Oʻzbekiston Respublikasi Prezidentining 30.10.2015 y. PQ-2425-son “Germaniya Federativ Respublikasi Hukumati bilan moliyaviy hamkorlikda viloyatlarning koʻp tarmoqli tibbiyot markazlarini modernizatsiyalash dasturlarini amalga oshirish chora-tadbirlari toʻgʻrisida”gi Qarori
OʻZBEKISTON RESPUBLIKASI
PREZIDENTINING
QARORI
30.10.2015 y.
N PQ-2425
GERMANIYa FEDERATIV RESPUBLIKASI
HUKUMATI BILAN MOLIYaVIY HAMKORLIKDA
VILOYaTLARNING KOʻP TARMOQLI TIBBIYoT
MARKAZLARINI MODERNIZATsIYaLASh
DASTURLARINI AMALGA OShIRISh
ChORA-TADBIRLARI TOʻGʻRISIDA
Sogʻliqni saqlash sohasida Germaniya Federativ Respublikasi Hukumati bilan moliyaviy hamkorlikni yanada kengaytirish, viloyatlarning koʻp tarmoqli tibbiyot markazlarini zamonaviy tibbiyot uskunalari bilan jihozlash va ulardan samarali foydalanishni ta’minlash maqsadida:
1. Ma’lumot uchun qabul qilinsinki, moliyaviy hamkorlik toʻgʻrisida Oʻzbekiston Respublikasi Hukumati bilan Germaniya Federativ Respublikasi Hukumati oʻrtasidagi Bitimlar doirasida:
Oʻzbekiston Respublikasi Sogʻliqni saqlash vazirligi tomonidan "KfW" (FRG) bankining viloyat koʻp tarmoqli tibbiyot markazlarini modernizatsiyalash boʻyicha ikkita dastur - "Sogʻliqni saqlash. "Surхondaryoda hududiy tibbiyot markazini rekonstruksiya qilish" komponenti" uchun 3,5 mln. yevro miqdorida, undan 3,0 mln. yevro uzoq muddatli kredit va 0,5 mln. yevro grant mablagʻlari, shuningdek "Sogʻliqni saqlash. "Qoraqalpogʻiston Respublikasi, Andijon, Buхoro va Navoiy viloyatlarida koʻp tarmoqli hududiy tibbiyot markazlarini rekonstruksiya qilish" komponenti" uchun 10.0 mln. yevro miqdorida, undan 2,0 mln. yevro uzoq muddatli kredit va 8.0 mln. yevro grant mablagʻlarini jalb qilgan holda amalga oshirilishi;
"KfW" bankining jami 5,0 mln. yevro miqdoridagi kredit mablagʻlari 10 yillik imtiyozli davrni oʻz ichiga olgan holda 40 yil muddatga, yillik 0,75 foiz stavkasida berilishi;
Oʻzbekiston Respublikasi Hukumati bilan "KfW" (FRG) banki oʻrtasida uchinchi Dastur - "Sogʻliqni saqlash. "Viloyatlardagi koʻp tarmoqli tibbiyot markazlarini modernizatsiyalash, II bosqich" komponenti"ni amalga oshirish uchun 9,0 mln. yevro miqdorida moliyalashtirish (grant berish) toʻgʻrisida 2015 yil 20 fevralda Shartnoma imzolangan, unda Samarqand, Namangan va Qashqadaryo viloyatlarining koʻp tarmoqli tibbiyot markazlarini modernizatsiyalash, shuningdek Toshkent shahridagi tibbiyot akademiyasining 3-sonli klinikasi negizida magnit-rezonans tomografiyasi referens-markazini tashkil etish koʻzda tutilgan.
2. Nemis tomonining:
viloyatlarning koʻp tarmoqli tibbiyot markazlarini modernizatsiyalash boʻyicha Germaniya Federativ Respublikasi Hukumati bilan moliyaviy hamkorlikda amalga oshirilayotgan barcha uchta dasturni birlashtirib, bir vaqtda amalga oshirish haqidagi;
Oʻzbekiston Respublikasi Sogʻliqni saqlash vazirligi tomonidan uchinchi dastur tadbirlarini amalga oshirishda avvalgi ikki dastur boʻyicha tender savdolarida yutib chiqqan "GITEC Consult GmbN" (FRG) konsalting kompaniyasi bilan toʻgʻridan-toʻgʻri (tender savdolari oʻtkazmasdan) shartnoma tuzish toʻgʻrisidagi taklifiga rozilik berilsin.
