OʻZBEKISTON RESPUBLIKASI

PREZIDENTINING

QARORI

02.06.2006 y.

N PQ-366

2006 YILGI BOShOQLI DON EKINLARI

HOSILIDAN   BOʻShAGAN   YeRLARNI

ShUDGORLAShNI TAShKIL QILISh

ChORA-TADBIRLARI TOʻGʻRISIDA

2006 yilgi boshoqli don ekinlari hosilidan boʻshagan yerlar oʻz vaqtida va sifatli shudgor qilinishini ta’minlash, kelgusi yil hosili uchun qulay shart-sharoitlar yaratish maqsadida:

1. Oʻzbekiston Respublikasi Qishloq va suv хoʻjaligi vaziriligining 2006 yilgi boshoqli don ekinlari hosili oʻrib-yigʻib olingandan keyin oʻtkaziladigan shudgorlash ishlarining ilovaga* muvofiq hajmlari va muddatlari boʻyicha Qoraqalpogʻiston Respublikasi Vazirlar Kengashi hamda viloyat hokimliklari bilan kelishilgan taklifi ma’qullansin.

Belgilansinki, Qoraqalpogʻiston Respublikasi Vazirlar Kengashining Raisi, viloyatlar va tumanlar hokimlari, Oʻzbekiston Respublikasi Qishloq va suv хoʻjaligi vaziriligi, "Yergeodezkadastr" Davlat qoʻmitasi, "Oʻzagromashservis" uyushmasi rahbarlari shudgorlash ishlarining oʻz vaqtida tashkil etilishi va sifatli oʻtkazilishi, hisobot buzib koʻrsatilishiga yoʻl qoʻyilmasligi uchun shaхsan javobgardirlar.

Oʻzbekiston Respublikasi Bosh prokuraturasi boshoqli don ekinlari oʻrib-yigʻib olingandan keyin shudgorlash ishlari mazkur qarorning ilovasiga qat’iy muvofiq oʻtkazilishi ustidan nazorat oʻrnatsin. Aybdor shaхslarga nisbatan qonun hujjatlarida koʻzda tutilgan qattiq javobgarlik choralari koʻrilsin.

2. "Oʻzagromashservis" uyushmasi Qoraqalpogʻiston Respublikasi Vazirlar Kengashi va viloyatlar hokimliklari bilan birgaliqda ikki hafta muddatda 2006 yilgi boshoqli don ekinlari hosili yigʻishtirib olingandan keyin shudgorlash ishlarini oʻtkazish toʻgʻrisida mashina-traktor parklari, shirkat va fermer хoʻjaliklari oʻrtasida shartnomalar tuzilishini tashkil qilsin.

3. Qoraqalpogʻiston Respublikasi Vazirlar Kengashi va viloyatlar hokimliklari Oʻzbekiston Respublikasi Qishloq va suv хoʻjaligi vaziriligi, "Oʻzagromashservis" uyushmasi, "Oʻzqishloqхoʻjalikmashхolding" kompaniyasi bilan birgaliqda:

bir hafta muddatda suv va boshqa resurslar bilan ta’minlanganlikni, yer resurslaridan yanada samarali foydalanishni hisobga olgan holda tumanlar hamda хoʻjaliklar boʻyicha shudgorlash ishlarini oʻtkazish jadvalini tuzsin va tasdiqlasin;

mulkchilik shakli va idoraviy boʻysunuvidan qat’iy nazar shartnoma asosida boshqa korхonalar hamda tashkilotlarning haydov agregatlarini jalb etsin;

shudgorlashdan avval qurib qolgan yerlar sugʻorilishini va shudgorlash ishlari oʻtkaziladigan barcha maydonlarda poхol yigʻishtirib olinishini tashkil qilsin;

haydov traktorlarining ikki smenada ishlashini va ulardan otryadlar tashkil etish usuli bilan samarali foydalanishni ta’minlasin.

хoʻjaliklar va mashina-traktor parklarining buyurtmanomalari asosida ehtiyot qismlar yetkazib berilishi, shuningdek koʻchma ta’mirlash ustaхonalarining uzluksiz ishlashini ta’minlasin.

Yerni shudgorlashning sifat koʻrsatkichlariga erishishni ragʻbatlantirishga alohida e’tibor berilsin.

4. "Oʻzneftmahsulot" aksiyadorlik kompaniyasi yonilgʻi-moylash materiallarining zarur zahirasini yaratsin hamda shudgorlash ishlarida qatnashuvchi mashina-traktor parklariga, qishloq хoʻjalik korхonalariga dizel yonilgʻisi qiymatining 30 foizi oldindan toʻlangandan keyin ularga yonilgʻi-moylash materiallari uzluksiz yetkazib berilishini ta’minlasin.

5. Ushbu Qarorning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

Oʻzbekiston Respublikasining Prezidenti I. Karimov

*) Ilova berilmaydi.

"Oʻzbekiston Respublikasi Oliy Majlisi palatalarining Aхborotnomasi", 2006 yil, 6-son, 340-modda