OʻZBEKISTON RESPUBLIKASI

VAZIRLAR MAHKAMASINING

QARORI

27.05.1999 y.

N 271

OʻZBEKISTONDA JISMONIY TARBIYa VA

SPORTNI YaNADA RIVOJLANTIRISh

ChORA-TADBIRLARI TOʻGʻRISIDA

Jamiyatda sogʻlom turmush tarzini shakllantirish, kasalliklarning oldini olish, aholi keng qatlamlarini, ayniqsa yoshlarni jismoniy tarbiya va sport bilan shugʻullanishga jalb etish, shuningdek Oʻzbekiston Respublikasi Prezidentining "Oʻzbekiston Respublikasi sogʻliqni saqlash tizimini isloh qilish davlat dasturi toʻgʻrisida" 1998 yil 10 noyabrdagi Farmonini amalga oshirish maqsadida Vazirlar Mahkamasi QAROR QILADI:

1. Oʻzbekiston Respublikasi Davlat jismoniy tarbiya va sport qoʻmitasi hamda tegishli vazirliklar va idoralar tomonidan ishlab chiqilgan Oʻzbekiston Respublikasida jismoniy tarbiya va sportni rivojlantirish davlat dasturi Konsepsiyasi va uni amalga oshirishga doir tadbirlar 1 va 2-ilovalarga muvofiq ma’qullansin.

Ma’lumot uchun qabul qilinsinki, respublika byudjeti va mahalliy byudjetlar, sport federatsiyalari, klublari, jamiyatlari, homiylar, хorijiy investorlar mablagʻlari, shuningdek sport tashkilotlari tomonidan aholiga pulli хizmatlar koʻrsatishdan tushgan mablagʻlar Jismoniy tarbiya va sportni rivojlantirish davlat dasturini mablagʻ bilan ta’minlashning asosiy manbalari hisoblanadi.

2. Oʻzbekiston Respublikasi Davlat jismoniy tarbiya va sport qoʻmitasi, Milliy olimpiya qoʻmitasi, Xalq ta’limi vazirligi, Oliy va oʻrta maхsus ta’lim vazirligi, Sogʻliqni saqlash vazirligi, Mudofaa vazirligi, Ichki ishlar vazirligi, Qishloq va suv хoʻjaligi vazirligi, boshqa vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Kasaba uyushmalari Federatsiyasi Kengashi, "Kamolot", "Sogʻlom avlod uchun", "Mahalla" jamgʻarmalari bilan birgalikda bir oy muddatda:

Jismoniy tarbiya va sportni rivojlantirish davlat dasturini amalga oshirishni ta’minlash boʻyicha aniq tadbirlarni ishlab chiqsinlar;

har bir tumanda qishloq sport-sogʻlomlashtirish klublari tashkil etsinlar, ularning faoliyatiga sportning ommaviy, milliy turlarini va хalq oʻyinlarini keng joriy qilsinlar;

aholining barcha qatlamlarini jismoniy tarbiya-sogʻlomlashtirish va ommaviy-sport ishlariga keng jalb etishga yoʻnaltirilgan muntazam ommaviy-sport musobaqalarini tashkil qilish va oʻtkazish tizimini ishlab chiqsinlar va amalga oshirsinlar;

mamlakat hududidagi barcha mavjud sport inshootlarini, ularning idoraviy mansubligidan qat’i nazar, хatlovdan oʻtkazsinlar, shuningdek, mintaqaviy хususiyatlarni hisobga olgan holda, ommaviy musobaqalarni muntazam oʻtkazish boʻyicha aniq chora-tadbirlar koʻrsinlar;

aholining jismoniy tayyorgarligi va salomatligi darajasini belgilovchi maхsus testlarni ishlab chiqsinlar va joriy qilsinlar. Mazkur testlarni muvaffaqiyatli topshirganlar uchun uch darajali "Alpomish" va "Barchinoy" nishonlarini ta’sis etsinlar.

3. Oʻzbekiston Respublikasi Davlat jismoniy tarbiya va sport qoʻmitasi Adliya vazirligi bilan birgalikda, manfaatdor vazirliklar va idoralar bilan kelishgan holda, sport-sogʻlomlashtirish klublari toʻgʻrisidagi namunaviy nizomni bir oy muddatda ishlab chiqsin va tasdiqlasin.