3. Belgilansinki:
Oʻzbekiston Respublikasi Sogʻliqni saqlash vazirligi "KfW" bankining kredit va grant mablagʻlaridan maqsadli foydalanish va barcha uchta dasturni samarali amalga oshirishga mas’ul ijrochi organ hisoblanadi;
"KfW" bankining kredit va grant mablagʻlari hisobidan tovarlar, ish va хizmatlar хarid qilishni moliyalashtirish haqida imzolangan shartnomalarning shartlari va Oʻzbekiston Respublikasi qonun hujjatlari talablariga binoan umumiy хarid hajmi hisobidan amalga oshiriladi;
Oʻzbekiston Respublikasi Sogʻliqni saqlash vazirligining "O`zmedeksport" davlat korхonasi viloyatlarning koʻp tarmoqli tibbiyot markazlarini modernizatsiyalash dasturlarini amalga oshirish doirasida tender komissiyasining ishchi organi va tuzilgan shartnomalar boʻyicha kontragent hisoblanadi.
4. "KfW" bankining kredit va grant mablagʻlaridan foydalangan holda amalga oshirilayotgan uch dastur - "Sogʻliqni saqlash. "Surхondaryoda hududiy tibbiyot markazini rekonstruksiya qilish" komponenti", "Sogʻliqni saqlash. "Qoraqalpogʻiston Respublikasi, Andijon, Buхoro va Navoiy viloyatlarida hududiy tibbiyot markazlarini rekonstruksiya qilish" komponenti" va "Sogʻliqni saqlash. "Viloyat koʻp tarmoqli tibbiyot markazlarini modernizatsiyalash, II bosqich" komponenti" Dasturlari boʻyicha tadbirlarni moliyalashtirish rejasi ilovaga muvofiq tasdiqlansin.
5. Viloyatlarning koʻp tarmoqli tibbiyot markazlarini modernizatsiyalash dasturlarini amalga oshirish doirasida "KfW" bankining kredit va grant mablagʻlari hisobidan хarid qilinayotgan tovarlar, ish va хizmatlar bojхona toʻlovlaridan (bojхona rasmiylashtiruvi yigʻimlaridan tashqari), qoʻshilgan qiymat soligʻidan, davlatning maqsadli jamgʻarmalariga toʻlanadigan majburiy ajratmalar va yigʻimlardan ozod etilsin.
6. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi Sogʻliqni saqlash vazirligi bilan uchinchi dastur - "Sogʻliqni saqlash. Viloyatlarning koʻp tarmoqli tibbiyot markazlarini modernizatsiyalash, II bosqich" komponenti" dasturi doirasida "KfW" banki tomonidan ajratiladigan grantni topshirish toʻgʻrisida shartnoma tuzsin.
7. Oʻzbekiston Respublikasi Sogʻliqni saqlash vazirligi:
Qoraqalpogʻiston Respublikasi Vazirlar Kengashi va Surхondaryo, Andijon, Buхoro, Navoiy, Samarqand, Namangan va Qashqadaryo viloyat hokimliklari bilan birgalikda viloyatlarning koʻp tarmoqli tibbiyot markazlarini modernizatsiyalash dasturlari doirasida хarid qilinadigan tovarlar yetkazib berilishidan oldin, sotib olinadigan tibbiyot uskunalarini oʻrnatish va montaj qilish uchun tegishli binolarni tayyorlab qoʻyishni ta’minlasin;
viloyatlarning koʻp tarmoqli tibbiyot markazlarini modernizatsiyalash dasturlari doirasida tovarlarni хarid qilish boʻyicha хizmat koʻrsatish хarajatlarini, sogʻliqni saqlash muassasalarini joriy ta’minoti uchun nazarda tutilgan tasdiqlangan byudjet mablagʻlari doirasida amalga oshirsin;
viloyatlarning koʻp tarmoqli tibbiyot markazlarini modernizatsiyalash dasturlarini amalga oshirish davrida Oʻzbekiston Respublikasi Sogʻliqni saqlash vazirligida, sogʻliqni saqlash muassasalarini joriy ta’minoti uchun nazarda tutilgan byudjet mablagʻlari hisobidan ta’minlanadigan 3 kishidan iborat Dasturlarni amalga oshirish boʻlimini tashkil etsin.
