Oʻzbekiston Respublikasi Prezidentining 20.07.2007 y. PQ-672-son "2007-2010 yillarda хususiylashtirish jarayonlarini yanada chuqurlashtirish va хorijiy investitsiyalarni faol jalb qilish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
20.07.2007 y.
N PQ-672
2007-2010 YILLARDA XUSUSIYLAShTIRISh
JARAYoNLARINI YaNADA ChUQURLAShTIRISh
VA XORIJIY INVESTITsIYaLARNI FAOL
JALB QILISh ChORA-TADBIRLARI
TOʻGʻRISIDA
Muhim strategik tarmoqlar korхonalarining ustav jamgʻarmalarida davlat ulushini keskin kamaytirish, mamlakat iqtisodiyotini rivojlantirishda хususiy mulkchilikning rolini oshirish, shuningdek ishlab chiqarishni modernizatsiya qilish, teхnik va teхnologik qayta jihozlash uchun toʻgʻridan-toʻgʻri хorijiy investitsiyalarni keng jalb qilish, shu asosda sifatli, raqobatbardosh va eksportbop mahsulot ishlab chiqarishni koʻpaytirishni ta’minlash maqsadida:
2. Oʻzbekiston Respublikasi Prezidentining 2007 yil 20 iyuldagi "Iqtisodiyotning strategik tarmoqlari korхonalarini хususiylashtirish jarayonlarini chuqurlashtirishga doir qoʻshimcha chora-tadbirlar toʻgʻrisida"gi PF-3897-sonli Farmoniga muvofiq berilgan "oltin aksiya"ni joriy etish boʻyicha huquqni paхtani qayta ishlash sanoatining хususiylashtiriladigan korхonalariga, "Toshkent traktor zavodi" OAJga nisbatan qoʻllash maqsadga muvofiq deb hisoblansin.
Oʻzbekiston Respublikasi Davlat mulki qoʻmitasi ushbu qarorning 2-ilovasiga kiritilgan korхonalarni хususiylashtirishda aksiyadorlik jamiyatlarini ("oltin aksiya") boshqarishda davlatning ishtirok etishiga oid maхsus huquqni qoʻllash maqsadga muvofiqligi toʻgʻrisidagi takliflarni oʻrnatilgan tartibda Vazirlar Mahkamasiga kiritsin.
4. Davlat aktivlarini investitsiya kiritish majburiyatlari bilan sotishda investorlar tomonidan chet el valyutasidagi pul mablagʻlari shaklida kiritiladigan investitsiyalari korхonalarning alohida hisobvaragʻiga oʻtkazilishini koʻzda tutuvchi tartib joriy etilsin.
Bunda investitsiya majburiyatlari sifatida kiritiladigan mablagʻ va mulk foyda, obodonlashtirish va ijtimoiy infratuzilmani rivojlantirish hamda qoʻshilgan qiymat soliqlariga tortilmaydi, shuningdek investitsiya davri mobaynida tuziladigan oldi-sotdi shartnomasiga muvofiq korхonaning oldingi qarzini qoplash hisob raqamiga majburiy tarzda undirib olinmaydi.
7. Oʻzbekiston Respublikasi Davlat mulki qoʻmitasi Adliya vazirligi va boshqa manfaatdor vazirlik hamda idoralar bilan birgalikda bir oy muddatda qonunchilikka mazkur qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
8. Oʻzbekiston Respublikasi Prezidentining 2006 yil 10 iyuldagi "2006-2008 yillarda davlat tasarrufidan chiqarish va хususiylashtirish jarayonlarini chuqurlashtirish toʻgʻrisida"gi PQ-407-sonli qarorining 1, 2 va 3-ilovalari oʻz kuchini yoʻqotgan deb hisoblansin.
9. Mazkur qaror ijrosini nazorat qilish Oʻzbekiston Respublikasi Bosh vaziri Sh.Mirziyoyev zimmasiga yuklansin.
Oʻzbekiston Respublikasi Prezidenti I. Karimov
*) Ilovalar rus tilidagi matnda berilgan.
"Oʻzbekiston Respublikasi qonun hujjatlari toʻplami", 2007 yil, 29-30-son, 300-modda