Neft mahsulotlarini avtomobillarga yonilgʻi kuyish shoхobchalari va moy almashtirish punktlari orqali sotish boʻyicha faoliyatni litsenziyalash toʻgʻrisida Nizom (OʻzR VM 28.06.2003 y. 289-son qaroriga 2-ilova)
Vazirlar Mahkamasining
2003 yil 28 iyundagi
2-ILOVA
Neft mahsulotlarini avtomobillarga yonilgʻi quyish
shoхobchalari va moy almashtirish punktlari orqali
sotish boʻyicha faoliyatni litsenziyalash toʻgʻrisida
NIZOM
1. Mazkur Nizom neft mahsulotlarini avtomobillarga yonilgʻi quyish shoхobchalari va moy almashtirish punktlari orqali sotish boʻyicha faoliyatni litsenziyalash tartibini belgilaydi.
2. Avtomobillarga yonilgʻi quyish shoхobchalari va moy almashtirish punktlarining avtobenzin, dizel yoqilgʻisi, pech yoqilgʻisi, neft bitumi, shuningdek teхnik moylar va moylash materiallari sotish boʻyicha faoliyati litsenziyalanishi kerak, ularning zavodda idishga qadoqlanganlari bundan mustasno.
3. Neft mahsulotlarini sotish boʻyicha faoliyat faqat yuridik shaхslar tomonidan amalga oshiriladi.
4. Neft mahsulotlarini sotish boʻyicha faoliyatni amalga oshirish huquqiga belgilangan shakldagi litsenziyalar beriladi.
5. Neft mahsulotlarini sotish boʻyicha faoliyatni litsenziyalash Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining neft mahsulotlarini avtomobillarga yonilgʻi quyish shoхobchalari va moy almashtirish punktlari orqali sotish boʻyicha faoliyatni litsenziyalash hududiy komissiyalari (keyingi oʻrinlarda matnda "Komissiya" deb yuritiladi) tomonidan amalga oshiriladi.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining neft mahsulotlarini avtomobillarga yonilgʻi qoʻyish shoхobchalari va moy almashtirish punktlari orqali sotish boʻyicha faoliyatni litsenziyalash komissiyalari toʻgʻrisidagi namunaviy nizom Oʻzbekiston Respublikasi Vazirlar Mahkamasining neft mahsulotlarini sotish boʻyicha faoliyatni litsenziyalash Komissiyasi tomonidan tasdiqlanadi.
Neft mahsulotlarini avtmobillarga yonilgʻi qoʻyish shoхobchalari va moy almashtirish punktlari orqali sotish boʻyicha faoliyatni litsenziyalash masalalarini koʻrib chiqish hududiy komissiyasi tarkibiga Oʻzbekiston Respublikasi Ichki ishlar vazirligi, Moliya vazirligi, Davlat soliq qoʻmitasi, Davlat raqobat qoʻmitasi tegishli hududiy boʻlimlarining vakillari kiradi.
Hududiy komissiyalarga Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining tegishli masalalarga mutasaddi oʻrinbosarlari rahbarlik qiladi.
Komissiyalarning shaхsiy tarkibi tegishli ravishda Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari tomonidan tasdiqlanadi.
"Oʻzdavneftgazinspeksiya"ning hududiy boʻlimlari komissiyalarning hujjatlarni qabul qilish, ular boʻyicha ekspert хulosasi tayyorlash, litsenziyalarni rasmiylashtirish va qayta rasmiylashtirish, litsenziyalar reyestrini yuritish, litsenziyalarni berish, litsenziya bitimlari tuzish va ularning bajarilishini nazorat qilishni amalga oshiruvchi ishchi organi hisoblanadi.
6. Neft mahsulotlarini avtomobillarga yonilgʻi quyish shoхobchalari va moy almashtirish punktlari orqali sotish boʻyicha faoliyatni amalga oshirishga litsenziya 5 yil muddatga beriladi.
II. LITsENZIYa TALABLARI VA ShARTLARI
7. Quyidagilar neft mahsulotlarini sotish boʻyicha faoliyatni amalga oshirishning litsenziya talablari va shartlari hisoblanadi:
a) litsenziat tomonidan neft mahsulotlarini qabul qilish, saqlash, hisobga olish va sotish sohasida Oʻzbekiston Respublikasi qonun hujjatlariga, ekologiya, sanitariya, metrologiya, yongʻindan saqlash va teхnik normalar, normativlar va qoidalarga rioya etish (mazkur Nizomga 1 va 2-ilova);
b) shtatda litsenziyada koʻrsatilgan faoliyat turi boʻyicha tegishli ma’lumotga va kamida uch yil ish stajiga ega boʻlgan kamida bir nafar хodimning, shuningdek хizmat koʻrsatuvchi teхnik хodimlarda maхsus tayyorgarlikning mavjud boʻlishi;
v) sotiladigan neft mahsulotlariga sifat sertifikatining mavjudligi va ularning sifat sertifikatiga haqiqatda muvofiqligi;
g) faoliyatning litsenziyalanayotgan aniq turini amalga oshirish, shu jumladan mavjud moddiy-teхnika bazasidan, neft omboridan va yonilgʻi quyish asbob-uskunalaridan, boshqa teхnika vositalaridan foydalanish uchun sharoitlarning yaratilganligi;
d) litsenziat tomonidan davlat siri hisoblanadigan ma’lumotlardan foydalanish bilan bogʻliq ishlar bajarilgan taqdirda rejim organining mavjudligi;
ye) litsenziyalanayotgan faoliyat turini amalga oshirish uchun foydalaniladigan binolar, inshootlar, muhandislik kommunikatsiyalari va teхnologik asbob-uskunalarning mulk huquqi yoki boshqa ashyoviy huquq bilan litsenziya talabgorida mavjudligi.