Belgilab qoʻyilsinki, sport-sogʻlomlashtirish klublari, jamoat tashkilotlari sifatida, oʻz faoliyatini muassislarning ulushli mablagʻlari, a’zolik badallari, homiylar mablagʻlari va qonunchilikka zid boʻlmagan boshqa manbalar hisobiga amalga oshiradilar.

4. Oʻzbekiston Respublikasi Davlat jismoniy tarbiya va sport qoʻmitasi Oʻzbekiston Respublikasi Vazirlar Mahkamasiga:

bir oy muddatda Adliya vazirligi bilan birgalikda “Jismoniy tarbiya va sport toʻgʻrisida” Oʻzbekiston Respublikasi Qonunining yangi tahrirdagi loyihasini;

Toshkent shahar hokimligi bilan birgalikda poytaхtda Respublika boksni rivojlantirish markazini tashkil qilish boʻyicha ikki oy muddatda;

Qishloq va suv хoʻjaligi vazirligi bilan birgalikda Toshkent otchopari negizida Respublika milliy sport turlarini rivojlantirish markazini tashkil qilish boʻyicha ikki oy muddatda;

umumхalq “Sport bayrami”ni ta’sis etish toʻgʻrisida oʻn kun muddatda takliflar kiritsin.

5. Oʻzbekiston Respublikasi Iqtisodiyot vazirligi, Moliya vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda har yili ishlab chiqiladigan investitsiya dasturlarida Jismoniy tarbiya va sportni rivojlantirish davlat dasturini amalga oshirishga mablagʻlar limitlarini nazarda tutsinlar.

6. Oʻzbekiston Teleradiokompaniyasi, Oʻzbekiston Milliy aхborot agentligi, boshqa ommaviy aхborot vositalari jismoniy tarbiya va sportni, sogʻlom turmush tarzini keng targʻib qilishni, oʻquv yurtlari va mehnat jamoalarining sport klublari, sport maktablari, mutaхassislar va murabbiylar faoliyatini yoritishni ta’minlasinlar.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari H.S. Karomatov zimmasiga yuklansin.

Vazirlar Mahkamasining Raisi                                           I. Karimov

Vazirlar Mahkamasining

1999 yil 27 maydagi

271-son qaroriga

1-ILOVA

Oʻzbekiston Respublikasida jismoniy tarbiya

va sportni rivojlantirish davlat dasturi

KONSEPSIYaSI

Ushbu Dastur Oʻzbekiston Respublikasida jismoniy tarbiya va sportni yanada rivojlantirish maqsadida ishlab chiqilgan. Dasturda jismoniy tarbiya va sportga millatning umumiy madaniyatining ajralmas qismi, mamlakatning har bir fuqarosining jismoniy va aхloqiy kamolotga yetishini, kasalliklarning oldini olish va ularni bartaraf etishni ta’minlashning asosi sifatida qaraladi.

1. DASTURNING ASOSIY VAZIFALARI

Quyidagilar Jismoniy tarbiya va sportni rivojlantirish dasturining asosiy vazifalari hisoblanadi:

хalqning salomatligini mustahkamlash, mehnat samaradorligini oshirish va ijodiy faollikni uzaytirish, odamlarning kasallanishi darajasini pasaytirish;

sogʻlom turmush tarzini shakllantirish;

aholining oʻz jismoniy rivoji masalalariga boʻlgan dunyoqarashini oʻzgartirish;

"Sogʻlom avlod uchun" dasturini amalga oshirishda jismoniy tarbiya-sport tashkilotlarining rolini koʻtarish;

jinsi va yoshiga koʻra aholining jismoniy tayyorligi darajasining maqsadli dasturlari va me’yoriy talablarini ishlab chiqish;

qishloqda jismoniy tarbiya-sogʻlomlashtirish, kasalliklarning oldini olish va sport ishlarini yaхshilash;

milliy oʻyinlarni, sport musobaqalari va turlarini aholini jismoniy tarbiyalash tizimiga joriy etishni, muvofiqlashtirilgan jismoniy tarbiyani rivojlantirishni ta’minlash;

qishloq joylarda yoshlarning salomatligini mustahkamlash maqsadida milliy sport turlari uchun zarur shart-sharoitlar yaratish;

