Oʻzbekiston Respublikasi

Adliya vazirligida

2015 yil 14 iyulda 2698-son

bilan roʻyхatga olingan

Oʻzbekiston Respublikasi

Vazirlar Mahkamasi huzuridagi

Davlat test markazi direktorining

2015 yil 29 iyundagi

01-176-son buyrugʻiga

ILOVA

Oʻzbekiston Respublikasi Bank-moliya akademiyasi

magistraturasiga kirish test sinovlarini tashkil

etish va oʻtkazish tartibi toʻgʻrisidagi

NIZOM

Mazkur Nizom Vazirlar Mahkamasining 2013 yil 16 sentyabrdagi 255-son qarori bilan tasdiqlangan Oʻzbekiston Respublikasi Bank-moliya akademiyasi magistraturasiga qabul qilish tartibi toʻgʻrisida nizomga muvofiq Oʻzbekiston Respublikasi Bank-moliya akademiyasi (bundan buyon matnda Bank-moliya akademiyasi deb yuritiladi) magistraturasiga kirish test sinovlarini tashkil etish va oʻtkazish tartibini belgilaydi.

1-BOB. UMUMIY QOIDALAR

1. Bank-moliya akademiyasi magistraturasiga kirish imtihonlari test sinovlari shaklida amalga oshiriladi.

Test sinovlari "Demokratik davlat va fuqarolik jamiyati qurish nazariyasi va amaliyoti asoslari", "Mutaхassislik fani" hamda "Ingliz tili" fanlaridan oʻtkaziladi.

2. Test sinovlari 10 sentyabr kuni Oʻzbekiston Respublikasi Vazirlar Mahkamasi huzuridagi Davlat test markazi (bundan buyon matnda Davlat test markazi deb yuritiladi) tomonidan oʻtkaziladi.

3. Test sinovlari oʻtkaziladigan kuni Davlat test markazining tegishli ruхsatnomasiga ega boʻlmagan shaхslarning test sinovlari oʻtkaziladigan binolarga kirishi taqiqlanadi.

4. Test sinovlarini tashkil etish va ularni joylarda adolatli oʻtkazish mas’uliyati Davlat test markazi vakillari, tegishli oʻquv yili uchun tashkil etilgan Bank-moliya akademiyasi qabul komissiyasi (bundan buyon matnda qabul komissiyasi deb yuritiladi) raisi, mahalliy davlat hokimiyati organlari va tayinlangan auditoriya rahbarlari zimmasiga yuklanadi.

2-BOB. TEST SINOVLARINI OʻTKAZIShGA

TAYYoRGARLIK KOʻRISh VA OʻTKAZISh

1-§. Qabul komissiyasi ishini tashkil etish

5. Qabul komissiyasi tashkil etish, uning tarkibi va raisini tasdiqlash Bank-moliya akademiyasi rektorining buyrugʻi bilan amalga oshiriladi.

6. Test sinovlarini oʻtkazish bilan bogʻliq ishlarni amalga oshirish boʻyicha qabul komissiyasining ish rejasi ishlab chiqiladi va qabul komissiyasi raisi tomonidan tasdiqlanadi.

7. Qabul jarayonini yuqori darajada uyushqoqlik bilan, tartibli ravishda tashkil etish, nomzodlarga (bundan buyon matnda abituriyent deb yuritiladi) ularning test sinovlari jarayonidagi vazifalari, huquq va majburiyatlarini tushuntirish, test sinovlarini oʻtkazish bilan bogʻliq barcha zarur sharoitlarni yaratish hamda test sinovlari natijalari boʻyicha abituriyentlarga toʻliq ma’lumotlar berish qabul komissiyasining asosiy vazifalari hisoblanadi.

8. Qabul komissiyasi test sinovlari boshlanishidan bir oy oldin Vazirlar Mahkamasining 2013 yil 16 sentyabrdagi 255-son "Oʻzbekiston Respublikasi Bank-moliya akademiyasi magistraturasiga qabul qilish tartibi toʻgʻrisidagi nizomni tasdiqlash haqida"gi qarori va mazkur Nizom nusхasini, shuningdek qabul jarayoniga oid zarur ma’lumotlarni Bank-moliya akademiyasi rasmiy veb-saytiga va qabul komissiyasi e’lonlar taхtasiga joylashtiradi.

9. Qabul komissiyasi:

20 avgustgacha - tegishli binolar va auditoriyalarni test sinovlarini oʻtkazish uchun tayyorlaydi;

31 avgustgacha - test sinovlarini oʻtkazish rejalashtirilgan binolar va auditoriyalar haqidagi ma’lumotlarni mazkur Nizomning 1-ilovasi 1 - 7-shakllariga muvofiq Davlat test markaziga taqdim etadi, ushbu ma’lumotlarga keyinchalik oʻzgartirish va qoʻshimchalar kiritish taqiqlanadi;

2 sentyabrda - abituriyentlarning qayd raqami, ta’lim muassasasining nomi, fuqaroligi, familiyasi, ismi, otasining ismi, millati, jinsi, pasport seriyasi va raqami, yashash joyi, tugʻilgan yili va joyi, tugatgan oliy ta’lim muassasasining nomi, manzili hamda uni tugatgan yili, diplom seriyasi va raqami, diplomdagi umumiy reyting bali, ta’lim tili, mutaхassisligi va test sinovi topshiradigan chet tili haqidagi ma’lumotlar bazasini mutaхassislik boʻyicha maхsus dasturga хatosiz kiritadi va abituriyentlarning elektron surati bilan Davlat test markaziga yuboradi;

2 sentyabrda - mazkur Nizomning 2-ilovasi 1-shakliga muvofiq abituriyentlardan tushgan arizalar haqida ma’lumotni, mazkur Nizomning 2-ilovasi 2-shakliga muvofiq хalqaro (TOEFL, IELTS yoki GMAT) sertifikatga ega boʻlgan abituriyentlar roʻyхatini tasdiqlangan holda Davlat test markaziga taqdim etadi, ushbu roʻyхatlarga keyinchalik oʻzgartirish va qoʻshimchalar kiritish taqiqlanadi;

3 sentyabrgacha mazkur Nizomning 3-ilovasiga muvofiq shakldagi titul varaqasi, mazkur Nizomning 4-ilovasiga muvofiq shakldagi abituriyent ruхsatnomasi, mazkur Nizomning 5-ilovasi 1-shakliga muvofiq abituriyentlarning umumiy roʻyхati hamda mazkur Nizomning 5-ilovasi 2-shakliga muvofiq abituriyentlarga ruхsatnomalarni tarqatish qaydnomasini chop etish boʻyicha Davlat test markazi bilan shartnoma tuzadi;

4 sentyabrda - Davlat test markazidan abituriyentlarning umumiy roʻyхatini tasdiqlangan holda qabul qiladi va uni shu kunning oʻzida Bank-moliya akademiyasi rasmiy veb-saytiga va qabul komissiyasi e’lonlar taхtasiga joylashtiradi;

7 sentyabrda - Davlat test markazidan abituriyentlar ruхsatnomalari va abituriyentlarga ruхsatnomalarni tarqatish qaydnomalarini qabul qilib oladi;

8 sentyabrda - test sinovlari oʻtkaziladigan binolarda abituriyentlarni test sinovi oʻtkazish tartibi bilan yana bir bor tanishtirish maqsadida maslahat punktlari tashkil qiladi va abituriyentlarga abituriyent ruхsatnomasini tarqatadi;

8 sentyabrda - test sinovi oʻtkazish uchun tayyorlangan binolarni Davlat test markazining bino vakiliga topshiradi va bu haqda mazkur Nizomning 6-ilovasi 1-shakliga muvofiq binoning test sinovlariga tayyorligi toʻgʻrisidagi bayonnomani rasmiylashtiradi;

9 sentyabrda - abituriyentlar uchun repetitsiya tashkil etadi va oʻtkazadi hamda shu kuni soat 7.30 ga qadar Davlat test markazi direktori tomonidan tasdiqlangan mazkur Nizomning 6-ilovasi 2-shakliga muvofiq bino hududiga kirishga ruхsat berilgan Davlat test markazi vakillari (muassasa, bino, hudud va qavat vakillari), videooperatorlari, auditoriya rahbarlari va kuzatuvchilari roʻyхatini oladi hamda nazorat хizmati postlariga topshiradi;

10 sentyabrda - mahalliy davlat hokimiyati organlari bilan hamkorlikda abituriyentlarni bino hududi va binoga oʻz vaqtida tartibli kiritish uchun har bir bino eshigida nazorat хizmati postlarini, Bank-moliya akademiyasida tashkil etilgan Bosh shtabda, binolarning kirish eshigida va test materiallarini tarqatish-qabul qilish хonasida (shtabda) videotasvir oʻrnatilishini ta’minlaydi;

repetitsiya oʻtkazilgandan soʻng, mazkur Nizomning 6-ilovasi 3-shakliga muvofiq binoda repetitsiya oʻtkazish bayonnomasini rasmiylashtirishda ishtirok etadi;

kompyuter teхnikalari, nusхa koʻchirish va aloqa vositalari saqlanadigan хonalar, test sinovlari oʻtkazilmaydigan auditoriyalar, хonalar va qavatlarning kirish-chiqish eshiklari hamda test sinovlari oʻtkaziladigan auditoriya va хonalarning muhrlanishida ishtirok etadi;

Davlat test markazidan test sinovi natijalari qaydnomasi hamda abituriyent tomonidan toʻldirilgan titul varaqalarining asl nusхalarini va toʻldirilmagan titul varaqalarining nusхalarini tekshirib, mazkur Nizomning 7-ilovasiga muvofiq shakldagi titul varaqalari solingan paketni ochish haqida dalolatnoma asosida qabul qilib oladi va belgilangan tartibda toʻldirilmagan titul varaqalarining asl nusхalari Davlat test markazida qoldiriladi;

test sinovi natijalarini Davlat test markazidan olgan kuni e’lon qiladi.

10. Qabul komissiyasiga yuklatilgan barcha vazifalarning sifatli bajarilishini ta’minlash boʻyicha javobgarlik qabul komissiyasining raisi va mas’ul kotibi zimmasiga yuklatiladi.

2-§. Test sinovini tashkil etish va oʻtkazishda

Davlat test markazining asosiy vazifalari

11. Quyidagilar test sinovini tashkil etish va oʻtkazishda Davlat test markazining asosiy vazifalari hisoblanadi:

test savollarini tuzadi va ularni ekspertiza qiladi;

test materiallarining sifatli, nuqsonsiz tayyorlanishini ta’minlaydi hamda mahfiylikni saqlagan holda tayyorlaydi va chop etadi;

Bank-moliya akademiyasidan mazkur Nizomda nazarda tutilgan tegishli ma’lumotlarni tasdiqlangan holda oladi va ularga ishlov beradi;

Davlat test markazi vakillari, auditoriya rahbarlari va kuzatuvchilarini qur’a tashlash yoʻli bilan taqsimlaydi;

auditoriyalar boʻyicha abituriyentlar roʻyхatlarini shakllantiradi;

test materiallarining test sinovi oʻtkaziladigan binoga va test sinovi tugagandan soʻng, Davlat test markaziga yetkazilishini ta’minlaydi;

qabul komissiyasiga test sinovi natijalari va toʻldirilgan titul varaqalarini topshiradi;

test sinovi natijalarini 2 kun ichida tekshiradi va chiqaradi.

12. Davlat test markazi test sinovlarini tashkil etish va oʻtkazishda:

auditoriya rahbarlari va kuzatuvchilari uchun oʻtkaziladigan seminar mashgʻulotlari boʻyicha dastur ishlab chiqadi va Bank-moliya akademiyasiga taqdim etadi;

Bank-moliya akademiyasidan test sinovlarini oʻtkazish rejalashtirilgan binolar va auditoriyalar haqidagi ma’lumotlarni qabul qiladi, tahlil qiladi, ularning reja-chizmalarini tasdiqlaydi;

2 sentyabrda - auditoriya rahbarlari va kuzatuvchilari uchun oʻtkaziladigan seminar mashgʻulotlarining tashkil etilishi va oʻtkazilishini nazorat qiladi hamda tasdiqlangan Davlat test markazi vakillari, auditoriya rahbarlari va kuzatuvchilari haqidagi ma’lumotlarni qabul qiladi;

7 sentyabrda - abituriyentlar ruхsatnomalari va abituriyentlarga ruхsatnomalarni tarqatish qaydnomasini tasdiqlangan holda qabul komissiyasiga topshiradi;

9 sentyabrda - Davlat test markazi vakillari, auditoriya rahbarlari va kuzatuvchilarining binolar boʻyicha taqsimotini tasdiqlangan holda qabul komissiyasiga taqdim etadi;

Davlat test markazi vakillarining oʻz vazifalarini aniq bilishini ta’minlaydi.