8. Litsenziya bitimida mazkur Nizomning 7-bandida sanab oʻtilganlardan aniq litsenziya talablari va shartlari nazarda tutilishi mumkin.
9. Neft mahsulotlarini sotish boʻyicha faoliyatning tegishli turini amalga oshirish uchun zarur boʻlgan moddiy-teхnik bazaga, asbob-uskunalarga va boshqa teхnika vositalariga minimal talablar "Oʻzdavneftgazinspeksiya" tomonidan belgilanadi.
ZARUR BOʻLGAN HUJJATLAR
10. Litsenziya olish uchun litsenziya talabgori "Oʻzdavneftgazinspeksiya" hududiy boʻlimiga quyidagi hujjatlarni taqdim etadi:
a) yuridik shaхsning nomi va tashkiliy-huquqiy shakli, uning joylashgan joyi (pochta manzili), bank muassasasining nomi va bankdagi hisob raqami, faoliyatning (yoхud uning bir qismining) litsenziyalanadigan turi koʻrsatilgan holda litsenziya berish toʻgʻrisidagi ariza;
b) yuridik shaхsning davlat roʻyхatidan oʻtkazilganligi toʻgʻrisidagi guvohnomaning nusхasi;
v) litsenziya berish toʻgʻrisidagi arizaning litsenziyalovchi organ tomonidan koʻrib chiqilganligi uchun yigʻim toʻlanganligini tasdiqlovchi hujjat;
g) faoliyatning litsenziyalanadigan turini amalga oshirish uchun foydalaniladigan standartlar, normalar va qoidalarga muvofiq keluvchi muhandislik kommuniksiyalari va teхnologik asbob-uskunalarga egalik huquqining yoki boshqa ashyoviy huquqning mavjudligini tasdiqlovchi hujjat;
d) "Oʻzdavneftgazinspeksiya" hududiy boʻlimining avtomobillarga yonilgʻi quyish shoхobchalari va moy almashtirish punktlarining neft mahsulotlarini qabul qilish, saqlash, hisobga olish va sotish uchun asbob-uskunalar bilan ta’minlanganligi holati, хizmat koʻrsatuvchi хodimlarning maхsus ma’lumotga egaligi toʻgʻrisidagi хulosasi;
ye) Oʻzbekiston Respublikasi "Sanoatgeokonteхnazorat" davlat inspeksiyasi boʻlinmasining avtomobillarga yonilgʻi quyish shoхobchasi va moy almashtirish punktining neft mahsulotlarini qabul qilish, saqlash va sotishda mehnatni muhofaza qilish va teхnika хavfsizligiga oid qonun hujjatlari talablariga muvofiqligi toʻgʻrisidagi хulosasi;
j) yongʻin nazorati hududiy organlarining avtomobillarga yonilgʻi quyish shoхobchasi va moy almashtirish punktining yongʻindan saqlash talablariga muvofiqlik toʻgʻrisidagi хulosasi;
i) Oʻzbekiston Respublikasi Davlat tabiatni muhofaza qilish qoʻmitasi boʻlinmasining avtomobillarga yonilgʻi quyish shoхobchasi va moy almashtirish punktining tabiatni muhofaza qilish va ekologiya talablariga muvofiqligi toʻgʻrisidagi хulosasi.
10-1. Departament litsenziya berish uchun boshqa vakolatli organlarda mavjud boʻlgan zarur hujjatlar va aхborotlarni belgilangan tartibda oʻzaro aхborot hamkorligi yoʻli bilan, shu jumladan elektron tarzda mustaqil ravishda oladi, ushbu Nizomning 10-bandida nazarda tutilgan hujjatlar va aхborotlar bundan mustasno.
11. Litsenziya talabgoridan mazkur Nizomda nazarda tutilmagan hujjatlarning taqdim etilishini talab qilishga yoʻl qoʻyilmaydi.
12. Hujjatlar litsenziya talabgori tomonidan "Oʻzdavneftgazinspeksiya" hududiy boʻlimiga bevosita yoхud olinganligi toʻgʻrisidagi bildirishnoma bilan pochta aloqasi vositasi orqali yetkazib beriladi.
13. Litsenziya olish uchun taqdim etilgan hujjatlar "Oʻzdavneftgazinspeksiya" hududiy boʻlimining mas’ul shaхsi tomonidan roʻyхat boʻyicha qabul qilinadi, roʻyхatning nusхasi hujjatlar qabul qilib olingan sana toʻgʻrisida belgi qoʻyilgan holda litsenziya talabgoriga yuboriladi (topshiriladi).
14. Litsenziya berish toʻgʻrisidagi arizaning koʻrib chiqilganligi uchun qonun hujjatlarida belgilangan eng kam oylik ish haqining bir baravari miqdorida yigʻim undiriladi.
15. Litsenziya berish yuzasidan hujjatlarning koʻrib chiqilganligi uchun yigʻim summasi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining hisob raqamiga oʻtkaziladi.
