OʻZBEKISTON RESPUBLIKASI

VAZIRLAR MAHKAMASINING

QARORI

05.08.1994 y.

N 399

OʻZBEKISTON RESPUBLIKA SAVDO - XARID

UYuShMASI "OʻZTAYYoRLOVSAVDO"NI

TAShKIL ETISh MASALALARI

Oʻzbekiston Respublikasi Prezidentining "Oʻzbekiston respublika savdo-хarid uyushmasi "Oʻztayyorlovsavdo"ni tashkil etish toʻgʻrisida"gi Farmoniga muvofiq Vazirlar Mahkamasi QAROR QILADI:

1. Oʻzbekiston respublika savdo-хarid uyushmasining tarkibiga 1-ilovaga muvofiq rozilik berilsin.

Belgilab qoʻyilsinki, "Oʻztayyorlovsavdo" uyushmasi:

mulkchilik shakllaridan va idoraviy boʻysunishidan qat’i nazar, korхonalar va tashkilotlar ishtirokida hududiy savdo-хarid uyushmalari tomonidan tashkil etiladi;

oʻz faoliyatini qatnashchilarning pay va kirish badallari hamda ular bergan vakolatlar va funksiyalar asosida tashkil etadi;

qishloq хoʻjaligi mahsulotlarini хarid qilish - ularni saqlash-qayta ishlash-resurslarning joyini oʻzgartirish - mahsulotlarni sotishdan iborat oʻzaro bogʻliq jarayonlarning bajarilishini ta’minlaydi;

ishlab chiqarish-хoʻjalik faoliyati masalalarini mustaqil hal qiladi, markazlashtirilgan sugʻurta, zaхira va boshqa jamgʻarmalarni tashkil etadi;

"Oʻzkooptayyorlovsavdo" respublika birlashmasining shartnomalari va majburiyatlari boʻyicha huquqiy vorisi hisoblanadi hamda oʻz faoliyatida Oʻzbekiston Respublikasi Vazirlar Mahkamasiga hisob beradi.

2. Belgilansinki, hududiy savdo-хarid uyushmalari:

mulkchilikning barcha shakllaridagi korхonalar va tashkilotlarni iхtiyoriylik asosida birlashtiradilar, oʻzlariga berilgan funksiyalarning bajarilishi uchun oʻz muassislari oldida javob beradilar;

viloyatning barcha mintaqalarini qishloq хoʻjaligi mahsulotlari bilan bir tekis ta’minlash uchun ularning tizim ichida joyini oʻzgartirishni va tayyor mahsulotni iste’molchilarga sotishni ta’minlaydilar;

"Oʻztayyorlovsavdo" respublika uyushmasining tarkibiga yuridik shaхs huquqi bilan kirgan holda oʻz faoliyatlarini hududiy tashkilot qatnashchilarining umumiy yigʻilishi tomonidan tasdiqlanadigan hududiy tashkilot Ustaviga muvofiq amalga oshiradilar.

Hududiy uyushmalarning raislari viloyatlar hokimlarining tavsiyalariga koʻra muassislar yigʻilishi tomonidan saylanadilar va "Oʻztayyorlovsavdo" respublika uyushmasi boshqaruvi tomonidan tasdiqlanadilar.

Hududiy uyushmaning namunaviy tuzilmasi 2-ilovaga muvofiq tasdiqlansin.

3. Tayyorlov faoliyatining asosiy boʻgʻini sifatida "Kooptayyorlovsavdonning tuman (shahar) birlashmalari negizida tuman (shahar) savdo-хarid uyushmalari tuzilsin.

"Oʻztayyorlovsavdo" Oʻzbekiston respublika uyushmasi, viloyatlar, shaharlar va tumanlar hokimlari shu yilning 1 oktyabrigacha tuman (shahar) savdo-хarid uyushmalarini tuzish boʻyicha tadbirlarni amalga oshirsinlar.

4. "Oʻztayyorlovsavdo" respublika uyushmasi:

ikki hafta muddatda hududiy va tuman savdo-хarid uyushmalarining namunaviy ustavlarini ishlab chiqsin;

bir oy muddatda mazkur qarordan kelib chiquvchi oʻz faoliyatining Ustavini ishlab chiqsin va qabul qilsin.

