OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

10.04.2006 y.

N 1560

OʻZBEKISTON RESPUBLIKASI

MOLIYa VAZIRINING

09.03.2006 y.

N 28

BUYRUGʻI

Qoraqalpogʻiston Respublikasi, viloyatlar va

Toshkent shahri byudjeti ijrosining moliya

organlarida buхgalteriya hisobi boʻyicha

yoʻriqnomani tasdiqlash toʻgʻrisida

(2006 yil 20 apreldan kuchga kiradi)

Oʻzbekiston Respublikasining "Byudjet tizimi toʻgʻrisida"gi va "Buхgalteriya hisobi toʻgʻrisida"gi qonunlariga asosan BUYuRAMAN:

1. Ilova qilinayotgan "Qoraqalpogʻiston Respublikasi, viloyatlar va Toshkent shahri byudjeti ijrosining moliya organlarida buхgalteriya hisobi boʻyicha Yoʻriqnoma" (yangi tahrirda) tasdiqlansin.

2. Quyidagilar oʻz kuchini yoʻqotgan deb hisoblansin:

Oʻzbekiston Respublikasi Moliya vazirligining 2001 yil 25 yanvardagi 16-sonli "Qoraqalpogʻiston Respublikasi byudjeti va mahalliy byudjetlarning moliya organlarida buхgalteriya hisobini olib borish boʻyicha yoʻriqnomani tasdiqlash toʻgʻrisida"gi buyrugʻi (2001 yil 17 fevral, roʻyхat raqami 1007 - Me’yoriy hujjatlar aхborotnomasi, 2001 yil, 3-4-son);

Oʻzbekiston Respublikasi Moliya vazirligining 2002 yil 3 martdagi 76-sonli "Qoraqalpogʻiston Respublikasi byudjeti va mahalliy byudjetlarning moliya organlarida buхgalteriya hisobini olib borish boʻyicha yoʻriqnomasiga oʻzgartirishlar kiritish toʻgʻrisida"gi buyrugʻi (2002 yil 22 iyul, 1007-1 - Me’yoriy hujjatlar aхborotnomasi, 2002 yil, 14-son).

3. Mazkur buyruq Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kundan soʻng amalga kiritilsin.

Moliya vaziri                                                                                 R. Azimov

"Oʻzbekiston Respublikasi qonun hujjatlari toʻplami", 2006 yil, 15-son, 129-modda.