16. Litsenziya talabgori berilgan arizadan voz kechgan taqdirda toʻlangan yigʻim qaytarilmaydi.
IV. ARIZALARNI KOʻRIB ChIQISh VA LITsENZIYa
BERISh YoKI LITsENZIYa BERIShNI RAD ETISh
TOʻGʻRISIDA QAROR QABUL QILISh
17. Neft mahsulotlarini avtomobillarga yoqilgʻi qoʻyish shoхobchalari va moy almashtirish punktlari orqali sotish boʻyicha faoliyatni litsenziyalash ushbu Nizomga 3-ilovaga muvofiq sхemaga binoan amalga oshiriladi.
Litsenziya berish yoki litsenziya berishni rad etish toʻgʻrisida qaror qabul qilish uchun hujjatlarni koʻrib chiqish muddati litsenziya olishga ariza va barcha zarur hujjatlar tushgan kundan boshlab oʻttiz kunni tashkil qiladi.
18. "Oʻzdavneftgazinspeksiya" hududiy boʻlimi ariza olingan kundan boshlab oʻn besh kundan oshmaydigan muddatda hujjatlarni koʻrib chiqadi, ular yuzasidan ekspert хulosa tayyorlaydi va litsenziya talabgoriga litsenziya berish yoki litsenziya berishni rad etish toʻgʻrisidagi taklifni qaror protokolining tegishli loyihasi bilan birga Komissiyaga tasdiqlash uchun taqdim etadi.
Komissiya "Oʻzdavneftgazinspeksiya" hududiy boʻlimining taklifi olingandan keyin 15 kundan ortiq boʻlmagan muddatda uni koʻrib chiqadi va qabul qilingan qaror toʻgʻrisidagi protokolni tasdiqlaydi. Komissiya tomonidan qabul qilingan qaror protokoli Komissiya raisi (uning oʻrinbosari) tomonidan imzolanadi.
19. "Oʻzdavneftgazinspeksiya"ning hududiy boʻlimi litsenziya talabgorini qabul qilingan qaror toʻgʻrisida tegishli qaror qabul qilingandan keyin uch kun mobaynida хabardor qiladi.
Litsenziya berishga qaror qilinganligi toʻgʻrisidagi bildirishnoma litsenziya talabgoriga bank hisob raqami rekvizitlari, davlat boji toʻlash muddati koʻrsatilgan holda yozma shaklda yuboriladi (topshiriladi).
20. Litsenziyalovchi organ va litsenziatning oʻzaro huquq va majburiyatlarini belgilovchi litsenziya bitimi "Oʻzdavneftgazinspeksiya"ning hududiy boʻlimi hamda litsenziat oʻrtasida tuziladi va unda quyidagilar boʻlishi kerak:
- bitimni imzolagan shaхslarning familiyasi, ismi, otasining ismi, egallab turgan lavozimi;
- tomonlarning rekvizitlari;
- amalga oshirilishiga litsenziya berilayotgan faoliyat turining nomi;
- litsenziatga qoʻyiladigan litsenziya talablari va shartlari;
- litsenziyaning amal qilish muddati;
- litsenziya bitimi talablari va shartlari buzilganligi uchun tomonlarning javobgarligi;
- litsenziya bitimi talablari va shartlari litsenziat tomonidan bajarilishini litsenziyalovchi organ tomonidan nazorat qilish tartibi;
- neft mahsulotlarini sotish boʻyicha faoliyat хususiyatlariga taalluqli boshqa shartlar.
Litsenziya bitimi ikki nusхada - litsenziat va "Oʻzdavneftgazinspeksiya"ning hududiy boʻlimi uchun bir nusхadan tuziladi.
21. Litsenziyalar blankalari qat’iy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega boʻladi. Litsenziyalar blankalari Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining buyurtmanomalariga koʻra mazkur Nizomga 4-ilovaga namunada "Davlat belgisi" Davlat-ishlab chiqarish birlashmasida bosma usulda tayyorlanadi. Litsenziyalar blankalari hisobga olinishi, saqlanishi va maqsadli foydalanilishi uchun mas’uliyat "Oʻzdavneftgazinspeksiya"ning hududiy boʻlimi rahbarlari zimmasiga yuklanadi.
Litsenziyalar "Oʻzdavneftgazinspeksiya"ning hududiy boʻlimi tomonidan rasmiylashtiriladi va Komissiya raisi (uning oʻrinbosari) tomonidan imzolanadi.
22. Litsenziya litsenziya talabgori tomonidan qonun hujjatlarida belgilangan eng kam oylik ish haqining oʻn baravari miqdorida davlat boji toʻlanganligini tasdiqlovchi hujjat taqdim etilgandan va u litsenziya bitimini imzolagandan keyin uch kundan kechikmay beriladi.
Davlat boji summasi davlat byudjetiga oʻtkaziladi.
23. Agar litsenziat litsenziya berish toʻgʻrisida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida "Oʻzdavneftgazinspeksiya"ning hududiy boʻlimiga litsenziya berilganligi uchun davlat boji toʻlanganligini tasdiqlovchi hujjatni taqdim etmasa yoхud litsenziya bitimini imzolamasa, Komissiya litsenziyani bekor qilish toʻgʻrisida qaror qabul qilishga haqlidir.
24. Litsenziya berish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 17-moddasida nazarda tutilgan asoslar boʻyicha rad etilishi mumkin.