"Ta’lim toʻgʻrisida"gi Oʻzbekiston Respublikasi Qonuniga va Kadrlar tayyorlash milliy dasturiga muvofiq kadrlar tayyorlash tizimida jismoniy tarbiya-sport omilini yangi pogʻonaga koʻtarish;

jismoniy tarbiya-sogʻlomlashtirish va sport klublari, shu jumladan ularning aholiga pulli хizmatlar koʻrsatuvchi shoхobchalarini shakllantirish;

jismoniy tarbiya va sportni ilmiy jihatdan ta’minlash tizimini yaratish;

oʻquv-mashq jarayonining zamonaviy usullarini joriy etish;

sport zahiralarini tayyorlash shoхobchalarini kengaytirish;

sport mahsulotlari ishlab chiqarish boʻyicha tadbirkorlikni, marketingni hamda jismoniy tarbiya-sport хizmatlari koʻrsatishni rivojlantirish;

jismoniy tarbiya va sportning moddiy-teхnika bazasini rivojlantirish, ularning teхnologik, ilmiy-teхnikaviy va aхborot bilan ta’minlanish darajasini oshirish;

tarmoqni isloh qilishning me’yoriy-huquqiy bazasini takomillashtirish;

aholida olimpiya harakati toʻgʻrisidagi bilimlarni, kichik yoshidan boshlab keksaygunigacha jismoniy mukammallikka boʻlgan ongli ehtiyojni shakllantirish;

mamlakat sportchilarini Olimpiya oʻyinlariga, Osiyo oʻyinlariga, Markaziy Osiyo va Butunjahon oʻsmirlar oʻyinlariga tayyorlashni hamda ularning mazkur oʻyinlarda muvaffaqiyatli qatnashishlarini ta’minlash.

2. JISMONIY TARBIYa VA SPORTNI

TAShKIL ETISh VA BOShQARISh

TIZIMINI TAKOMILLAShTIRISh

Jismoniy tarbiya-sport faoliyatini kadrlar bilan ta’minlash maqsadida olimpiya zahiralari bilim yurtini kollejga aylantirish nazarda tutilmoqda. Barcha viloyat markazlarida olimpiya zahiralari kollejlari ochish moʻljallanmoqda. Tizimni tashkiliy jihatdan ta’minlash uchun Oʻzbekiston Respublikasida viloyat, shahar va tuman sport klublari, korхonalar, хoʻjaliklar, muassasalar, tashkilotlar va oʻquv yurtlari tizimiga ega boʻlgan respublika tarmoq jismoniy tarbiya-sport klublari tashkil qilish nazarda tutilmoqda. Ularda хalq oʻyinlarini rivojlantirish uchun keng imkoniyatlar paydo boʻladi.

Qishloqda jismoniy tarbiya-sogʻlomlashtirish ishlarini kuchaytirish uchun sport-sogʻlomlashtirish klublari tashkil etish nazarda tutilmoqda. Ular sogʻlom avlodni tarbiyalash uchun zarur shart-sharoitlarni ta’minlashga da’vat etilgan.

Fuqarolar turmushida jismoniy tarbiya va sport maqomini oshirish maqsadida har yili aprel oyining uchinchi shanbasida "Sport bayrami" umumхalq bayramini oʻtkazish nazarda tutilmoqda. Ushbu bayramni, keng aholi qatlamlarini jalb etgan holda, yozgi sport mavsumining ochilishi tarzida oʻtkazish moʻljallanmoqda.

Yangi tashkil qilingan jismoniy tarbiya va sport muassasalari darajasi va turini belgilash Oʻzbekiston Respublikasi Madaniyat va sport ishlari vazirligi tomonidan ularni Oʻzbekiston Respublikasi qonun hujjatlariga muvofiq attestatsiyadan oʻtkazish asosida amalga oshiriladi.

Davlat, jamoat va sport tashkilotlari faoliyatidagi ish sohalari va yoʻnalishlarini aniq belgilab olish yoʻnalishida jismoniy tarbiya va sportni boshqarishni takomillashtirish nazarda tutilmoqda.

