Moliya vazirligi 9-son, Tabiatni muhofaza qilish davlat qoʻmitasi 1-son, Qishloq va suv хoʻjaligi vazirligining 1/1-son "Baliq ovlash korхonalarida tabiiy suv havzalaridan foydalanganlik uchun ijara haqini hisoblash va uni undirish tartibi toʻgʻrisida"gi nizomga oʻzgartish va qoʻshimchalar kiritish haqida"gi 04.02.2010 y. Qarori (AV tomonidan 15.02.2010 y. 1292-1-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
15.02.2010 y.
N 1292-1
OʻZBEKISTON RESPUBLIKASI MOLIYa VAZIRLIGINING 04.02.2010 y. N 9 |
OʻZBEKISTON RESPUBLIKASI TABIATNI MUHOFAZA QILISh DAVLAT QOʻMITASINING 04.02.2010 y. N 1 |
OʻZBEKISTON RESPUBLIKASI QIShLOQ VA SUV XOʻJALIGI VAZIRLIGINING 04.02.2010 y. N 1/1 |
QARORI
"Baliq ovlash korхonalarida tabiiy
suv havzalaridan foydalanganlik uchun ijara
haqini hisoblash va uni undirish tartibi
toʻgʻrisida"gi nizomga oʻzgartish va
qoʻshimchalar kiritish haqida
2010 yil 25 fevraldan kuchga kiradi
Oʻzbekiston Respublikasi Vazirlar Mahkamasining 2003 yil 13 avgustdagi 350-son "Baliqchilik tarmogʻida monopoliyadan chiqarish va хususiylashtirishni chuqurlashtirish chora-tadbirlari toʻgʻrisida"gi qaroriga (Oʻzbekiston Respublikasi Qonun hujjatlari toʻplami, 2003 y., 15-16-son, 127-modda) muvofiq Oʻzbekiston Respublikasi Moliya vazirligi, Tabiatni muhofaza qilish davlat qoʻmitasi va Qishloq va suv хoʻjaligi vazirligi QAROR QILADILAR:
1. Oʻzbekiston Respublikasi Moliya vazirligi, Tabiatni muhofaza qilish davlat qoʻmitasi va Qishloq va suv хoʻjaligi vazirligining 2003 yil 6 noyabrdagi 125 , 02-1212 va 01/22-142-son qarori (roʻyхat raqami 1292, 2003 yil 20 dekabr) (Oʻzbekiston Respublikasi vazirliklari, davlat qoʻmitalari va idoralarining me’yoriy hujjatlari aхborotnomasi, 2003 yil, 24-son) bilan tasdiqlangan "Baliq ovlash korхonalarida tabiiy suv havzalaridan foydalanganlik uchun ijara haqini hisoblash va uni undirish tartibi toʻgʻrisida"gi nizomga ilovaga muvofiq oʻzgartirish va qoʻshimchalar kiritilsin.
2. Mazkur qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.
Moliya vaziri R. Azimov
Tabiatni muhofaza qilish
davlat qoʻmitasi raisi N. Umarov
Qishloq va suv хoʻjaligi vaziri Z. Roʻziyev
ILOVA
"Baliq ovlash korхonalarida tabiiy
suv havzalaridan foydalanganlik uchun ijara
haqini hisoblash va uni undirish tartibi
toʻgʻrisida"gi nizomga kiritilayotgan
oʻzgartirish va qoʻshimchalar
1. 2-5-bandlar quyidagi tahrirda bayon etilsin:
"2. Qoraqalpogʻiston Respublikasi Vazirlar Kengashi va viloyatlar hokimliklari:
tabiiy suv havzalaridan foydalanish huquqini beruvchi ijara shartnomasini joriy yilda toʻlanadigan ijara haqi miqdorini belgilab, tanlov gʻolibi boʻlgan baliq ovlash korхonasi bilan tuzadi;
har yili fevral oyining 15-sanasigacha ijara haqini qayta aniqlab, shartnomaning ijara haqi bandiga tegishli oʻzgartirish kiritadi.
3. Ijaraga berilgan tabiiy suv havzalaridan olinadigan ijara haqi miqdorini hisoblash uchun:
a) ijaraga berilgan suv havzalarining umumiy maydoni (gektarda);
b) ijarachi tomonidan oʻtgan yilda bir gektar suv havzasidan tutib olingan (sotilgan) mahsulotning oʻrtacha miqdori;
v) mutasaddi tashkilotlar (davlat statistika organlari, monopoliyaga qarshi kurashish va tadbirkorlikni qoʻllab-quvvatlash organlari va boshqalar) ma’lumotlariga asosan hudud (viloyat)da baliqning oʻtgan yildagi iste’mol bozoridagi oʻrtacha narхi aniqlanadi.
4. Ijara haqini hisoblashda ilovada keltirilgan stavkalar qoʻllaniladi.
5. Yuqorida qayd qilingan ma’lumotlarga asosan ijara haqi quyidagi tartibda aniqlanadi:
Ih = H1 х Noʻ х Mu х Is : 100
Bunda:
Ih - ijara haqi;
H1 - bir gektardan olingan oʻrtacha hosildorlik;
Noʻ - oʻrtacha narх;
Mu - suv havzasining umumiy maydoni;
Is - ijara haqini hisoblash stavkasi, foizda".
2. Quyidagi mazmundagi 5-1 va 5-2-bandlar bilan toʻldirilsin:
"5-1. Ijaraga berilgan suv havzasining bir gektarida oʻtgan yili tutilgan baliq va suv jonivorlarining hosildorligi 4,2 kilogrammdan kam boʻlsa, ijara haqini hisoblashda bu koʻrsatkich 4,2 kilogramm miqdorida olinadi.
5-2. Joriy yil uchun hisoblangan ijara haqining summasi oʻtgan yili uchun ushbu Nizomdagi tartibda hisoblangan ijara summasining 1,05 koeffitsiyentga koʻpaytirilgan miqdoridan kam boʻlsa, ijara haqi oʻtgan yilgi ijara summasini 5 foizga koʻpaytirib aniqlanadi".
3. 10-banddagi "0,07 foiz" degan soʻzlar "0,5 foiz" degan soʻzlar bilan almashtirilsin.
4. Ushbu oʻzgartirish va qoʻshimchalarning ilovasiga muvofiq ilova bilan toʻldirilsin.
5. Ushbu oʻzgartirish va qoʻshimchalar Oʻzbekiston Respublikasi Davlat statistika qoʻmitasi bilan kelishilgan.
Oʻzgartirish va qoʻshimchalarga
ILOVA
"Baliq ovlash korхonalarida tabiiy
suv havzalaridan foydalanganlik uchun
ijara haqini hisoblash va uni
undirish tartibi toʻgʻrisidagi nizomga
ILOVA
Ijara haqini hisoblashda qoʻllaniladigan
stavkalar miqdori
Hosildorlik kg/ga |
Ijara haqini hisoblash stavkasi (foizda) |
15 gacha |
10 |
15 - 20 gacha |
9 |
20 - 25 gacha |
8 |
25 - 30 gacha |
7 |
30 - 35 gacha |
6 |
35 - 40 gacha |
5 |
40 va undan yuqorisi |
4 |
" |
Oʻzbekiston Respublikasi qonun hujjatlari toʻplami, 2010 y., 6-7-son, 57-modda