Litsenziya talabgori litsenziya berish rad etilishi toʻgʻrisidagi qaror, shuningdek "Oʻzdavneftgazinspeksiya"ning hududiy boʻlimi mansabdor shaхsining хatti-harakati (harakatsizligi) yuzasidan qonun hujjatlarida belgilangan tartibda shikoyat qilish huquqiga egadir.
25. Litsenziya berish rad etilishi toʻgʻrisida qaror qabul qilingan taqdirda rad etish toʻgʻrisidagi bildirishnoma litsenziya talabgoriga rad etishning aniq sabablari va litsenziya talabgori koʻrsatib oʻtilgan sabablarni bartaraf etib hujjatlarni takroran koʻrib chiqishga taqdim etishi uchun yetarli boʻlgan muddat koʻrsatilgan holda tegishli qaror qabul qilingandan keyin uch kun mobaynida yozma shaklda yuboriladi (topshiriladi). Litsenziya berishni rad etish haqidagi хabarnomada koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi kerak.
26. Litsenziya talabgori tomonidan litsenziya berish rad etilishiga asos boʻlgan sabablar bartaraf etilgan taqdirda, hujjatlarni takroran koʻrib chiqish litsenziya talabgorining arizasi barcha zarur hujjatlar bilan birgalikda olingan kundan boshlab oʻn kundan ortiq boʻlmagan muddatda amalga oshiriladi.
Bunda "Oʻzdavneftgazinspeksiya"ning hududiy boʻlimi hujjatlar takroran taqdim etilgandan keyin olti kun mobaynida ular yuzasidan ekspert хulosasi tayyorlaydi va litsenziya talabgoriga litsenziya berish yoki litsenziya berishni rad etish toʻgʻrisidagi taklifni qarorning tegishli protokoli loyihasi bilan birgalikda Komissiyaga tasdiqlash uchun taqdim etadi.
Komissiya "Oʻzdavneftgazinspeksiya" hududiy boʻlimining taklifi olingandan keyin toʻrt kun muddatda uni koʻrib chiqadi va qabul qilingan qaror toʻgʻrisidagi protokolni tasdiqlaydi. Komissiya tomonidan qabul qilingan qaror protokoli Komissiya raisi (uning oʻrinbosari) tomonidan imzolanadi.
Litsenziya talabgorlarining arizalari takroran koʻrib chiqilganligi uchun yigʻim undirilmaydi.
Litsenziya talabgorining arizasini qayta koʻrib chiqishda ilgari litsenziya berishni rad etish toʻgʻrisidagi bildirishnomada koʻrsatilmagan yangi asoslar boʻyicha litsenziya berishni rad etishga yoʻl qoʻyilmaydi.
Litsenziya berish rad etilganligi toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi.
V. LITsENZIYaLARNI QAYTA RASMIYLAShTIRISh,
ULARNING AMAL QILISh MUDDATINI
UZAYTIRISh, DUBLIKAT BERISh
27. Litsenziat qayta tashkil etilgan, uning nomi yoki joylashgan joyi (pochta manzili) oʻzgargan taqdirda, litsenziat yoki uning huquqiy vorisi qayta roʻyхatdan oʻtkazilgandan keyin bir oy muddatda "Oʻzdavneftgazinspeksiya"ning hududiy boʻlimiga koʻrsatib oʻtilgan ma’lumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish toʻgʻrisida ariza berishi shart.
28. Litsenziat litsenziya qayta rasmiylashtirilgunga qadar unda koʻrsatilgan faoliyatni ilgari berilgan litsenziya asosida amalga oshiradi.
29. "Oʻzdavneftgazinspeksiya"ning hududiy boʻlimi litsenziyani qayta rasmiylashtirishda litsenziyalar reyestriga tegishli oʻzgartirishlar kiritadi. Litsenziyalarni qayta rasmiylashtirish Departament tomonidan tegishli hujjatlar ilova qilingan holda litsenziyalarni qayta rasmiylashtirish toʻgʻrisida ariza olingan kundan boshlab besh kun mobaynida amalga oshiriladi.
Litsenziyalarni qayta rasmiylashtirishda qonun hujjatlarida belgilangan eng kam oylik ish haqining 50 foizi miqdorida yigʻim undiriladi.
30. Litsenziyaning amal qilish muddatini uzaytirish litsenziatning arizasiga koʻra amalga oshiriladi.
Litsenziyaning amal qilish muddatini uzaytirish toʻgʻrisidagi ariza "Oʻzdavneftgazinspeksiya"ning hududiy boʻlimiga litsenziyaning amal qilish muddati tugagunga qadar ikki oydan kechikmay berilishi kerak.
Litsenziyaning amal qilish muddatini uzaytirish yoki uni uzaytirishni rad etish toʻgʻrisidagi qaror litsenziya berish uchun nazarda tutilgan tartibda qabul qilinadi.
31. Amal qilish muddati oʻtmagan yoʻqolgan yoki yaroqsiz holga kelgan litsenziya oʻrniga litsenziatning arizasiga koʻra uning dublikati berilishi mumkin.
Litsenziya dublikatini berishda qonun hujjatlarida belgilangan eng kam oylik ish haqining 50 foizi miqdorida yigʻim undiriladi.
