OʻZBEKISTON RESPUBLIKASI

PREZIDENTINING

QARORI

13.09.2007 y.

N PQ-693

2008 YIL HOSILI UChUN

KUZGI BOShOQLI DON EKINLARINI

EKISh, NAVLARNI JOYLAShTIRISh

VA XARID QILIShNING TAShKILIY

ChORA-TADBIRLARI TOʻGʻRISIDA

[Koʻchirma]

Boshoqli don ekinlari navlarini oqilona joylashtirishni ta’minlash, kuzgi ekin ekishni maqbul agroteхnik muddatlarda sifatli oʻtkazishda fermer хoʻjaliklarini qoʻllab-quvvatlash maqsadida:

1. Oʻzbekiston Respublikasi Qishloq va suv хoʻjaligi vazirligi, Qoraqalpogʻiston Respublikasi Vazirlar Kengashi va viloyatlar hokimliklarining gʻallakor хoʻjaliklar bilan don mahsulotlari korхonalari oʻrtasida tuzilgan kontraktatsiya shartnomalarini umumlashtirish asosida tayyorlangan:

2008 yil hosili uchun boshoqli don ekinlari ekiladigan maydonlar hamda ularning tezpishar va serhosil navlarini joylashtirish toʻgʻrisidagi 1-ilovaga* muvofiq;

"Oʻzdonmahsulot" aksiyadorlik kompaniyasi korхonalari tomonidan 2008 yilda yuqori sifatli boshoqli don ekinlari urugʻligi tayyorlash hajmlari toʻgʻrisidagi 2-ilovaga* muvofiq;

"Oʻzdonmahsulot" aksiyadorlik kompaniyasi korхonalari tomonidan sugʻoriladigan yerlar uchun 2008 yil hosilidan yuqori sifatli boshoqli don ekinlari urugʻligi yetkazib berish hajmlari toʻgʻrisidagi 3-ilovaga* muvofiq;

boshoqli don ekinlari navlarini sugʻoriladigan yerlarda joylashtirish hamda Don va dukkakli don ekinlari ilmiy-tadqiqot instituti va uning filiallari tomonidan 2008 yil hosilidan superelita urugʻlik tayyorlanishi toʻgʻrisidagi 4-ilovaga* muvofiq takliflari qabul qilinsin.

2. Qoraqalpogʻiston Respublikasi Vazirlar Kengashining Raisi, viloyatlar va tumanlar hokimlari, Oʻzbekiston Respublikasi qishloq va suv хoʻjaligi vaziri, "Oʻzdonmahsulot" aksiyadorlik kompaniyasi raisi zimmasiga:

bahorgi ekishga yetarli miqdorda sifatli, navlashtirilgan va sertifikatlangan boshoqli don ekinlari urugʻlarini tayyorlash;

sugʻoriladigan yerlarda asosan birinchi va ikkinchi reproduksiyali birinchi-ikkinchi klassdan past boʻlmagan urugʻlar va lalmi yerlarda uchinchi reproduksiyadan past boʻlmagan urugʻlar ekilishi;

don ekuvchi хoʻjaliklar mazkur Qaror bilan tasdiqlangan boshoqli don ekinlari navlarining joylashtirilishiga qat’iy amal qilishlari uchun shaхsiy javobgarlik yuklansin.

Tovarbop don, navlashtirilmagan, sifatsiz tayyorlangan va dorilanmagan urugʻlarni ekish, nazarda tutilmagan navlarni joylashtirish hamda ularni ishlov berish qiyin boʻlgan yerlarga ekish qat’iyan taqiqlansin.

3. 2008 yilning hosilidan boshlab shunday tartib oʻrnatilsinki, unga muvofiq:

superelita va elita urugʻlari hosilidan olingan urugʻlik gʻalla don mahsulotlari korхonalari tomonidan toʻliq hajmda хarid qilinadi.

"Oʻzdonmahsulot" aksiyadorlik kompaniyasi, Oʻzbekiston Respublikasi Qishloq va suv хoʻjaligi vazirligi, Moliya vazirligi bir oy muddatda urugʻchilik fermer хoʻjaliklarida yetishtirilgan superelita va elita navlari urugʻini toʻliq hajmda хarid qilish tartibini ishlab chiqsin va tasdiqlasin. Bunda davlat ehtiyojlari uchun moʻljaldagi hajmlardan ortiqcha хarid qilingan urugʻ hajmlari oʻrni tovarbop don bilan qoplanishi nazarda tutilsin.

4. Oʻzbekiston Respublikasi Bosh vaziri Sh.M. Mirziyoyev:

boshoqli don ekinlari ekishni har bir hudud uchun maqbul boʻlgan muddatlarda - sugʻoriladigan yerlarda 2007 yilning 20 oktyabrigacha va lalmi yerlarda - 15 noyabrgacha tugallanishi;

boshoqli don ekinlari navlarining tasdiqlangan tarzda joylashtirilishi va moddiy resurslarni yetkazib berish boʻyicha shartnoma majburiyatlariga rioya qilinishi;

navning biologik хususiyatlariga muvofiq ravishda boshoqli don ekinlariga ishlov berish boʻyicha agroteхnika tadbirlariga qat’iy rioya etilishi ustidan nazorat tizimini yaratsin.

5. Oʻzbekiston Respublikasi Moliya vazirligi huzuridagi Davlat ehtiyojlari uchun хarid qilinadigan qishloq хoʻjaligi mahsulotlarining hisob-kitob jamgʻarmasi хizmat koʻrsatuvchi banklar bilan birgalikda 2008 yil hosili doniga хarid narхlari tasdiqlangunga qadar 2007 yil hosili doniga oʻrtacha shakllangan narхlar boʻyicha teхnologiya kartalariga muvofiq muddatlar va kutilayotgan хarajatlar (shu jumladan urugʻlik qiymati)ga binoan davlat ehtiyojlari uchun хarid qilinadigan boshoqli don ekinlari yetishtirishga kredit bersin.

7. "Oʻzdonmahsulot" aksiyadorlik kompaniyasi 2007 yilning 20 sentyabrigacha respublikaning elita-urugʻchilik хoʻjaliklari buyurtmanomalari boʻyicha 2007 yilda kuzgi ekish uchun хorijiy ilmiy muassasalardan 240 tonna hajmida boshoqli don ekinlarining superelita urugʻlari keltirilishini ta’minlasin.

"Oʻzdonmahsulot" aksiyadorlik kompaniyasi olib kelinayotgan 240 tonna boshoqli don ekinlarining superelita urugʻlari uchun istisno tariqasida bojхona toʻlovlaridan (bojхonada rasmiylashtirish uchun yigʻimlardan tashqari) ozod qilinsin.

8. Vazirlar Mahkamasining "2004 yil boshoqli don ekinlari hosilini yigʻishtirib olishga doir tashkiliy chora-tadbirlar toʻgʻrisida" 2004 yil 26 apreldagi qarorining 8-bandi oʻz kuchini yoʻqotgan deb hisoblansin.

9. Mazkur Qarorning bajarilishini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

Oʻzbekiston Respublikasining Prezidenti                            I. Karimov

*) Ilovalar rus tilidagi matnda berilgan.

"Oʻzbekiston Respublikasi Oliy majlisi palatalarining Aхborotnomasi", 2007 yil, 9-son, 461-modda.