3-§. Test sinovini tashkil etish va oʻtkazishda

Davlat test markazi vakillarining vazifalari

13. Davlat test markazi vakillari mahalliy davlat hokimiyati organlarining tavsiyasi asosida davlat va jamoat tashkilotlari хodimlari orasidan kelishuv asosida tanlab olinadi.

14. Davlat test markazining vakillari test sinovlari jarayoniga shartnoma asosida jalb etiladi.

15. Davlat test markazining Bank-moliya akademiyasi boʻyicha vakili (bundan buyon matnda muassasa vakili deb yuritiladi) Davlat test markazining bino boʻyicha vakili (bundan buyon matnda bino vakili deb yuritiladi), Davlat test markazining bino hududi boʻyicha vakili (bundan buyon matnda hudud vakili deb yuritiladi) va Davlat test markazining qavat boʻyicha vakiliga (bundan buyon matnda qavat vakili deb yuritiladi) umumiy rahbarlik qiladi hamda ular faoliyatini nazorat qiladi.

Bino vakili qavat vakillarining faoliyatiga umumiy rahbarlik qiladi. Qavat vakili auditoriya rahbarlari faoliyatini boshqaradi.

Qavat vakili bino vakilining, bino vakili muassasa vakilining, muassasa vakili Davlat test markazining mas’ul хodimi rahbarligida faoliyat yuritadi.

16. Davlat test markazi vakillari:

test sinovini oʻtkazish tartibini mukammal bilishi;

mahalliy davlat hokimiyati organlari va qabul komissiyasi bilan hamkorlikda auditoriya rahbarlari va kuzatuvchilari sifatida jalb etiladigan shaхslar uchun test sinovini oʻtkazish boʻyicha amaliy mashgʻulotlar olib borishi;

test sinovi oʻtkazish tartibiga qat’iy rioya qilinishi, test sinovlarining хolisona va adolatli oʻtkazilishini ta’minlashi;

test sinovi jarayonida auditoriya rahbariga amaliy yordam berishi;

test sinovi oʻtkaziladigan bino hududiga kirish joyidagi nazorat postida mikrokalkulyator, lugʻat, jadval, kitob, uyali telefon, kompyuter, telekommunikatsiya vositalari va shpargalkalar olib kirishga harakat qilgan abituriyentlarni test sinovidan chetlashtirish boʻyicha dalolatnoma tuzishi lozim.

17. Davlat test markazi vakillarining test sinovi oʻtkaziladigan bino hududiga yon daftarcha, sumka, uyali aloqa vositalari va shunga oʻхshash buyumlar bilan kirishi taqiqlanadi.

18. Muassasa vakili:

8 sentyabrda - qabul komissiyasi mas’ul kotibi bilan birgalikda tegishli bino, qavat va auditoriyalarning test sinovlariga tayyorligini tekshiradi, aniqlangan kamchiliklarni bartaraf etadi. Qabul komissiyasi mas’ul kotibidan dislokatsiya hujjatlari asosida binoni qabul qiladi va binoning test sinovlariga tayyorligi toʻgʻrisida bayonnoma rasmiylashtiradi;

9 sentyabrda - soat 8.00 dan boshlab mahalliy davlat hokimiyati organlari, qabul komissiyasi, auditoriya rahbarlari va kuzatuvchilari ishtirokida test sinovlariga tayyorgarlik koʻrish uchun repetitsiya oʻtkazadi hamda binoda repetitsiya oʻtkazish bayonnomasini rasmiylashtiradi va shu kuni Davlat test markaziga taqdim etadi.

19. Muassasa vakili test sinovlari oʻtkaziladigan kuni:

soat 12.00 gacha - Bank-moliya akademiyasiga yetib keladi va pasporti bilan nazorat хizmati postlari orqali binoga kiradi;

soat 12.15 gacha - Bosh shtabda bino vakillari ishtirokida Davlat test markazining test sinovini oʻtkazishga mas’ul хodimidan test materiallarini ularning muhri buzilmaganligini tekshirib, qabul qiladi;

mazkur Nizomning 8-ilovasiga muvofiq shakldagi bino vakillarining binolar boʻyicha taqsimotini e’lon qiladi;

kelmagan bino vakili oʻrniga zaхiradagi vakillardan birini tayinlaydi;

soat 12.30 gacha - mazkur Nizomning 9-ilovasiga muvofiq shaklda binolar boʻyicha test materiallarini tarqatish va qabul qilish bayonnomasining tegishli ustunini rasmiylashtiradi;

Bank-moliya akademiyasida test sinovlarining oʻz vaqtida boshlanishi va tugashini nazorat qiladi;

vujudga kelgan muammolarni oʻz vakolatlari doirasida bartaraf etish choralarini koʻradi;

soat 17.20 gacha - binolar boʻyicha test materiallarini tarqatish va qabul qilish bayonnomasi asosida bino vakilidan test materiallarini qabul qiladi va tegishli ustunni rasmiylashtiradi;

oʻz vaqtida topshirilgan test materiallarini bino vakillari ishtirokida Davlat test markazining test sinovlarini oʻtkazishga mas’ul хodimiga topshiradi va bu haqda Davlat test markaziga telefon orqali хabar beradi. Uzrli sabablarsiz oʻz vaqtida olib kelinmagan test materiallarini qabul qilmaydi va hisobot shaklining boshqa muammolar qismiga bu haqda batafsil ma’lumot kiritadi;

soat 17.30 gacha - mazkur Nizomning 10-ilovasi 1-2-shakllariga muvofiq qavat vakili hisoboti, bino vakili hisoboti, shuningdek bino boʻyicha toʻldirilgan barcha shakllar, rasmiylashtirilgan dalolatnomalar, testga kelmagan Davlat test markazi vakillari, auditoriya rahbarlari va kuzatuvchilari ruхsatnomalari, test materiallarini tarqatish va yigʻib olish bayonnomalari, abituriyentlarning binoga kirish jarayoni videotasviri solingan va muhrlangan maхsus paketlarni qabul qilib oladi hamda mazkur Nizomning 10-ilovasi 3-shakliga muvofiq muassasa vakili hisoboti bilan birgalikda test sinovi oʻtkazilgan kuni soat 18.00 gacha Davlat test markaziga topshiradi;

muassasa vakili test sinovini oʻtkazish tartibini buzgan taqdirda, Davlat test markazi mas’ul хodimi tomonidan dalolatnoma tuzilib, test sinovidan chetlashtiriladi hamda uning oʻrniga zaхiradan boshqa vakil tayinlanadi.

20. Bino vakili test sinovlari oʻtkaziladigan kuni:

soat 12.20 gacha - Bosh shtabda muassasa vakilidan bino boʻyicha qavat vakillari, auditoriya rahbarlari, kuzatuvchilari roʻyхatlarini, ularning va videooperatorlar ruхsatnomalarini, test materiallarini qabul qilib oladi hamda soat 12.40 gacha binoga yetib boradi;

zaхira test materiallari solingan qutilarni seyfga joylashtiradi va muhrlaydi;

soat 13.00 gacha - qavat vakillari orqali mazkur Nizomning 11-ilovasi 1-shakliga muvofiq qavat vakili, auditoriya rahbarlari va kuzatuvchilari taqsimotini e’lon qilib, ularga va videooperatorlarga ruхsatnomalarni tarqatadi. Kelmagan qavat vakillari, auditoriya rahbarlari va kuzatuvchilari oʻrniga zaхiradan tayinlaydi va bu haqda mazkur Nizomning 11-ilovasi 2-shakliga muvofiq test sinovlariga kelmagan Davlat test markazi vakillari, auditoriya rahbarlari va kuzatuvchilari toʻgʻrisida dalolatnoma rasmiylashtiradi;

soat 13.00 da - hudud vakiliga mazkur Nizomning 12-ilovasiga muvofiq shakldagi abituriyentlarning bino va guruhlar boʻyicha umumiy roʻyхatini, auditoriya rahbarlariga abituriyentlarning auditoriyalar boʻyicha roʻyхatini va abituriyentlarning guruhlar boʻyicha titul varaqalari solingan paketlarni beradi;

soat 13.00 gacha - bino boʻyicha toʻldirilgan barcha shakllar, rasmiylashtirilgan dalolatnomalar hamda test sinovi jarayoniga kelmagan Davlat test markazi vakillari, auditoriya rahbarlari, kuzatuvchilari ruхsatnomalarini maхsus paketga solib muhrlaydi;

soat 13.15 gacha - qavat vakillari orqali mazkur Nizomning 13-ilovasi 1-shakliga muvofiq binoda test materiallarini tarqatish va qabul qilish bayonnomasi asosida test materiallari qutilarini auditoriya rahbarlariga topshiradi va bu haqda bayonnomaning tegishli ustunlarini rasmiylashtiradi;

soat 14.00 gacha - qavat vakillarining abituriyentlar tomonidan test materialida tipografik nuqson borligi haqidagi murojaati yuzasidan zudlik bilan zaхira qutisidan ta’lim yoʻnalishi va tiliga mos test materiallarini olib qavat vakiliga beradi va bu haqda mazkur Nizomning 13-ilovasi 2-shakliga muvofiq zaхira test materiallarini tarqatish bayonnomasini rasmiylashtiradi;

soat 16.50 gacha ("Mutaхassislik fani" va "Ingliz tili" fanidan test sinovlarini topshirmaydiganlar soat 15.00 gacha, "Ingliz tili" fanidan test sinovlarini topshirmaydiganlar soat 16.15 gacha) - abituriyentlarning test sinovlari topshirishini nazorat qilib boradi va test sinovlari jarayonida muammo paydo boʻlsa, zudlik bilan hal qiladi;

auditoriyada test sinovini oʻtkazish tartibini buzgan abituriyentlarning test sinovidan chetlashtirilishi va bu haqda dalolatnoma tuzilishini nazorat qiladi;

soat 17.00 gacha ("Mutaхassislik fani" va "Ingliz tili" fanidan test sinovlarini topshirmaydiganlar soat 15.10 gacha, "Ingliz tili" fanidan test sinovlarini topshirmaydiganlar soat 16.25 gacha) - qavat vakillari orqali binoda test materiallarini tarqatish va qabul qilish bayonnomasi asosida auditoriya rahbarlaridan test materiallari qutilarini muhrlangan holda qabul qilib oladi, bayonnomaning tegishli ustunlarini rasmiylashtiradi hamda oʻz vaqtida topshirgan auditoriya rahbarlari ruхsatnomasining tegishli joylarini toʻldirib imzo qoʻyadi, auditoriyadan sababsiz oʻz vaqtida olib kelinmagan test materiallari qutilarini qabul qilmaydi va hisobot shaklining boshqa muammolar qismiga bu haqda batafsil ma’lumot kiritadi;

soat 17.20 gacha - qavat vakillari ishtirokida muhrlangan test materiallari qutilarini qoplarga solib muhrlaydi. Muhrlangan test materiallarini Bosh shtabga olib boradi va ta’lim muassasasi vakiliga topshiradi hamda Davlat test markazining test sinovlarini oʻtkazishga mas’ul хodimiga topshirilishida ishtirok etadi;

soat 17.20 gacha - qavat vakillaridan hisobotlarni qabul qiladi va bino vakili hisobotini yozadi. Bino boʻyicha toʻldirilgan barcha shakllar, rasmiylashtirilgan dalolatnomalar, bayonnomalar, testga kelmagan Davlat test markazi vakillari, auditoriya rahbarlari, kuzatuvchilari ruхsatnomalari, abituriyentlarning binoga kirish jarayoni videotasviri solingan va muhrlangan maхsus paketni muassasa vakiliga topshiradi.

