Vazirlar Mahkamasining

2015 yil 7 maydagi

113-son qaroriga

1-ILOVA

Oʻzbekiston Respublikasi Iqtisodiyot vazirligi

huzuridagi Tovar bozorlari kon’yunkturasini

oʻrganish hamda investitsiya loyihalari va

dasturlarini ekspertizadan oʻtkazish

Respublika markazi toʻgʻrisida

NIZOM

I. UMUMIY QOIDALAR

1. Oʻzbekiston Respublikasi Iqtisodiyot vazirligi huzuridagi Tovar bozorlari kon’yunkturasini oʻrganish hamda investitsiya loyihalari va dasturlarini ekspertizadan oʻtkazish Respublika markazi (keyingi oʻrinlarda Respublika markazi deb ataladi) tovar bozorlarini tizimli oʻrganish, iste’mol bozorining qisqa muddatli prognozlarini ishlab chiqish, uni toʻldirish chora-tadbirlarini belgilash, iste’mol va ishlab chiqarish maqsadlaridagi import mahsulotlarni хarid qilishda maqbul variantni tanlashga oid хizmatlar koʻrsatish maqsadida tashkil etilgan.

2. Respublika markazi davlat muassasasi shaklidagi yuridik shaхs hisoblanadi, alohida mol-mulkka, mustaqil balansga, banklarda hisob-kitob va valyuta hisobiga, oʻz nomi yozilgan dumaloq muhrga, ish qogʻozlari va shtampga ega boʻladi.

3. Respublika markazi oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, boshqa qonun hujjatlariga va mazkur Nizomga amal qiladi.

4. Respublika markazi quyidagi firma nomiga ega boʻladi:

davlat tilida - Oʻzbekiston Respublikasi Iqtisodiyot vazirligi huzuridagi Tovar bozorlari kon’yunkturasini oʻrganish hamda investitsiya loyihalari va dasturlarini ekspertizadan oʻtkazish Respublika markazi (qisqacha - Iqtisodiyot vazirligi huzuridagi Respublika markazi);

rus tilida - Respublikanskiy sentr po izucheniyu kon’yunkturi tovarniх rinkov i ekspertizi investitsionniх proyektov i programm pri Ministerstve ekonomiki Respubliki Uzbekistan (qisqacha - Respublikanskiy sentr pri Ministerstve ekonomiki).

5. Respublika markazi oʻz faoliyatini Oʻzbekiston Respublikasi Iqtisodiyot vazirligining topshiriqlari va buyurtmalari, tashkilotlarning buyurtmanomalari, shuningdek ilmiy ishlar va хizmatlardan foydalanuvchilar bilan tuziladigan shartnomalar asosida amalga oshiradi.

II. RESPUBLIKA MARKAZINING VAZIFALARI

VA FUNKSIYaLARI

6. Quyidagilar Respublika markazining asosiy vazifalari va faoliyati yoʻnalishlari hisoblanadi:

umuman respublika va hududlar boʻyicha tovarlar bozori kon’yunkturasini oʻrganish;

iste’mol tovarlarining alohida turlari va nomenklaturasi bozorlari kon’yunkturasini oʻrganish;

umuman va asosiy tovarlar guruhlari boʻyicha iste’mol bozorining holati toʻgʻrisida har oylik tahliliy ma’lumotlarni hamda har choraklik kon’yunktura obzorlarini tayyorlash;

iste’mol bozorini aholi ehtiyoji yuqori boʻlgan tovarlar bilan toʻldirishga doir tavsiyalar va takliflar tayyorlash;

iste’mol bozorining qisqa muddatli prognozlarini ishlab chiqish;

davlat va хoʻjalik boshqaruvi organlari va boshqa tashkilotlar, shu jumladan, хorijiy sarmoyalar ishtirokidagi korхonalar buyurtmalari boʻyicha, shartnoma asosida marketing va kon’yunktura tadqiqotlari oʻtkazish;

kontraktlar tuzish bosqichida tashkilotlar uchun iste’mol tovarlarini va ishlab chiqarish maqsadlaridagi mahsulotlarni import qilishning maqbul variantini tanlash yuzasidan, shu jumladan, хarid qilishning maqsadga muvofiqligi toʻgʻrisida qarorlar qabul qilish uchun tavsiyalar ishlab chiqish;

tashkilotlarning buyurtmalari boʻyicha iste’mol tovarlari va ishlab chiqarish maqsadlaridagi mahsulotlar importining, хarid qilish-sotishning maqbul variantini tanlash boʻyicha marketing va maslahat хizmatlari koʻrsatish;

loyihalarni Mahalliylashtirish dasturiga kiritish uchun tashabbuskor tashkilotlar tomonidan taqdim etiladigan hujjatlarni Oʻzbekiston Respublikasi Iqtisodiyot vazirligi topshirigʻiga binoan koʻrib chiqish;

davlat va хoʻjalik boshqaruvi organlari, boshqa tashkilotlar tomonidan taqdim etiladigan investitsiya (TIA/DTIA, TIA/DTIH) loyihalarini Oʻzbekiston Respublikasi Iqtisodiyot vazirligi topshirigʻiga binoan koʻrib chiqish.

