Oʻzbekiston standartlashtirish, metrologiya va sertifikatlashtirish agentligining 1-P-son, Sogʻliqni saqlash vazirligining 8-son "Tayyor goʻsht-sut mahsulotlarining sifati ustidan tizimli kompleks nazorat oʻtkazish tartibi toʻgʻrisidagi nizomni tasdiqlash haqida"gi 10.02.2009 y. Qarori (AV tomonidan 25.02.2009 y. 1910-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
25.02.2009 y.
N 1910
OʻZBEKISTON STANDARTLAShTIRISh, METROLOGIYa VA SERTIFIKATLAShTIRISh AGENTLIGINING 10.02.2009 y. N 1-P |
OʻZBEKISTON RESPUBLIKASI SOGʻLIQNI SAQLASh VAZIRLIGINING 10.02.2009 y. N 8 |
QARORI
Tayyor goʻsht-sut mahsulotlarining sifati ustidan
tizimli kompleks nazorat oʻtkazish tartibi
toʻgʻrisidagi nizomni tasdiqlash haqida
(2009 yil 7 martdan kuchga kiradi)
Oʻzbekiston Respublikasi Prezidentining 2009 yil 26 yanvardagi "Oziq-ovqat mahsulotlari ishlab chiqarishni kengaytirish va ichki bozorni toʻldirish yuzasidan qoʻshimcha chora-tadbirlar toʻgʻrisida"gi PQ-1047-son qarori ijrosini ta’minlash maqsadida Oʻzbekiston standartlashtirish, metrologiya va sertifikatlashtirish agentligi, Oʻzbekiston Respublikasi Sogʻliqni saqlash vazirligi QAROR QILADI:
1. Tayyor goʻsht-sut mahsulotlarining sifati ustidan tizimli kompleks nazorat oʻtkazish tartibi toʻgʻrisidagi nizom ilovaga muvofiq tasdiqlansin.
2. Ushbu qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kundan keyin kuchga kiradi.
Oʻzbekiston standartlashtirish,
metrologiya va sertifikatlashtirish
agentligi bosh direktori A. Abduvaliyev
Sogʻliqni saqlash vaziri F. Nazirov
"Oʻzbekiston Respublikasi qonun hujjatlari toʻplami", 2009 yil, 9-son, 99-modda.
Telegram kanali 