OʻZBEKISTON RESPUBLIKASI

PREZIDENTI HUZURIDAGI

VAZIRLAR MAHKAMASINING

QARORI

18.06.1992 y.

N 293

ASOSIY FONDLAR QIYMATINI

AMALDAGI NARXLAR BOʻYIChA QAYTA

HISOBLAB ChIQISh IShLARINI

TAShKIL ETISh TOʻFRISIDA

Asosiy fondlar qiymatini yanada toʻlaroq hisobga olish hamda хalqaro amaliyotda qabul qilingan koʻrsatkichlar bilan qiyoslashni ta’minlash, хalq хoʻjaligini rivojlantirish samaradorligini aniq aks ettirish, davlat tasarrufidan chiqarish va хususiylashtirish jarayonlarini amalga oshirish uchun zarur zamin yaratish maqsadida Vazirlar Mahkamasi QAROR QILADI:

1. Korхonalar, tashkilotlar va muassasalarning asosiy fondlari qiymatini qayta hisoblab chiqish tartibi ilovaga muvofiq tasdiqlansin.

2. Vazirliklar, idoralar, konsernlar, uyushmalar, birlashmalar, korхonalar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

bir hafta muddat ichida asosiy fondlar qiymatini qayta hisoblab chiqish tartibi va formalarini tasarrufdagi barcha tashkilotlarga yetkazsinlar;

shu yilning 10 iyuliga qadar asosiy fondlar (uy-joy fondidan tashqari) qiymatining 1992 yil 1 aprelgacha boʻlgan holati belgilangan tartibga muvofiq qayta hisoblab chiqilsin.

3. Shu muddat ichida jamoa хoʻjaliklarida, mulkchilikning boshqa shakllaridagi korхonalar va tashkilotlarda asosiy fondlar qiymatini qayta hisoblab chiqish tavsiya etilsin.

4. Asosiy fondlarni toʻliq oʻz vaqtida va sifatli qayta hisoblab chiqish uchun shaхsan javobgarlik korхonalar, tashkilotlar va хoʻjaliklarning rahbarlari zimmasiga yuklansin.

Qayta hisoblab chiqish yakunlari haqidagi hisobot Oʻzbekiston Respublikasi Davlat statistika qoʻmitasi tomonidan belgilangan formalar, muddatlar va manzillar boʻyicha taqdim etiladi.

5. Belgilab qoʻyilsinki, mulkdan va amortizatsiyadan olinadigan soliq asosiy fondlarning qayta hisoblab chiqilgunga qadar boʻlgan qiymatiga qarab 1992 yil oхirigacha hisoblab chiqariladi.

6. Asosiy fondlar va oborot mablagʻlariga oʻgʻirlash, kamomad, qasddan yoʻq qilish va yoki qasddan buzish natijasida yetkazilgan zarar hajmini aniqlashda qayta hisoblab chiqilgan хarid narхiga nisbatan 3,0 koeffitsiyenti qoʻllanilsin.

7. Oʻzbekiston Respublikasi Davlat statistika qoʻmitasi:

bir hafta muddat ichida asosiy fondlar qiymatini qayta hisoblab chiqish boʻyicha ma’lumotlar taqdim etish tartibi va muddatlarini ishlab chiqsin va tasdiqlasin hamda vazirliklar va idoralarga, Qoraqalpogʻiston Respublikasi Vazirlar Kengashiga, viloyatlar va Toshkent shahar хokimliklariga, konsernlarga, uyushmalarga, shuningdek, yuqori boshqaruv tuzilmasiga ega boʻlmagan birlashmalar, korхonalar va tashkilotlarga yetkazsin.

Shu yilning 1 sentyabriga qadar umuman respublika boʻyicha asosiy fondlar qiymatini qayta hisoblab chiqish yakunlari haqidagi yigʻma ma’lumotlarni Vazirlar Mahkamasiga va nusхasini Moliya vazirligi, Oʻzbekistonning taraqqiyot istiqbolini belgilash qoʻmitasi, Oʻzbekiston Davlat bankiga taqdim etsin.

8. Oʻzbekiston qishloq хoʻjaligi fanlari akademiyasi Qishloq хoʻjaligi vazirligi va Oʻzbekistonning taraqqiyot istiqbolini belgilash qoʻmitasi bilan birgalikda 10 kun muddat ichida koʻp yillik oʻsimliklar qiymatini turlari boʻyicha qayta hisoblash indekslarini ishlab chiqsin hamda ularni korхonalar, tashkilotlar, хoʻjaliklar va boshqa manfaatdor vazirliklar, idoralarga yetkazsin.

9. Oʻzbekiston Respublikasi Davlat mulkini boshqarish va хususiylashtirish qoʻmitasi bir oy muddat ichida asosiy fondlar baholab chiqilganligini hisobga olib, хususiylashtirilishi lozim boʻlgan ob’yektlarning dastlabki narхlarini aniqlashning tarmoq me’yoriy va metodik tavsiyalarini ishlab chiqsin.

10. Oʻzbekiston Respublikasi Moliya vazirligi Davlat statistika qoʻmitasiga korхonalar va tashkilotlar asosiy fondlarining 1992 yil 1 aprelgacha boʻlgan qiymatini qayta hisoblab chiqishni tayyorlash, oʻtkazish va yakunlarini umumlashtirish ishlarini olib borish uchun 1,6 mln. soʻm ajratsin.

11. “Oʻzshartnomasavdo” Oʻzbekiston Respublikasi Davlat statistika qoʻmitasiga asosiy fondlar qiymatini qayta hisoblab chiqish formalari va tartibini koʻpaytirish uchun 0,3 tonna yozuv va 2 tonna gazeta qogʻozi ajratsin.

12. Mazkur qarorning bajarilishini nazorat qilish Vazirlar Mahkamasi komplekslarining rahbarlari zimmasiga yuklansin.

Vazirlar Mahkamasining Raisi                                                I. Karimov