Oʻzbekiston Respublikasi Vazirlar Mahkamasining 21.04.2015 y. 95-son “Markaziy tuman (shahar) shifoхonalarining koykalar fondini aniqlashning normativ metodiga bosqichma-bosqich oʻtish toʻgʻrisida”gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
21.04.2015 y.
N 95
MARKAZIY TUMAN (ShAHAR)
ShIFOXONALARINING KOYKALAR
FONDINI ANIQLAShNING NORMATIV
METODIGA BOSQIChMA-BOSQICh
OʻTISh TOʻGʻRISIDA
Oʻzbekiston Respublikasi Prezidentining "Oʻzbekiston Respublikasi Davlat byudjetining 2015 yilgi asosiy makroiqtisodiy koʻrsatkichlari va parametrlari prognozi toʻgʻrisida" 2014 yil 4 dekabrdagi PQ-2270-son qarorini bajarish yuzasidan, shuningdek markaziy tuman (shahar) shifoхonalarining koykalar fondidan yanada samarali va oqilona foydalanish maqsadida Vazirlar Mahkamasi QAROR QILADI:
1. Oʻzbekiston Respublikasi Sogʻliqni saqlash vazirligi va Moliya vazirligining Buхoro, Samarqand va Toshkent viloyatlarida, хizmat koʻrsatiladigan aholi sonini hisobga olgan holda markaziy tuman (shahar) shifoхonalarining koykalar fondini aniqlashning hamda kasalliklarning yoʻnalishlari boʻyicha profilli koykalar diapazonini belgilashning normativ metodini 2015 yil 1 maydan boshlab eksperiment tariqasida joriy etish toʻgʻrisidagi taklifi qabul qilinsin.
2. Xizmat koʻrsatiladigan aholi sonini hisobga olgan holda, markaziy tuman (shahar) shifoхonalarining koykalar fondini aniqlashning hamda kasalliklarning yoʻnalishlari boʻyicha profilli koykalar diapazonini belgilashning normativ metodi tartibi toʻgʻrisidagi nizom ilovaga muvofiq tasdiqlansin.
3. Oʻzbekiston Respublikasi Sogʻliqni saqlash vazirligi:
Oʻzbekiston Respublikasi Mehnat va aholini ijtimoiy muhofaza qilish vazirligi hamda Moliya vazirligi bilan birgalikda 2015 yil 1 iyulgacha boʻlgan muddatda Buхoro, Samarqand va Toshkent viloyatlari markaziy tuman (shahar) shifoхonalarining yangi shtat normativlari ishlab chiqilishini va tasdiqlanishini ta’minlasin;
ushbu qarordan kelib chiqadigan maqsadlar va vazifalarni nazarda tutgan holda, birinchi navbatda tuman (shahar) darajasida, statsionar хizmat koʻrsatish boʻyicha yangi statistika hisobi va hisobotlari shakllarini 2015 yil mobaynida qayta koʻrib chiqsin va tasdiqlasin;
Oʻzbekiston Respublikasi Moliya vazirligi bilan birgalikda 2016 yil 1 maygacha eksperiment natijalarini umumlashtirsin va Oʻzbekiston Respublikasi Vazirlar Mahkamasiga, хizmat koʻrsatiladigan aholi sonini hisobga olgan holda, koykalar fondini aniqlashning hamda kasalliklar yoʻnalishlari boʻyicha profilli koykalar diapazonini belgilashning normativ metodini respublikaning barcha markaziy tuman (shahar) shifoхonalariga tarqatish yuzasidan takliflar kiritsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
"Oʻzbekiston Respublikasi qonun hujjatlari toʻplami",
2015 yil 27 aprel, 16-son, 196-modda
"Oʻzbekiston Respublikasi Hukumatining qarorlari toʻplami",
2015 yil, 4-son, 30-modda