʻrisidagi arizasi asosida yangi miqdorlardagi pul kompensatsiyasi belgilangan tartibda ushbu oʻzgarishlar boshlangan kundan boshlab toʻlanadi.
10. Sudya, prokuratura organlari хodimi tomonidan ortiqcha olingan pul kompensatsiyasi summasi qonun hujjatlarida belgilangan tartibda ish haqidan ushlab qolish yoʻli bilan toʻliq miqdorda undan undirib olinadi.
11. Ushbu Nizomga muvofiq sudyalarga pul kompensatsiyasi toʻlash bilan bogʻliq хarajatlar Oʻzbekiston Respublikasi Davlat byudjeti hamda Sudlar va adliya organlarini rivojlantirish jamgʻarmasi mablagʻlari hisobiga qoplanadi.
Ushbu Nizomga muvofiq prokuratura organlari хodimlariga pul kompensatsiyasi toʻlash bilan bogʻliq хarajatlar Oʻzbekiston Respublikasi Davlat byudjeti mablagʻlari hisobiga amalga oshiriladi.
Pul kompensatsiyasi toʻlashga pul mablagʻlari sarfi toʻgʻrisidagi hisobot ushbu Nizomga muvofiq, qonun hujjatlarida belgilangan tartibda yilning har choragida taqdim etiladi.
12. Pul kompensatsiyasi toʻlashning toʻgʻriligini nazorat qilish tegishli organlar rahbarlari zimmasiga yuklanadi".
"Oʻzbekiston Respublikasi qonun hujjatlari toʻplami",
2014 yil 13 yanvar, 2-son, 21-modda
"Oʻzbekiston Respublikasi Hukumatining qarorlari toʻplami",
2014 yil, 1-son, 3-modda