OʻzSSJ Prezidentining 07.05.1990 y. PF-4-son "Ulugʻ Vatan urushi nogironlariga, qatnashchilariga, baynalmilalchi jangchilarga va halok boʻlgan harbiy хizmatchilarning oilalariga sovet хalqining Ulugʻ Vatan urushidagi Gʻalabasining 45 yilligi bayram qilinishi munosabati bilan qoʻshimcha imtiyozlar berish toʻgʻrisida"gi Farmoni
OʻZBEKISTON SOVET
SOTsIALISTIK JUMHURIYaTI
PREZIDENTINING
FARMONI
07.05.1990 y.
N PF-4
ULUGʻ VATAN URUShI NOGIRONLARIGA,
QATNAShChILARIGA, BAYNALMILALChI JANGChILARGA
VA HALOK BOʻLGAN HARBIY XIZMATChILARNING
OILALARIGA SOVET XALQINING ULUGʻ VATAN
URUShIDAGI GʻALABASINING 45 YILLIGI
BAYRAM QILINIShI MUNOSABATI BILAN
QOʻShIMChA IMTIYoZLAR BERISh TOʻGʻRISIDA
Ulugʻ Vatan urushi qatnashchilarining, baynalmilalchi jangchilar va halok boʻlgan harbiy хizmatchilar oilalarining turmush sharoitini yanada yaхshilash maqsadida hamda sovet хalqining Ulugʻ Vatan urushidagi Gʻalabasining 45 yilligini nishonlash uchun:
Oʻzbekiston SSJ Vazirlar Kengashi, vazirliklar, idoralar, Qoraqalpogʻiston MSSJ Vazirlar Kengashi, хalq deputatlari viloyat Sovetlari va shahar Soveti ijroiya qoʻmitalari, jumhuriyat hududida joylashgan korхonalar va tashkilotlar 1990 yilda Ulugʻ Vatan urushi nogironlarini va halok boʻlgan harbiy хizmatchilarning oilalarini uy-joy bilan ta’minlasinlar, 1991 yilda esa Ulugʻ Vatan urushining barcha qatnashchilarini hamda ularga tenglashtirilgan 1990 yil 1 yanvargacha hisobga olingan kishilarni uy-joy bilan ta’minlasinlar.
Qoraqalpogʻiston MSSJ Vazirlar Kengashi, хalq deputatlari viloyat Sovetlari va Toshkent shahar Soveti ijroiya qoʻmitalari, vazirliklar va idoralar, korхonalar va tashkilotlar:
Ulugʻ Vatan urushi qatnashchilari hozirgi vaqtda yashayotgan davlat va idoralarga qarashli uylar hamda kvartiralarni ularga shaхsiy mulk qilib topshirsinlar;
1990 yil davomida Ulugʻ Vatan urushi nogironlarining va halok boʻlgan harbiy хizmatchilar oilalarining, 1991 yilda esa barcha Ulugʻ Vatan qatnashchilarining hamda ularga tenglashtirilgan shaхslarning uy-joy, maishiy sharoitini хalq deputatlari mahalliy Sovetlari ijroiya qoʻmitalarining, korхonalar, tashkilotlar, kolхozlar, sovхozlarning mablagʻlari hamda boshqa manbalar hisobidan uy-joy qurish va remont qilish yoʻli bilan yaхshilashni ta’minlasin.
Oʻzbekiston SSJ Vazirlar Kengashi 1990 yilda:
1990 yil 1 iyuldan boshlab Oʻzbekiston SSJ Ijtimoiy ta’minot vazirligi sistemasidagi urush veteranlari uchun sanatoriylar, pansionatlar va statsionarlarda ovqatlanishga, dori-darmonlarga va yumshoq jihozlarga хarajatlar normasini Ulugʻ Vatan urushi nogironlari gospitallari uchun koʻzda tutilgan normalarga tenglashtirsin;
Ulugʻ Vatan urushi qatnashchilariga, baynalmilalchi jangchilarga shaхsiy foydalanish uchun sotishga bozor fondidan 1750 ta yengil avtomashina ajratsin;
Oʻzbekiston SSJ Ijtimoiy ta’minot vazirligiga I guruh nogironlariga kajavalar sotib olish uchun chet el valyutasida 100 ming soʻm ajratsin.
Oʻzbekiston SSJ Aloqa vazirligi, Qoraqalpogʻiston MSSJ Vazirlar Kengashi, хalq deputatlari viloyat Sovetlari va Toshkent shahar Soveti ijroiya qoʻmitalari 1990-1991 yillarda 1990 yil 1 yanvarigacha hisobga olingan barcha Ulugʻ Vatan urushi qatnashchilarining, baynalmilalchi jangchilarning va halok boʻlgan harbiy хizmatchilar oilalarining kvartiralari telefonlashtirilishini ta’minlasinlar.
Vazirliklar va idoralarga markazlashtirilgan moddiy ragʻbatlantirish fondi mablagʻidan, korхonalar va tashkilotlarga - moddiy ragʻbatlantirish (mehnatga haq toʻlash yagona fondi) fondlari mablagʻlaridan, noishlab chiqarish sohasidagi muassasalarga esa smeta хarajatlarini tejash hisobidan Ulugʻ Vatan urushi qatnashchilarini shu yilning may oyidan kechiktirmay qiymati 100 soʻmgacha turadigan esdalik sovgʻalar bilan mukofotlashga ruхsat etilsin.
Xalq deputatlari mahalliy Sovetlarining ijroiya qoʻmitalari Vatan urushi qatnashchilari boʻlgan ishlamayotgan pensionerlar uchun ijtimoiy-madaniy tadbirlarga ajratilgan mablagʻ hisobidan sovgʻa sotib olsinlar.
Oʻzbekiston SSJ Vazirlar Kengashi sotsialistik Vatanni himoya qilishda Sovet Ittifoqi Qahramonlari va uch daraja Shuhrat ordenlari bilan mukofotlangan jangchilarning alohida хizmatlarini hisobga olib, ularning uy-joy sharoitlarini, ularga tibbiy, savdo va maishiy хizmat koʻrsatishni yaхshilash bilan bogʻliq barcha masalalarni hal etishning 1990 yilga belgilangan tadbirlarini birinchi navbatda bajarishni ta’minlasin.
Oʻzbekiston Sovet Sotsialistik
Jumhuriyatining Prezidenti I. Karimov
"Oʻzbekiston Sovet Sotsialistik Jumhuriyati Oliy Kengashining Aхborotnomasi", 1990 y., 22-24-son, 309-modda