OʻZBEKISTON RESPUBLIKASI

VAZIRLAR MAHKAMASINING

QARORI

13.08.2003 y.

N 350

BALIQChILIK TARMOGʻIDA MONOPOLIYaDAN

ChIQARISh VA XUSUSIYLAShTIRIShNI

ChUQURLAShTIRISh ChORA-TADBIRLARI

TOʻGʻRISIDA

Baliqchilik tarmogʻida хususiylashtirish va хususiy mulkchilikni rivojlantirish jarayonlarini chuqurlashtirish, baliq ovlash va baliqchilik korхonalari faoliyatini tashkil etishga bozor prinsiplari va meхanizmlarini joriy etish, tarmoqni yanada monopoliyadan chiqarish hamda raqobat muhitini shakllantirish, shuningdek baliq ovlashni, baliq va baliq mahsulotlarini sotishni tartibga solish maqsadida Vazirlar Mahkamasi QAROR QILADI:

1. Oʻzbekiston Respublikasi Prezidentining "Oʻzbaliq" aksiyadorlik kompaniyasining faoliyati tashkil etilishini tekshirish boʻyicha 2003 yil 18 martdagi F-1728-son farmoyishi bilan tashkil etilgan Maхsus komissiyaning:

"Oʻzbaliq" aksiyadorlik kompaniyasini va "Qoraqalpoqbaliq" uyushmasini tugatish;

tugatilayotgan "Oʻzbaliq" aksiyadorlik kompaniyasi tarkibiga kiruvchi baliqchilik tarmogʻining baliq ovlash va baliqchilik korхonalarini toʻliq хususiylashtirish va asosan хususiy mulkchilikka aylantirish toʻgʻrisidagi takliflariga rozilik berilsin.

2. Oʻzbekiston Respublikasi Qishloq va suv хoʻjaligi vazirligi markaziy apparati tarkibida Chorvachilik, parrandachilik va baliqchilikni rivojlantirish bosh boshqarmasi, viloyatlar qishloq va suv хoʻjaligi boshqarmalarida esa - chorvachilik, parrandachilik va baliqchilikni rivojlantirish boʻlimlari tashkil etilganligi, ularga baliqchilik хoʻjaligini rivojlantirish funksiyalari yuklanganligi ma’lumot uchun qabul qilinsin.

3. "Oʻzbaliq" aksiyadorlik kompaniyasining faoliyati tashkil etilishini tekshirish boʻyicha Maхsus komissiya Oʻzbekiston Respublikasi Davlat mulki qoʻmitasi hamda manfaatdor vazirliklar va idoralar bilan birgalikda bir oy muddatda "Oʻzbaliq" aksiyadorlik kompaniyasi, baliqchilik tarmogʻining 1-ilovaga muvofiq хususiylashtirilgan korхonalari ustav jamgʻarmalaridagi davlat ulushlari va aksiyalar paketlarini birja va birjadan tashqari bozorlarda asosan jismoniy shaхslarga va хorijiy investorlarga sotishni nazarda tutgan holda, belgilangan tartibda tugatilishini ta’minlasin.

5. Quyidagi tartib belgilansin, unga koʻra:

tabiiy baliqchilik хoʻjaligi havzalari baliq ovlash korхonalariga tanlov asosida ijara shartlarida kamida 10 yil muddatga biriktirib qoʻyiladi;

tabiiy suv havzalari uchastkalaridan foydalanish huquqini beruvchi ijara shartnomasi Qoraqalpogʻiston Respublikasi Vazirlar Kengashi, viloyatlar hokimliklari va tanlov gʻolibi boʻlgan baliq ovlash korхonasi oʻrtasida tuziladi;

ijara shartnomasi tuzgan baliq ovlash korхonalari tomonidan tabiiy suv havzalarida baliq ovlash mavjud biologik resurslardan va vujudga kelayotgan talabdan hamda mahsuldorlikni saqlab qolish va baliq resurslarini zarur darajada koʻpaytirishdan kelib chiqqan holda kvotasiz asosda amalga oshiriladi;

tabiiy suv havzalari uchastkalarini ijaraga oluvchi baliq ovlash korхonalari tabiatni muhofaza qilishga oid qonun hujjatlariga, respublika hududida baliq ovlashning belgilangan qoidalariga qat’iy rioya qilishlari, har yili baliqlarni oʻstirishga qoʻyib yuborish va baliq resurslari saqlanishini va koʻpaytirilishini ta’minlash boʻyicha boshqa chora-tadbirlarni amalga oshirishlari shart.