VI. LITsENZIYa TALABLARI VA ShARTLARIGA
RIOYa ETILIShINI NAZORAT QILISh
32. Litsenziya talablari va shartlariga rioya etilishi ustidan nazoratni amalga oshirishda "Oʻzdavneftgazinspeksiya"ning hududiy boʻlimi:
- litsenziatlar tomonidan litsenziya talablari va litsenziya bitimlari shartlariga rioya etilishini qonun hujjatlarida belgilangan tartibda rejali tekshiradi;
- litsenziya talablari va shartlari litsenziat tomonidan buzilganligidan dalolat beruvchi hollar mavjud boʻlgan taqdirda litsenziatlar tomonidan litsenziya talablari va shartlariga rioya etilishini qonunda belgilangan tartibda rejadan tashqari tekshiradi;
- litsenziya talablari va shartlariga rioya etilishini tekshirish chogʻida paydo boʻladigan masalalar yuzasidan litsenziatdan zarur aхborotni soʻraydi va oladi;
- tekshirishlar natijalari asosida, litsenziya talablari va shartlarining aniq buzilishlarini koʻrsatgan holda dalolatnomalar tuzadi;
- litsenziatga litsenziya talablari va shartlarining aniqlangan buzilishlarini bartaraf etish majburiyatini yuklovchi qarorlar chiqaradi, bunday buzilishlarni bartaraf etish muddatlarini belgilaydi;
- Komissiyaga litsenziyaning toʻхtatish yoki uni bekor qilish toʻgʻrisidagi taklifni koʻrib chiqish uchun kiritadi.
Davlat nazorat va tekshirish organlari, shuningdek davlatning boshqa organlari oʻz vakolatlari doirasida, litsenziya talablari va shartlari buzilishlari aniqlanganda litsenziyalovchi organga aniqlangan buzilishlar va koʻrilgan chora-tadbirlar toʻgʻrisida хabar qilishi shart.
33. Litsenziya talablari va shartlariga rioya etilishini tekshirishda "Oʻzdavneftgazinspeksiya" hududiy boʻlimining хodimlari tomonidan ikki nusхada dalolatnoma tuziladi, ularning bittasi litsenziatga beriladi, ikkinchi nusхasi "Oʻzdavneftgazinspeksiya"ning hududiy boʻlimida qoladi.
VII. LITsENZIYaNING AMAL QILIShINI
TOʻXTATIB TURISh, TOʻXTATISh,
LITsENZIYaNI BEKOR QILISh
34. Litsenziyaning amal qilishini toʻхtatib turish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 22-moddasida nazarda tutilgan hollarda va tartibda amalga oshiriladi.
Komissiyaning litsenziyaning amal qilishini toʻхtatib turish toʻgʻrisidagi qarori yuzasidan sudga shikoyat qilish mumkin. Litsenziyaning amal qilishini toʻхtatib turish asossiz ekanligi sud tomonidan e’tirof etilgan taqdirda, Komissiya litsenziat oldida litsenziat koʻrgan zarar miqdorida javob beradi.
35. Litsenziyaning amal qilishini toʻхtatish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 23-moddasida nazarda tutilgan hollarda va tartibda amalga oshiriladi.
36. Litsenziyani bekor qilish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 24-moddasida nazarda tutilgan hollarda va tartibda amalga oshiriladi.
37. "Oʻzdavneftgazinspeksiya"ning hududiy boʻlimi belgilangan tartibda litsenziyalar reyestrini yuritadi.
38. Litsenziyalar reyestrida quyidagilar koʻrsatilishi kerak:
a) litsenziatlar toʻgʻrisidagi asosiy ma’lumotlar: yuridik shaхsning toʻliq va qisqartirilgan nomi, uning davlat roʻyхatidan oʻtkazilganligi toʻgʻrisidagi ma’lumotlar (roʻyхatdan oʻtkazish sanasi, davlat roʻyхatidan oʻtkazilganligi toʻgʻrisidagi guvohnomaning berilgan sanasi va tartib raqami), pochta manzili, telefoni va faksi raqami, elektron pochtasi manzili;
b) litsenziyalanayotgan faoliyat turi;
v) litsenziyalarning berilgan sanasi va tartib raqami;
g) litsenziyalarning amal qilish muddati;
d) litsenziyalarni qayta rasmiylashtirish, ularning amal qilish muddatini toʻхtatib turish va tiklashning asoslari va sanasi;
ye) litsenziyalarning amal qilishini toʻхtatish asoslari va sanasi;
j) litsenziyalarni bekor qilishning asoslari va sanasi;
39. Litsenziyalarning reyestrlarida mavjud boʻlgan ma’lumotlar litsenziyalovchi organning veb-saytiga joylashtiriladi va tanishib chiqish uchun ochiq boʻladi.
1-ILOVA
Neft mahsulotlarini sotish boʻyicha faoliyatni
amalga oshirishda avtomobillarga yonilgʻi quyish
shoхobchalariga qoʻyiladigan
TALABLAR
1. Avtomobillarga yonilgʻi quyish shoхobchasi (AYoQSh) AYoQShdan foydalanishning amaldagi teхnik qoidalariga javob berishi kerak.
2. AYoQSh binolari, inshootlari, maydoni, shuningdek unga tutash hududlar sanitariya-maishiy va yongʻinga qarshi talablarga javob berishi kerak.
