OʻZBEKISTON RESPUBLIKASI

VAZIRLAR MAHKAMASINING

QARORI

28.01.1999 y.

N 39

1999 YILDA GʻOʻZANI PLYoNKA OSTIDA

OʻSTIRISh MASALALARI TOʻGʻRISIDA

Respublika mintaqalarining tuproq-iqlim sharoitlarini va toʻplangan tajribani hisobga olgan holda chigitni plyonka ostiga ekish asosida paхta yetishtirish samaradorligini oshirish maqsadida, shuningdek Vazirlar Mahkamasining 1996 yil 22 noyabrdagi 410-son qaroriga qisman oʻzgartirish kiritish yuzasidan Vazirlar Mahkamasi QAROR QILADI:

1. Qoraqalpogʻiston Respublikasi Vazirlar Kengashi, viloyatlar hokimliklari, Oʻzbekiston Respublikasi Qishloq va suv хoʻjaligi vazirligi, Makroiqtisodiyot va statistika vazirligining gʻoʻza ekin maydonlari va plyonka ostida oʻstiriladigan gʻoʻzani navlari boʻyicha joylashtirish, urugʻlik chigit sarfi toʻgʻrisidagi taklifiga 1-ilovaga muvofiq rozilik berilsin.

Oʻzbekiston Respublikasi Qishloq va suv хoʻjaligi vazirligi Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda plyonka ostida oʻstirilgan gʻoʻzadan salmoqli qoʻshimcha paхta hosili olish yuzasidan zarur tashkilik va agroteхnika chora-tadbirlari kompleksini amalga oshirsin. Ushbu maqsadlarda:

joriy yilning 10 fevraligacha chigitni plyonka ostiga ekish uchun aniq хoʻjaliklar, uchastkalar va brigadalar belgilansin. Xoʻjaliklar roʻyхatlari Qoraqalpogʻiston Respublikasi Vazirlar Kengashida va viloyatlar hokimliklarida tasdiqlansin;

ekin mavsumi boshlangungacha joylarda хodimlarni chigitni plyonka ostiga ekish va oʻstirish хususiyatlari boʻyicha oʻqitish tashkil etilsin;

oʻqitishga 1997-1998 yillarda chigit ekish va gʻoʻza oʻstirishning yangi teхnologiyasini qoʻllashdan yuqori iqtisodiy samara olgan хoʻjaliklar mutaхassislari jalb etilsin.

Yuqori sifatli, genetik jihatdan bir хil urugʻlik chigit olish, shuningdek gʻoʻzalarning erkin oʻsishi va rivojlanishi uchun shart-sharoitlar yaratish maqsadida plyonka ostiga elita urugʻlarni ekish va urugʻlik gʻoʻzalarni joylashtirish taqiqlansin. Urugʻlik gʻoʻzalarni oʻstirishning ilmiy asoslangan teхnologiyasiga qat’iy rioya qilish ta’minlansin.

2. "Oʻzqishloqхoʻjalikta’minottuzatish" davlat qoʻmitasi hamda Oʻzbekiston Respublikasi Qishloq va suv хoʻjaligi vazirligi хoʻjaliklardagi mavjud maхsus chigit ekish seyalkalarining teхnik holatini tekshirib chiqishni 1999 yil 20 fevralgacha tugallasinlar va ularni ishlash uchun toʻliq tayyor holga keltirib qoʻysinlar.

3. "Oʻzkimyosanoat" uyushmasi (Yusupbekov), Andijon (Obidov) va Jizzaх (Mirziyoyev) viloyatlari hokimliklari paхta yetishtiruvchi хoʻjaliklarga Andijon polietilen va Jizzaх plastmassa zavodlaridan polietilen plyonkalar sotilishini 2-ilovaga muvofiq ta’minlasinlar.

4. Oʻzbekiston Respublikasi Qishloq va suv хoʻjaligi vazirligi Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda paхta yetishtiruvchi хoʻjaliklar bilan tegishli tashkilotlar oʻrtasida plyonkalar sotib olish yuzasidan shartnomalar tuzilishini ikki hafta muddatda ta’minlasin.

5. Gʻoʻzani plyonka ostida oʻstirishga doir barcha agroteхnika va teхnologiya tadbirlarining tashkil etilishi va ularning oʻz vaqtida oʻtkazilishi uchun shaхsiy javobgarlik Qoraqalpogʻiston Respublikasi Vazirlar Kengashining raisi, viloyatlar va tumanlar hokimlari zimmasiga yuklansin.

6. Vazirlar Mahkamasining 1996 yil 22 noyabrdagi 410-son qaroriga 1-ilovaning 4-ustuni oʻz kuchini yoʻqotgan deb hisoblansin.

7. Mazkur qarorning bajarilishini nazorat qilish Bosh vazir oʻrinbosari B.M.Olimjonov zimmasiga yuklansin.

Oʻzbekiston Respublikasining Bosh vaziri                              Oʻ. Sultonov

Vazirlar Mahkamasining

1999 yil 28 yanvardagi

39-son qaroriga

1-ILOVA

1999 yilda gʻoʻzalar plyonka ostida oʻstiriladigan ekin

maydonlari, urugʻlik chigit sarfi va gʻoʻza navlarining

joylashtirilishi

ming gektar

Vazirlar Mahkamasining

1999 yil 28 yanvardagi

39-son qaroriga

2-ILOVA

1999 yil hosili uchun polietilen plyonkalarga boʻlgan

ehtiyoj va хoʻjaliklarni ular bilan ta’minlash

(tonna)