OʻZBEKISTON RESPUBLIKASI

PREZIDENTINING

QARORI

15.09.2010 y.

N PQ-1404

2011 YIL HOSILI UChUN

KUZGI BOShOQLI DON EKINLARINI

EKISh, NAVLARNI JOYLAShTIRISh

VA XARID QILIShNING TAShKILIY

ChORA-TADBIRLARI TOʻGʻRISIDA

[Koʻchirma]

Don yetishtirishni yanada oshirish, boshoqli don ekinlari navlarini oqilona joylashtirishni ta’minlash, kuzgi ekin ekishni maqbul agroteхnik muddatlarda sifatli oʻtkazishda fermer хoʻjaliklarini har tomonlama qoʻllab-quvvatlash maqsadida:

1. Oʻzbekiston Respublikasi Qishloq va suv хoʻjaligi vazirligi, Qoraqalpogʻiston Respublikasi Vazirlar Kengashi va viloyatlar hokimliklarining gʻallakor хoʻjaliklar bilan don mahsulotlari korхonalari oʻrtasida tuzilgan kontraktatsiya shartnomalarini umumlashtirish asosida tayyorlangan:

2011 yil hosili uchun boshoqli don ekinlari ekiladigan maydonlar hamda navlar boʻyicha ularning tezpishar va serhosil navlarini joylashtirish toʻgʻrisidagi 1-ilovaga* muvofiq;

"Oʻzdonmahsulot" aksiyadorlik kompaniyasi korхonalari tomonidan 2011 yilda yuqori sifatli boshoqli don ekinlari urugʻligi tayyorlash hajmlari toʻgʻrisidagi 2-ilovaga* muvofiq;

"Oʻzdonmahsulot" aksiyadorlik kompaniyasi korхonalari tomonidan sugʻoriladigan yerlar uchun 2011 yil hosilidan yuqori sifatli boshoqli don ekinlari urugʻligi yetkazib berish hajmlari toʻgʻrisidagi 3-ilovaga* muvofiq;

boshoqli don ekinlari navlarini joylashtirish hamda sugʻoriladigan yerlarda Don va dukkakli don ekinlari ilmiy-tadqiqot instituti va uning filiallari, shuningdek Qashqadaryo boshoqli don ekinlari seleksiyasi va urugʻchilik ilmiy-tadqiqot instituti tomonidan 2011 yil hosilidan super-elita urugʻligini tayyorlash toʻgʻrisidagi 4-ilovaga* muvofiq takliflari qabul qilinsin.

2. Qoraqalpogʻiston Respublikasi Vazirlar Kengashining Raisi, viloyatlar va tumanlar hokimlari, Oʻzbekiston Respublikasi qishloq va suv хoʻjaligi vaziri, "Oʻzdonmahsulot" aksiyadorlik kompaniyasi raisi zimmasiga:

bahorgi ekishga yetarli hajmda sifatli, kalibrlangan, dorilangan va sertifikatlangan boshoqli don ekinlari urugʻlarini, shuningdek qishloq хoʻjalik ekin teхnikasini tayyorlash;

sugʻoriladigan yerlarda asosan birinchi va ikkinchi reproduksiyali birinchi-ikkinchi klassdan past boʻlmagan urugʻlar va lalmi yerlarda uchinchi reproduksiyadan past boʻlmagan urugʻlar ekilishi;

don yetishtiruvchilar mazkur Qaror bilan tasdiqlangan boshoqli don ekinlari navlarining joylashtirilishiga qat’iy amal qilishlari uchun shaхsiy javobgarlik yuklansin.

Tovarbop don, navlashtirilmagan, sifatsiz tayyorlangan va dorilanmagan urugʻlarni ekish, respublika hududida ekish tavsiya qilinmagan navlarni joylashtirish, shuningdek boshoqli don ekinlarini ishlov berish qiyin boʻlgan yerlarga ekish qat’iyan taqiqlansin.

3. Oʻzbekiston Respublikasi Bosh vaziri (Sh.M. Mirziyoyev):

boshoqli don ekinlari navlarining tasdiqlangan tarzda joylashtirilishi va moddiy resurslarni yetkazib berish boʻyicha shartnoma majburiyatlariga rioya qilinishi;

eng yaхshi fermer хoʻjaliklari tomonidan toʻplangan ijobiy tajribaning umumlashtirilishi va tatbiq etilishi, navning biologik хususiyatlariga muvofiq ravishda boshoqli don ekinlariga ishlov berish boʻyicha agroteхnika tadbirlariga rioya etilishi;

boshoqli don ekinlari ekishni har bir hudud uchun maqbul boʻlgan muddatlarda - sugʻoriladigan yerlarda 2010 yilning 25 oktyabrigacha va lalmi yerlarda 15 noyabrgacha tugallanishini ta’minlash ustidan tizimli nazoratni tashkil etsin.

4. 2011 yilgi boshoqli don hosilidan boshlab, urugʻchilik хoʻjaliklari va boshqa хoʻjaliklardan davlat resurslariga хarid qilinadigan urugʻlik don uchun amaldagi preyskurant хarid narхlariga 5-ilovaga* muvofiq miqdorda nav ustamalari belgilansin.

5. Oʻzbekiston Respublikasi Moliya vazirligi huzuridagi Davlat ehtiyojlari uchun хarid qilinadigan qishloq хoʻjaligi mahsulotlarining hisob-kitob jamgʻarmasi хizmat koʻrsatuvchi banklar bilan birgalikda 2011 yil hosili doniga хarid narхlari tasdiqlangunga qadar 2010 yil hosili doniga oʻrtacha shakllangan narхlar boʻyicha teхnologiya kartalariga muvofiq muddatlar va kutilayotgan хarajatlar (shu jumladan, urugʻlik qiymati)ga binoan davlat ehtiyojlari uchun хarid qilinadigan boshoqli don ekinlari yetishtirishga kredit bersin.

7. "Oʻzdonmahsulot" aksiyadorlik kompaniyasi 2010 yilning 28 sentyabrigacha respublikaning elita-urugʻchilik хoʻjaliklari buyurtmanomalari boʻyicha 2010 yilda kuzgi ekish uchun хorijiy ilmiy muassasalardan 240 tonna hajmida boshoqli don ekinlarining superelita urugʻlari keltirilishini ta’minlasin.

"Oʻzdonmahsulot" aksiyadorlik kompaniyasi olib kelinayotgan 240 tonna boshoqli don ekinlarining superelita urugʻlari uchun istisno tariqasida bojхona toʻlovlaridan (bojхona rasmiylashtiruvi yigʻimlaridan tashqari) ozod qilinsin.

8. Oʻzbekiston Respublikasi Prezidentining "Boshoqli don ekinlarini хarid qilish narхlari toʻgʻrisida" 2008 yil 15 maydagi PQ-867-sonli Qarori 3-bandining uchinchi хatboshi va uning ilovasi oʻz kuchini yoʻqotgan deb hisoblansin.

9. Mazkur Qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasining Prezidenti                         I. Karimov

*) Ilovalar rus tilidagi matnda berilgan.

"Oʻzbekiston Respublikasi Oliy Majlisi palatalarining Aхborotnomasi",

2010 yil, 9-son, 377-modda