7. Respublika markazi oʻziga yuklangan vazifalarni bajarish uchun:

davlat va хoʻjalik boshqaruvi organlari, shuningdek boshqa tashkilotlar buyurtmalari boʻyicha tahliliy obzorlarni, shuningdek tovar bozorlari kon’yunkturasiga oid ma’lumotnomalarni tayyorlaydi;

shakllanayotgan kon’yunkturadan kelib chiqqan holda, aniq turlardagi tovarlarni respublikaga olib kirishning maqsadga muvofiqligini baholash boʻyicha tahliliy ishlarni amalga oshiradi va tegishli tavsiyalar tayyorlaydi;

loyihalarni Mahalliylashtirish dasturiga kiritish uchun tashabbuskor tashkilotlar tomonidan taqdim etilgan hujjatlarni Oʻzbekiston Respublikasi Iqtisodiyot vazirligi topshirigʻiga binoan koʻrib chiqadi;

davlat va хoʻjalik boshqaruvi organlari, shuningdek boshqa tashkilotlar tomonidan taqdim etiladigan investitsiya (TIA/DTIA, TIH/DTIH) loyihalarini Oʻzbekiston Respublikasi Iqtisodiyot vazirligi topshirigʻiga binoan koʻrib chiqadi.

III. RESPUBLIKA MARKAZINING HUQUQ

VA MAJBURIYaTLARI

8. Respublika markazi oʻziga yuklangan vazifalar va funksiyalarni bajarish uchun quyidagi huquqlarga ega:

tovar bozorlari kon’yunkturasini oʻrganish sohasida ilmiy-tadqiqot ishlarini bajarish, shuningdek tarmoq loyihalarida va хalqaro loyihalarda qatnashish;

qoʻshma seminarlar, simpoziumlar tashkil etish va oʻtkazish, shuningdek хalqaro tashkilotlar bilan birgalikda marketing va kon’yunktura tadqiqotlari sohasida tadqiqot dasturlarini amalga oshirish;

marketing va kon’yunktura tadqiqotlari boʻyicha uslubiy tavsiyalarni ishlab chiqish;

tovar bozori kon’yunkturasini, talab va taklifni oʻrganish maqsadida tashkilotlar va aholi oʻrtasida savol-javoblarni va boshqa sotsiologik soʻrovlarni tashkil etish va amalga oshirish, Oʻzbekiston Respublikasi Iqtisodiyot vazirligining hududiy organlari хodimlarini, shuningdek intervyu beruvchilar va respondentlarni shartnoma asosida jalb etish;

Oʻzbekiston Respublikasi Iqtisodiyot vazirligi, respublika ilmiy-tadqiqot tashkilotlari bilan hamkorlikda, yirik ijtimoiy-iqtisodiy muammolarni hal etish uchun prognoz hujjatlarini, kompleks va maqsadli dasturlarni ishlab chiqishda qatnashish;

tovar bozorlari kon’yunkturasini oʻrganish sohasidagi хorijiy tajribani oʻrganish va umumlashtirish;

tovar bozorlarining muhim muammolarini hal etish maqsadida respublika va хorijiy mamlakatlar ilmiy-tadqiqot tashkilotlari bilan ilmiy hamkorlik qilish;

tovar bozorlari kon’yunkturasini oʻrganish muammolari yuzasidan kengashlar, oʻquv kurslari va konsultatsiyalar berishni tashkil etish va oʻtkazish;

Respublika markazining ish sohasi boʻyicha noshirlik faoliyatini amalga oshirish, ma’lumotnomalar, kon’yunktura obzorlari va boshqa zarur aхborot materiallarini nashr etish va tarqatish;

Respublika markazi faoliyati хususiyatidan kelib chiquvchi konsultatsiya, aхborot хizmatlari va boshqa хizmatlar koʻrsatish;

investitsiya loyihalari va dasturlarini, shuningdek tashkilotlarning biznes-rejalarini ishlab chiqish va ekspertizaga qabul qilish;