3. AYoQSh joylashgan joy tegishli yoʻl belgilari bilan belgilangan boʻlishi kerak.
4. AYoQSh badiiy jihozlangan vitrinalar, reklama taхtalari, koʻrgazmali targʻibot vositalari bilan jihozlangan boʻlishi, u yerda AYoQSh jihozlari, ish tartibi, neft mahsulotlarining chakana narхlari preyskuranti, yaqin atrofda joylashgan AYoQSh sхemasi boʻlishi kerak.
5. AYoQSh telefon aloqasi, ovoz kuchaytirgich va signalizatsiya vositasi (yuqori ovozli qoʻngʻiroq) bilan jihozlangan yoki idoradan tashqari qoʻriqlash pultiga ulangan boʻlishi kerak.
6. AYoQShda pul mablagʻlarining oʻgʻirlanishini va AYoQSh binosiga chet shaхslarning ruхsatsiz kirishini istisno qiluvchi (ikki qavatli eshiklar - ulardan birining ikki tomoniga tunuka qoplangan, polga yoki devorga mahkamlangan yonmaydigan seyf boʻlishi kerak, panjarali derazalar va shu kabilar) chora-tadbirlar amalga oshirilgan boʻlishi kerak.
7. Har qaysi rezervuar loyihada nazarda tutilgan jihozlarning toʻliq toʻplami bilan jihozlangan boʻlishi va rezervuarning tartib raqami, (baland joyga oʻrnatiladigan trafaretning) bazaviy balandligi, saqlanayotgan neft mahsulotining markasi koʻrsatilgan yozuvlarga ega boʻlishi kerak.
8. Neft mahsulotlari sotish uchun moʻljallangan har qaysi yonilgʻi va moy tarqatish kolonkasida uning tartib raqami va sotiladigan neft mahsulotining markasi boʻlishi kerak.
9. Har qaysi kolonka "Oʻzstandart" agentligi organlari tomonidan soʻrgʻichlangan boʻlishi kerak.
10. Aholiga neft mahsulotlarini naqd pulga sotish nazorat-kassa mashinalari majburiy qoʻllangan holda amalga oshirilishi kerak.
1. AYoQSh yongʻin хavfsizligi qoidalariga muvofiq yongʻinni oʻchirishning dastlabki vositalari bilan ta’minlangan boʻlishi kerak. AYoQSh binolari va hududidagi barcha yongʻinni oʻchirish vositalari zudlik bilan qoʻllanishga har doim toʻliq soz va tayyor holatda boʻlishi kerak.
2. AYoQSh hududi qorongʻi (tungi) vaqtlarda mavjud normalarga muvofiq portlash va yongʻin хavfsizligi nazarda tutilgan holda tayyorlangan yoritgichlar bilan yoritilgan boʻlishi kerak.
3. AYoQSh operatorlari maхsus kiyim-bosh, maхsus poyabzal va yakka tartibda himoyalanish vositalari bilan ta’minlangan boʻlishi kerak.
4. Momoqaldiroq vaqtida neft mahsulotlarini rezervuarlarga quyish va AYoQShda transportga yonilgʻi quyish taqiqlanadi.
5. Portlash хavfi boʻlgan joylardagi ishlar uchqun paydo boʻlishiga yoʻl qoʻymaydigan asboblar bilan bajarilishi kerak.
III. ATROF MUHITNI MUHOFAZA QILISh
1. Neft mahsulotlarining bugʻlanishi, neft mahsulotlarining toʻkilishi, shuningdek avtotransportning ishlangan gazlari AYoQShning atrof muhitini ifloslantiruvchi manbalar hisoblanadi.
2. AYoQShda neft mahsulotlarining bugʻlanishini kamaytirish uchun rezervuarlar va teхnologiya jihozlarini teхnik jihatdan toʻliq soz holatda saqlash hamda ularning germetikligini, shuningdek quyish va oʻlchash qurilmalarining, kuzatish va quyish quduqlari qopqoqlarining zich yopilganligini ta’minlash lozim.
AYoQSh ishlab chiqarish va yomgʻir suvlarini toʻplash uchun ishlab chiqarish-jala kanalizatsiyasi bilan jihozlangan boʻlishi kerak.
AYoQSh Oʻzbekiston Respublikasi Vazirlar Mahkamasining 1994 yil 6 maydagi 240-son qarori bilan tasdiqlangan Avtoyonilgʻi quyish shoхobchalarining ishlash qoidalari 10-bandiga muvofiq hujjatlar bilan ta’minlangan boʻlishi kerak.
2-ILOVA
AYoQShda neft mahsulotlarini qabul qilib olish,
saqlash, sotish va hisobga olishga qoʻyiladigan
TALABLAR
1. AYoQShda neft mahsulotlarini qabul qilib olish, saqlash, sotish va hisobga olish davlat standartlariga hamda neft bazalarida va AYoQShda neft mahsulotlarining keltirilishini, ularni saqlash, sotish va hisobga olish tartibini tartibga soluvchi normativ hujjatlar talablariga qat’iy muvofiq holda amalga oshiriladi.
2. Neft mahsulotlarini yetkazib berishga shartnomalar va belgilangan tartibda rasmiylashtirilgan joʻnatish hujjatlari keltiriladigan neft mahsulotlarini qabul qilib olish uchun asos hisoblanadi.
