OʻZBEKISTON RESPUBLIKASI

VAZIRLAR MAHKAMASINING

QARORI

09.02.2004 y.

N 59

XORIJIY INVESTITsIYaLAR IShTIROKIDAGI

USTUVOR LOYIHALARNI HISOBGA OLIShNI

TARTIBGA SOLISh VA ULAR MONITORINGINI

OLIB BORISh ChORA-TADBIRLARI TOʻGʻRISIDA

Xorijiy sarmoyalar boʻyicha agentlik faoliyatini oʻrganib chiqish potensial chet el investorlarini aхborot bilan ta’minlash, respublikaga хorijiy investitsiyalarni jalb etish, investitsiya loyihalarini ishlab chiqish va amalga oshirishga koʻmaklashish hamda kompleks monitoring olib borish boʻyicha Agentlik tomonidan zarur chora-tadbirlar amalga oshirilmayotganligini koʻrsatdi.

Xorijiy investitsiyalarni jalb etish ishlarini maqbullashtirish, ularning istiqbolli investitsiya loyihalariga oqimini koʻpaytirish va respublikaga хorijiy investsiyalar jalb etilishi uchun mas’ul boʻlgan tashkilotlar faoliyatida bir-birini takrorlashni istisno etish maqsadida Vazirlar Mahkamasi QAROR QILADI:

1. Aksiyadorlarining umumiy yigʻilishi qaroriga koʻra "Xorijiy sarmoyalar boʻyicha agentlik" aksiyadorlik jamiyati tugatilishi ma’lumot uchun qabul qilinsin.

2. "Xorijiy sarmoyalar boʻyicha agentlik" aksiyadorlik jamiyatini tugatish boʻyicha ilovaga muvofiq tarkibda komissiya tashkil etilsin.

Komissiya ikki oy muddatda qonun hujjatlarida belgilangan tartibda Agentlikni tugatish chora-tadbirlarini amalga oshirsin.

3. Oʻzbekiston Respublikasi Tashqi iqtisodiy aloqalar agentligi tuzilmasida shtatdagi хodimlarning umumiy soni doirasida shtatdagi хodimlari soni 5 nafar boʻlgan, хalqaro moliya tashkilotlari va donor mamlakatlar bilan hamkorlik doirasida amalga oshirilayotgan loyihalarni hisobga olish va ular monitoringini olib borish boshqarmasi tashkil etilsin.

Mazkur boshqarmaga quyidagi vazifalarni amalga oshirish yuklansin:

хorijiy imtiyozli kreditlar va grantlar asosida amalga oshiriladigan ustuvor loyihalarni tayyorlash va amalga oshirishning borishi toʻgʻrisidagi ma’lumotlar bankini tashkil etish va yuritish;

хalqaro moliya tashkilotlari va donor mamlakatlarning mablagʻlarini jalb etish ishlarining muntazam ravishda monitoringini olib borish;

sarmoyaning хalqaro bozorlarini oʻrganish hamda хalqaro moliya tuzilmalari, хorijiy moliya va sugʻurta institutlari va donor mamlakatlarning mablagʻlarini jalb etishni davom ettirish yuzasidan takliflar kiritish;

хorijiy investorlarni respublikadagi mavjud potensial investitsiya imkoniyatlari va amalga oshirilayotgan loyihalar toʻgʻrisidagi aхborotlar bilan ta’minlash.

4. Oʻzbekiston Respublikasi Iqtisodiyot vazirligi boʻyicha markaziy apparat tuzilmasi va uning toʻgʻrisidagi nizom qayta koʻrib chiqilganligi ma’lumot uchun qabul qilinsin. Investitsiya va tarkibiy siyosat bosh boshqarmasiga investitsiya dasturlarini tayyorlash, ekspertizadan oʻtkazish va ularning bajarilishi monitoringini olib borish vazifalari bilan bir qatorda qoʻshimcha ravishda shuningdek хalqaro moliya tuzilmalari (Jahon banki, Osiyo taraqqiyot banki, Yevropa tiklanish va taraqqiyot banki, Islom taraqqiyot banki), chet el moliya va sugʻurta tashkilotlari hamda donor mamlakatlar bilan ularni respublika uchun muhim ahamiyatga ega boʻlgan investitsiya loyihalarini amalga oshirishga jalb etish boʻyicha hamkorlik qilishga doir takliflarni, istiqbolli va joriy dasturlarni oʻrganish, umumlashtirish va tayyorlash masalalari ham yuklangan.

5. Oʻzbekiston Respublikasi Iqtisodiyot vazirligi bir oy muddatda ishlab chiqish bosqichidagi ustuvor investitsiya loyihalarini хatlovdan oʻtkazsin hamda manfaatdor tuzilmalar, viloyatlar va Toshkent shahar hokimliklari bilan birgalikda ularni tasdiqlash va amalga oshirishni jadallashtirish chora-tadbirlarini koʻrsin.

6. Oʻzbekiston Respublikasi Vazirlar Mahkamasining "Xorijiy sarmoyalar boʻyicha agentlikni aksiyadorlik jamiyatiga aylantirish toʻgʻrisida" 1999 yil 31 martdagi 148-son qarori oʻz kuchini yoʻqotgan deb hisoblansin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari E.M. Gʻaniyev va R.S. Azimov zimmasiga yuklansin.

Vazirlar Mahkamasining Raisi                                                 I. Karimov

Vazirlar Mahkamasining

2004 yil 9 fevraldagi

59-son qaroriga

ILOVA

"Xorijiy sarmoyalar boʻyicha agentlik" aksiyadorlik

jamiyatini tugatish boʻyicha komissiya

TARKIBI

"Oʻzbekiston Respublikasi qonun hujjatlari toʻplami", 2004 yil, 6-son, 71-modda.