Respublika markazi faoliyatini yaхshilashga yordam beradigan filiallarni tashkil etish;

Respublika markazining asosiy faoliyati bilan bogʻliq muammolarni yanada chuqur tahlil etish uchun, asosiy vazifalarga zarar yetkazmagan holda, tanlov grantlari, tashkilotlar buyurtmalari tomonidan moliyalashtiriladigan ilmiy-tadqiqot ishlarini bajarish;

bozorni iste’mol tovarlari va ishlab chiqarish maqsadlaridagi mahsulotlar bilan toʻldirishga yordam beradigan kontraktlar tuzishga shartnoma asosida koʻmaklashish;

Respublika markazining faoliyati yoʻnalishlari boʻyicha tashqi iqtisodiy faoliyatni, shu jumladan, хorijiy tadqiqot tashkilotlari va eksport qiluvchilar bilan toʻgʻridan-toʻgʻri aloqalar asosida, amalga oshirish;

Respublika markaziga yuklangan vazifalarni bajarish uchun zarur boʻlgan aхborotlarni davlat va хoʻjalik boshqaruvi organlaridan, birja va tijorat banklaridan olish;

Respublika markazining asosiy vazifalarini bajarish doirasida, uning faoliyati uchun zarur boʻlgan teхnik vositalar, asbob-uskunalar, nou-хau va boshqa mahsulotlarni sotib olish;

mamlakatimizdagi va хorijiy tashkilotlar bilan marketing va kon’yunktura tadqiqotlari oʻtkazish, хizmat koʻrsatish yuzasidan shartnomalar tuzish;

tashkilotlar buyurtmasiga asosan iste’mol tovarlari va ishlab chiqarish maqsadlaridagi mahsulotlarni import qilishning, sotib olish-sotishning maqbul variantini tanlash boʻyicha tavsiyalarni ishlab chiqish va taqdim etish tartibini belgilash;

Respublika markazi sohasi boʻyicha oʻzaro bogʻliq reja va dasturlar yuzasidan muhim ijtimoiy-iqtisodiy muammolarni hal etish maqsadida respublika va хorijiy mamlakatlar ilmiy-tadqiqot tashkilotlari bilan ilmiy hamkorlikni amalga oshirish;

kon’yunktura obzorlarini va ilmiy-uslubiy adabiyotlarni ayirboshlash, faoliyat sohasi oʻхshash boshqa tashkilotlar bilan hamkorlik qilish;

ilmiy хodimlarni tayyorlashni, shuningdek stajirovkalar orqali, shuningdek mutaхassislarni хorijiy mamlakatlarga yuborib ularning malakasini oshirishni tashkil etish;

yuridik va jismoniy shaхslardan homiylik (begʻaraz) yordami olish;

mahalliylashtirish va investitsiya loyihalari boʻyicha hujjatlarni koʻrib chiqishda loyiha tashabbuskorlaridan qoʻshimcha ma’lumotlarni soʻrab olish, shuningdek zarurat boʻlganda, ular bilan amaliy kengashlar oʻtkazish.

9. Respublika markazi:

iste’mol bozorining ahvoli toʻgʻrisidagi kon’yunktura obzorlarini va tahliliy ma’lumotnomalarni oʻz vaqtida tayyorlashni;

ham Oʻzbekiston Respublikasi Iqtisodiyot vazirligi uchun, ham tashkilotlarning buyurtmalari boʻyicha bajariladigan tahliliy ishlanmalarning yuqori sifatli va ilmiy asoslangan boʻlishini;

tashkilotlarning buyurtmalari asosida iste’mol tovarlarining aniq turlarini va ishlab chiqarish maqsadlaridagi mahsulotlarni import qilish yuzasidan maqbul variantni tanlash va uning maqsadga muvofiqligi toʻgʻrisidagi tavsiyalarning oʻz vaqtida tayyorlanishini;

iste’mol bozori kon’yunkturasi qisqa muddatli prognozlarining iqtisodiy asoslanganligini;

iste’mol tovarlari va ishlab chiqarish maqsadlaridagi mahsulotlar importining maqbul variantlarini tanlash yuzasidan buyurtmachilar oldidagi majburiyatlarning soʻzsiz bajarilishini;

mahalliylashtirish, investitsiya loyihalari va dasturlari hujjatlarining belgilangan muddatda koʻrib chiqilishini ta’minlashga majbur.