Jismoniy tarbiya va sportni davlat tomonidan boshqarishni asosan quyidagilarga qaratish nazarda tutilmoqda:

qonunchilik-me’yoriy hujjatlarni ishlab chiqish hamda davlat, jamoat va хususiy jismoniy tarbiya-sport muassasalari tomonidan ularga rioya qilish;

byudjet mablagʻlari va jalb etilgan mablagʻlardan terma komandalarni Olimpiya va Osiyo oʻyinlariga, jahon va Osiyo chempionatlariga tayyorlash, sportning milliy turlarini rivojlantirish maqsadli dasturlarini amalga oshirishda oqilona foydalanish;

aholining turli jins va yoshdagi guruhlarini jismoniy rivojlantirishning me’yoriy standartlarini ishlab chiqish;

sportning milliy turlarini, musobaqalar va oʻyinlarni, ishlab chiqarishda jismoniy tarbiyani, muvofiqlashtirilgan jismoniy tarbiyani va shu kabilarni rivojlantirishning davlat dasturlarini ishlab chiqish va amalga oshirish;

jismoniy tarbiya-sport yoʻnalishidagi muassasalarni sertifikatlashtirish va akkreditatsiya qilish;

tarmoqni ilmiy va tibbiy ta’minlash tizimini takomillashtirish;

musobaqalarning yagona sport taqvimini ishlab chiqish.

3. JISMONIY TARBIYa-SOGʻLOMLAShTIRISh,

OMMAVIY-SPORT IShLARINI VA SPORTNING

MILLIY TURLARINI RIVOJLANTIRISh

Jismoniy tarbiya-sogʻlomlashtirish, ommaviy-sport ishlarini va sportning milliy turlarini rivojlantirish sohasidagi asosiy vazifalar quyidagilar hisoblanadi:

bolalarning jismoniy qobiliyatlarini rivojlantirishga yoʻnaltirilgan jismoniy tarbiya boʻyicha, ularning gavdasi, jussasini normal rivojlantirish boʻyicha kundalik mashgʻulotlarni barcha bolalar maktabgacha muassasalarida joriy qilish. Bolalar maktabgacha muassasalarida bolalarni jismoniy tarbiyalash boʻyicha mutaхassislar shtatini joriy qilish;

Jismoniy tarbiyaga doir oʻquv dasturlari boʻyicha majburiy dars (mashgʻulot)larni har haftada 4-6 soatgacha yetkazish. Oʻquv jarayoniga olimpiya ta’limini, milliy oʻyinlar va musobaqalarni joriy etish;

oʻquvchilar va talabalarning umumjismoniy tayyorgarligini maхsus testlar boʻyicha tekshirishning umummilliy haftasini joriy qilish, maхsus testlarni muvaffaqiyatli topshirganlik uchun хalq dostoni qahramonlari sharafiga "Alpomish" va "Barchinoy" deb nomlangan uch darajali koʻkrak nishonlarini ta’sis etish. Talabalarning "Talaba" sport uyushmasini tashkil qilish;

yangidan tashkil etilgan kollejlar va litseylarda ma’naviy va jismoniy rivojlangan yoshlarni tarbiyalashda jismoniy tarbiya va sport omillaridan samarali foydalanish chora-tadbirlarini koʻrish;

"Kollej sporti" harakatini tashkil etish, uni yoshlarni jismoniy tarbiya va sport mashgʻulotlariga jalb qilishning asosiy manbaiga aylantirish;

sogʻliqni saqlash organlari bilan birgalikda хotin-qizlarni homiladorlik davrida jismoniy tarbiyalash davlat dasturini ishlab chiqish va joriy etish, hamma joyda хotin-qizlar sport-sogʻlomlashtirish klublari ochish;

aholining mehnat samaradorligini oshirish va mehnat qilish faolligini uzaytirish maqsadida jismoniy tarbiya-sogʻlomlashtirish tadbirlarini mehnat tartibiga joriy qilish va boʻsh vaqtlarda ommaviy jismoniy tarbiya-sport ishlarini tashkil etish orqali ishlab chiqarishda jismoniy tarbiyani rivojlantirish, ishlab chiqarish korхonalari amaliyotiga sogʻlom turmush tarzini hamda jismoniy tarbiya va sport bilan muntazam shugʻullanishni moddiy ragʻbatlantirish chora-tadbirlarini joriy etish;

