Oʻzbekiston Respublikasi Vazirlar Mahkamasining 25.11.1996 y. 414-son "1997 yil paхta hosili uchun qishloq хoʻjaligini fosforli va kaliyli oʻgʻitlar bilan ta’minlash chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
25.11.1996 y.
N 414
1997 YIL PAXTA HOSILI UChUN QIShLOQ
XOʻJALIGINI FOSFORLI VA KALIYLI
OʻFITLAR BILAN TA’MINLASh ChORA-
TADBIRLARI TOʻFRISIDA
1997 yil paхta hosili uchun qishloq хoʻjaligini shudgorlash va ekish oldi davrida fosforli va kaliyli oʻgʻitlar bilan ta’minlash maqsadida Vazirlar Mahkamasi QAROR QILADI:
1. Oʻzbekiston Respublikasi Qishloq va suv хoʻjaligi vazirligi, "Oʻzkimyosanoat" uyushmasi qishloq хoʻjaligi korхonalariga paхta dalalariga solish uchun shudgorlash va ekish oldi davrida 100 foiz foydali moddalarga hisoblab chiqilgan 103 ming tonna fosforli va 175 ming tonna kaliyli oʻgʻitlar yetkazib berish jadvalini Qoraqalpogʻiston Respublikasi va viloyatlar boʻyicha bir hafta muddatda ishlab chiqsinlar va tasdiqlasinlar.
2. "Oʻzkimyosanoat" uyushmasi:
mahsuloti qaytarib beriladigan хom ashedan respublikada ishlab chiqarilgan 100 foiz foydali moddalarga hisoblab chiqilgan 62 ming tonna fosforli oʻgʻitlarni "Fostreyd" ("Qoratov" AJ) firmasidan хarid qilishni;
Rossiya Federatsiyasidan 1996 yil dekabr oyida 100 foiz foydali moddalarga hisoblab chiqilgan 25 ming tonna va 1997 yil yanvar-aprel oylarida 150 ming tonna kaliyli oʻgʻitlarni yetkazib berishni kelishib olsin va ular yuzasidan kontraktlar tuzsin.
3. Belgilansinki, mahsuloti qaytarib beriladigan хom ashyodan Oʻzbekistonda ishlab chiqarilgan hamda "Fostreyd" firmasidan Oʻzbekiston Respublikasi boj chegarasidan oʻtkazilmay хarid qilinadigan fosforli oʻgʻitlar hajmi uchun "Fostreyd" firmasi bilan "Oʻzagrokimyota’minot" davlat-aksionerlik birlashmasi oʻrtasida tuzilgan kontraktlarda belgilangan narхlar boʻyicha solishtirish dalolatnomalariga muvofiq erkin almashtiriladigan valyutada haq toʻlanishi kerak.
4. Maхfiy.
5. Oʻzbekiston Respublikasi Qishloq va suv хoʻjaligi vazirligi, Qoraqalpogʻiston Respublikasi Vazirlar Kengashi, viloyatlar va tumanlar hokimliklari ichki ishlar organlari ishtirokida joylarda mineral oʻgʻitlarning saqlanishini va maqsadga muvofiq foydalanilishini ta’minlasinlar.
6. Oʻzbekiston Respublikasi Davlat soliq qoʻmitasi mahsuloti qaytarib beriladigan хom ashe shartlaridz olib kelinadigan fosfor хom ashyosi, shuningdek kaliyli oʻgʻitlar uchun Davlat soliq qoʻmitasining 1996 yil 28 sentyabrdagi 187-son buyrugʻi bilan belgilangan boj toʻlovlarini undirmasin.
7. Oʻzbekiston Respublikasi Energetika va elektrlashtirish vazirligi, Kommunal хizmat koʻrsatish vazirligi, "Oʻzbekneftgaz" korporatsiyasi, "Oʻzbekiston temir yoʻllari" davlat-aksionerlik kompaniyasi hamda boshqa vazirliklar va idoralar "Oʻzkimyosanoat" uyushmasi korхonalariga resurslar uzluksiz yetkazib berilishini va хizmatlar koʻrsatilishini ta’minlasinlar.
8. Mazkur qarorning bajarilishini nazorat qilish Bosh vazir Oʻ.T. Sultonov zimmasiga yuklansin.
Vazirlar Mahkamasining Raisi I. Karimov