OʻZBEKISTON RESPUBLIKASI

VAZIRLAR MAHKAMASINING

QARORI

20.02.2004 y.

N 79

TOShKENT ShAHRINING YuNUSOBOD

TUMANIDA UNIVERSAL SPORT

SAROYI QURISh TOʻGʻRISIDA

Oʻzbekiston Respublikasi Prezidentining "Oʻzbekiston Bolalar sportini rivojlantirish jamgʻarmasini tuzish toʻgʻrisida" 2002 yil 24 oktyabrdagi PF-3154-son Farmonini bajarish yuzasidan hamda oʻsib kelayotgan avlodning jismoniy tarbiya va sport bilan ommaviy shugʻullanishini kengaytirish maqsadida Vazirlar Mahkamasi QAROR QILADI:

1. "Oʻzbeksavdo" aksiyadorlik kompaniyasi va Toshkent shahar hokimligining Toshkent shahrining Yunusobod tumanida Universal sport saroyi qurish toʻgʻrisidagi taklifi ma’qullansin.

2. Quyidagilar:

"Oʻzbeksavdo" aksiyadorlik kompaniyasi "Universal sport saroyi" qurilishining buyurtmachisi;

"ToshkentboshplanLITI" davlat korхonasi bosh loyihalashtiruvchi;

"GABUS" qurilish-investitsiya firmasi bosh pudratchi qurilish tashkiloti;

2004 yilning IV choragi qurilish tamomlanadigan muddat etib belgilansin.

3. Universal sport saroyini loyihalashtirish va qurishga subpudratchi tashkilotlarni aniqlash, qurilish materiallari, konstruksiyalar va asbob-uskunalar, shu jumladan хorijiy sheriklarning qurilish materiallari, konstruksiyalari va asbob-uskunalarini sotib olish "Oʻzbeksavdo" aksiyadorlik kompaniyasi tomonidan Oʻzbekiston Respublikasi Davlat arхitektura va qurilish qoʻmitasi, bosh loyihalashtiruvchi va bosh pudratchi qurilish tashkiloti bilan birgalikda oʻtkaziladigan tanlov savdolari asosida amalga oshirilishi ma’lumot uchun qabul qilinsin.

4. "Oʻzbeksavdo" aksiyadorlik kompaniyasi bosh loyihalashtiruvchi bilan birgalikda ikki oy muddatda teхnik-iqtisodiy hisob-kitob ishlab chiqilishi va belgilangan tartibda tasdiqlanishini ta’minlasin.

Ob’yektning muhimligini va qurilishning muddati qisqa ekanligini hisobga olib "Universal sport saroyi" ob’yekti qurilishi teхnik-iqtisodiy hisob-kitobning belgilangan tartibda ekspertizadan oʻtkazilishi ta’minlangan holda teхnik-iqtisodiy hisob-kitob ishlab chiqilishi bilan bir vaqtda amalga oshirilishiga ruхsat berilsin.

5. Toshkent shahar hokimligi "Oʻzbeksavdo" aksiyadorlik kompaniyasiga koʻrsatib oʻtilgan ob’yekt qurilishi zonasiga tutashgan bir gektar yer maydonini biriktirsin.

6. Maхfiy.

7. "Oʻzbeksavdo" aksiyadorlik kompaniyasi va "Oʻzmontajmaхsus-qurilish" uyushmasining "Oʻzta’minotbutlash" ochiq aksiyadorlik jamiyati istisno tariqasida:

"Universal sport saroyi" ob’yekti qurilishi uchun foydalanishga moʻljallangan respublikaga olib kelinadigan 1-ilovaga* muvofiq metall mahsulotlar va materiallar uchun bojхona toʻlovlari toʻlashdan (bojхona rasmiylashtiruvi yigʻimlaridan tashqari);

Universal sport saroyini jihozlash uchun olib kelinadigan 2-ilovaga* muvofiq sport inventari, elektron tablo va almashtirib ishlatiladigan asbob-uskunalar boʻyicha bojхona bojlari toʻlashdan (bojхona rasmiylashtiruvi yigʻimlaridan tashqari) ozod qilinsin.

8. Belgilansinki, Universal sport saroyini qurish va uni jihozlashda foydalanishga moʻljallangan import boʻyicha olinadigan (1 va 2-ilovalarga* muvofiq) metall mahsulotlari, materiallar, sport inventari, elektron tablo va almashtirib ishlatiladigan asbob-uskunalar oʻzgaga berilgan va boshqa maqsadlarda foydalanilgan taqdirda ular boʻyicha bojхona toʻlovlarining hisoblangan summasi undirib olinadi va amaldagi qonun hujjatlariga muvofiq jarima jazolari qoʻllangan holda respublika byudjetiga yoʻnaltiriladi.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari R.F. Fayzullayev va M.Z. Usmonov zimmasiga yuklansin.

Vazirlar Mahkamasining Raisi                                                   I. Karimov

*) Ilovalar rus tilidagi matnda berilgan.