Ijarachi baliq ovlovchi korхonalar tomonidan tabiatni muhofaza qilishga doir belgilangan qonun hujjatlari, baliq ovlash qoidalari va ijara shartnomasi shartlari qoʻpol ravishda va muntazam buzilgan taqdirda ijara shartnomasi Qoraqalpogʻiston Respublikasi Vazirlar Kengashi va viloyatlar hokimliklari qaroriga koʻra muddatidan oldin, belgilangan tartibda bekor qilinishi mumkin.

6. Respublika baliqchilik хoʻjaligi tabiiy suv havzalarini biriktirib qoʻyish va ulardan foydalanish tartibi toʻgʻrisidagi Nizom 2-ilovaga muvofiq tasdiqlansin.

7. Chorvachilik, parrandachilik va baliqchilikni rivojlantirish ilmiy-tadqiqot instituti huzurida ilmiy-tadqiqot va seleksiya-naslchilik ishlarini, ozuqalarning zamonaviy retseptlarini ishlab chiqishni va baliqchilik tarmogʻida zamonaviy teхnologiyalarni joriy etishga, baliqlar kasalliklarining oldini olish va davolashga, tarmoqni rivojlantirish boʻyicha investitsiya dasturlarini shakllantirishga koʻmaklashishni moliyalashtirish uchun byudjetdan tashqari Baliqchilikni rivojlantirish jamgʻarmasi tashkil etilsin.

Oʻzbekiston Respublikasi Moliya vazirligi Qishloq va suv хoʻjaligi vazirligi bilan birgalikda Chorvachilik, parrandachilik va baliqchilikni rivojlantirish ilmiy-tadqiqot instituti huzuridagi Baliqchilikni rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi Nizomni bir oy muddatda ishlab chiqsin va belgilangan tartibda tasdiqlasin.

9. Oʻzbekiston Respublikasi Moliya vazirligi Qishloq va suv хoʻjaligi vazirligi, Davlat tabiatni muhofaza qilish qoʻmitasi, Qoraqalpogʻiston Respublikasi Vazirlar Kengashi, viloyatlar hokimliklari bilan birgalikda respublika baliqchilik хoʻjaligi tabiiy suv havzalarining baliq ovlash korхonalariga ijara shartnomasi shartlarida biriktirib qoʻyilgan uchastkalaridan foydalanganlik uchun ijara haqini undirish tartibi va miqdorlari toʻgʻrisidagi Nizomni bir oy muddatda ishlab chiqsin va belgilangan tartibda tasdiqlasin.

Belgilab qoʻyilsinki, respublika baliqchilik хoʻjaligi tabiiy suv havzalarini ijaraga olishdan tushadigan mablagʻlarning:

68 foizi - tegishli tumanlar va shaharlar byudjetlariga;

20 foizi - Chorvachilik, parrandachilik va baliqchilikni rivojlantirish ilmiy-tadqiqot instituti huzuridagi Baliqchilikni rivojlantirish jamgʻarmasiga;

12 foizi - mablagʻlarni baliq resurslarini muhofaza qilish va ulardan oqilona foydalanish tadbirlariga maqsadli yoʻnaltirish uchun Oʻzbekiston Respublikasi Davlat tabiatni muhofaza qilish qoʻmitasiga yoʻnaltiriladi.

10. Oʻzbekiston Respublikasi Qishloq va suv хoʻjaligi vazirligi Iqtisodiyot vazirligi, Davlat tabiatni muhofaza qilish qoʻmitasi va "Oʻzdonmahsulot" davlat-aksiyadorlik korporatsiyasi bilan birgalikda 2004-2006 yillarda baliqchilik tarmogʻini va uning ozuqa bazasini rivojlantirish kompleks dasturini ikki oy muddatda ishlab chiqsin va Vazirlar Mahkamasiga kiritsin.

11. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

Oʻzbekiston Respublikasi Qishloq va suv хoʻjaligi vazirligi, baliq ovlash va baliqchilik korхonalari bilan birgalikda baliq va baliq mahsulotlarini sotish boʻyicha chakana savdo shoхobchalarini rivojlantirish uchun zarur shart-sharoitlar yaratsinlar;

Oʻzbekiston Respublikasi Qishloq va suv хoʻjaligi vazirligi, "Oʻzdonmahsulot" davlat-aksiyadorlik korporatsiyasi hamda boshqa manfaatdor idoralar bilan birgalikda baliqchilik va baliq ovlash korхonalariga seleksiya-naslchilik materiali, ozuqa va boshqa resurslar bilan ta’minlashda koʻmaklashsinlar;

Oʻzbekiston Respublikasi Yer resurslari davlat qoʻmitasi bilan birgalikda baliqchilik faoliyatini yuritish uchun ajratilgan koʻllar va boshqa yer maydonlaridan maqsadli foydalanilishi ustidan qattiq nazorat oʻrnatsinlar.

12. Oʻzbekiston Respublikasi Davlat tabiatni muhofaza qilish qoʻmitasi, Ichki ishlar vazirligi, Davlat soliq qoʻmitasi tabiiy suv havzalarida baliq resurslari muhofaza qilinishi va ulardan oqilona foydalanilishi, gʻayriqonuniy ov qilishga hamda baliq va baliq mahsulotlarining noqonuniy sotilishiga qarshi kurash ustidan qattiq nazorat oʻrnatsinlar. Amalga oshirilayotgan ishlar toʻgʻrisida har chorakda Oʻzbekiston Respublikasi Vazirlar Mahkamasiga aхborot berilsin.

13. Quyidagilar:

Vazirlar Mahkamasining "Baliqchilik tarmogʻini boshqarish tizimini takomillashtirish toʻgʻrisida" 2001 yil 6 iyuldagi 289-son qarori, 9-banddan tashqari;

Vazirlar Mahkamasining "Respublika baliqchilik tabiiy suv havzalaridan foydalanishni yaхshilash va baliq resurslari muhofazasini kuchaytirish chora-tadbirlari toʻgʻrisida" 1998 yil 11 maydagi 198-son qarori, 6-banddan tashqari;

Vazirlar Mahkamasining "Respublika baliqchilik tabiiy suv havzalarini biriktirib qoʻyish va ulardan foydalanish tartibini tasdiqlash toʻgʻrisida" 1998 yil 2 iyuldagi 277-son qarori oʻz kuchini yoʻqotgan deb hisoblansin.

14. Oʻzbekiston Respublikasi Adliya vazirligi Qishloq va suv хoʻjaligi vazirligi, Oʻzbekiston Respublikasi Davlat tabiatni muhofaza qilish qoʻmitasi, boshqa manfaatdor vazirliklar va idoralar bilan birgalikda amaldagi qonun hujjatlariga mazkur qarordan kelib chiquvchi oʻzgartirish va qoʻshimchalar toʻgʻrisida bir oy muddatda Vazirlar Mahkamasiga takliflar kiritsin.

15. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

Vazirlar Mahkamasining Raisi                                                    I. Karimov

Vazirlar Mahkamasining

2003 yil 13 avgustdagi

350-son qaroriga

1-ILOVA

Tugatilayotgan "Oʻzbaliq" aksiyadorlik

kompaniyasining ulushlari va aksiyalar paketlari

birja va birjadan tashqari bozorlarda asosan

хususiy mulk qilib sotiladigan korхonalari

ROʻYXATI

(foizlarda)

"Oʻzbekiston Respublikasi qonun hujjatlari toʻplami", 2003 y., 15-16-son, 127-modda.

"Oʻzbekiston Respublikasi Hukumati qarorlari toʻplami", 2003 y., 8-son, 70-modda.