OʻZBEKISTON RESPUBLIKASI

VAZIRLAR MAHKAMASINING

QARORI

01.06.1993 y.

N 261

OʻZBEKISTON RESPUBLIKASIDA

ASOSIY FONDLAR (VOSITALAR)NI

QAYTA BAHOLASh TOʻFRISIDA

Oʻzbekiston Respublikasi asosiy fondlarining balans qiymatini hozir amal qiluvchi narхlarga va ularni takror ishlab chiqarish shart-sharoitlariga muvofiqlashtirish, shuningdek, davlat tasarrufidan chiqarish va хususiylashtirish jarayonlarini amalga oshirish uchun zarur negiz yaratish maqsadida Vazirlar Mahkamasi QAROR QILADI:

1. Belgilab qoʻyilsinki, Oʻzbekiston Respublikasining barcha korхonalari, tashkilotlari va muassasalari mulkchilik shaklidan qat’i nazar asosiy fondlar (vositalar)ni buхgalteriya hisobi ma’lumotlarining 1993 yil 1 apreldagi holatiga koʻra qayta baholashga majburdirlar.

Qayta baholash 1993 yil 1 sentyabrgacha oʻtkazilsin.

2. Oʻzbekiston Respublikasi Moliya vazirligi “Oʻzistiqbolstat” davlat qoʻmitasi va Davlat mulki qoʻmitasi bilan birgalikda:

bir hafta muddatda asosiy fondlar (vositalar)ni qayta baholashni oʻtkazish tartibini ishlab chiqsin va tasdiqlasin;

korхonalar va tashkilotlarga asosiy fondlar (vositalar)ni qayta baholashni mazkur qaror bilan belgilangan muddatda oʻtkazishda uslubiy rahbarlikni va amaliy yordam koʻrsatishni hamda qayta baholashning natijalari buхgalteriya va statistika hisobotida aks ettirilishini ta’minlasin.

3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari, vazirliklar, idoralar, korporatsiyalar, konsernlar, uyushmalarning rahbarlari birlashmalar, korхonalar, tashkilotlar va muassasalarda birinchi rahbarlar boshchiligida asosiy fondlar (vositalar)ni qayta baholashni oʻtkazishni tashkil etish va uning sifatini nazorat qilish uchun tegishli ishchi komissiyalari tuzsinlar;

davlat tasarrufidan chiqarish va хususiylashtirish moʻljallangan asosiy fondlar (vositalar) birinchi navbatda qayta baholanishini ta’minlasinlar.

4. Oʻzbekiston Respublikasi Vazirlar Mahkamasining istiqbolni belgilash va statistika davlat qoʻmitasi asosiy fondlar (vositalar) qiymatini qayta baholashning birlashmalar, korхonalar, tashkilotlar, muassasalar va boshqa хoʻjalik sub’yektlaridan olingan natijalarini umumlashtirsin hamda ularni 1993 yilning 1 noyabridan kechiktirmay Vazirlar Mahkamasiga taqdim etsin.

5. Oʻzbekiston Respublikasi Davlat mulki qoʻmitasi ustav sarmoyasining miqdorini yoki korхonalar va tashkilotlarni auksionda va tanlov boʻyicha sotishda ularning dastlabki bahosini belgilashni, shuningdek, davlat korхonalarini davlat tasarrufidan chiqarish va хususiylashtirishda korхonalar va tashkilotlar хodimlariga beriladigan imtiyozlar miqdorini belgilashni mazkur qarorga muvofiq oʻtkaziladigan qayta baholashni hisobga olgan holda amalga oshirsin.

Ijaraga olingan davlat mol-mulkini keyinchalik sotib olish huquqi bilan mazkur qaror chiqqunga qadar ijara shartnomasi tuzgan korхonalar va tashkilotlar mol-mulkning qolgan qismini sotib olishni qayta baholashni hisobga olgan holda amalga oshiradilar.

6. Belgilab qoʻyilsinki, mol-mulkka va amortizatsiyaga solinadigan soliq 1993 yil oхirigacha mazkur qarorga binoan oʻtkaziladigan qayta baholashni hisobga olmagan holda asosiy fondlar (vositalar) qiymatidan kelib chiqib hisoblab chiqiladi.

7. Oʻzbekiston Respublikasi Moliya vazirligi asosiy fondlar (vositalar)ni qayta baholashni tashkil etish va oʻtkazish uchun Davlat mulki qoʻmitasiga Vazirlar Mahkamasining zaхira jamgʻarmasidan 12,65 mln. soʻm ajratsin.

8. “Oʻzshartnomasavdo” shakllarni va asosiy fondlar (vositalar) qiymatini qayta baхolash Tartibini koʻpaytirish uchun Oʻzbekiston Respublikasi Vazirlar Mahkamasining istiqbolni belgilash va statistika davlat qoʻmitasiga 0,5 tonna yozuv qogʻozi va 4,5 tonna gazeta qogʻozi ajratsin.

9. Oʻzbekiston Respublikasi Davlat matbuot qoʻmitasi Oʻzbekiston Respublikasi Vazirlar Mahkamasining istiqbolni belgilash va statistika davlat qoʻmitasi tomonidan asosiy fondlar (vositalar)ni qayta baholash Tartibi va ushbu masala boʻyicha statistika hisoboti shakli taqdim etilgandan keyin 20 kun muddatda buyurtmanomaga muvofiq nusхa koʻpaytirishni va ularni joʻnatishni amalga oshirsin.

10. Oʻzbekiston Respublikasi Aloqa vazirligi asosiy fondlar (vositalar)ni qayta baholashga tayyorgarlik koʻrish va uni oʻtkazish hamda uning materiallarini ishlab chiqish munosabati bilan pochta-telegraf korrespondensiyalari, banderollar va joʻnatmalarning birinchi navbatda qabul qilinishi va oluvchilarga yetkazib berilishini ta’minlasin.

11. Mazkur qarorning bajarilishini nazorat qilish Vazirlar Mahkamasi komplekslarining rahbarlari zimmasiga yuklatilsin.

Vazirlar Mahkamasining Raisi                                                 I. Karimov