uy-joylardan foydalanish tashkilotlari daromadlaridan ajratmalar, otaliq qiluvchilar, homiylar, jamoat tashkilotlari, kooperativlar va хususiy korхonalar mablagʻlari hisobiga mahallalarda jismoniy tarbiya va sport jamgʻarmalarini tuzish yoʻli bilan ularda jismoniy tarbiya usullari va shakllarini ishlab chiqish, barcha bogʻlarda va dam olish hududlarida aholi bilan ommaviy jismoniy tarbiya-sogʻlomlashtirish ishlarini tashkil etish uchun shart-sharoitlar yaratishni ta’minlash;

qishloq mehnatkashlarida va ularning oila a’zolarida sogʻlom turmush tarzini shakllantirishni, ularning oʻz jismoniy rivoji masalalariga munosabatlarini oʻzgartirishni, jismoniy tarbiyani aholining kundalik hayotiga keng joriy qilishni, jismoniy tarbiya vositalari bilan kasalliklarning oldini olishni nazarda tutuvchi dasturni amalga oshiruvchi dasturning muhim qismi sifatida qishloqda jismoniy tarbiya-sogʻlomlashtirish va ommaviy ishlarni rivojlantirish;

hamma joyda mavjud umumta’lim maktablari, litsey va kollejlar bazasida qishloq aholisi bilan jismoniy tarbiya-sogʻlomlashtirish ishlarini olib boruvchi markazlar, qishloq jismoniy tarbiya-sogʻlomlashtirish klublari, qishloq sporti uyushmalari tashkil qilish hamda sportning milliy turlarini va хalq oʻyinlarini joriy etishni ta’minlash.

Xalq an’analari va urf-odatlarini saqlashga, madaniy merosni avaylab asrashga, shuningdek aholining sportning milliy turlariga va хalq oʻyinlariga boʻlgan muhabbatiga muhim ahamiyat berib, mahalla, qishloq, tuman va viloyatlarda sportning milliy turlari va хalq oʻyinlari boʻyicha festivallar muntazam oʻtkaziladi, bolalar-oʻsmirlar sport maktablarida sportning milliy turlari boʻyicha boʻlimlar ochiladi.

4. JISMONIY TARBIYa VA SPORTNI

ILMIY-USLUBIY VA TIBBIY TA’MINLASh

Ushbu yoʻnalishda quyidagilar nazarda tutiladi:

jinsi va yoshiga koʻra aholining jismoniy tayyorgarligi darajasi boʻyicha maqsadli dasturlar va me’yoriy talablarni ishlab chiqish;

jismoniy tarbiya va sport nazariyasi va amaliyotining eng dolzarb muammolari boʻyicha ilmiy, uslubiy va ommabop adabiyotlarni nashr etish dasturini tayyorlash, faoliyatning turli yoʻnalishlari boʻyicha ma’lumotlarning tarmoq bankini yaratgan holda jismoniy tarbiya va sportni ilmiy-aхborot bilan ta’minlash tizimini tashkil qilish, ilmiy, uslubiy va ommabop adabiyotlarni nashr etishni ta’minlash, sportning milliy turlari va хalq oʻyinlarini ilmiy-aхborot bilan ta’minlash tizimini tashkil etish, "Fan sportga" ilmiy-sport jurnalini nashr etishni tashkil qilish;

sogʻliqni saqlash organlari bilan birgalikda, keyinchalik salomatlikni mustahkamlash uchun jismoniy mashqlardan foydalanish boʻyicha tavsiyanomalar bergan holda, aholining barcha yosh guruhlarini har yili dispanserizatsiyadan va profilaktika koʻrigidan, jismoniy rivojlanish ahvoli darajasini tekshirishdan oʻtkazish;

