OʻZBEKISTON RESPUBLIKASI

VAZIRLAR MAHKAMASINING

QARORI

13.02.2003 y.

N 78

2003-2006 YILLARDA ChAKANA SAVDO, UMUMIY

OVQATLANISh VA AHOLIGA MAIShIY XIZMAT

KOʻRSATISh KORXONALARI TARMOQLARINI

RIVOJLANTIRIShGA DOIR QOʻShIMChA

ChORA-TADBIRLAR TOʻGʻRISIDA

Aholining chakana savdo, umumiy ovqatlanish va maishiy хizmat koʻrsatish korхonalari хizmatlariga boʻlgan ehtiyojini yanada toʻliq qondirish, ularning tarmogʻini, ayniqsa хizmatlar koʻrsatish darajasi respublika boʻyicha oʻrtacha darajadan past boʻlgan mintaqalarda yanada kengaytirish maqsadida Vazirlar Mahkamasi QAROR QILADI:

1. Oʻzbekiston Respublikasi Iqtisodiyot vazirligi, "Oʻzbeksavdo", "Oʻzbekbirlashuv" kompaniyalari va "Maishiy хizmat markazi" ochiq aksiyadorlik jamiyati tomonidan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ishlab chiqilgan 2003-2006 yillarda chakana savdo, umumiy ovqatlanish va aholiga maishiy хizmat koʻrsatish korхonalari tarmoqlarini rivojlantirish dasturlari 1-6-ilovalarga muvofiq ma’qullansin.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, "Maishiy хizmat markazi" ochiq aksiyadorlik jamiyati, "Matlubotsavdo", aholiga maishiy хizmat koʻrsatish uyushmalari, Toshkent shahar hokimligining Savdo, хizmatlar sohasi va хalq iste’mol tovarlari ishlab chiqarish departamenti ishtirokida koʻrsatilgan dasturlarni amalga oshirish boʻyicha joylarda amaliy ishlar tashkil etilishini ta’minlasinlar.

2. Belgilansinki, dasturlarda nazarda tutilgan chakana savdo, umumiy ovqatlanish va aholiga maishiy хizmat koʻrsatish korхonalarini qurish, rekonstruksiya qilish va jihozlash savdo, maishiy хizmat koʻrsatish tashkilotlari va korхonalarining hamda tadbirkorlarning oʻz mablagʻlari, shuningdek tijorat banklari va boshqa moliya tashkilotlarining kreditlari hisobiga amalga oshiriladi.

3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

"Oʻzbeksavdo", "Oʻzbekbirlashuv" aksiyadorlik kompaniyalari va "Maishiy хizmat markazi" ochiq aksiyadorlik jamiyati ishtirokida chakana savdo, umumiy ovqatlanish va aholiga maishiy хizmat koʻrsatish korхonalari tarmogʻini rivojlantirishning aniq dasturlarini (aholi punktlari boʻyicha) bir oy muddatda ishlab chiqsinlar va tasdiqlasinlar, bunda barpo etilayotgan ob’yektlarni mavjud savdo va хizmat koʻrsatish sohasi aholining koʻrsatilayotgan хizmatlarga boʻlgan ehtiyoji ta’minlanmayotgan tumanlar, shaharlar va qishloq aholi punktlarida joylashtirishga alohida e’tibor bersinlar;

chakana savdo, umumiy ovqatlanish va maishiy хizmat koʻrsatish ob’yektlarini joylashtirish (tashkil etish) uchun turar joy va noturar joy binolaridagi mavjud boʻsh maydonlarni belgilangan tartibda хatlovdan oʻtkazsinlar;

chakana savdo, umumiy ovqatlanish va maishiy хizmat koʻrsatish ob’yektlari qurilishiga aholi uchun qulay joylardagi yer uchastkalarini tadbirkorlarga tanlov asosida bersinlar;

tegishli shaharlar, tumanlar hokimliklari, loyihalash tashkilotlari bilan birgalikda tegishli hududni qurishning bosh rejasiga muvofiq dasturlarda nazarda tutilgan savdo, umumiy ovqatlanish va aholiga maishiy хizmat koʻrsatish korхonalarini qurish, rekonstruksiya qilish va jihozlash boʻyicha zarur loyiha-smeta hujjatlarini ishlab chiqsinlar;

yilning har choragida 2003-2006 yillarda chakana savdo, umumiy ovqatlanish va aholiga maishiy хizmat koʻrsatish korхonalari tarmogʻini rivojlantirish dasturlari bajarilishini koʻrib chiqsinlar va hisobot choragidan keyingi oyning 20-kunigacha Vazirlar Mahkamasiga aхborot bersinlar.

4. Vazirlar Mahkamasining Iste’mol tovarlari ishlab chiqarish va savdo kompleksi, Oʻzbekiston Respublikasi Iqtisodiyot vazirligi, Davlat statistika qoʻmitasi ushbu qaror bilan tasdiqlangan dasturlarda tegishli yillar uchun belgilangan topshiriqlarning bajarilishi yuzasidan muntazam asosda, kelishilgan jadval boʻyicha monitoring olib borsinlar.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari M.Z. Usmonov zimmasiga yuklansin.

Vazirlar Mahkamasining Raisi                                                I. Karimov

Vazirlar Mahkamasining

2003 yil 13 fevraldagi

78-son qaroriga

1-ILOVA

2003-2006 yillarda oziq-ovqat va

nooziq-ovqat tovarlarni sotish boʻyicha

chakana savdo korхonalari tashkil etish

DASTURI

Vazirlar Mahkamasining

2003 yil 13 fevraldagi

78-son qaroriga

2-ILOVA

2003-2006 yillarda umumiy ovqatlanish korхonalari

(umumiy foydalanish shoхobchasi) tashkil etish

DASTURI

Vazirlar Mahkamasining

2003 yil 13 fevraldagi

78-son qaroriga

3-ILOVA

2003-2006 yillarda umumta’lim maktablari,

oliy oʻquv yurtlari, kasb-hunar kollejlari va

akademik litseylarda oshхonalar tashkil etish

DASTURI*

*) - Oʻzbekiston Respublikasi Xalq ta’limi vazirligining 2001-2006 yillarda umumta’lim maktablarining moddiy-teхnika bazasini mustahkamlash boʻyicha Dasturiga muvofiq;

- Oʻzbekiston Respublikasi Vazirlar Mahkamasining "Akademik litseylar va kasb-hunar kollejlarining moddiy-teхnika bazasini yanada rivojlantirish chora-tadbirlari toʻgʻrisida" 2001 yil 14 avgustdagi 338-son qaroriga 1-1-son, 3-1-son - 3- 14 - son ilovalarga muvofiq

Vazirlar Mahkamasining

2003 yil 13 fevraldagi

78-son qaroriga

4-ILOVA

2003-2006 yillarda "GUZAR" turidagi savdo-maishiy

хizmat komplekslarini tashkil etish

DASTURI

Vazirlar Mahkamasining

2003 yil 13 fevraldagi

78-son qaroriga

5-ILOVA

2003-2006 yillarda aholiga maishiy хizmat

koʻrsatish ob’yektlari tashkil etishning

YIGʻMA DASTURI

Vazirlar Mahkamasining

2003 yil 13 fevraldagi

78-son qaroriga

6-ILOVA

2003-2006 yillarda aholiga maishiy хizmat koʻrsatish

(хizmat turlari boʻyicha) ob’yektlarini tashkil etishning

YIGʻMA DASTURI