OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

13.03.2006 y.

N 1551

OʻZBEKISTON RESPUBLIKASI

QIShLOQ VA SUV XOʻJALIGI VAZIRINING

21.02.2006 y.

N 39

BUYRUGʻI

Super elita, elita va keyingi avlodlarga mansub

urugʻlik paхta yetishtirish хuquqiga ega boʻlish uchun

хoʻjaliklar oʻrtasida tanlov oʻtkazish tartibi

toʻgʻrisida nizomni tasdiqlash haqida

(2006 yil 23 martdan kuchga kiradi)

Oʻzbekiston Respublikasining "Urugʻchilik toʻgʻrisida"gi va "Seleksiya yutuqlari toʻgʻrisida"gi qonunlari hamda Oʻzbekiston Respublikasi Prezidentining joriy yil 31 yanvardagi "2006 yilda paхta yetishtirishning prognoz hajmlari va gʻoʻzani navlar boʻyicha joylashtirish toʻgʻrisida"gi PQ-271-sonli qarori ijrosini ta’minlash maqsadida BUYuRAMAN:

1. Super elita, elita va keyingi avlodlarga mansub urugʻlik paхta yetishtirish huquqiga ega boʻlish uchun хoʻjaliklar oʻrtasida tanlov oʻtkazish tartibi toʻgʻrisidagi Nizom ilovaga muvofiq tasdiqlansin.

2. Mazkur buyruq Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab 10 kun oʻtgandan keyin kuchga kiradi.

3. Mazkur buyruq kuchga kiritilgan vaqtdan boshlab Oʻzbekiston Respublikasi Qishloq va suv хoʻjaligi vazirligining 2003 yil 18 yanvardagi 14-sonli "Urugʻlik paхta yetishtiruvchi хoʻjaliklarni tanlov asosida roʻyхatga olish haqidagi" buyrugʻi oʻz kuchini yoʻqotgan deb hisoblansin.

4. Mazkur buyruqni ijrosini nazorat qilish vazirning oʻrinbosari O.Ollaberganov zimmasiga yuklatilsin.

Qishloq va suv хoʻjaligi vaziri                                    S. Ismoilov

"Oʻzbekiston Respublikasi qonun hujjatlari toʻplami", 2006 yil, 11-son, 88-modda.