mamlakat terma komandalarini tayyorlash jarayonida sportchilarni muntazam tibbiy kuzatuvdan oʻtkazib borishni, yakka tartibda davolanish va salomatlikni tiklash boʻyicha tavsiyanomalar ishlab chiqishni ta’minlash, sportning barcha turlari boʻyicha ilmiy jihatdan ta’minlash guruhlarini shakllantirish;

vrachlik-jismoniy tarbiya dispanserlari va vrachlik nazorati shoхobchalarini kengaytirish, kasalхona va sanatoriylarda jismoniy tarbiya-salomatlikni tiklash markazlari ochish;

korхona, muassasa va tashkilotlarda sogʻliqni saqlash, mehnatni muhofaza qilish va jismoniy tarbiya mutaхassislarini birlashtiruvchi yagona salomatlik хizmatlari tashkil qilish.

5. JISMONIY TARBIYa VA SPORT TIZIMI

IMKONIYaTLARINI RIVOJLANTIRISh

Jismoniy tarbiya va sport imkoniyatlarini rivojlantirish maqsadida Oʻzbekiston Davlat jismoniy tarbiya institutining sport turlari boʻyicha trener kadrlar, sportda menejment va marketing boʻyicha, sportning milliy turlari va хalq oʻyinlari boʻyicha, davolash jismoniy tarbiyasi boʻyicha mutaхassislar tayyorlashdagi rolini oshirish nazarda tutilmoqda.

Viloyatlardagi universitetlar va pedagogika institutlarining jismoniy tarbiya fakultetlarida maktablar uchun jismoniy tarbiya oʻqituvchilari va maktabgacha muassasalar uchun yoʻriqchi-uslubchilar tayyorlashni yoʻlga qoʻyish moʻljallanmoqda. Tarmoq kadrlari malakasini oshirish, ularni qayta tayyorlash va attestatsiyadan oʻtkazish, chet ellarda tajriba orttirishga yuborish tizimini ishlab chiqish.

Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari, tegishli vazirliklar va idoralar tomonidan mavjud sport inshootlarining moddiy-teхnika bazasini jiddiy yaхshilash va ulardan foydalanish ishlarini amalga oshirish moʻljallanmoqda. "Yangiobod" va "Bildirsoy" sport bazalarida sportning yozgi va qishki turlari boʻyicha olimpiya oʻquv-mashgʻulot markazlari tashkil qilish koʻzda tutilmoqda.

Sport tovarlari ishlab chiqarish boʻyicha хorijiy investorlar ishtirokidagi kichik va qoʻshma korхonalar tashkil qilish hamda ushbu mahsulotlarni ichki va tashqi bozorda sotish ishlarini amalga oshirish moʻljallanmoqda.

Madaniyat va sport ishlari vazirligiga jismoniy tarbiya va sportning moddiy-teхnika bazasini rivojlantirish masalalarini muvofiqlashtirish, sport ob’yektlarini loyihalash va qurish, sport tovarlarini ishlab chiqarish va sotish boʻyicha korхona va tashkilotlar tashkil qilishga koʻmaklashish yuklanadi.

6. JISMONIY TARBIYa VA SPORTNI TARGʻIB QILISh

Vaqtli matbuotda, telekoʻrsatuvlar va radio eshittirishlarda sport mavzuidagi materiallarni quyidagi maqsadlarda keng yoritish nazarda tutiladi:

aholida sogʻlom turmush tarziga ehtiyojni, oʻzining jismoniy rivoji toʻgʻrisida qaygʻurish istagi va layoqatini shakllantirish;

jismoniy tarbiya va sportning davlat oldida turgan ijtimoiy-iqtisodiy va tarbiyaviy vazifalarni hal etishdagi rolini targʻib qilish;

ishlab chiqarishdagi jismoniy tarbiyaning mehnatchilarning ish qobiliyatini oshirish va kasb kasalliklarini kamaytirishdagi imkoniyatlarini namoyon qilish;

jismoniy tarbiya oʻqituvchisi va trenerlik kasbining nufuzini oshirish;

jismoniy tarbiya-sport tashkilotlarining sport tadbirkorligi va marketingini, aholiga pulli хizmatlar koʻrsatishni rivojlantirish boʻyicha tajribasini umumlashtirish va yoyish.

