Madaniyat va sport ishlari vazirining 25.12.2013 y. 1323-son "Sport-ta’lim muassasalarining trener-oʻqituvchilari va yoʻriqchi-uslubchilariga malaka toifalarini berish tartibi toʻgʻrisidagi nizomni tasdiqlash haqida"gi Buyrugʻi (AV tomonidan 08.01.2014 y. 2550-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
08.01.2014 y.
N 2550
OʻZBEKISTON RESPUBLIKASI
MADANIYaT VA SPORT IShLARI
VAZIRINING
25.12.2013 y.
N 1323
BUYRUGʻI
Sport-ta’lim muassasalarining trener-oʻqituvchilari
va yoʻriqchi-uslubchilariga malaka toifalarini berish
tartibi toʻgʻrisidagi nizomni tasdiqlash haqida
Oʻzbekiston Respublikasining "Jismoniy tarbiya va sport toʻgʻrisida"gi Qonuni (Oʻzbekiston Respublikasi Oliy Majlisining Aхborotnomasi, 2000 y., 5-6-son, 147-modda), Oʻzbekiston Respublikasi Vazirlar Mahkamasining 2005 yil 5 apreldagi 96-sonli "Oʻzbekiston Respublikasi Madaniyat va sport ishlari vazirligi toʻgʻrisidagi nizomni tasdiqlash haqida"gi (Oʻzbekiston Respublikasi qonun hujjatlari toʻplami, 2005 y., 14-son, 104-modda) va 2010 yil 23 sentyabrdagi 211-sonli "Sport maktablari faoliyatini hamda sport maktablari trenerlari va mutaхassislari mehnatini moddiy ragʻbatlantirish tizimini yanada takomillashtirish toʻgʻrisida"gi (Oʻzbekiston Respublikasi qonun hujjatlari toʻplami, 2010 y., 38-son, 331-modda) qarorlariga muvofiq BUYuRAMAN:
1. Sport-ta’lim muassasalarining trener-oʻqituvchilari va yoʻriqchi-uslubchilariga malaka toifalarini berish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq rasmiy e’lon qilingan kundan e’tiboran kuchga kiradi.
Vazir M. Xodjimatov
"Oʻzbekiston Respublikasi qonun hujjatlari toʻplami",
2014 yil 13 yanvar, 2-son, 26-modda