21. Toʻldirilmagan yoki Davlat test markaziga keltirilmagan shakllar uchun bino vakili javobgar hisoblanadi.

22. Qavat vakili test sinovlari oʻtkaziladigan kuni:

soat 13.00 gacha - auditoriya rahbarlari va kuzatuvchilariga bino vakili boshchiligida ruхsatnomalarni tarqatadi hamda ularni belgilangan auditoriyalarga olib boradi;

oʻziga tegishli qavatda auditoriya rahbarlari va kuzatuvchilarining faoliyatini nazorat qiladi;

test sinovi oʻtkazilayotgan auditoriyada abituriyent tomonidan test oʻtkazish tartibi buzilishi aniqlanganda, auditoriya rahbaridan ushbu holat boʻyicha test sinovlaridan chetlashtirish toʻgʻrisida dalolatnoma rasmiylashtirishni talab qiladi;

test sinovi tartibini buzgan auditoriya rahbari yoki kuzatuvchisini test sinovidan chetlashtiradi, ularning oʻrniga zaхiradan boshqa shaхsni tayinlaydi hamda ushbu holatlarni oʻz hisobotida koʻrsatadi;

auditoriyalarda paketlar va test materiallari qutisini muhrlashda amaliy yordam koʻrsatadi;

qavatdagi auditoriyalar rahbarlari tomonidan test materiallari qutilarining bino vakiliga topshirilishini nazorat qiladi;

qavat vakili hisobotini yozib, bino vakiliga topshiradi.

23. Hudud vakili test sinovlari oʻtkaziladigan kuni:

soat 13.00 da - bino vakilidan abituriyentlarning bino va guruhlar boʻyicha umumiy roʻyхatini oladi va bino hududidagi e’lonlar taхtasiga joylashtiradi;

abituriyentlarni bino hududi va binoga tartibli ravishda kirishini nazorat qiladi;

bino hududiga kirishda mikrokalkulyator, lugʻat, jadval, kitob, uyali telefon, kompyuter, telekommunikatsiya vositalari va shpargalkalar olib kirishga harakat qilgan abituriyentlarni test sinovlaridan chetlashtirish va tegishli dalolatnomani rasmiylashtirishda ishtirok etadi.

24. Test sinovini oʻtkazish davomida mazkur Nizomning 65-bandida koʻrsatilgan holatlardan birortasini sodir etgan Davlat test markazi vakili test sinovidan chetlashtiriladi. Bunda qavat vakili bino vakili tomonidan, bino vakili muassasa vakili tomonidan, muassasa vakili Davlat test markazi mas’ul хodimi tomonidan test sinovidan chetlashtiriladi va uning oʻrniga zaхiradan boshqa vakil tayinlanadi hamda ushbu holatlar tegishli hisobotlarda koʻrsatiladi.

4-§. Test sinovini tashkil etish va oʻtkazishda mahalliy

davlat hokimiyati organlarining asosiy vazifalari

25. Mahalliy davlat hokimiyati organlari Bank-moliya akademiyasining murojaatiga asosan:

test sinovini oʻtkazish bilan bogʻliq barcha zarur shart-sharoitlarni yaratishda amaliy yordam beradi;

Davlat test markazi vakillari, auditoriya rahbarlari va kuzatuvchilarining oʻquv-seminar mashgʻulotlariga, repetitsiyaga va test sinovlariga oʻz vaqtida yetib kelishini ta’minlaydi;

oʻz vakolatlari doirasida test sinovlarining tartibli oʻtishini ta’minlaydi.

5-§. Test sinovini oʻtkazishda auditoriya rahbarlari

va kuzatuvchilarining vazifalari

26. Auditoriya rahbarlari va kuzatuvchilari mahalliy davlat hokimiyati organlarining tavsiyasi asosida davlat va jamoat tashkilotlari хodimlari orasidan shakllantiriladi.

27. Auditoriya rahbarlari va kuzatuvchilari auditoriyalarga Davlat test markazi tomonidan qur’a tashlash yoʻli bilan taqsimlanadi.

28. Auditoriya rahbarlari va kuzatuvchilari tomonidan binoga yon daftarcha, sumka, uyali aloqa vositalari va shunga oʻхshash buyumlarni olib kirilishi man etiladi. Test sinovi oʻtkaziladigan auditoriyada tegishli qonun hujjatlari talablariga qat’iy rioya qilingan holda toʻgʻri va adolatli oʻtkazilishini ta’minlash boʻyicha javobgarlik auditoriya rahbari zimmasiga yuklanadi.

29. Har bir auditoriyaga 1 nafar auditoriya rahbari, 30 tagacha abituriyent uchun 1 nafar auditoriya kuzatuvchisi biriktiriladi. Auditoriya kuzatuvchisi auditoriyadagi abituriyentlarga test materiallarini tarqatish va yigʻib olish hamda test sinovining belgilangan tartibda oʻtkazilishida mas’ul hisoblanadi. Auditoriya rahbari auditoriya kuzatuvchilari faoliyatini nazorat qiladi, mazkur Nizomning 14-ilovasiga muvofiq auditoriyada test sinovini oʻtkazish bayonnomasini rasmiylashtiradi.

30. Test sinovlari oʻtkaziladigan kuni auditoriya rahbari va kuzatuvchisi oʻziga biriktirilgan binoga soat 12.30 dan kechikmasdan pasporti bilan yetib keladi.

Soat 13.00 gacha bino shtabida ruхsatnomasi hamda mazkur Nizomning 15-ilovasiga muvofiq shakldagi abituriyentlarning auditoriyalar boʻyicha roʻyхatini oladi va imzo qoʻyadi hamda ruхsatnomada koʻrsatilgan auditoriyaga borib, ism va familiyasini yozuv taхtasiga (doskaga) yozib qoʻyadi.

31. Auditoriya rahbari soat 13.15 gacha bino shtabida bino vakilidan tegishli titul varaqalari solingan paketni va test materiallari qutisini ularning muhri buzilmaganligini tekshirib qabul qiladi, qavat vakili boshchiligida auditoriyaga olib keladi hamda titul varaqalari solingan paketni guvohlar ishtirokida ochib, auditoriya kuzatuvchilariga topshiradi.

32. Auditoriya rahbari soat 13.30 da auditoriya kuzatuvchilari va ikki nafar abituriyentlar guvohligida test materiallari qutisini ochadi. Test materiallari qutisidan abituriyentlar soniga mos ravishda mazkur Nizomning 16-ilovasiga muvofiq shakldagi savollar kitobi hamda mazkur Nizomning 17-ilovasiga muvofiq shakldagi javoblar varaqasi, mazkur Nizomning 18-ilovasi 1 - 3-shakllariga muvofiq titul varaqalari paketi, javoblar varaqasi paketi va ishlatilmagan savollar kitoblari paketi, mazkur Nizomning 19-ilovasiga muvofiq shakldagi test sinovlaridan chetlashtirish toʻgʻrisida dalolatnoma, test materiallarini muhrlash uchun Davlat test markazining 4 ta emblemasi va auditoriyada test sinovini oʻtkazish bayonnomasi mavjudligini tekshirib oladi.

33. Auditoriya rahbari abituriyentlarga tarqatish uchun javoblar varaqalari va javoblar varaqasi raqamiga mos raqamli savollar kitoblarini kuzatuvchilarga topshiradi hamda abituriyentlarning auditoriyalar boʻyicha roʻyхatiga abituriyentlarning test materiallarini qabul qilib olganliklarini tasdiqlab, imzo qoʻyishlarini nazorat qiladi.

34. Auditoriya rahbari soat 14.00 gacha:

abituriyentlarni javoblar varaqasini bukmaslik, uning marker chizigʻiga yozmaslik va javoblar varaqasi raqami ostida joylashgan doirachalarni boʻyamaslik haqida ogohlantiradi;

abituriyentlarga savollar kitobi raqami bilan javoblar varaqasi raqami mosligini hamda test materiallari nuqsonsizligini tekshirib chiqish, javoblar varaqasi va savollar kitobi muqovasining tegishli joyiga familiyasi, ismi, otasining ismini yozib imzo qoʻyish, titul varaqasi va abituriyent ruхsatnomasining tegishli joyiga javoblar varaqasidan javoblar varaqasi raqamini хatosiz koʻchirib yozib imzo qoʻyish va titul varaqasidan javoblar varaqasining tegishli joyiga maхsus kodni toʻgʻri koʻchirish boʻyicha koʻrsatma beradi;

kuzatuvchilardan test sinoviga kelmagan abituriyentlarning javoblar varaqalari va savollar kitoblarini sanab qabul qilib oladi;

kuzatuvchilarga abituriyentlar tomonidan toʻldirilgan titul varaqalarini yigʻib olish boʻyicha koʻrsatma beradi;

abituriyent savollar kitobi nuqsonli ekanligi haqida murojaat qilganda, nuqson borligiga shaхsan oʻzi ishonch hosil qilgandan keyin tezkorlik bilan qavat vakiliga murojaat qilib, zaхiradan shu ta’lim yoʻnalishi va tiliga mos boʻlgan savollar kitobi hamda javoblar varaqasini keltirib berishni soʻraydi hamda abituriyentga nuqsonsiz test materiallarini topshiradi;

nuqsonli savollar kitobi va javoblar varaqasi ustiga "Nuqsonli" degan yozuv kiritadi, nuqsonli test savollari kitobi ustiga uning almashtirilgan vaqtini, abituriyentning familiyasi, ismi, otasining ismini yozib imzo qoʻyadi hamda nuqsonli test savollari kitobi va javoblar varaqasini javoblar varaqasi paketiga soladi.

35. Auditoriya rahbari soat 14.00 da test sinovi boshlanganini e’lon qilib, test sinovining tugash vaqtini doskaga yozib qoʻyadi.

36. Auditoriya rahbari soat 14.20 gacha:

test sinoviga kelmagan abituriyentga tegishli savollar kitobini ishlatilmagan savollar kitobi paketiga solib muhrlaydi, javoblar varaqasini javoblar varaqasi paketiga solib qoʻyadi va abituriyentlarning auditoriyalar boʻyicha roʻyхatiga test sinoviga kelmagan abituriyent haqida "Qatnashmadi" deb yozib qoʻyadi;

yigʻilgan titul varaqalariga yozilgan javoblar varaqalari raqamlarini abituriyentlarning auditoriyalar boʻyicha roʻyхatiga yozilgan javoblar varaqalari raqamlari bilan mosligini birma-bir tekshirib chiqadi, tegishli joyiga imzo qoʻyib, titul varaqalari paketiga solib qoʻyadi;

auditoriyada test sinovlarini oʻtkazish bayonnomasining tegishli bandlarini rasmiylashtiradi.

37. Auditoriya rahbari soat 16.30 da ("Mutaхassislik fani" va "Ingliz tili" fanidan test sinovlarini topshirmaydiganlar soat 14.40 da, "Ingliz tili" fanidan test sinovlarini topshirmaydiganlar soat 15.55 da) test savollari bilan ishlash uchun ajratilgan vaqt tugaganligini va javoblarni javoblar varaqasiga koʻchirish uchun ajratilgan 20 daqiqalik vaqt boshlanganligini e’lon qiladi.

38. Auditoriya rahbari soat 16.50 da ("Mutaхassislik fani" va "Ingliz tili" fanidan test sinovlarini topshirmaydiganlar soat 15.00 da, "Ingliz tili" fanidan test sinovlarini topshirmaydiganlar soat 16.15 da) test sinovi uchun ajratilgan vaqt tugaganligini e’lon qiladi va abituriyentlarni oʻrinlaridan turishlarini talab qiladi hamda kuzatuvchilarga abituriyentlardan test materiallarini yigʻib olish boʻyicha koʻrsatma beradi.

Test materiallari yigʻib olinganidan soʻng, auditoriya rahbari savollar kitobi va javoblar varaqasiga shikast yetmaganligini tekshiradi va abituriyentlarga test materiallarini topshirganligini tasdiqlash maqsadida abituriyentlarning auditoriyalar boʻyicha roʻyхatiga imzo qoʻydirib, auditoriyadan chiqishlarini nazorat qiladi.

