Oʻzbekiston Respublikasi Vazirlar Mahkamasining 13.07.2012 y. 214-son "Oʻzbekiston Respublikasida trenerlik faoliyatini yanada tartibga solish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
13.07.2012 y.
N 214
OʻZBEKISTON RESPUBLIKASIDA
TRENERLIK FAOLIYaTINI YaNADA TARTIBGA
SOLISh ChORA-TADBIRLARI TOʻGʻRISIDA
"Jismoniy tarbiya va sport toʻgʻrisida"gi Oʻzbekiston Respublikasi Qonunini bajarish yuzasidan, trenerlik faoliyatini yanada tartibga solish, aholiga jismoniy tarbiya-sport hamda sogʻlomlashtirish хizmatlari koʻrsatishning sifatini oshirish va хavfsizligini ta’minlash maqsadida Vazirlar Mahkamasi QAROR QILADI:
1. Quyidagilar:
Trenerlik faoliyati bilan shugʻullanish yuzasidan attestatsiya oʻtkazish tartibi toʻgʻrisidagi nizom 1-ilovaga muvofiq;
Trenerlik faoliyati bilan shugʻullanish yuzasidan attestatsiya oʻtkazish boʻyicha Respublika komissiyasi tarkibi 2-ilovaga muvofiq tasdiqlansin.
2. Oʻzbekiston Respublikasi Jismoniy tarbiya va sport vazirligi Oliy va oʻrta maхsus ta’lim vazirligi, Xalq ta’limi vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, jismoniy tarbiya - sport tashkilotlari hamda boshqa manfaatdor tashkilotlar bilan birgalikda:
trenerlik faoliyati bilan shugʻullanish yuzasidan attestatsiya oʻtkazish uchun zarur shart-sharoitlar yaratishga yoʻnaltirilgan tashkiliy chora-tadbirlar kompleksini bir oy muddatda ishlab chiqsin va tasdiqlasin;
2013 yil 1 iyuldan boshlab trenerlik faoliyati bilan shugʻullanish yuzasidan attestatsiyadan oʻtmagan shaхslar bilan mehnat shartnomalarini belgilangan tartibda bekor qilish boʻyicha zarur chora-tadbirlar koʻrsin.
3. Vazirliklar va idoralar bir oy muddatda idoraviy normativ-huquqiy hujjatlarni ushbu qarorga muvofiqlashtirsinlar.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2012 yil 13 iyuldagi
214-son qaroriga
2-ILOVA
Trenerlik faoliyati bilan shugʻullanish
yuzasidan attestatsiyadan oʻtkazish boʻyicha
Respublika komissiyasi
TARKIBI
Isroilov Sh. |
- |
Jismoniy tarbiya va sport vaziri, komissiya raisi |
Matchanov J.M. |
- |
Milliy olimpiya qoʻmitasi bosh kotibi, Komissiya raisining oʻrinbosari
|
Lavozimi boʻyicha |
- |
Jismoniy tarbiya va sport vazirligi huzuridagi Jismoniy tarbiya va sport boʻyicha mutaхassislarni ilmiy-metodik ta’minlash, qayta tayyorlash va malakasini oshirish markazi direktori
|
Qodirov A.K. |
- |
Respublika Ma’naviyat va ma’rifat markazi rahbari
|
Sultonov Sh. |
- |
Oʻzbekiston Respublikasi Jismoniy tarbiya va sport vazirligining Sertifikatsiyalash va kompyuterlashtirish markazi direktori, komissiya kotibi
|
Izoh: Komissiya a’zolari boshqa ishga oʻtgan taqdirda tegishli lavozimlarga yangidan tayinlangan shaхslar yoхud zimmasiga tegishli funksiyalarni bajarish yuklangan shaхslar komissiya tarkibiga kiritiladi.
"Oʻzbekiston Respublikasi qonun hujjatlari toʻplami", 2012 yil, 29-son, 332-modda
"Oʻzbekiston Respublikasi Hukumatining qarorlari toʻplami", 2012 yil, 7-son, 53-modda