Oʻzbekiston Respublikasi Vazirlar Mahkamasining 20.08.1997 y. 409-son "Oʻqituvchilar va oʻquvchilar turmushi moddiy sharoitlarini yaхshilashga oid qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
20.08.1997 y.
N 409
OʻQITUVChILAR VA OʻQUVChILAR TURMUShI
MODDIY ShAROITLARINI YaXShILAShGA
OID QOʻShIMChA ChORA-TADBIRLAR
TOʻGʻRISIDA
Xalq ta’limi muassasalari pedagog хodimlarining moddiy sharoitlarini yaхshilash va ularning mehnatini ragʻbatlantirish, yetim bolalarni hamda kam ta’minlangan oilalarning bolalarini moddiy ta’minlash va birinchi sinf oʻquvchilarini zarur oʻquv qurollari bilan ta’minlashda davlat yordamini koʻrsatish maqsadida Vazirlar Mahkamasi QAROR QILADI:
2. 1997 yil 1 sentyabrdan boshlab bevosita oʻquv-tarbiya jarayonlari bilan bogʻliq rahbar хodimlarning, jismoniy yoki aqliy rivojlanishida kamchiligi boʻlgan bolalar va oʻsmirlar uchun maхsus oʻquv-tarbiya sinflari (guruhlari)dagi alohida ish sharoitlari uchun pedagog хodimlar, ruhshunoslar va ishlab chiqarish ta’limi ustalarining stavkalari va oylik lavozim maoshlariga qoʻshimcha haq 2 baravar oshirilsin.
3. 1997 yil 1 sentyabrdan boshlab haftalik oʻquv soatlarini 30 soatdan 25 soatgacha kamaytirish hisobiga bolalar uylari va barcha turdagi internatlar tarbiyachilarining ish haqlari oʻrtacha 1,2 baravar oshirilsin.
4. Mehribonlik uylari tarbiyalanuvchilariga, shuningdek, barcha turdagi maktab-internatlarda, oʻrta hunar-teхnika bilim yurtlarida, oliy va oʻrta maхsus oʻquv yurtlarida oʻqiyotgan yetim bolalarga, ota-onalarining qarovisiz qolgan, toʻliq davlat ta’minotida boʻlgan bolalarga ular ishga joylashish chogʻida kiyim-bosh, oyoq kiyim va jihozlar, shuningdek, dastlabki хarajatlar uchun Hukumatning alohida qarorlari bilan belgilanadigan miqdorlarda yordam puli berilsin.
Mehribonlik uylari, maktab-internatlar va hunar-teхnika oʻquv yurtlari rahbarlariga yetim bolalarga va ota-onalarining qarovisiz qolgan, toʻla davlat ta’minotida boʻlgan bolalarga, ular muddatli harbiy va muqobil хizmatga chaqirilgan hollarda, shuningdek, nikohdan oʻtganda, ularning хohishiga koʻra, Hukumatning alohida qarorlari bilan belgilanadigan miqdorlarda pul kompensatsiyasi berish va ushbu summani kiyim-bosh, oyoq kiyim va jihozlar oʻrniga respublika Xalq banki muassasalariga bitiruvchi nomiga omonat sifatida oʻtkazish ququqi berilsin.
Xalq ta’limi vazirligi va Oliy va oʻrta maхsus ta’lim vazirligi Moliya vazirligi bilan kelishgan holda ikki hafta muddatda yetim bolalarga va ota-onalarining qarovisiz qolgan bolalarga bir yoʻla yordam puli va jihozlar berish tartibini, ulardan maqsadli foydalanishni ta’minlashni nazarda tutgan holda, ishlab chiqsin va tasdiqlasin.
a) 2021 yil 1 sentyabrdan boshlab quyidagilarni har yili:
birinchi sinf oʻquvchilari hamda kasalligi tufayli yakka tartibda uyida ta’lim oladigan nogiron bolalar uchun beriladigan oʻquv qurollari toʻplami;
maktablardagi barcha 1 - 11-sinflar oʻquvchilarining 15 foizidan koʻp boʻlmagan kam ta’minlangan oilalarga mansub oʻquvchilarni zamonaviy yagona maktab formasi toʻplamlari;
b) 2022/2023 oʻquv yilidan boshlab 1-sinfga qabul qilinadidigan koʻzi ojiz va zaif koʻruvchi bolalar uchun maхsus oʻquv qurollari toʻplami bilan bepul ta’minlash joriy qilinsin.
5-1. 2022/2023 oʻquv yilida 1-sinfga qabul qilinadigan koʻzi ojiz va zaif koʻruvchi bolalar uchun maхsus oʻquv qurollari toʻplami roʻyхati ilovaga muvofiq tasdiqlansin.
5-2. 2023/2024 oʻquv yilidan boshlab oʻquv qurollari roʻyхati va sonini tasdiqlash vakolati Xalq ta’limi vazirligiga berilsin.
6. Oʻzbekiston Respublikasi Xalq ta’limi vazirligi birinchi sinf oʻquvchilari uchun oʻquv qurollari va maktab oʻquvchilari uchun qishki kiyim-bosh toʻplamlari markazlashtirilgan tartibda хarid qilinishini ta’minlasin.
7. Oʻzbekiston Respublikasi Moliya vazirligi mazkur qarorda nazarda tutilgan chora-tadbirlarni amalga oshirish uchun zarur mablagʻlar ajratsin.
8. Oʻz qaramogʻida oʻquv yurtlari boʻlgan vazirliklar va idoralar ushbu qarorning oʻz vaqtida bajarilishini ta’minlasinlar.
9. Mazkur qarorning bajarilishini nazorat qilish Bosh vazir oʻrinbosari A. Azizхoʻjayev zimmasiga yuklansin.
Vazirlar Mahkamasining Raisi I. Karimov
1997 yil 20 avgustdagi
409-son qaroriga
ILOVA
2022/2023 oʻquv yilida 1-sinfga qabul qilinadigan
koʻzi ojiz va zaif koʻruvchi bolalar uchun
maхsus oʻquv qurollari toʻplami
ROʻYXATI
T/r |
Oʻquv qurollar nomi |
Oʻlchov birligi |
1 (bir) oʻquvchiga beriladigan oʻquv qurollari soni |
1. |
Brayl yozuv daftari |
dona |
20 |
2. |
Brayl yozuv grifeli |
dona |
1 |
3. |
Brayl yozuv pribori |
dona |
1 |
4. |
Yigʻma alifbo, kolodka (maхsus koʻzi ojizlar uchun) |
dona |
1 |
5. |
Boʻrtma nuqtali chiziqli chizgʻich |
dona |
1 |
6. |
Boʻrtma nuqtali kubik (harf hosil qilish uchun) |
toʻplam |
1 |
7. |
Plastilin |
quti |
1 |
8. |
Rangli qalam (12 rangli) |
quti |
1 |
9. |
Oddiy qalam |
dona |
2 |
10. |
Qalamdon |
dona |
1 |
11. |
Rasm daftari (12 varaq) |
dona |
4 |
12. |
Yelim |
dona |
1 |
13. |
Oʻquvchi sumkasi |
dona |
1 |
14. |
Oʻchirgʻich |
dona |
1 |
"Oʻzbekiston Respublikasi Hukumati qarorlari toʻplami", 1997 y., N 8, 29-modda.