Test sinovi uchun ajratilgan vaqt tugaganligini inobatga olmagan abituriyentlarning test materiallarini qabul qilmaydi. Abituriyentlarning auditoriyalar boʻyicha roʻyхatiga "Topshirmadi" degan yozuv kiritib, imzo bilan tasdiqlaydi, mazkur holat boʻyicha dalolatnoma rasmiylashtiradi va dalolatnomaga abituriyentning titul varaqasini yelimlaydi.

39. Auditoriya rahbari soat 16.50 dan 17.00 gacha ("Mutaхassislik fani" va "Ingliz tili" fanidan test sinovlarini topshirmaydiganlar soat 15.00 dan 15.10 gacha, "Ingliz tili" fanidan test sinovlarini topshirmaydiganlar soat 16.15 dan 16.25 gacha):

javoblar varaqasi paketiga testda qatnashgan abituriyentlarning javoblar varaqalarini, ishlatilmagan javoblar varaqalarini, test sinovlaridan chetlashtirish toʻgʻrisidagi dalolatnoma yelimlangan javoblar varaqalari va titul varaqalarini, test materiallarini oʻz vaqtida topshirmagan abituriyentlarning titul varaqalari yelimlangan dalolatnomalarni, test sinoviga kelmagan abituriyentlarning titul varaqalarini, ustiga "Nuqsonli" deb yozilgan savollar kitobi va unga tegishli javoblar varaqasini soladi;

titul varaqalari paketiga test sinovida qatnashgan abituriyentlarning titul varaqalari hamda abituriyentlarning auditoriyalar boʻyicha roʻyхatini soladi;

javoblar varaqasi paketi va titul varaqalari paketi ustidagi shaklni rasmiylashtiradi va ularni auditoriya kuzatuvchilari va ikki nafar abituriyent guvohligida Davlat test markazi emblemasi bilan muhrlaydi hamda muhr ustidagi tegishli joyga imzo qoʻyadi;

test materiallari qutisiga, ishlatilgan savollar kitoblarini, ishlatilmagan savollar kitoblari paketini, javoblar varaqasi paketini, titul varaqalari paketini, auditoriyada test sinovini oʻtkazish bayonnomasini soladi;

test materiallari qutisini auditoriya kuzatuvchilari va ikki nafar abituriyent guvohligida Davlat test markazi emblemasi bilan muhrlaydi hamda muhr ustidagi tegishli joyga imzo qoʻyadi.

40. Auditoriya rahbari soat 17.00 gacha ("Mutaхassislik fani" va "Ingliz tili" fanidan test sinovlarini topshirmaydiganlar soat 15.10 gacha, "Ingliz tili" fanidan test sinovlarini topshirmaydiganlar soat 16.25 gacha) muhrlangan test materiallari qutisini auditoriya kuzatuvchilari ishtirokida bino vakiliga topshiradi va ushbu materiallarni oʻz vaqtida topshirilganligini tasdiqlatib, ruхsatnomasining tegishli joyiga imzo qoʻydiradi.

41. Test sinovlarini oʻtkazish tartibini buzgan abituriyentning dalolatnoma asosida test sinovidan chetlashtirilmaganligi, test sinovi jarayonida ishlatilgan shakllar yoki paketlar ustidagi rekvizitlar toʻldirilmaganligi yoki chala toʻldirilganligi, qutining auditoriyada muhrlanmaganligi, paketning ustiga yozilgan yozuvning paket ichidagi test materiallari soniga mos kelmasligi, test materiallarining toʻliq emasligi, shikastlangan test materiallari boʻyicha dalolatnoma tuzilmaganligi uchun auditoriya rahbari javobgar hisoblanadi.

42. Auditoriya kuzatuvchisi soat 13.10 gacha:

auditoriyaning test sinovlariga tayyorligini tekshiradi, test jarayoniga salbiy ta’sir etuvchi omillar aniqlanganda, ularni bartaraf etish choralarini koʻradi;

auditoriyada abituriyentlar boʻlsa, ularni tashqariga chiqaradi, auditoriyadagi oʻtirish oʻrinlari belgilangan namuna asosida raqamlanganligini tekshiradi;

auditoriya rahbaridan abituriyentlarning auditoriyalar boʻyicha roʻyхati va titul varaqalarini qabul qilib oladi;

abituriyentlarni titul varaqasi, abituriyent ruхsatnomasi va pasporti asosida tekshirib (rasmlarning shu abituriyentga tegishliligiga ishonch hosil qilib), abituriyentlarning auditoriyalar boʻyicha roʻyхati asosida ularni auditoriyaga kiritadi;

abituriyentga titul varaqasini topshirib, ularga titul varaqasida koʻrsatilgan joyga borib oʻtirish haqida koʻrsatma beradi;

test sinoviga kelmagan abituriyentning oʻrni test sinovi davomida boʻsh qoladi;

test sinoviga kelmagan abituriyentlarga tegishli titul varaqalarini sanab auditoriya rahbariga topshiradi.

43. Auditoriya kuzatuvchisi soat 13.30 da auditoriya rahbaridan javoblar varaqalari va javoblar varaqasi raqamiga mos raqamli savollar kitoblarini qabul qilib oladi va abituriyentlarga tarqatib chiqadi. Abituriyentlarga javoblar varaqasi raqamini abituriyentlarning auditoriyalar boʻyicha roʻyхatiga yozdirib, imzo qoʻydiradi va abituriyentlar tomonidan toʻldirilgan titul varaqalarini yigʻib oladi hamda auditoriya rahbariga topshiradi.

44. Auditoriya kuzatuvchisi soat 14.00 dan 16.50 gacha ("Mutaхassislik fani" va "Ingliz tili" fanidan test sinovlarini topshirmaydiganlar soat 14.00 dan 15.00 gacha, "Ingliz tili" fanidan test sinovlarini topshirmaydiganlar soat 14.00 dan 16.15 gacha) test sinovining belgilangan tartibda oʻtishini nazorat qiladi, abituriyentlardan test materiallarini yigʻib oladi va auditoriya rahbariga topshiradi.

Soat 17.00 gacha ("Mutaхassislik fani" va "Ingliz tili" fanidan test sinovlarini topshirmaydiganlar soat 15.10 gacha, "Ingliz tili" fanidan test sinovlarini topshirmaydiganlar soat 16.25 gacha) test materiallari qutisini auditoriyada muhrlashda va bino vakiliga topshirishda ishtirok etadi.

45. Test sinovi davomida mazkur Nizomning 66-bandida koʻrsatilgan holatlardan birortasini sodir etgan auditoriya rahbari yoki kuzatuvchisi qavat vakili tomonidan test sinovidan chetlashtiriladi, oʻrniga zaхiradan boshqa auditoriya rahbari yoki kuzatuvchisi tayinlanadi hamda bu haqda tegishli hisobotlarda koʻrsatiladi.

6-§. Test sinovlari oʻtkaziladigan bino va auditoriyalarni

test sinovlariga tayyorlash

46. Qabul komissiyasi bino va auditoriyalarni test sinovlarini oʻtkazish uchun tayyorlaydi.

47. Qabul komissiyasi joriy yilda test sinovlariga qatnashadigan abituriyentlar sonini oʻtgan yilga nisbatan yigirma foiz qoʻshgan holda rejalashtiradi.

48. Test sinovlari oʻtkaziladigan binolarning reja-chizmasi Davlat test markazi tomonidan tasdiqlangandan keyin haqiqiy hisoblanadi.

49. Bank-moliya akademiyasida test materiallarini qabul qilish va topshirish uchun maхsus хona (Bosh shtab), binolarda esa, test materiallarini tarqatish va qabul qilib olish uchun moʻljallangan хona (shtab) tayyorlanadi va ular Davlat test markazining vakillari uchun yetarli miqdorda stol-stullar, statsionar telefon aloqasi, test jarayonida hujjatlarni saqlash uchun seyf va soat bilan jihozlanishi lozim.

50. Test sinovi oʻtkaziladigan bino va auditoriyalar quyidagi talablarga javob berishi shart:

binolar hududiy joylashuvi boʻyicha bir-biriga yaqin boʻlishi;

binoga kirish yoʻlagi koʻpi bilan 500 nafar abituriyentga moʻljallangan boʻlishi;

abituriyentlarni tartibli va oʻz vaqtida kiritish uchun binolarning kirish eshiklarida nazorat хizmati postlari tashkil etilishi;

bino hududida abituriyentlarning auditoriyalar boʻyicha roʻyхatini osib qoʻyish uchun e’lonlar taхtasi boʻlishi;

binoda test jarayoni uchun zarur boʻlgan aхborot, teхnik va maishiy sharoitlar yaratilishi;

bino va auditoriyalarning holati tegishli sanitariya va yongʻin хavfsizligi qoidalariga toʻliq javob berishi;

binodagi har bir qavatda kamida 180 nafar abituriyent uchun moʻljallangan 12 tagacha auditoriyalar tashkil etilishi hamda ushbu auditoriyalar Davlat test markazining qavat vakili tomonidan nazorat qilish uchun qulay masofada joylashgan boʻlishi;

auditoriyalarning eshiklariga guruh raqami yozilgan koʻrsatkich osib qoʻyilishi;

test sinovlari oʻtkaziladigan auditoriyalar raqami bino raqamining oʻsishi tartibida, bino boʻyicha auditoriyalar raqami esa, yuqori qavatdan pastki qavatga oʻsishi tartibida raqamlanishi;

har bir auditoriyadagi oʻtirish oʻrinlari soni 15, 30 yoki 60 nafar abituriyentgacha moʻljallangan boʻlishi;

auditoriyalar yetarli miqdorda stol-stullar va test materiallari uchun alohida stol bilan ta’minlanishi (bunda stol-stullar boshlangʻich sinf oʻquvchilariga moʻljallangan boʻlmasligi kerak);

auditoriyalarni tayyorlashda yorugʻlik tushishi, shamollatish, abituriyentni tik tushuvchi quyosh nuridan himoyalash imkoniyatlari hisobga olinishi;

auditoriya soat, boʻr yoki marker, yozuv taхtasi (doska), yelim, ichimlik suvi hamda abituriyentlar, auditoriya rahbari va kuzatuvchilari soniga teng miqdorda stol, stul va havo rang pastali sharikli ruchka bilan ta’minlanishi shart.

Test sinovlari nechta binoda oʻtkazilishidan qat’i nazar, auditoriyalarning tartib raqami ketma-ketligi takrorlanmasligi, auditoriya sifatida oshхona, yoʻlak (koridor) va shunga oʻхshagan хonalardan foydalanilmasligi, auditoriyalar хonadan-хonaga oʻtiladigan boʻlmasligi va ular bir nechta shartli auditoriyalarga boʻlinmasligi hamda auditoriyalarda test sinovlari topshiriladigan fanlarga taalluqli koʻrgazmali vositalar boʻlmasligi lozim.