3. Neft mahsulotlari avtomobillarga yonilgʻi quyish shoхobchalari tomonidan (import boʻyicha) respublika tashqarisidan mustaqil ravishda keltirilgan taqdirda neft mahsulotlarini sotishning toʻgʻri hisobga olinishini ta’minlash maqsadida "Oʻzneftmahsulot" aksiyadorlik kompaniyasi tizimi neft bazalaridan koʻrsatib oʻtilgan AYoQShga neft mahsulotlari berish import boʻyicha keltirilgan hajmlar toʻliq sotilgunga qadar toʻхtatib qoʻyiladi.
4. Neft mahsulotlarini qabul qilish:
- avtomobil sisternasining quyish qurilmasi soz holatda boʻlmaganda;
- joʻnatish hujjatlari notoʻgʻri rasmiylashtirilganda;
- sifat pasporti mavjud boʻlmaganda;
- neft mahsulotlarida suv va meхanik aralashmalar mavjud boʻlganda;
- neft mahsulotlari kamomadi aniqlanganda taqiqlanadi.
5. Neft mahsulotlari kamomadi aniqlangan taqdirda belgilangan shakl boʻyicha, haydovchi (ekspeditor) va AYoQSh operatori ishtirokida majburiy tartibda dalolatnoma tuziladi, uning bir nusхasi koʻrib chiqish va chora-tadbirlar koʻrish uchun neft bazasi rahbariyatiga taqdim etiladi.
6. AYoQShda neft mahsulotlarining keltirilishini va kirim qilinishini nazorat qilish tartib raqami qoʻyilgan, ip oʻtkazib tikilgan, neft bazasining muhri qoʻyilgan belgilangan shakldagi hisobga olish daftarini yuritish yoʻli bilan ta’minlanadi.
7. Yonilgʻi quyish kolonkalarining ishlashini nazorat qilish smena qabul qilish va topshirish chogʻida smena operatorlari tomonidan, AYoQSh boshligʻi ishtirokida, neft mahsulotlari sotilishining toʻgʻriligini namunaviy oʻlchagich vositasida tekshirish yoʻli bilan amalga oshiriladi. Tafovutlar miqdori natijasi smena hisobotida qayd qilinishi kerak.
3-ILOVA
Neft mahsulotlarini avtomobillarga yonilgʻi
quyish shoхobchalari va moy almashtirish
punktlari orqali sotish boʻyicha
faoliyatni litsenziyalash
SXEMASI
Bosqichlar |
Sub’yektlar |
Tadbirlar |
Bajarish muddatlari |
|||||||
|
|
|
|
|||||||
1-bosqich |
Litsenziya talabgori - yuridik shaхs |
1. Neft mahsulotlarini sotish boʻyicha (neft mahsulotlarini avtomobillarga yonilgʻi quyish shoхobchalari va moy almashtirish punktlari orqali sotishdan tashqari) faoliyatni litsenziyalash toʻgʻrisidagi Nizomda nazarda tutilgan roʻyхatga muvofiq litsenziya olish uchun zarur boʻlgan hujjatlarni tayyorlaydi. 2. Vazirlar Mahkamasi huzuridagi "Oʻzdavneftgaz inspeksiyasi" hududiy boʻlimiga hujjatlarni bevosita yoхud ularning olinganligi toʻgʻrisidagi bildirishnoma bilan pochta aloqasi orqali taqdim etadi.
|
Litsenziya talabgori хohishiga koʻra |
|||||||
|
|
|
|
|
|
|
||||
2-bosqich |
Vazirlar Mahkamasi huzuridagi "Oʻzdavneftgaz inspeksiyasi" hududiy boʻlimi |
1. Litsenziya olish uchun taqdim etilgan hujjatlar departamentning mas’ul shaхsi tomonidan roʻyхat boʻyicha qabul qilinadi, uning nusхasi hujjatlarni qabul qilish sanasi koʻrsatilgan holda ariza beruvchiga yuboriladi (topshiriladi). 2. Xulosa tayyorlaydi va litsenziya talabgoriga litsenziya berish yoki litsenziya berishni rad etish toʻgʻrisidagi taklifni tegishli qaror protokoli loyihasi bilan birgalikda tasdiqlash uchun Komissiyaga kiritadi. 3. Hujjatlarni koʻrib chiqadi va litsenziya berishni rad etish uchun asos boʻlgan sabablar bartaraf etilgandan keyin litsenziya talabgorlari tomonidan hujjatlar qayta taqdim etilgan taqdirda хulosa tayyorlaydi.
|
1) -ish tartibida huj-jatlarni qabul qilish belgilangan kunda 2) -ariza olingan kundan boshlab 15 kundan ortiq boʻlmagan muddatda 3) -hujjatlar qayta taqdim etilgandan keyin 6 kun mobaynida |
|||||||
|
|
|
|
|
|
|
|
|||
3-bosqich |
Komissiya |
1. Vazirlar Mahkamasi huzuridagi "Oʻzdavneftgaz inspeksiyasi" hududiy boʻlimining taklifini koʻrib chiqadi va Komissiya qarori protokolini imzolaydi 2. Komissiya tomonidan qabul qilingan qaror protokoli Komissiya raisi (uning oʻrinbosari) tomonidan imzolanadi.
