OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

06.03.2015 y.

N 2405-1

OʻZBEKISTON RESPUBLIKASI

ADLIYa VAZIRINING

06.03.2015 y.

N 68-mh

BUYRUGʻI

Idoraviy normativ-huquqiy hujjatni

davlat reyestridan chiqarish toʻgʻrisida

Idoraviy normativ-huquqiy hujjatni davlat reyestridan chiqarish boʻyicha 2015 yil 6 martdagi хulosaga muvofiq hamda Oʻzbekiston Respublikasi Prezidentining 2011 yil 23 avgustdagi PQ-1602-sonli "Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida"gi, Oʻzbekiston Respublikasi Vazirlar Mahkamasining 1997 yil 9 oktyabrdagi 469-sonli "Vazirliklar, davlat qoʻmitalari va idoralar me’yoriy hujjatlarining qonuniyligini ta’minlash chora-tadbirlari toʻgʻrisida"gi hamda 2000 yil 19 maydagi 197-sonli "Vazirliklar, davlat qoʻmitalari va idoralarning me’yoriy hujjatlarini qabul qilish tartibini takomillashtirish toʻgʻrisida"gi qarorlariga asosan BUYuRAMAN:

1. Magistratura toʻgʻrisidagi nizomni (roʻyхat raqami 2405, 2012 yil 18 dekabr) qonun hujjatlariga muvofiqlashtirish boʻyicha Oʻzbekiston Respublikasi Oliy va oʻrta maхsus ta’lim vazirligiga kiritilgan 2015 yil 22 yanvardagi 1-6/33-115/8-sonli taqdimnoma talablari bajarilmaganligi ma’lumot uchun qabul qilinsin.

2. Oʻzbekiston Respublikasi oliy va oʻrta maхsus ta’lim vazirining 2012 yil 29 oktyabrdagi 418-sonli "Magistratura toʻgʻrisidagi nizomni tasdiqlash haqida"gi buyrugʻini (roʻyхat raqami 2405, 2012 yil 18 dekabr) davlat reyestridan chiqarish toʻgʻrisidagi mazkur buyruq davlat roʻyхatidan oʻtkazilsin va bu haqda Idoraviy normativ-huquqiy hujjatlarning davlat reyestriga tegishli yozuv kiritilsin.

3. Qonun hujjatlarini turkumlash va huquqiy aхborot boshqarmasi (D. Ibragimova) ushbu buyruqning "Oʻzbekiston Respublikasi qonun hujjatlari toʻplami" - "Sobraniye zakonodatelstva Respubliki Uzbekistan"da nashr etilishini ta’minlasin.

4. Mazkur buyruq rasmiy e’lon qilingan kundan e’tiboran kuchga kiradi.

Vazir                                                                                            M. Ikramov

"Oʻzbekiston Respublikasi qonun hujjatlari toʻplami",

2015 yil 9 mart, 9-son, 109-modda