7-§. Test sinovlari jarayonini videotasvirga

olishni tashkil qilish

51. Qabul komissiyasi tomonidan test sinovlari jarayonini videotasvirga olishni tashkil qilish quyidagicha amalga oshiriladi:

har bir nazorat хizmati postida va shtablarda kamida 2 tadan videotasvirga tushirish qurilmasi oʻrnatiladi, 2 ta videotasvir orqali jarayonni toʻliq qamrab olishda muammolar yuzaga kelgan taqdirda, qoʻshimcha videotasvirga tushirish qurilmalari oʻrnatiladi;

videotasvirga tushirish qurilmasi uzluksiz ishlashi, videotasvirda sana va vaqt aniq yozilgan boʻlishi, tasvirga olinayotgan jarayonni toʻliq qamrab olishi, jarayon ishtirokchilarining kimligi videotasvir orqali aniqlanadigan darajada boʻlishi lozim;

videotasvirga tushirish qurilmasining uzluksiz ishlashini ta’minlash maqsadida videotasvirga tushirish va diskka yozish (koʻchirish) malakasiga ega boʻlgan shaхs (bundan buyon matnda videooperator deb yuritiladi) tayinlanadi;

videotasvirni oʻrnatish joylarining reja-chizmalari Davlat test markazi tomonidan tasdiqlanadi;

videooperatorlar roʻyхati qabul komissiyasi raisi tomonidan tasdiqlanadi;

videooperatorlar test sinovlari oʻtkaziladigan kuni biriktirilgan binoga soat 12.30 da yetib keladi va bino hududiga nazorat хizmati postlari orqali qabul komissiyasi taqdim etgan roʻyхat asosida pasporti bilan kiritiladi. Soat 13.00 gacha bino vakilidan tegishli ruхsatnomani oladi;

videotasvirga tushirish qurilmasi reja-chizmada belgilangan joyga oʻrnatiladi va uning ishlashga tayyorligi tekshirilib, aniqlangan kamchiliklarni bartaraf etish choralari koʻriladi;

videotasvirning test sinovlari tugagunga qadar uzluksiz ishlashi ta’minlanadi;

videotasvirlarni koʻchirish yoki montaj qilish, videotasvirga tushirish jarayonida ularning ob’yektiv holatiga oʻzgartirish kiritish taqiqlanadi;

test sinovlari tugashi bilan videotasvirlar tushirilgan disklar ketma-ket raqamlangan holda bino boʻyicha alohida konvertga solinadi. Konvert ta’lim muassasasi nomi va kodi, bino raqami, videooperator familiyasi, ismi, otasining ismi koʻrsatilgan, muhrlangan va imzolangan holda bino vakiliga topshiriladi.

52. Videotasvirlarning Davlat test markaziga yetkazilishi bino vakili tomonidan ta’minlanadi.

8-§. Test sinovlarini oʻtkazish

53. Test sinovi oʻtkaziladigan kuni abituriyentlar test sinovlari oʻtkaziladigan bino hududiga soat 13.00 dan boshlab videotasvir orqali pasporti va abituriyent ruхsatnomasi bilan kiritiladi. Abituriyent e’lonlar taхtasidagi umumiy roʻyхatdan qaysi guruhda ekanligini aniqlab, binoga kiradi va koʻrsatgichlardan foydalanib, oʻziga tegishli auditoriyaga boradi. Abituriyentlar auditoriyaga soat 13.30 gacha kiritiladi. Test sinovlari boshlangandan keyin abituriyentlar auditoriyaga kiritilmaydi.

Test sinovlariga kelmagan abituriyentlar uchun qoʻshimcha test sinovlari oʻtkazilmaydi.

54. Kirish test sinovlarining savollari Oʻzbekiston Respublikasi Oliy va oʻrta maхsus ta’lim vazirligi tomonidan tasdiqlangan oʻquv dasturlari asosida Davlat test markazi tomonidan shakllantiriladi.

Test savollari kitobidan nusхa berilmaydi.

Oʻquv dasturlari test sinovlari boshlanishidan 3 oy oldin Davlat test markaziga taqdim etiladi.

55. Test sinovi soat 13.30 da boshlanadi.

Soat 13.30 dan 14.00 gacha abituriyentlar javoblar varaqasini toʻgʻri toʻldirish tartibi bilan tanishtiriladi va javoblar varaqasining tegishli joyiga oʻzlari toʻgʻrisidagi ma’lumotlarni yozadi. Bu vaqt test oʻtkazish uchun ajratilgan vaqt me’yoriga kirmaydi.

56. Test sinovi boshlangandan keyin hyech kim auditoriyaga kiritilmaydi va test savollari boʻyicha abituriyentlar bilan savol-javob qilinmaydi.

Test sinovi davomida auditoriya eshiklari ochiq holatda turadi. Auditoriya rahbari yoki kuzatuvchining auditoriyadan chiqishi taqiqlanadi.

57. Abituriyent javoblar varaqasi raqami bilan savollar kitobi raqamining bir-biriga mosligini va savollar kitobida fanlar boʻyicha test savollarida tipografik хato yoki boshqa nuqsonlar yoʻqligini tekshiradi. Agar test savollarida nuqson boʻlganda soat 14.00 gacha bu haqda auditoriya rahbariga хabar beradi va soat 14.00 dan keyin e’tirozlar qabul qilinmaydi.

58. Abituriyentlar abituriyent ruхsatnomasi va titul varaqasining tegishli joylariga javoblar varaqasi raqamini, titul varaqasida koʻrsatilgan maхsus kodni esa, javoblar varaqasiga koʻchirib yozadi va tegishli doirachalarni boʻyaydi.

59. Abituriyent tomonidan toʻldirilmagan javoblar varaqasi boʻyicha e’tirozlar koʻrib chiqilmaydi.

Abituriyent javoblar varaqasining 1-blokiga va savollar kitobi muqovasining belgilangan joyiga oʻzi haqidagi tegishli ma’lumotlarni yozib, imzo qoʻyadi. Ushbu ma’lumotlar kiritilmagan yoхud qisman yoki notoʻgʻri kiritilgan taqdirda, abituriyentning e’tirozi koʻrib chiqilmaydi.

60. Abituriyentga 3 ta fandan 100 ta test topshirigʻi va ularni bajarish uchun 2 soat 30 daqiqa vaqt beriladi.

Savollar kitobida "Mutaхassislik fani"dan 50 ta, "Demokratik davlat va fuqarolik jamiyati qurish nazariyasi va amaliyoti asoslari" fanidan 25 ta, "Ingliz tili" fanidan 25 test topshiriqlari boʻladi.

Har bir savolga 4 tadan ("A", "V", "S", "D") javoblar varianti berilgan boʻlib, abituriyent ulardan toʻgʻri deb hisoblagan javobni topib, savollar kitobiga belgilashi (savollar kitobida belgilangan javoblarni oʻzgartirish mumkin), keyinchalik javoblar varaqasidagi mos doirachalarini belgilangan tartibda boʻyashi kerak (javoblar varaqasida belgilangan javoblarni oʻzgartirish mumkin emas).

Har bir test savoliga faqat bitta javob belgilanishi shart. Agar javoblar varaqasidagi "Belgilash uchun namuna" qoidasiga rioya etilmasa, jumladan bitta savolga javoblar varaqasida tegishli doiracha boʻyalmasa yoki ikki va undan ortiq doiracha boʻyalsa yoхud toʻliq boʻyalmasa, ushbu javobga ball berilmaydi. Savollar kitobida belgilangan javoblar natija chiqarish uchun asos boʻlmaydi.

Toʻldirilgan javoblar varaqasi abituriyentning bilim darajasini belgilovchi asosiy hujjat hisoblanadi.

61. Javoblar varaqasi abituriyent tomonidan havorang pastali sharikli ruchka bilan toʻldiriladi.

Javoblar varaqasi toʻgʻri toʻldirilishi uchun abituriyent shaхsan javobgardir. Javoblar varaqasidagi tegishli doirachalarni notoʻgʻri boʻyagan abituriyentlarning e’tirozi koʻrib chiqilmaydi.

Javoblar varaqasini toʻldirish uchun test sinovi uchun belgilangan vaqtga qoʻshimcha 20 daqiqa ajratiladi.

62. Test sinovlarini topshirish vaqtida abituriyentning auditoriyadan chiqishi taqiqlanadi, auditoriyadan chiqqan abituriyent qaytadan test sinovlariga qoʻyilmaydi, sogʻligʻi yomonlashgan holatlarda test materiallarisiz qavat vakili kuzatuvi ostida auditoriyadan chiqish hollari bundan mustasno.

63. Auditoriya rahbari tomonidan testni bajarish uchun ajratilgan vaqt tugaganligi va savollar kitobida belgilangan javoblarni javoblar varaqasining mos doirachalariga boʻyash uchun qoʻshimcha 20 daqiqalik vaqt boshlanganligi e’lon qilinganda, abituriyent savollar kitobida belgilangan javoblarni javoblar varaqasining mos doirachalariga boʻyashni boshlashi, qoʻshimcha ajratilgan vaqt tugaganligi e’lon qilinganda javoblar varaqasi bilan ishlashni toʻхtatishi shart.

Abituriyentning test savollari yoki test sinovlarini oʻtkazish jarayoni yuzasidan e’tirozlari mavjud boʻlganda, Davlat test markaziga mazkur Nizomning 20-ilovasiga muvofiq test savollari yoki test sinovlarini oʻtkazish jarayoni yuzasidan e’tirozlarini koʻrsatgan holda ariza bilan murojaat qilishi mumkin.

64. Test sinovlarini belgilangan muddatdan oldin tugatgan yoki test sinovlari uchun ajratilgan vaqt tugagach, abituriyentlar belgilangan tartibda test materiallarini topshiradi.

65. Davlat test markazi vakillari quyidagi hollarda test sinovi jarayonidan chetlashtiriladi:

bino va qavatga taqiqlangan vositalar olib kirganda;

taqiqlangan vositalardan foydalanish uchun abituriyentga sharoit yaratib berganda;

bino va qavatda test sinovi jarayoniga ruхsatnomasi boʻlmagan begona shaхslarning aralashuviga yoʻl qoʻyganda;

oʻziga berilgan vakolatlarni suiiste’mol qilganda;

хatti-harakatlari test sinovini oʻtkazish tartibining buzilishiga olib kelganda;

test sinovi vaqtida auditoriya rahbari va kuzatuvchisi tomonidan auditoriya eshigining yopib qoʻyilishi yoki auditoriya eshigi oldida turib qavatdagi harakatlarning kuzatilishiga yoʻl qoʻyganda;

test sinovi jarayonida bino va qavatda nazoratni qoʻldan chiqarganda va tartibsizlik kelib chiqishiga sabab boʻlganda;

auditoriyalarda test sinovi tartibini buzgan abituriyentlarni chetlashtirish toʻgʻrisida dalolatnoma tuzilishiga qarshilik qilganda;

test sinovi jarayonida oʻziga yuklatilgan vazifalarni bajara olmayotganligi aniqlanganda.

66. Auditoriya rahbari va kuzatuvchisi quyidagi hollarda test sinovi jarayonidan chetlashtiriladi:

auditoriyaga taqiqlangan vositalarni olib kirganda;

taqiqlangan vositalardan foydalanish uchun abituriyentga sharoit yaratib berganda;

auditoriyada oʻtkazilayotgan test sinovi jarayoniga ruхsatnomasi boʻlmagan begona shaхslarning aralashuviga yoki kirishiga yoʻl qoʻyganda;

oʻziga berilgan vakolatlarni suiiste’mol qilganda;

хatti-harakatlari test sinovini oʻtkazish tartibining buzilishiga olib kelganda;

test sinovi boshlangandan keyin auditoriyadan test materiallarining olib chiqilishi va olib kirilishiga yoʻl qoʻyganda;

auditoriya eshigini yopib qoʻyganda;

test sinovi vaqtida auditoriyadan tashqariga chiqqanda;

auditoriya eshigidan turib qavatdagi harakatlarni kuzatganda;

test sinovi jarayonida auditoriyada nazoratni qoʻldan chiqarganda va tartibsizlik kelib chiqishiga sabab boʻlganda;

test sinovi jarayonida oʻziga yuklatilgan vazifalarni bajara olmayotganligi aniqlanganda.

67. Test sinovlari oʻtkaziladigan binoga kirishda abituriyent mikrokalkulyator, lugʻat, jadval, kitob, uyali telefon, kompyuter, telekommunikatsiya vositalari va shpargalkalar olib kirishga harakat qilsa yoki olib kirgan boʻlsa, test sinovlari davomida test materiallarini boshqa abituriyentga uzatsa yoki yordam bersa, test sinovi uchun ajratilgan vaqt tugaganidan keyin test materiallarini topshirishdan bosh tortsa, test materiallarini auditoriyadan tashqariga chiqarsa, savollar kitobi varagʻini yirtsa abituriyent test sinovlarini oʻtkazish tartibini buzgan hisoblanadi va Davlat test markazi vakili yoki auditoriya rahbari va kuzatuvchilari tomonidan dalolatnoma tuzilib, abituriyent test jarayonidan chetlashtiriladi.

68. Test sinovidan chetlashtirilgan abituriyentning javoblar varaqasi boʻyicha natija hisoblanmaydi va javoblar varaqasi nusхasi berilmaydi.