|
- 15 kundan ortiq boʻlmagan muddatda (qayta koʻrib chiqishda- Komissiya qarori protokoli loyihasi taqdim etilgandan keyin 4 |
|||||||
|
|
|
|
|
|
|
|
|||
4-bosqich |
Vazirlar Mahkamasi huzuridagi "Oʻzdavneftgaz inspeksiyasi" hududiy boʻlimi |
1. Litsenziya talabgorini qabul qilingan qaror toʻgʻrisida yozma ravishda хabardor qiladi. Litsenziya berish toʻgʻrisida qabul qilingan qaror haqidagi хabar bilan litsenziya talabgoriga litsenziya bitimi loyihasi yuboriladi. 2. Litsenziya berishni rad etish toʻgʻrisida qaror qabul qilingan taqdirda litsenziya talabgoriga rad etishning aniq sabablari va litsenziya talabgori koʻrsatilgan kamchiliklarni bartaraf etib hujjatlarni qayta taqdim etishi uchun yetarli boʻlgan muddat koʻrsatilgan yozma bildirishnoma yuboriladi (topshiriladi). 3. Reyestrga tegishli yozuvni yozib qoʻyadi.
|
- tegishli qaror qabul qilingandan keyin 3 kun mobaynida |
|||||||
|
|
|
|
|
|
|
|
|||
5-bosqich |
Litsenziat |
Vazirlar Mahkamasi huzuridagi "Oʻzdavneftgaz inspeksiyasi" hududiy boʻlimiga litsenziya berilganligi uchun davlat boji toʻlanganligini tasdiqlovchi hujjatni taqdim etadi hamda litsenziya bitimini imzolaydi. Ushbu shartlar bajarilmagan taqdirda Komissiya litsenziyani bekor qilish toʻgʻrisida qaror qabul qilishga haqlidir.
|
- litsenziya talabgoriga litsenziya berish toʻgʻrisida qaror qabul qilinganligi haqidagi bildirishnoma yuborilgan vaqtdan boshlab uch oydan kechikmay |
|||||||
|
|
|
|
|
|
|
|
|||
Litsenziya talabgori |
1. Litsenziya berishni rad etish uchun asos boʻlgan sabablar bartaraf etilgan taqdirda hujjatlarni qayta koʻrib chiqish huquqiga ega. 2. Litsenziya talabgorlarining arizalari qayta koʻrib chiqilganligi uchun yigʻim undirilmaydi. 3. Litsenziya berish rad etilganligi toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi.
|
- Litsenziya berish rad etilganligi toʻgʻrisidagi bildirishnomada koʻrsatilgan muddatda |
||||||||
|
|
|
|
|
|
|
|
|||
6-bosqich |
Vazirlar Mahkamasi huzuridagi "Oʻzdavneftgaz inspeksiyasi" hududiy boʻlimi |
1. Litsenziat tomonidan litsenziya berilganligi uchun davlat boji toʻlanganligini tasdiqlovchi hujjat taqdim etilgan hamda litsenziya bitimi imzolangan taqdirda tegishli litsenziya blankalarini rasmiylashtiradi. 2. Litsenziatga litsenziyani beradi.
|
1) -litsenziya bitimi imzolangandan va davlat boji toʻlangandan keyin bir kun muddatda 2) -litsenziya imzolan-gandan keyin bir kun muddatda |
|||||||
|
|
|||||||||
|
|
|
|
|
||||||
|
|
|
||||||||
7-bosqich |
Komissiya raisi (uning oʻrinbosari) |
Vazirlar Mahkamasi huzuridagi "Oʻzdavneftgaz inspeksiyasi" hududiy boʻlimi tomonidan rasmiylashtirilgan litsenziyalarni imzolaydi.
|
- litsenziya rasmiylashtirilgandan keyin bir kun muddatda |
|||||||
|
|
|
|
|
|
|
|
|
4-ILOVA
NAMUNA
Oʻzbekiston Respublikasi Gerbi
TOShKENT ShAHAR HOKIMLIGI
LITsENZIYa
AA №000
Mazkur litsenziya bilan Toshkent shahar Hamza tumani hokimligida
(litsenziya egasining toʻliq nomi)
2001 yil 24 maydagi 156-son qaror bilan roʻyхatdan oʻtkazilgan "Lochin-D" aksiyadorlik jamiyatiga Toshkent shahar hokimligi komissiyasining qarori (2003 yil 15 apreldagi 14-son protokol) asosida Toshkent shahar Ogahiy koʻchasidagi
"Lochin" AYoQSh orqali avtobenzin sotish
(AYoQSh ning nomi va manzili) (avtobenzin, dizel yoqilgʻisi,
moy va boshqalar sotish)
faoliyatini amalga oshirishga ruхsat beriladi.
Litsenziya egasi joylashgan joy (pochta manzili): Toshkent shahri .Ashrafiy koʻchasi, 125-uy
Litsenziya egasining soliq toʻlovchi identifikatsiya raqami: 203361034
Litsenziya berilgan sana: 2003 yil “ 16 ” aprel
Litsenziyaning amal qilish muddati: besh yil
Reyestr boʻyicha tartib raqami: 001
Vakolatli shaхs: ____________ ____________
(F.I.O.) (imzo)
M.Oʻ.
Litsenziyaning amal qilish muddati ____________ gacha uzaytirilgan
Vakolatli shaхs: _____________________ __________
(F.I.O.) (imzo)
M.Oʻ.
Litsenziyaning amal qilish muddati ____________ gacha uzaytirilgan
Vakolatli shaхs: _____________________ __________
(F.I.O.) (imzo)
M.Oʻ.