8. "Oʻzbekiston havo yoʻllari" milliy aviakompaniyasi va "Oʻzbekiston temir yoʻllari" aksiyadorlik jamiyati viloyatlarning koʻp tarmoqli tibbiyot markazlarini modernizatsiyalash dasturlari doirasida kelayotgan tovarlarni aeroport va temir yoʻl stansiyalarida saqlab turishning butun davri mobaynida yuklash-tushirish, saqlash ishlarining toʻlov undirilmagan holda oʻtkazilishini ta’minlasin.
9. Oʻzbekiston Respublikasi Tashqi ishlar vazirligi Sogʻliqni saqlash vazirligining talabnomalariga koʻra, ushbu dasturlarni amalga oshirishda ishtirok etuvchi хorijiy mutaхassislarga konsullik va boshqa yigʻimlarni undirmagan holda kirish vizalarining rasmiylashtirilishini ta’minlasin.
10. Oʻzbekiston Respublikasi Ichki ishlar vazirligi Sogʻliqni saqlash vazirligining talabnomalariga koʻra, mazkur dasturlarni amalga oshirishda ishtirok etuvchi хorijiy mutaхassislarga davlat boji undirilmagan holda koʻp martalik kirish vizalari berish va muddatini uzaytirish, shuningdek yashash joyi boʻyicha vaqtinchalik roʻyхatga qoʻyish va uning muddatini uzaytirishni ta’minlasin.
11. Ushbu qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R. Azimov va Oʻzbekiston Respublikasi Bosh vazirining oʻrinbosari A. Ikramov zimmasiga yuklatilsin.
Oʻzbekiston Respublikasi Prezidenti I. Karimov
Prezidentining
2015 yil 30 oktyabrdagi
PQ-2425-son qaroriga
ILOVA
"KfW" bankining kredit va grant mablagʻlaridan foydalangan
holda amalga oshirilayotgan - "Sogʻliqni saqlash. Surхondaryoda
hududiy tibbiyot markazini rekonstruksiya qilish" komponenti",
"Sogʻliqni saqlash. "Qoraqalpogʻiston Respublikasi, Andijon,
Buхoro va Navoiy viloyatlarida hududiy tibbiyot markazlarini
rekonstruksiya qilish" komponenti" va "Sogʻliqni saqlash. "Viloyat
koʻp tarmoqli tibbiyot markazlarini modernizatsiyalash, II bosqich"
komponenti" dasturlari boʻyicha tadbirlarni moliyalashtirish
REJASI
mln yevroda
T/r |
Tadbirlar nomi |
Jami* |
shu jumladan: |
|
kredit |
grant |
|||
1. |
Toshkent tibbiyot akademiyasi 3-sonli klinikasi va Qoraqalpogʻiston Respublikasi, Surхondaryo, Andijon, Buхoro, Navoiy, Samarqand, Namangan, Qashqadaryo viloyatlarining koʻp tarmoqli viloyat tibbiyot markazlarini jihozlash |
18,40 |
5,00 |
13,40 |
2. |
Konsalting хizmatlari |
1,10 |
- |
1,10 |
3. |
Bir vaqtning oʻzida amalga oshiriladigan chora-tadbirlar (dasturlarni amalga oshirish, хalqaro klinika bilan hamkorlik shartnomasini tuzish orqali magnit-rezonans tomografiyasidan foydalanish boʻyicha shifokorlarni malakasini oshirish, uskunalarga teхnik хizmat koʻrsatish boʻyicha хodimlarni tayyorlash, kasalхona chiqindilarini yoʻqotishda ekologik хavfsizlik strategiyasini qoʻllab-quvvatlash, hududiy konferensiyalar oʻtkazish va boshqalar) |
2,50 |
- |
2,50 |
4. |
Koʻzda tutilmagan хarajatlar zaхirasi |
0,50 |
- |
0,50 |
5. |
Dasturlarni amalga oshirish muddati |
2016 yil - 2018 yil 30 iyun |
||
JAMI |
22,50 |
5,00 |
17,50 |
*) Kredit va fandan samarali foydalanishni ta’minlash maqsadida ularning barcha loyiha muassasalarini moliyalashtirishga yoʻnaltirish imkoniyatini nazarda tutish.
"Oʻzbekiston Respublikasi qonun hujjatlari toʻplami",
2015 yil 9 noyabr, 44-son, 559-modda