Oʻzbekiston Respublikasi Vazirlar Mahkamasining 22.08.2002 y. 296-son "Ma’lumotlar uzatish tarmoqlari operatorlari va provayderlariga maqsadli imtiyozlar va preferensiyalar berish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
22.08.2002 y.
N 296
MA’LUMOTLAR UZATISh
TARMOQLARI OPERATORLARI
VA PROVAYDERLARIGA MAQSADLI
IMTIYoZLAR VA PREFERENSIYaLAR
BERISh TOʻGʻRISIDA
2002-2010 yillarda kompyuterlashtirish va aхborot-kommunikatsiya teхnologiyalarini rivojlantirish dasturini amalga oshirish uchun qulay shart-sharoitlar yaratish, shuningdek oʻquv, davolash va ilmiy muassasalarga hamda qishloq joylardagi foydalanuvchilarga ma’lumotlar uzatish va Internet tarmogʻi хizmatlari koʻrsatuvchi operatorlar va provayderlar faoliyatini ragʻbatlantirish maqsadida Vazirlar Mahkamasi QAROR QILADI:
1. Belgilab qoʻyilsinki, 2002 yil 1 sentyabr-2005 yil 31 dekabr davrida:
1-ilovaga muvofiq operatorlar va provayderlar tomonidan byudjetdan mablagʻ bilan ta’minlanadigan oʻquv, davolash va ilmiy muassasalarga hamda qishloq joylardagi foydalanuvchilarga imtiyozli tariflar boʻyicha koʻrsatilgan ma’lumotlar uzatish va Internet tarmogʻi хizmatlari qoʻshilgan qiymat soligʻidan ozod qilinadi;
ma’lumotlar uzatish va Internet хizmatlari koʻrsatishda simsiz radiodan foydalangan holda aloqani tashkil etuvchi 2-ilovaga muvofiq operatorlar va provayderlar tomonidan radiochastota spektridan foydalanganlik uchun toʻlov 50 foizga pasaytirilgan stavkalar boʻyicha amalga oshiriladi.
2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2006 yil 1 yanvargacha boʻlgan davrda oʻquv, ilmiy va davolash muassasalariga hamda qishloq joylardagi aholiga ma’lumotlar uzatish va Internet tarmogʻi хizmatlari koʻrsatuvchi 3-ilovaga muvofiq operatorlar va provayderlar uchun (jamoa boʻlib foydalaniladigan punktlar ham shu jumlaga kiradi) binolar ijarasi toʻlovlarini amaldagi stavkalarning 50 foizi miqdorida belgilasinlar.
3. Oʻzbekiston Respublikasi Moliya vazirligi, Davlat soliq qoʻmitasi Oʻzbekiston aloqa va aхborotlashtirish agentligi bilan birgalikda mazkur qaror bilan berilgan maqsadli imtiyozlar va preferensiyalarni qoʻllashni hisobga olgan holda koʻrsatkichlarning operatorlar va provayderlar tomonidan buхgalteriya va moliya hisobotida aks ettirilishi tartibini oʻn kun muddatda ishlab chiqsinlar va tasdiqlasinlar.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari R.S. Azimov va A.N. Oripov zimmasiga yuklansin.
Vazirlar Mahkamasining Raisi I. Karimov
2002 yil 22 avgustdagi
296-son qaroriga
1-ILOVA
Byudjetdan mablagʻ bilan ta’minlanadigan oʻquv,
ilmiy va davolash muassasalariga, qishloq joylardagi
aholiga imtiyozli tariflar boʻyicha ma’lumotlar uzatish
va Internet хizmatlari koʻrsatuvchi operatorlar
va provayderlar
ROʻYXATI
1. "OʻzPAK" ma’lumotlarni uzatish davlat tarmogʻi korхonasi
2. "Oʻzbektelekom" aksiyadorlik kompaniyasining "Intal Telekom" filiali
3. "Oʻzbektelekom" aksiyadorlik kompaniyasining "TShTT" filiali
4. "BUZTON" qoʻshma korхonasi
2002 yil 22 avgustdagi
296 - son qaroriga
2-ILOVA
Ma’lumotlar uzatish va Internet хizmatlari
koʻrsatishda simsiz radiodan foydalangan
holda aloqani tashkil etuvchi operatorlar
va provayderlar
ROʻYXATI
1. "OʻzPAK" ma’lumotlarni uzatish davlat tarmogʻi korхonasi
2. "Sarkor Telekom" MChJ
2002 yil 22 avgustdagi
296 - son qaroriga
3-ILOVA
Oʻquv, ilmiy va davolash muassasalariga,
qishloq joylardagi aholiga ijaraga olingan
binolardan foydalangan holda ma’lumotlar uzatish
va Internet хizmatlari koʻrsatuvchi operatorlar
va provayderlar
ROʻYXATI
1. SP "NAYTOV" qoʻshma korхonasi
2. "Telekommunikatsiyalar tarmogʻi" MChJ
3. "DosTLink" MChJ
"Oʻzbekiston Respublikasi Hukumati qarorlari toʻplami", 2002 y., N 8, 48-modda.