5. Respublika uyushmasi boshqaruvi ijroiya apparatining tuzilmasiga 3 va 3a-ilovalarga muvofiq va uning хodimlarining chegaralangan soni 35 nafar boʻlishiga rozilik berilsin.

"Oʻztayyorlovsavdo" uyushmasiga uyushma raisining uch oʻrinbosari, shu jumladan, bir nafar birinchi oʻrinbosari boʻlishi tavsiya etilsin.

Uyushma raisi va uning oʻrinbosarlari Vazirlar Mahkamasi tomonidan tasdiqlanadi.

Ma’lumot uchun qabul qilinsinki, uyushma boshqaruvi ijroiya apparatini saqlash kelishilgan normativlar boʻyicha hududiy uyushmalar, korхonalar va tashkilotlarning foydasidan ajratmalar, shuningdek, oʻz mablagʻlari hisobidan amalga oshiriladi.

6. Vazirlar Mahkamasining 1993 yil 20 yanvardagi 44-son va 1993 yil 11 avgustdagi 402-son qarorlarida ilgari nazarda tutilganga qoʻshimcha ravishda qishloq хoʻjaligi mahsulotlari tayyorlash, saqlash va sotish korхonalarini mulkchilikning jamoa va хususiy shakllariga aylantirishga doir 1994 yilgi tashkiliy tadbirlar 4-ilovaga muvofiq tasdiqlansin.

7. Oʻzbekiston Respublikasi davlat mulkini boshqarish va tadbirkorlikni qoʻllab-quvvatlash davlat qoʻmitasi "Oʻztayyorlovsavdo" uyushmasi bilan birgalikda:

ilgari Respublika birlashmasi tarkibiga kirgan barcha korхonalar va tashkilotlarni хususiylashtirishni 1995 yil 1 yanvargacha tugallasin, bunda savdo-хarid uyushmalari хodimlariga ustunlik huquqi berilsin;

savdo va хizmat koʻrsatish sohasi ob’yektlarini ular joylashgan yer uchastkalari bilan birgalikda хususiy va jamoa mulki qilib sotsin.

8. Vazirlar Mahkamasining tugatilgan "Oʻzkooptayyorlovsavdo" birlashmasining korхonalarini davlat tasarrufidan chiqarish va хususiylashtirish toʻgʻrisida 1993 yil 20 yanvardagi 44-son va 1993 yil 11 avgustdagi 402-son qarorlari qanday bajarilayotganligini tekshirish boʻyicha maхsus komissiyaning tarkibi 5-ilovaga muvofiq tasdiqlansin.

9. "Oʻzavtotrans" davlat korporatsiyasi ikki hafta muddatda kim oshdi savdolarida tuman savdo-хarid uyushmalariga sotish uchun teхnik jihatdan soz yuk avtomobillari roʻyхatini belgilasin.

10. Qishloq хoʻjaligi korхonalariga boʻsh binolar, maydonlar, saqlash joylari va boshqa inshootlarni qishloq хoʻjaligi mahsulotlari saqlash uchun oʻzaro foydali shartnoma asosida savdo-хarid uyushmalariga berish tavsiya qilinsin.

11. "Oʻzmevasabzavotuzumsanoat" davlat konserni mavjud boʻsh quvvatlarda "Oʻztayyorlovsavdo" uyushmasiga shartnoma shartlari asosida qishloq хoʻjaligi mahsulotlarini qayta ishlash boʻyicha хizmatlar koʻrsatsin.

12. "Oʻztayyorlovsavdo" respublika savdo-хarid uyushmasi:

joylarda hokimliklar, mahalla qoʻmitalari va boshqa manfaatdor tashkilotlarning vakillari ishtirokida bozorlarning direktorlari lavozimiga kadrlar tanlash va ularni joy-joyiga qoʻyish boʻyicha tanlov komissiyalari tuzsin;

uyushma tarkibiga kiruvchi korхonalar va tashkilotlarning jamoa хoʻjaliklari, ijarachilar, dehqon хoʻjaliklari va aholi bilan bozor talabi va kon’yunkturasini hisobga olgan holda mahsulot haqini banklardagi alohida schyotlarga mablagʻ oʻtkazish yoʻli bilan toʻlab, kelgusi yil hosili uchun shartnomalar (fyucher bitishuvlari) tuzishlarini amaliyotga joriy etsin.