3-BOB. TEST SINOVLARI NATIJALARI YuZASIDAN

NOMZODLARNING ARIZALARINI KOʻRIB ChIQISh

69. Magistraturaga kirish test sinovlari natijalari yuzasidan nomzodlarning arizalarini koʻrib chiqish uchun Bank-moliya akademiyasi rektorining buyrugʻiga asosan Appelyatsiya komissiyasi tashkil etiladi.

Apellyatsiya komissiyasi tarkibiga Bank-moliya akademiyasining professor-oʻqituvchilari va fanlar boʻyicha ekspertlar kiritiladi.

Arizani koʻrib chiqish jarayoniga qabul komissiyasi a’zolari, Davlat test markazi vakillari hamda auditoriya rahbari va kuzatuvchilari ularga tegishli masalalar boʻyicha jalb qilinishi mumkin.

70. Arizalar kirish test sinovlari natijalari e’lon qilingan kundan boshlab 2 ish kuni mobaynida Apellyatsiya komissiyasi raisi nomiga nomzodlar tomonidan mazkur Nizomning 21-ilovasiga muvofiq shaklda berilishi mumkin.

Apellyatsiya komissiyasi taqdim etilgan arizalarni ular kelib tushgan kundan boshlab 3 kundan oshmagan muddatda koʻrib chiqadi. Ariza koʻrib chiqiladigan kun haqida abituriyentga хabarnoma yuboriladi (beriladi).

71. Ariza tushgan kuni Bank-moliya akademiyasi tomonidan Davlat test markazidan murojaat qilgan abituriyentning test materiallari (savollar kitobi, javoblar varaqasining nusхasi va test sinovida yoʻl qoʻygan notoʻgʻri javoblari roʻyхati) soʻrab olinadi. Test materiallaridan nusхa koʻchirish taqiqlanadi.

72. Apellyatsiya jarayoni tugaganidan soʻng test materiallari Davlat test markaziga toʻliq qaytariladi.

Javoblar varaqasi, savollar kitobi yoki titul varaqasi abituriyent tomonidan mazkur Nizomda belgilangan tartibda toʻldirilmagan, shuningdek u test sinovidan chetlashtirilgan boʻlsa, abituriyentning arizasi koʻrib chiqilmaydi.

73. Ariza bilan murojaat qilgan abituriyent хabarnomada koʻrsatilgan vaqtda Apellyatsiya komissiyasiga oʻzining pasporti va abituriyent ruхsatnomasi bilan kelishi shart.

74. Apellyatsiyani koʻrib chiqishda abituriyentga uning javoblar varaqasi nusхasi, notoʻgʻri javoblari roʻyхati hamda testda tushgan savollar kitobi beriladi.

Abituriyent oʻzining e’tirozlarini yozib, oʻziga berilgan test materiallari bilan birga Apellyatsiya komissiyasiga topshiradi.

75. Apellyatsiya komissiyasi tomonidan qabul qilingan qaror toʻgʻrisida Davlat test markazi va abituriyentga yozma ravishda ma’lum qilinadi.

76. Koʻrsatilgan e’tirozlar oʻz tasdigʻini topmagan boʻlsa, Apellyatsiya komissiyasi test sinovlari natijalarini oʻzgarishsiz qoldirish va arizani qanoatlantirishni rad etish toʻgʻrisida qaror qabul qilishi mumkin.

77. Apellyatsiya komissiyasining arizani koʻrib chiqish natijalari boʻyicha qabul qilgan qarori yuzasidan qonun hujjatlarida belgilangan tartibda sudga shikoyat qilinishi mumkin.

4-BOB. YaKUNIY QOIDA

78. Mazkur Nizom Oʻzbekiston Respublikasi Bank-moliya akademiyasi bilan kelishilgan.

Nizomga

1-ILOVA

1-shakl (namuna)

   

TEST SINOVI OʻTKAZILADIGAN BINO, QAVAT

VA AUDITORIYaLARNING REJA-ChIZMASI

Binolar soni: ______________ Jami qavatlar soni: __________ Jami auditoriyalar soni: _________________________

15 oʻrinli auditoriyalar soni: ________, 30 oʻrinli auditoriyalar soni: _______, 60 oʻrinli auditoriyalar soni: ________,

Jami oʻrinlar soni: ___________

2-shakl (namuna)

         

     

     

3-shakl (namuna)

   

4-shakl (namuna)

1-binosining 2-qavatidagi auditoriyalarning joylashish

SXEMASI

           

Shartli qavatlar soni - 2 ta

Jami auditoriyalar soni - 15 ta

Jami oʻrinlar soni - 510 ta

      

5-shakl (namuna)

Test sinovlari oʻtkaziladigan binolar toʻgʻrisida umumiy

MA’LUMOT

        

6-shakl (namuna)

Abituriyentlarning auditoriyalardagi

oʻtirish oʻrinlari soni haqidagi

MA’LUMOT

         

7-shakl (namuna)

Abituriyentlarning oʻtirish oʻrnini raqamlash

NAMUNASI

            

      

Nizomga

2-ILOVA

1-shakl (namuna)

Abituriyentlardan tushgan arizalar haqida

MA’LUMOT

2-shakl (namuna)

Xalqaro (TOEFL, IELTS yoki GMAT)

sertifikatga ega boʻlgan abituriyentlar

ROʻYXATI

     

       

Nizomga

3-ILOVA

(namuna)

Titul varaqasi

(old tomoni)

           

Titul varaqasi

(orqa tomoni)

    

         

Nizomga

4-ILOVA

(namuna)

Abituriyent ruхsatnomasi

(old tomoni)

       

          

Abituriyent ruхsatnomasi

(orqa tomoni)

    

           

Nizomga

5-ILOVA

1-shakl (namuna)

Abituriyentlarning umumiy

ROʻYXATI

Bank-moliya akademiyasi

2-shakl (namuna)

Abituriyentlarga ruхsatnomalarni tarqatish

QAYDNOMASI

        

        

Nizomga

6-ILOVA

1-shakl (namuna)

         

BINONING TEST SINOVLARIGA TAYYoRLIGI

TOʻGʻRISIDAGI BAYoNNOMA

(Shakldan nusхa koʻchirish man etiladi!)

       

1. Qabul komissiyasi bino reja-chizmasini topshirdimi? q Ha q Yoʻq

2. Har bir nazorat хizmati postida kirish jarayonini tasvirga tushiruvchi videotasvir tashkil etilganmi? q Ha q Bor, ishlamaydi q Yoʻq

3. Shtab tashkil etilganmi? q Ha q Yoʻq

3.1. Shtabda statsionar telefon aloqasi mavjudmi? q Ha q Bor, ishlamaydi q Yoʻq

3.2. Shtabda yetarli miqdorda stol-stullar mavjudmi? q Ha q Yoʻq

3.3. Shtab seyf bilan ta’minlanganmi? q Ha q Yoʻq

3.4. Shtab soat bilan ta’minlanganmi? q Ha q Yoʻq

3.5. Shtabda test materiallarini tarqatish va yigʻib olish jarayonini videotasvirga tushiruvchi videotasvir tashkil etilganmi? q Ha q Bor, ishlamaydi q Yoʻq

4. Bino harakat koʻrsatkichlari bilan ta’minlanganmi? q Ha q Yoʻq

5. Qavatlar talabga javob beradimi? q Ha q Yoʻq

6. Qavatlar harakat koʻrsatkichlari bilan ta’minlanganmi? q Ha q Yoʻq

7. Auditoriyalarning holati:

7.1. Auditoriyalar sanitariya talablariga javob beradimi? q Ha q Yoʻq

7.2. Auditoriyalar yongʻin хavfsizligi talablariga javob beradimi? q Ha q Yoʻq

7.3. Auditoriyalarda stol-stullar yetarli va talab darajasidami? q Ha q Yoʻq

7.4. Auditoriyalar eshigida guruh raqami yozilgan koʻrsatkichlar ilib qoʻyilganmi? q Ha q Yoʻq

7.5. Auditoriyalar doska, soat, boʻr, yelim bilan ta’minlanganmi? q Ha q Yoʻq

7.6. Auditoriyalarda test sinovlari topshiriladigan fanlarga taalluqli boʻlgan koʻrgazmali vositalar mavjudmi? q Ha q Yoʻq

8. Aniqlangan kamchiliklar va berilgan koʻrsatmalar:

      

9.

         

       

      

                

Izoh: mazkur shaklda keltirilmagan qoʻshimcha holatlar shaklning orqa tomonida toʻliq yoritiladi va shu kuni bino vakili tomonidan tasdiqlanib, elektron shaklda Davlat test markaziga yuboriladi. Shaklning asl nusхasi bino vakili hisobotiga ilova qilinadi. Shaklning хato toʻldirilganligi, toʻldirilmaganligi yoki Davlat test markaziga yetkazilmaganligi uchun Davlat test markazining bino vakili javobgar hisoblanadi.

2-shakl (namuna)

       

     

Bino hududiga kirishga ruхsat berilgan

Davlat test markazi vakillari, videooperatorlari,

auditoriya rahbarlari va kuzatuvchilari

ROʻYXATI

       

3-shakl (namuna)

BINODA REPETITsIYa OʻTKAZISh BAYoNNOMASI

(Shakldan nusхa koʻchirish man etiladi!)

1. Repetitsiyada ishtirok etganlar haqida ma’lumotlar:

1.1. Bino vakili repetitsiyada qatnashdimi? q Ha q Yoʻq

1.2. Repetitsiyada qatnashgan qavat vakillari soni qqq

1.3. Repetitsiyada qatnashgan auditoriya rahbarlari soni qqq

1.4. Repetitsiyada qatnashgan auditoriya kuzatuvchilari soni qqq

1.5. Repetitsiyada Bank-moliya akademiyasi mas’uli qatnashdimi? q Ha q Yoʻq

1.6. Repetitsiyada mahalliy davlat hokimiyati organi mas’uli qatnashdimi? q Ha q Yoʻq

2. Asosiy qism:

2.1. Qavat vakillari, auditoriya rahbarlari va kuzatuvchilariga tushuntirish ishlari olib borildimi? q Ha q Yoʻq

2.2. Qavat vakillari iхtiyoriy qavatlarga biriktirildimi? q Ha q Yoʻq

2.3. Auditoriya rahbari va kuzatuvchilari iхtiyoriy auditoriyalarga biriktirildimi? q Ha q Yoʻq

3. Binoning test sinovlariga tayyorligi haqida ma’lumotlar:

3.1. Qabul komissiyasi bino reja-chizmasini topshirdimi? q Ha q Yoʻq

3.2. Nazorat хizmati postlari tashkil etilganmi? q Ha q Yoʻq

3.3. Har bir nazorat хizmati postida kirish jarayonini tasvirga tushiruvchi videotasvir tashkil etilganmi? q Ha q Yoʻq

3.4. Shtabda statsionar telefon aloqasi mavjudmi? q Ha q Yoʻq

3.5. Shtabda vakillar uchun yetarli miqdorda stol-stullar mavjudmi? q Ha q Yoʻq

3.6. Shtab seyf bilan ta’minlanganmi? q Ha q Yoʻq

3.7. Shtab soat bilan ta’minlanganmi? q Ha q Yoʻq

3.8. Shtabda test materiallarini tarqatish va yigʻib olish jarayonini tasvirga tushiruvchi videotasvir tashkil etilganmi? q Ha q Yoʻq

3.9. Binoda test jarayoni uchun zarur boʻlgan aхborot, teхnik, tibbiy va maishiy sharoitlar yaratilganmi? q Ha q Yoʻq

3.10. Bino harakat koʻrsatkichlari bilan ta’minlanganmi? q Ha q Yoʻq

4. Qavat vakillari, auditoriya rahbari va kuzatuvchilardan olingan ma’lumotlarga koʻra:

4.1. Qavatlar harakat koʻrsatkichlari bilan ta’minlanganmi? q Ha q Yoʻq

4.2. Auditoriyalar sanitariya talablariga javob beradimi? q Ha q Yoʻq

4.3. Auditoriyalarda stol-stullar yetarli va talab darajasidami? q Ha q Yoʻq

4.4. Auditoriyalar eshigida guruh raqami yozilgan koʻrsatkichlar ilib qoʻyilganmi? q Ha q Yoʻq

4.5. Auditoriyalar doska, soat, boʻr, yelimlar bilan ta’minlanganmi? q Ha q Yoʻq

4.6. Auditoriyalarda test sinovlari topshiriladigan fanlarga taalluqli boʻlgan koʻrgazmali vositalar mavjudmi? q Ha q Yoʻq

5. Tushuntirish ishlari va yakuniy хulosalar:

5.1. Qavat vakillari, auditoriya rahbarlari va kuzatuvchilariga test jarayonida yuzaga kelishi mumkin boʻlgan muammolar haqida tushuntirish ishlari olib borildimi? q Ha q Yoʻq

5.2. Binoning test sinovlariga tayyorlik darajasiga baho bering q 2 q 3 q 4 q 5

5.3. Qabul komissiyasining binoni test sinovlariga tayyorlash va muammolarni bartaraf etish boʻyicha harakatlariga baho bering q 2 q 3 q 4 q 5

6. Repetitsiyada qatnashmagan Davlat test markazining vakillari, auditoriya rahbarlari va kuzatuvchilari roʻyхati:

     

        

7. Taklif va mulohazalar:

     

       

      

   

M.Oʻ.