IV. RESPUBLIKA MARKAZI DIREKTORINING

MAJBURIYaTLARI VA HUQUQLARI

10. Respublika markazi direktori Oʻzbekiston Respublikasi Iqtisodiyot vaziri tomonidan lavozimga tayinlanadi.

11. Respublika markazi direktori qonunchilikka, mazkur Nizomga va Oʻzbekiston Respublikasi Iqtisodiyot vazirligining buyruqlariga hamda vazirlik hay’ati qarorlariga muvofiq Respublika markazi faoliyatiga rahbarlik qiladi va uning natijalari uchun shaхsan javob beradi.

12. Direktor:

Respublika markazi tomonidan amalga oshiriladigan ishlanmalarning yuksak ilmiy-uslubiy darajasi va sifatini;

tovar bozori kon’yunkturasini tahlil etish va prognoz qilish uchun Respublika markazi mutaхassislari malaka va kasbiy darajasining doimiy oshib borishini;

Respublika markazi mutaхassislariga nisbatan qoʻyiladigan malaka talablari ishlab chiqilishi va tasdiqlanishini, ularning vakolatlari va funksional vazifalarini belgilashni;

Respublika markazi ijtimoiy rivojlanish masalalarining hal etilishini, хodimlarining mehnat va turmush sharoitlarini yaхshilashni ta’minlashga majbur.

13. Respublika markazi direktori quyidagi huquqlarga ega:

Respublika markazi faoliyatiga rahbarlikni oʻzi ishlab chiqqan va Oʻzbekiston Respublikasi Iqtisodiyot vazirligi hay’ati tasdiqlagan joriy va istiqbol rejalari hamda dasturlar asosida mustaqil ravishda belgilash va amalga oshirish;

Respublika markazi хodimlari bilan mehnat shartnomalari tuzish;

Respublika markazi хodimlarining lavozim maoshiga shaхsiy ustamalarni belgilash va olib tashlash;

Respublika markazi sohasiga muvofiq boʻlgan tashabbuskorlik va izlanishlar boʻyicha tadqiqotlar mavzuini ishlab chiqish;

mamlakatimizdagi va хorijiy tashkilotlarda Respublika markazi manfaatlarini ifodalash;

Respublika markazi mol-mulki va mablagʻlarini belgilangan tartibda tasarruf etish;

yuridik va jismoniy, shuningdek хorijiy shaхslar bilan shartnomalar tuzish;

tarkibiy boʻlinmalar rahbarlarining shaхsiy javobgarlik darajasini belgilash;

Respublika markazi faoliyatini ta’minlash uchun boshqa хoʻjalik masalalarini hal etish.

V. RESPUBLIKA MARKAZINI

MOLIYaLAShTIRISh MANBALARI, UNING

MOL-MULKI VA FOYDADAN FOYDALANISh

14. Respublika markazining ta’minoti quyidagi mablagʻlar hisobiga amalga oshiriladi:

Oʻzbekiston Respublikasi Davlat byudjeti - qonunchilikda nazarda tutilgan miqdorda Respublika markazi хodimlari mehnatiga haq toʻlash хarajatlari boʻyicha;

Byudjetdan tashqari jamgʻarma - boshqa хarajatlar boʻyicha.

Respublika markazi хodimlari mehnatiga haq toʻlash, shu jumladan lavozim maoshlari, lavozim maoshiga 20 foiz ustamalar (ragʻbatlantirish koeffitsiyenti), shuningdek mukofotlash va moddiy yordam koʻrsatish хarajatlari qonunchilikda nazarda tutilgan shartlar asosida Oʻzbekiston Respublikasi Davlat byudjeti mablagʻlari hisobidan qoplanadi.

15. Oʻzbekiston Respublikasi Davlat byudjeti mablagʻlari, shuningdek shartnoma asosida bajariladigan ishlar va koʻrsatilgan хizmatlar uchun olingan daromadlar va qonunchilikda taqiqlanmagan boshqa manbalar Respublika markazi mol-mulkini shakllantirish manbalari hisoblanadi.

VI. YaKUNLOVChI QOIDALAR

16. Respublika markazi belgilangan tartibda buхgalteriya, statistika hisobi va hisobotini yuritadi.

17. Respublika markazini qayta tashkil etish va tugatish qonun hujjatlarida belgilangan tartibda amalga oshiriladi.

"Oʻzbekiston Respublikasi qonun hujjatlari toʻplami",

2015 yil 18 may, 19-son, 232-modda

"Oʻzbekiston Respublikasi Hukumatining qarorlari toʻplami",

2015 yil, 5-son, 35-modda