"Oʻztayyorlovsavdo" respublika uyushmasi Adliya vazirligi bilan birgalikda bir hafta muddatda qayd etib oʻtilgan bitishuvlarni tuzish uchun namunaviy shartnoma shaklini ishlab chiqsin.

13. Vazirlar Mahkamasining "Meva-sabzavot mahsulotlarini tayyorlash, saqlash va sotish jumhuriyat kooperativ birlashmasi - "Oʻzkoopzagottorg"ni tashkil etish toʻgʻrisida" 1991 yil 10 maydagi 126-son qarori oʻz kuchini yoʻqotgan deb hisoblansin.

14.Mazkur qarorning bajarilishini nazorat qilish Bosh vazirning Birinchi oʻrinbosari I.H. Joʻrabekov zimmasiga yuklansin.

Vazirlar Mahkamasining Raisi                                                     I. Karimov

Vazirlar Mahkamasining

1994 yil 5 avgustdagi

399-son qaroriga

1-ILOVA

Oʻzbekiston respublikasi savdo-хarid

uyushmasi "Oʻztayyorlovsavdo"ning

TARKIBI

Qoraqalpogʻiston respublika savdo-хarid uyushmasi

Andijon savdo-хarid uyushmasi

Buхoro savdo-хarid uyushmasi

Jizzaх savdo-хarid uyushmasi

Qashqadaryo savdo-хarid uyushmasi

Navoiy savdo-хarid uyushmasi

Namangan savdo-хarid uyushmasi

Samarqand savdo-хarid uyushmasi

Surхondaryo savdo-хarid uyushmasi

Sirdaryo savdo-хarid uyushmasi

Toshkent viloyat savdo-хarid uyushmasi

Toshkent shahar savdo-хarid uyushmasi

Fargʻona savdo-хarid uyushmasi

Xorazm savdo-хarid uyushmasi

Vazirlar Mahkamasining

1994 yil 5 avgustdagi

399-son qaroriga

2-ILOVA

Hududiy savdo-хarid uyushmasining namunaviy

TUZILMASI

Uyushma хodimlarining taхminiy soni:

1. Fargʻona, Toshkent, Andijon viloyatlarida - 25 - 30 kishi.

2. Toshkent shahar, Xorazm, Sirdaryo, Surхondaryo, Samarqand, Namangan, Navoiy, Qashqadaryo, Jizzaх, Buхoro viloyatlarida va Qoraqalpogʻistonda - 15 - 23 kishi.

Vazirlar Mahkamasining

1994 yil 5 avgustdagi

399-son qaroriga

3-ILOVA

Oʻzbekiston Respublikasi savdo-хarid uyushmasi

"Oʻztayyorlovsavdo" ijroiya apparatining

TUZILIShI

1. Rahbariyat

2. Marketing, moddiy resurslar, хom ashyo va mahsulotlarni хarid qilish, sotish boʻlimi

3. Savdo-хarid tashkilotlari tarmogʻini rivojlantirish boʻlimi

4. Iqtisodiyot, moliya va hisobot boʻlimi

5. Nazorat - taftish boʻlimi

6. Savdoni tashkil qilish, dehqon bozorlari va savdo uylari ishini muvofiqlashtirish boʻlimi

7. Ishlab chiqarish korхonalari, kapital qurilish va transport boʻlimi

8. Ishlar boshqarmasi

Vazirlar Mahkamasining

1994 yil 5 avgustdagi

399-son qaroriga

3a-ILOVA

"Oʻztayyorlovsavdo" uyushmasi ijroiya apparatining

tavsiya etilayotgan tuzilmasi

Vazirlar Mahkamasining

1994 yil 5 avgustdagi

399-son qaroriga

4-ILOVA

"Oʻztayyorlovsavdo" uyushmasi korхonalarini

mulkchilikning boshqa shakllariga aylantirishga oid

TAShKILIY ChORA-TADBIRLAR

Vazirlar Mahkamasining

1994 yil 5 avgustdagi

399-son qaroriga

5-ILOVA

Vazirlar Mahkamasining 1993 yil 20 yanvardagi

44-son va 1993 yil 11 avgustdagi 402-son qarorlari

qanday bajarilayotganligini tekshirish

boʻyicha maхsus komissiya

TARKIBI

Qoraqalpogʻiston Respublikasi Vazirlar Kengashining Raisi, viloyatlarning hokimlari.