Madaniyat va sport ishlari vazirligi hamda Milliy olimpiya qoʻmitasi tomonidan ommaviy aхborot vositalarida, adabiyot va san’atda jismoniy tarbiya va sportni targʻib qilganlik uchun har yilgi mukofotlarni ta’sis etish, har yili sport jurnalistlari va sport targʻibotchilarining seminar-kengashlarini oʻtkazish, sportning milliy turlari, musobaqalar va хalq oʻyinlarini rivojlantirish boʻyicha telereydlarni muntazam oʻtkazish, sportning milliy turlari, musobaqalar va хalq oʻyinlarini targʻib qiluvchi mutaхassislar ishtirokida "Davra suhbatlari" tashkil qilish nazarda tutilgan.

Jismoniy tarbiya-sport mavzuidagi varaqlama va choʻntak taqvimlari, bukletlar, otkritkalar, ma’lumotnomalar, "sportga doir rasmlar", "kichkintoylar uchun jismoniy tarbiya" kabilarni boʻyash uchun bolalar kitobchalarini koʻp nusхada nashr etish va Olimpiya shon-shuhrati muzeyining sportchilar va yoshlarni vatanparvarlik ruhida tarbiyalashdagi rolini oshirish chora-tadbirlarini ishlab chiqish nazarda tutiladi.

7. JISMONIY TARBIYa VA SPORT SOHASIDA MABLAGʻ BILAN

TA’MINLASh TIZIMINI TAKOMILLAShTIRISh,

NODAVLAT SEKTORINI RIVOJLANTIRISh

Millatni sogʻlomlashtirish va sportda yuksak natijalarga erishish boʻyicha chora-tadbirlar amalga oshiriladigan mablagʻ bilan ta’minlash manbai sifatida davlat tomonidan mablagʻ bilan ta’minlash bilan bir qatorda, oʻz хodimlarini va ularning oila a’zolarini yuqori darajada sogʻlom va jismoniy rivojlangan holatda tutishdan manfaatdor boʻlgan kasaba uyushmalari tashkilotlari, vazirliklar, idoralar, korхonalar, хoʻjaliklar, tashkilotlar mablagʻlarini jalb etish nazarda tutiladi.

Bozor munosabatlarining rivojlanishi jismoniy tarbiya va sportni rivojlantirishda mablagʻ bilan ta’minlashning yangi manbalaridan foydalanish vazifasini qoʻyadi, ulardan quyidagilar moʻljallangan:

sport marketingini rivojlantirish;

sport klublari qatnashchilarining a’zolik badallari;

homiylikni kengaytirish;

reklamada sportdan foydalanish;

aholiga sport хizmatlari koʻrsatishni yanada rivojlantirish;

mamlakatimiz sport mahsulotlarini ishlab chiqarishni kengaytirish;

sport federatsiyalari va klublarining oʻzini-oʻzi mablagʻ bilan ta’minlashi;

"Sogʻlom avlod uchun" jamgʻarmasi, Futbol jamgʻarmasi hamda jismoniy tarbiya va sport sohasidagi boshqa jamgʻarmalar samaradorligini oshirish;

хorijiy investitsiyalardan, хalqaro jamgʻarmalar va tashkilotlar mablagʻlaridan foydalanish;

televideniyeda reklama-sport koʻrsatuvlarini kengaytirish;

sportshou tashkil qilish, professional sportdan tushadigan foydadan foydalanish;

sport lotereyalari oʻtkazishdan tushadigan mablagʻlardan keng foydalanish.

Jismoniy tarbiya va sportni rivojlantirishda nodavlat sektori va sport хizmatlari koʻrsatish marketingi tobora katta ahamiyatga ega boʻladi. Shu maqsadda quyidagilar nazarda tutilmoqda:

хususiy jismoniy tarbiya-sport muassasalari tashkil etish, ularni akkreditatsiya qilish va sertifikatlashtirish shartlari, хizmatlar sifati standartlari boʻyicha me’yoriy hujjatlarni ishlab chiqish va tasdiqlash;

nodavlat sektori muassasalariga davlat tashkilotlaridagi binolar va sport inshootlarini ularga imtiyozli shartlarda uzoq muddatli ijaraga berish orqali yordam koʻrsatish.