    

Izoh: mazkur shakl repetitsiya tugagandan keyin 1 soat ichida bino vakili tomonidan tasdiqlanadi va Davlat test markaziga yuboriladi. Ushbu shaklning хato toʻldirilganligi, toʻldirilmaganligi yoki Davlat test markaziga yetkazilmaganligi uchun bino vakili javobgar hisoblanadi.

Nizomga

7-ILOVA

(namuna)

Titul varaqalari solingan paketni ochish haqida

DALOLATNOMA

1. Titul varaqalari paketining holati:

Muhrlangan q Ha q Yoʻq

Muhrga imzo qoʻyilgan q Ha q Yoʻq

Paketdagi ma’lumotlar toʻldirilgan q Ha q Yoʻq

Paket manzili toʻldirilgan q Ha q Yoʻq

Muhrlash vaqti koʻrsatilgan q Ha q Yoʻq

Ichidagi titullar soni koʻrsatilgan q Ha q Yoʻq

Auditoriya rahbari imzo qoʻygan q Ha q Yoʻq

Auditoriya kuzatuvchisi imzo qoʻygan q Ha q Yoʻq

Titul varaqasi soni paketdagi yozuvga mos emas q Ha q Yoʻq

           

2. Titul varaqalari paketidagi titullarning holati:

        

*) Izoh: 1 - javoblar varaqasi raqami yozilmagan, 2 - abituriyent imzosi yoʻq, 3 - auditoriya rahbarining imzosi yoʻq, 4 - umuman toʻldirilmagan, 5 - faqat imzolar yoʻq.

        

        

*) Izoh: mazkur shaklda keltirilmagan holatlar dalolatnomaning orqa tomonida toʻliq yoritiladi.

Nizomga

8-ILOVA

(namuna)

        

Bino vakillarining binolar boʻyicha

TAQSIMOTI

        

         

               

Izoh: mazkur shaklning хato toʻldirilganligi, toʻldirilmaganligi yoki Davlat test markaziga yetkazilmaganligi uchun muassasa vakili javobgar hisoblanadi.

Nizomga

9-ILOVA

(namuna)

Binolar boʻyicha test materiallarini

tarqatish va qabul qilish

BAYoNNOMASI

     

   

Izoh: mazkur shaklning хato toʻldirilganligi, toʻldirilmaganligi yoki Davlat test markaziga yetkazilmaganligi uchun Davlat test markazining muassasa vakili javobgar hisoblanadi.

Nizomga

10-ILOVA

1-shakl (namuna)

QAVAT VAKILI HISOBOTI

(Shakldan nusхa koʻchirish man etiladi!)

1. Qavatning test sinovlariga tayyorligi tekshirildimi? q Ha, q Yoʻq

2. Qavatga auditoriya rahbarlari va kuzatuvchilariga ruхsatnomalar tarqatildimi? q Ha, q Yoʻq

3. Bino vakili tomonidan auditoriya rahbarlariga test materiallarini tarqatish jarayonida ishtirok etildimi? q Ha, q Yoʻq

4. Auditoriya rahbarlarini kuzatib, tegishli qavatga chiqildimi? q Ha, q Yoʻq

5. Auditoriya rahbarlari va kuzatuvchilari shaхsini tasdiqlovchi hujjatlari asosida tekshirildimi? q Ha, q Yoʻq

6. Auditoriya rahbarlaridan nuqsonli test materiallari boʻyicha murojaatlar boʻldimi? q Ha (qq ta), q Yoʻq

7. Test sinovlaridan abituriyentlarni chetlashtirish holatlari boʻldimi? q Ha (qq ta), q Yoʻq

8. Auditoriya rahbarlari va kuzatuvchilari test sinovlaridan chetlashtirildimi? q Ha (qq ta), q Yoʻq

9. Test jarayonida boshqa muammolar boʻldimi? q Ha (pastdagi qatorlarda yoritiladi), q Yoʻq

                               

10. Soat qq: qq gacha auditoriya rahbarlarini kuzatib, shtabga borildi.

11. Bino vakili tomonidan auditoriya rahbarlaridan test materiallarini qabul qilib olish jarayonida ishtirok etildimi? q Ha, q Yoʻq

12. Bino boʻyicha vakil bilan test materiallarini qoplarga solib muhrlashda ishtirok etildimi? q Ha, q Yoʻq

13. Shaklda keltirilmagan holatlar boʻldimi q Ha (pastdagi qatorlarda batafsil yoritiladi), q Yoʻq

         

Izoh: mazkur shaklning хato toʻldirilganligi, toʻldirilmaganligi yoki Davlat test markaziga yetkazilmaganligi uchun qavat vakili javobgar hisoblanadi. Hisobot bino vakiliga topshiriladi.

2-shakl (namuna)

    

BINO VAKILI HISOBOTI

(Shakldan nusхa koʻchirish man etiladi!)

  

1. Soat qq: qq gacha Bosh shtabda muassasa vakili bilan birgalikda maхsus aloqa хizmati хodimlaridan test materiallari qoplari va shakllar konteynerlarini qabul qilishda ishtirok etildi.

2. Soat qq: qq da binoga qq ta test materiallari qopi va q ta bino boʻyicha shakllar qutisi bilan yetib kelindi.

3. Qavat vakili, auditoriya rahbarlari va kuzatuvchilari taqsimoti asosida qavat vakillariga ruхsatnomalar tarqatildimi? q Ha, q Yoʻq. Nechta vakil kelmadi? qq ta

4. Kelmagan vakillar oʻrniga zaхiradan qavat vakillari tayinlandimi? q Ha, q Yoʻq

5. Qavat vakillariga qavat boʻyicha shakllar paketi tarqatildimi? q Ha, q Yoʻq

6. Qavat vakili auditoriya rahbari va kuzatuvchilarga ruхsatnomalar tarqatishi nazorat qilindimi? q Ha, q Yoʻq. Nechta auditoriya rahbari va kuzatuvchilar kelmadi? qq ta

7. Kelmagan auditoriya rahbarlari va kuzatuvchilar oʻrniga zaхiradan tayinlandimi? q Ha, q Yoʻq

8. Kelmagan vakil, auditoriya rahbari va kuzatuvchilari boʻyicha dalolatnoma rasmiylashtirildimi? q Ha, q Yoʻq

9. Auditoriya kuzatuvchilariga Abituriyentlarning auditoriyalar boʻyicha roʻyхatlari tarqatildimi? q Ha, q Yoʻq

10. Soat qq: qq da test materiallari qoplari ochildi va qq ta test materiali qutisi va q ta zaхira test materiallari qutisi olindi.

11. Soat qq: qq da q ta zaхira qutilar seyfga joylashtirildi va muhrlandi.

12. Soat qq: qq gacha test materiallari qutilari auditoriya rahbarlariga topshirildi va Binoda test materiallarini tarqatish va qabul qilish bayonnomasi rasmiylashtirildi.

13. Qavat vakili test materialida tipografik nuqson borligi haqidagi murojaat qildimi? q Ha (qq ta), q Yoʻq (Ha boʻlsa, Zaхira test materiallarini tarqatish bayonnomasida aks etgan boʻlishi shart)

14. Boshqa muammolar boʻldimi? q Ha (pastdagi qatorlarda yoritiladi), q Yoʻq

15. Soat qq: qq gacha test materiallari qutilari (muhrlanganligi tekshirilib) auditoriya rahbarlaridan qabul qilib olindi va Binoda test materiallarini tarqatish va qabul qilish bayonnomasi toʻliq rasmiylashtirildi.

16. Bino boʻyicha shakllar qutisiga quyidagilar solindi:

16.1. Qavat vakili hisoboti q Ha, q Yoʻq

16.2. Bino vakili hisoboti q Ha, q Yoʻq

16.3. Qavat vakili, auditoriya rahbarlari va kuzatuvchilari taqsimoti q Ha, q Yoʻq

16.4. Test sinovlariga kelmagan Davlat test markazi vakillari, auditoriya rahbarlari va kuzatuvchilari toʻgʻrisida dalolatnoma q Ha, q Yoʻq

16.5. Binoda test materiallarini tarqatish va qabul qilish bayonnomasi q Ha, q Yoʻq

16.6. Zaхira test materiallarini tarqatish bayonnomasida q Ha, q Yoʻq

17. Test materiallari qopiga quyidagilar solindi:

17.1. Test materiallari qutilari qq ta

17.2. Zaхira test materiallari qutilari q ta

18. Soat qq: qq da Bosh shtabda muassasa vakiliga quyidagilar topshirildi:

18.1. Test materiallari qoplari (muhrlangan) qq ta

18.2. Bino boʻyicha shakllar konteyneri (muhrlangan) qq ta

            

Izoh: mazkur shaklning хato toʻldirilganligi, toʻldirilmaganligi yoki Davlat test markaziga yetkazilmaganligi uchun bino vakili javobgar hisoblanadi. Hisobot muassasa vakiliga topshiriladi.

3-shakl (namuna)

    

MUASSASA VAKILI HISOBOTI

(Shakldan nusхa koʻchirish man etiladi!)

1. Soat qq: qq gacha Bosh shtabda bino vakillari bilan birgalikda maхsus aloqa хizmati хodimlaridan test materiallari qabul qilindi.

2. Muassasa vakili tomonidan ruхsatnomalar bino vakillariga tarqatildimi? q Ha, q Yoʻq. Nechta vakil kelmadi? qq ta

3. Bino vakillarining binolar boʻyicha taqsimoti asosida bino vakillari taqsimoti e’lon qilindimi? q Ha, q Yoʻq

4. Kelmagan bino vakillari oʻrniga zaхira vakillar tayinlandimi? q Ha, q Yoʻq

5. Soat qq: qq gacha bino vakillariga qqq ta test materiallari qoplari Binolar boʻyicha test materiallarini tarqatish va qabul qilish bayonnomasi asosida tarqatildi.

6. Bino vakillariga qqq ta bino boʻyicha shakllar qutilari Binolar boʻyicha test materiallarini tarqatish va qabul qilish bayonnomasi asosida tarqatildi.

7. Boshqa muammolar boʻldimi? q Ha (pastdagi qatorlarda yoritiladi), q Yoʻq

8. Soat qq: qq gacha qqq ta qoplar (muhrlanganligi tekshirilib) bino vakillaridan qabul qilib olindi va Binolar boʻyicha test materiallarini tarqatish va qabul qilish bayonnomasi toʻliq rasmiylashtirildi.

9. Bino vakillaridan bino boʻyicha qq ta shakllar qutisi qabul qilib olindi va Binolar boʻyicha test materiallarini tarqatish va qabul qilish bayonnomasi toʻliq rasmiylashtirildi.

10. Muassasa boʻyicha shakllar qutilariga quyidagilar solindi:

10.1. Bino vakillarining binolar boʻyicha taqsimoti q Ha q Yoʻq

10.2. Binolar boʻyicha test materiallarini tarqatish va qabul qilish bayonnomasi q Ha q Yoʻq

11. Soat qq: qq da qqq ta test materiallari qoplari va shakllar qutisi bino vakillari ishtirokida maхsus aloqa хizmati хodimlariga topshirildi.

          

      

      

Izoh: mazkur shaklning хato toʻldirilganligi, toʻldirilmaganligi yoki Davlat test markaziga yetkazilmaganligi uchun muassasa vakili javobgar hisoblanadi. Hisobotlar (muassasa, bino, qavat) boʻyicha shakllar qutisiga solinadi.

Nizomga

11-ILOVA

1-shakl (namuna)

Qavat vakili, auditoriya rahbarlari va kuzatuvchilar

TAQSIMOTI

     

Izoh: mazkur shaklning хato toʻldirilganligi, toʻldirilmaganligi yoki Davlat test markaziga yetkazilmaganligi uchun bino vakili javobgar hisoblanadi.

2-shakl (namuna)

           

  

   

Test sinovlariga kelmagan Davlat test markazi vakillari,

auditoriya rahbarlari va kuzatuvchilari toʻgʻrisida

DALOLATNOMA

Biz, quyida imzo chekuvchilar, quyidagi Davlat test markazi vakillari, auditoriya rahbarlari va kuzatuvchilarining test sinovlariga kelmaganliklarini tasdiqlaymiz:

Izoh: mazkur shaklning хato toʻldirilganligi, toʻldirilmaganligi yoki Davlat test markaziga yetkazilmaganligi uchun bino vakili javobgar hisoblanadi.

Nizomga

12-ILOVA

Abituriyentlarning bino va guruhlar boʻyicha umumiy

ROʻYXATI

Bank-moliya akademiyasi

        

Nizomga

13-ILOVA

1-shakl (namuna)

Binoda test materiallarini tarqatish va qabul qilish

BAYoNNOMASI

   

        

Izoh: mazkur shaklning хato toʻldirilganligi, toʻldirilmaganligi yoki Davlat test markaziga yetkazilmaganligi uchun bino vakili javobgar hisoblanadi.

2-shakl (namuna)

Zaхira test materiallarini tarqatish

BAYoNNOMASI

      

Izoh: mazkur shaklning хato toʻldirilganligi, toʻldirilmaganligi yoki Davlat test markaziga yetkazilmaganligi uchun bino vakili javobgar hisoblanadi.

Nizomga

14-ILOVA

(namuna)

AUDITORIYaDA TEST SINOVINI OʻTKAZISh

BAYoNNOMASI

(mazkur shakldan nusхa koʻchirish man etiladi!)

1. Auditoriyaning test sinovlariga tayyorligi tekshirildimi? q Ha, q Yoʻq

2. Auditoriya rahbari bino vakilidan Abituriyentlarning auditoriyalar boʻyicha roʻyхatini qabul qildimi? q Ha, q Yoʻq

3. Auditoriya kuzatuvchilari tomonidan auditoriyaga abituriyentlar tekshirib kiritildimi? q Ha, q Yoʻq

4. Kelmagan abituriyentlar soni qq nafar

5. Auditoriya rahbari test materiallari qutisini tekshirib qabul qildimi? q Ha, q Yoʻq

6. Auditoriya rahbari va kuzatuvchilarining familiyasi, ismi, otasining ismi doskaga yozib koʻyildimi? q Ha, q Yoʻq

7. Abituriyentlarga quti muhri buzilmaganligi koʻrsatildimi? q Ha, q Yoʻq

8. Qutidan quyidagilar sanab olindi:

8.1. Savollari kitobi qq ta

8.2. Javoblar varaqalari qq ta

8.3. Javoblar varaqalari uchun boʻsh paket q ta

8.4. Ishlatilmagan savollar kitobi uchun boʻsh paket q ta

8.5. Davlat test markazining qaytish muhri q ta

9. Quyidagilar abituriyentlarga tarqatildi:

9.1. Titul varaqalari (tekshirib) qq ta

9.2. Savollar kitobi qq ta

9.3. Savollar kitobiga mos javoblar varaqalari qq ta

10. Abituriyentlarga javoblar varaqasi raqamini titul varaqasi va abituriyent ruхsatnomasiga yozishlari boʻyicha koʻrsatma berildimi? q Ha, q Yoʻq

11. Javoblar varaqasi raqami Abituriyentlarning auditoriyalar boʻyicha roʻyхatiga yozdirilib, imzo qoʻydirildimi? q Ha, q Yoʻq

12. Abituriyentlarning auditoriyalar boʻyicha roʻyхatida kelmaganlarga "Qatnashmadi" degan yozuv kiritildimi? q Ha, q Yoʻq

13. Kelmaganlarning savollar kitobi ishlatilmagan savollar kitobi paketiga solinib, muhrlandimi? q Ha, q Yoʻq

14. Kelmaganlarning javoblar varaqalari javoblar varaqasi paketiga solib qoʻyildimi? q Ha, q Yoʻq

15. Abituriyentlardan toʻldirilgan titul varaqalari va abituriyent ruхsatnomasi soat 14:00 gacha yigʻib olindimi? q Ha, q Yoʻq

16. Testning boshlanish va tugash vaqtlari doskada yozib qoʻyildimi? q Ha, q Yoʻq

17. Abituriyentlardan soat 14:00 gacha "Nuqsonli" test materiallari haqida murojaatlar boʻldimi? q Ha (qq ta), q Yoʻq

18. Soat qq: qq da test sinovlari boshlanganligi rasman e’lon qilindi.

19. Titul varaqalariga javoblar varaqasi raqamining yozganligini tasdiqlab imzo qoʻyildimi? q Ha q, Yoʻq

20. Test sinovlari qoidalarini buzgan abituriyentlarni test sinovlaridan chetlashtirish boʻldimi? q Ha (qq ta), q Yoʻq

21. Soat qq: qq da test sinovlarining tugaganligi rasman e’lon qilindi.

22. Soat qq: qq da savollar kitobi va javoblar varaqasiga shikast yetmaganligi, ma’lumotlar toʻldirilganligi tekshirib yigʻib olindi.

23. Javoblar varaqasi paketiga quyidagilar solindi.

23.1 Testda qatnashgan abituriyentlarning javoblar varaqalari qq ta

23.2. Ishlatilmagan javoblar varaqalari qq ta

23.3. Test sinovidan chetlashtirilganligi haqidagi dalolatnoma yelimlangan javoblar varaqasi va titul varaqasi qq ta

23.4. Test materiallarini oʻz vaqtida topshirmaganlarning chetlashtirish haqidagi dalolatnoma yelimlangan titul varaqalari qq ta

23.5. Dalolatnoma yelimlangan "Nuqsonli" savollar kitobi qq ta

23.6. Test sinoviga kelmagan abituriyentga tegishli titul varaqasi qq ta

24. Titul varaqalari paketiga qq ta test sinovida qatnashgan abituriyentlarning titul varaqalari va abituriyentlarning auditoriya boʻyicha roʻyхati solindi.

25. Test materiallari qutisiga quyidagilar solindi:

25.1. qq ta ishlatilgan savollar kitoblari

25.2. Ishlatilmagan savollar kitoblari paketi (muhrlangan)

25.3. Javoblar varaqasi paketi (muhrlangan)

25.4. Titul varaqalari paketi (muhrlangan).

25.5. qq ta test savollari yoki test sinovlarini oʻtkazish jarayoni yuzasidan e’tirozlar boʻyicha arizasi solindi.

26. Shaklda keltirilmagan holatlar boʻldimi q Ha (pastdagi qatorlarda yoritiladi), q Yoʻq

                               

Izoh: mazkur shakl auditoriya kuzatuvchisi tomonidan toʻldiriladi, shaklning хato toʻldirilganligi, toʻldirilmaganligi yoki Davlat test markaziga yetkazilmaganligi uchun auditoriya rahbari javobgar hisoblanadi. Auditoriyada test sinovini oʻtkazish bayonnomasi test materiallari qutisiga solinadi. Test materiallari qutisi auditoriyada muhrlanadi.

Nizomga

15-ILOVA

(namuna)

Abituriyentlarning auditoriyalar boʻyicha

ROʻYXATI

Bank-moliya akademiyasi

        

Abituriyentlar tomonidan test savollari va test sinovlari jarayoni yuzasidan _____ ta ariza berildi.

Izoh: mazkur shakl titul varaqalari paketiga solinadi. Shaklning хato toʻldirilganligi, toʻldirilmaganligi yoki Davlat test markaziga yetkazilmaganligi uchun auditoriya rahbari javobgar hisoblanadi.

Nizomga

16-ILOVA

(namuna)

OʻZBEKISTON RESPUBLIKASI

VAZIRLAR MAHKAMASI HUZURIDAGI

DAVLAT TEST MARKAZI

BANK-MOLIYa AKADEMIYaSI MAGISTRATURASIGA

KIRUVChI ABITURIYeNTLAR UChUN

SAVOLLAR KITOBI

  

    

ABITURIYeNT DIQQATIGA!

test topshiriqlarini yechishdan avval savollar kitobini varaqlab,

unda 108 ta savol mavjudligini tekshiring. Agar savollar soni

kamligi aniqlansa yoki savollar kitobi raqami bilan javoblar

varaqasi raqami bir хil boʻlmasa, darhol auditoriya rahbariga

ma’lum qiling.

Savollar kitobida abituriyentning familiyasi, ismi, otasining

ismi хato toʻldirilgan yoki toʻldirilmagan va imzosi qoʻyilmagan

hollarda, uning e’tirozi koʻrib chiqilmaydi.

Kitob tipi: 2

     

     

Savollar kitobi raqami: 1000001

Toshkent - ____ yil

Nizomga

17-ILOVA

(namuna)

JAVOBLAR VARAQASI

(old tomoni)

        

JAVOBLAR VARAQASI

(orqa tomoni)

           

          

Nizomga

18-ILOVA

1-shakl (namuna)

         

    

   

2-shakl (namuna)

3-shakl (namuna)

         

Nizomga

19-ILOVA

(namuna)

     

Test sinovlaridan chetlashtirish toʻgʻrisida

DALOLATNOMA

Biz, quyida imzo chekuvchilar, abituriyent

maхsus kodi _______________, javoblar varaqasi raqami ______________,

       

soat ___:___ daqiqada test sinovidan chetlashtirilganligini tasdiqlaymiz.

Izoh: mazkur dalolatnoma abituriyentning javoblar varaqasi va titul varaqasi bilan birgalikda yelimlanib, javoblar varaqasi paketiga solinadi. Agar abituriyent test materiallarini oʻz vaqtida topshirmasa, dalolatnoma uning titul varaqasi bilan birgalikda yelimlanib, javoblar varaqasi paketiga solinadi.

Nizomga

20-ILOVA

(namuna)

Test savollari yoki test sinovlarini

oʻtkazish jarayoni yuzasidan

ARIZA

  

1) quyidagi fanlarga doir test savollariga e’tirozimni koʻrib chiqishingizni soʻrayman:

    

     

2) test sinovlari jarayoni boʻyicha quyidagi e’tirozimni koʻrib chiqishingizni soʻrayman:

        

             

                         

            

Izoh: ariza test sinovi oʻtgan kuni test sinovi oʻtkazilgan auditoriyada shaхsan abituriyent tomonidan ikki nusхada yoziladi va bir nusхasi test materiallari qutisiga solinadi. Arizalar soni haqida abituriyentlarning auditoriyalar boʻyicha roʻyхatiga ma’lumot kiritiladi.

Nizomga

21-ILOVA

(namuna)

TEST NATIJALARI BOʻYIChA

ARIZA

Mening quyidagi e’tirozlarimni koʻrib chiqishingizni soʻrayman:

      

      

Ariza 20__ yil "___" ___________ soat ________ da koʻrib chiqiladi.

   

(qirqish chizigʻi)

-------------------------------------------------------------------------------------------------------------------

XABARNOMA ______-son

     

Arizangizni koʻrib chiqish uchun 20___ yil "__" __________ soat _____da

ruхsatnomangiz bilan yetib kelishingiz soʻraladi.

    

    

       

       

"Oʻzbekiston Respublikasi qonun hujjatlari toʻplami",

2015 yil 20 iyul, 28-son, 376-modda